عيون العرب - ملتقى العالم العربي

العودة   عيون العرب - ملتقى العالم العربي > عيون الاقسام الخاصة > مدونات الأعضاء

مدونات الأعضاء دفتر يوميات الأعضاء خاص بالعضو ذاته ولا يحق لأي عضو الرد أو التعقيب قسم يسمح للأعضاء بإضافة تدويناتهم اليومية الخاصة لمشاركتها مع مئات الآلاف من الاعضاء والزوار يومياً .. مدونات - مدونة

Like Tree3046Likes
إضافة رد
 
LinkBack أدوات الموضوع انواع عرض الموضوع
  #6  
قديم 11-08-2013, 02:05 AM
 
لالالا
ما عندي نوم ابد
--------------------
نتاتيف من عيال اخواني جايين بحركة

يعني اكبرهم الحساس اياد عمره 4 سنوات

يليه الملكع نواف 3 سنوات

بعده الفتنه لين سنتين وكلمة فتنه ﻻ تمت للجمال بصله بل المقصود منهاا انها

تبدع في نشر الفتن

بعدهاا ادلخ ما خلق ربي همس وعمرهاا سنة واحدة

والمولود حديثاا سطام ولن يذكر بتاتاا بمواقفهم نظراا لانعدام اثره

بالعربي كلهم اتولدوا بنفس الفتره وبين كل واحد وواحد سنة بالتمام

..

مرة كنا نفطر وبكل براءة قال نواف للين : انتي ماما ..!

قالت له : ﻻ انا لين

قال نواف : انتي لين ..؟

قالت : ايوه .

قال : وانا نواف ..!

ههههههه صراحة لما شفت تعابير وجوههم الجدية لم اتمالك نفسي وفطست ضحكاا

..

همس كالعادة ترعى في ارض الله

ولين بكل مكر حطت قدامهاا قلم

بكل براءة من همس تقدمت واخذت القلم

وبكل عنفوان جات لين وسحب القلم باشرس اسلوب

اضطرت همس انها تقنع نفسهاا وانشغلت بشي ثاني

جات فتنة النساء لين وحطت القلم قدامها للمرة الثانية وبكل اغراء

وكالعادة دﻻخة همس اجبرتهاا انها تاخذ القلم

مما خﻻ لين تسحبه باسلوب اعنف من المرة الاولى

وهكذا استمرت السالفة لمرة ثالثة لين جا اخوي وصرفهم

..

نواف فيه من اللكاعه الكثير والكثير

فمره من المرات وزعت اختي اقﻻم واوراق علهم ينشغلون عناا قليل

فالاخوان بدل ما يشخمطون ع الاوراق اتخذوا الجدار سبورة

هاوشتهم اختي واخذت اقﻻمهم فاياد ولين بسرعه اعطوها الاقﻻم

اما نواف ﻻاا مستحيل يبين ضعفه

قرب منهاا وهو يقول لهاا ﻻاا ما اعطيك قلم

وهي تزمجر وتتوعد فيه

لين الاخ شاف ما في امل وكبرياءة بيروح

فقرب منهاا واشر ع الحليب ويقول لهاا لهاا وهي تهاوش

: هذا حليب ..؟

بنفس اللحظة ارخى يده وقدرت اختي تسحب القلم منه

يعني زي اللي يشغلناا بالحليب عشان ﻻ ننتبه انه استسلم وسلم القلم

..

كلهم يلعبون

وفجاء اسمع اياد يقول : مين كلبي ..؟

وﻻ نواف ولين كل واحد يقول انا اناا .. انا كلبك هههههههه

صراحة هناا والله ما فكرت اكلمهم دامهم رضوا على نفسهم يكونوا كﻻب

براحتهم

..

من اول ما تكلمواا والمشاكل بينهم زادت اضعاااف

يعني فجاة تﻻقي نواف قال للين : ﻻ ما يروح معاناا

وتطلق لين صفارات الانذار وهاتك بكى والسبب ان نواف قال لها ﻻ

لدرجة لو قال نواف هذي ماما

قالت لين ﻻاا

بكى نواف وﻻ يسكت لين يعض لين

ومن مبداا الجزاء من جنس العمل ينمسك نواف ولين بكل شراسة تعضة

بالتالي يبكون كلهم
__________________


" قابليّةُ الصمود . "
.
.



رد مع اقتباس
  #7  
قديم 11-08-2013, 02:18 AM
 
مسلسل اتابعه

كل اللي فيه باردين على قلبي

والله حتى الاشرار ي حليلهم ما دعيت عليهم وﻻ حقدت وﻻ شي

اﻻ ام البطلة ما قدرت ابلعهاا ابد

رغم ان دورهاا عادي مجرد ام مالها اي بطولة

بس مررره ما قدرت اعديهاا

ناشبه لي

ترفع لي الضغط

وربي ودي بحادث يصفقهاا وﻻ مرض وﻻ تعتزل التمثيل

وجودهاا وعدمه واحد وﻻ ليه اصﻻاا والله يمكن عدمه افضل بكثيييير

المشكلة انهاا بسبع ارواح مالها نية تفطس وتفكني

اتوقع انا الوحيدة اللي معطيتهاا قيمة وﻻ هي ........... 《 خانني التعبير
__________________


" قابليّةُ الصمود . "
.
.



رد مع اقتباس
  #8  
قديم 11-08-2013, 02:19 AM
 
كيف اقنع اختي اني ما ابي احضر الدورة اليوم

فضﻻاا على اني ادفع رسومهاا

قررت من امس اني ما اروح ولما قلت لهاا

مسحت بقراري القاع

وقالت غصب تروحين

غير اني بتشيك واروح بدفع فلوس كمان

يعني مجهود نفسي وجسدي ومادي

بس للاسف اختي مصرة وبروح وبدفع غصب عني

ﻻ وكمان بكراا بعد اروح

كيف نفسيتي اليوم ..؟؟!!

صراحة اروح ادور لي اي شي انتحر من فوقه
__________________


" قابليّةُ الصمود . "
.
.



رد مع اقتباس
  #9  
قديم 11-08-2013, 02:21 AM
 
بعض الناس وبعض الناس 《 يعني شخصين

اهو انا بموقع الدورة ومدري عاد بستفيد وﻻ ﻻاا

ما بخشش وﻻ معلومة مخي عناد باختي

غير كذا من البداية وهي ملزمة علي اروح ما خلت لي راي ابدا

ودي ابتسي 350 ريال راحت علي

طبعا هي دفعت 200 وانا كملت ال 150

بس مهما كان ها المية والخمسين تعشيني اسبوع من مختلف المطاعم

الجو هاادي والاضاءة خافته تجيب النوم

وصوت الموسيقى صك اذني وﻻ وحدة في اللي موجودات طلعت حرف

الكل ساااكت

شلون بسولف انا

اساساا توي اول ما دخلت جلست وكانت في وحدة بنفس القروب

اول ما تكتكت بالجلسة قالت لي مدري وش يعني بدت تتكلم

وانا اساسا مو عاجبني المكان

على طول سحبت قشي ونقلت والسبب المكان مو هي

يخي لو تكلمت الشارع سمع سوالفي هذا وحلقي تعبان

مافي مافي النفسية خربانة من اول ما دريت ان في دورة

ﻻ تحاولون ماراح تتعدل
__________________


" قابليّةُ الصمود . "
.
.



رد مع اقتباس
  #10  
قديم 11-08-2013, 02:26 AM
 
مرتا من المراير

كنت محسسة نفسي غصب اني مظلومة

تقسمنا انا واخواتي شغل البيت واعطوني اتفه الاجزاء

مو ﻻني اصغر وحدة ﻻﻻ في اصغر مني وارجل مني

اﻻ ﻻني اجيب صداااع لين اقوم

غير كذا شغلي لكم عليه

وهو كل اللي علي اكنس الدرجة ودور واحد بسسس

واقوم انا الخادمة النشيطة واكنس بكل اجتهاد

واحسني قسم بالله اني كني اكنس الشارع

وبعد مجهود عظيم خلصت

و امي كانت بتنزل قراشع ومن ضمنها رز

وانا منتهية ركزوا بالله

السالفة ان شويية من الرز اتناثر ع الدرجة

جاتني ذيييك الجلطة اللي حسستني بمقدار معاناة سندريﻻ

اجلس ع الدرج وعيناني تملؤها هذيك النظرة الاندهاشية

اقول بنفسي مستحيل احد يفكر اني بعيد الكناسة

ﻻنه حكم علي وللاسف انه انا اللي اعدل الوضع

واجلس ع الدرجة هذيك الجلسة المظلومية

وابكيييي وباب الشارع مفتوح

لين مر بس .. قطو .. وكان بيدخل البيت

وقتها

كمية من القهر .. قهر المظلوم

والغضب

والحزن الشدييييد

وبكل عنفوان قلت للبس

اننننقلع

المشكلة ان الحدث هذا كان على دخلة ولد اخوي الكبير

لكن ان تتخيلوا ما هو وضعه الان

تسدح ضحك وﻻ بقى احد بالعيلة اﻻ درى اني قلعت البس

واللي يسال عن مصير البس المجهول

اذكر انه فز يومها وكره الساعه اللي شاف فيها باب بيتنا
__________________


" قابليّةُ الصمود . "
.
.



رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
ظِلالٌ من الذاكرة قْلْبْ إنْسْآنْ نثر و خواطر .. عذب الكلام ... 28 12-01-2012 10:20 PM


الساعة الآن 02:03 AM.


Powered by vBulletin®
Copyright ©2000 - 2024, vBulletin Solutions, Inc.

شات الشلة
Powered by: vBulletin Copyright ©2000 - 2006, Jelsoft Enterprises Ltd.
جميع الحقوق محفوظة لعيون العرب
2003 - 2011