بس لو تصعد للثريا ما تلحگ البصرة
وحگ الواســـــــــــــــــــع بسمعه و ........ بصره
وعدوي لو نظرني بشــر ماخوفني .......... بصرة
بصريه انه ولحد المــــوت اعشگ .......... البصرة

__________________

((*ممنوع الفرح*))

متواعد ويه الفرح
والوعد صارله سنين
لا مر علي بحلم
ولا شفته شوف عين
ناشدت وين الفرح؟
كالولي متأسفين
ممنوع هسه الفرح ،، عن كل العراقيين

__________________

((*دعوة الى العراقيين*))

ندعي سوه و احنه بهل الشدة ،، ربي كل باب حزن مفتوح رده
و كل تدفق دم يا ربي سده ،، و كافي ياموت سيفك كاعد اتحده
مو صبرنا بصبر ايوب و جده ،، و صبرنه سنين تره وصل حده
مد يا فرح شوي فراشك مده
.شو امكطع خيوطك وجم عكدة و عكدة
آخ شكد جثث بعد تحملين يا سده
و شكد يا فرات شوكك لدجله
حزني جبير و ما واصل حزن كده
واذا في يوم الدمع نكر خده ،، واذا في يوم البحر نكر مده
و اذا في يوم الشتا نكر برده
و الصيف صار الثلج عنده ،، ما انسى العراق و لا انسى شمته
يكلولي بس الموت هذا العراق عنده
اموت بحضن العراق تره ماكو وطن بعده
لا والله ماكو وطن بعده
لا والله ماكو وطن بعده

__________________

مل مني القلم ومن القلم مليت
عمت عينه قلمنه الما نفع شِعره

تعب حته الشِعر ويه العراقيين
وصار بحال اهلنه وبالعراق ادره

رسمت حروف العراق برسم فنان
وجمعت اربيل والانبار والبصره

وگلت لازم حروفي توحد الخوّان
ما معقوله هيچ تصير فد مره ورديت ولگيت دموع عالوجنات
حروف الي رسمتهه اليوم متطشره

__________________

تعرف الظلم؟؟؟؟؟ عندك وطن وما تقدر تسكن بيـــــــــه ..........

تعرف الصعب؟؟؟؟؟ عندك وطن و تريد تبنيــــــــــــــــــه ..........

تعرف القهر؟؟؟؟؟ عندك وطن مجروح و تزيد الألم بيـه ..........

تعرف اكبر جرم؟؟؟؟؟ عندك وطن و ما تعتني بيــــــــــه ..........

عشقتك يا عراق مو بس علمود بيك ميـــــــــــــــــــــــزة ..........

بس علمود بيك ارواح على قلبي عــــــــــــــــــــــــــزيزة ..........

__________________