عيون العرب - ملتقى العالم العربي - تزوجتك غصب بس حبيتك غصب عني روايتي من تأليفي

أبو شوق وهو حامل الأكياس : شوق
شوق تلتفت لأبوها : هلا يبه
أبو شوق : تفضلي هذا لك
شوق تناظر بالكيس : ااخ يبا شدراك اني جوعانة تسلم
أبو شوق : الله يسلمك تعالو الغرفة كلنا جميع
محمد : يالله
وتجمعو جميع عائلة شوق وقعدو يسولفون
شوق : يبه ذكرياتي مع المسبح وانا صغيرة كلها زفت وزين مني صرت اتقبل هالشي
محمد يضحك : تذكرين لماا كنتي 10 سنوات وطبيتي المسبح مسوية فيها انا سباحة وتغرقين " شد على كلمة " لو ماانا كان انتي علوم
شوق تناظره : الله عاد يالسباح
أم شوق تناظر عيالها وتضحك : هههههه خلكم من ذا شوفو ابوكم ماتذكرون شصار
ابو شوق : ههههههههه ولابتنسون
شوق : يبه شلون ننسى
محمد تثاوب : تأخر الوقت انا بروح انام
شوق تتمسك فيه : حمود واللي يسلمك لاتنام انت جبت البليستيشن عفية بلعب معاك
محمد : هاا .. تعبان بنام بكرة ان شاء الله
شوق : الله يخليك
محمد يفرك عيونه : طيب قومي
شوق فرحت : يالله
وراحت الغرفة معاه وشغل التلفزيون وشبك الوايرات على التلفزيون .. وقامو يلعبون
محمد : ايش تبغين فريقك
شوق : برشلونة اكيد
محمد : خفي شوي انا بعد برشلونة
شوق : لامايصير اخذ مانشستر
محمد :هههه باخذ مدريد
وقامو يلعبو ومر الوقت وهم للحين سهرانين
جاسم فتح الباب بقوة : شووق
محمد : هلا جاسم تعال اقعد العب معانا
جاسم يخز شوق : لاانا تعبان مالي خلق
محمد يطالع شوق : يالله كانك طيحتي الميانة روحي
شوق خافت : ها لا انا مو جايني نوم
جاسم يسحب ايد شوق وطيحت الي بأيدها
محمد طالعها : نكمل بكرة
جاسم سلك لمحمد بأبتسامة
شوق تسحب ايدها : ايش تبي ؟ ما ابا انام ابي العب
جاسم يناظرها : احلفي بس مو كافي انك هربتي تبين اعطيك كف
شوق تضحك : طيب انا ب
جاسم قاطعها : وقسم بالله ان عدتي هالحركة بدوس بطنك فاهمة
شوق متخصرة : لا موفاهمة
جاسم وبنبرة تهديد: مو فاهمة ؟
شوق خافت وانقلب وجهها : فاهمة خلاص
جاسم سحبها : عبالك بتهربين زي كل مرة انا قفلت الباب وشلت المفاتيح وطلعة من هنا مافي
شوق : اقولك شي
جاسم : ها
شوق : انت مريض
جاسم فتح عيونه : نععم
شوق انسدحت على الكنبة : الي سمعته وانا بنام الحين يالله تصبح على خير
جاسم انقهر بس سكت وانسدح على السرير ونام
شوق تطالعه شافته نايم فتحت الباب بشويش وطلعت راح غرفة اخوها شافته للحين قاعد : محمد
محمد : شوق شتسوين روحي نامي الوقت تأخر
شوق : مافيني نوم قلت اجي اكمل معاك
محمد : يالله بنغير السيدي بنلعب اكشن
شوق : يالله
وقامو يلعبون لحد آذان الفجر
طفى التلفزيون .. وقعد أبوه وامه وصلوا جميع
جاسم قعد التفت على الكنبة مالقاها انقهر طلع براا طق الباب على فاطمة لما قعدت عشان تصلي وراح لغرفة ابوه وامه طق الباب عشان يصلون .. راح الحمام وهو منقهر توضى وصلى ..
فاطمة تفرك عيونها :شوق
شوق : عيونها
فاطمة : للحين مو نايمة
شوق :لاء
فاطمة : انزين تعالي معاي الغرفة نقزرها افلام
شوق : جبتي الابتوب ؟
فاطمة : ايه وجبت افلام رعب فلم mama
شوق : الله الفلم ودي اشوفه الكل يتكلم عنه
فاطمة : بنصلي وبنطالعه اوكي
شوق : اوكي
صلوو .. وانسدحت شوق على سرير فاطمة حست روحها من زمان ماتنسدح على سرير وقعدو يطالعون فلم mama
جاسم عصب حيل لان شوق قاعدة تتهرب منه ماحب يتكلم
راح كمل نومته ..
اما محمد نام والبقية نامو ظلت شوق وفاطمة يطالعون الفلم
شوق : حمااااااس
فاطمة : يمه تخوف
شوق : هههههههههه مافيها شي
فاطمة : يماا شوفي البنات كيف
شوق : بعطيك كف ها خليني اطالع وانتي ساكتة
وطـالعو الفلم للساعة 5 ـالصبح .. راحت شوق الغرفة وانسدحت على الكنبة ونامـت
................
قعد جاسم الساعة 7 الصبح
طلع براا وقام يتمشى صوب المسبح
محمد : جاسم
جاسم التفت : هلا
محمد : ايش رايك نسبح ترا من جينا ولا سسبحنا
جاسم : يالله ههههههه
محمد نزل في المسبح : يالله تعال
جاسم : قوم دفني
محمد : بزر انت يالله انزل
نزل في المسبح وصارو يسبحون ويسولفون
طلعت ام شوق من الصـبح وراحت المطبخ تسوي فطور
محمد معلي صوته : يماا اهم شي شاهي
جاسم : ايه عمتي اهم شي نفتح راسنا من الصبح نروق
ام شوق : ان شاء الله
فاطمة لبست شالها وطلعت : هلا خالة خليني بساعدك
ام شوق : تسلمين . . شوق للحين ماقعدت
فاطمة : خالتي شوق امس سهرانة يعني مستحيل تقعد الحين نامت الساعة 5
أم شوق : اجل مابنخرب نومتها
فاطمة تصحي امها وابوها عشان يفطرون ..
وتجمعو كلهم على الطاولة الا شوق كانت نايمة
......................
جاسم دش الغرفة : شوق
شوق : هممم
جاسم :قومي بسك نوم
شوق تسحب البطانية وتغطي راسها : خلني انام
جاسم يهز كتفها : قومي احسن لك
شوق شالت البطانية من على وجهها : بنام تعبانة ماتحس
جاسم : واحد قالك سهري تستاهلين
شوق : اففف وانقلبت على الجهة الثانية وعطت ظهرها لجاسم
جاسم: انزين قومي على السرير بينكسر ظهرك
شوق بقلبها عساك الكسر : ماعليك مني خلاص بنااام خلني
جاسم بعناد : قووووومي احسن لك
شوق التفت له : نعم ؟ ايش تبي ؟ خير ؟ بنام تعبانة
جاسم انقهر : نامي جعلك ماتقومين
وطلع من الغرفة وسكر الباب بقوة
شوق انقهرت منه : مرريض
وكملت نومتهـا
.............................
تركي : ههههههه انت ماجيت الا وفيه مشكلة
جاسم : ماتخلصني انت وانا من جيتك قلت لي هالكلام
تركي : انا ادري بك ماتجي الا وقت المصلحة
جاسم عصب : خير ؟ انا مصلحجي لاكن الشره مب عليك علي انا
تركي يمسكه : جااااسم علامك صاير ماتتحمل مزح تعال ايش دخل مصلحجي امزح معك
جاسم : انا ادري عنك
تركي : يالله نمر على الشباب من زمان ماطلعنا جميع
جاسم : ايش رايك نسافر كم يوم البحرين
تركي : اي ووالله فديت البحرين واهلها لزوم نروح
جاسم :ايه يبه نروح نسكن عند خالد
تركي :خلاص حدد يوم ورايحين
جاسم : اليوم زين
تركي فتح عينه : ايش اليوم خلها لبكرة او بعد بكرة
جاسم : اليووم يعني اليوم
تركي : خلاص طيب نشوف الشباب
جاسم : يالله مشينـا خل نروح لهم
لمـا تجمعو جميع
مشعل : اليوم ؟؟ على الاقل بكرة
جاسم : اليوووم بنروح بالليل الساعة 9 احنا ماشين طيب
ابو ناصر : خلاص انا موافق خلنا نطلع شوي اختنقنا هنا
جاسم : طيب انااا ماشي عشان اجهز اغراضي والساعة 8 ونص نتلاقا هناا طيب والي بيتأخر بنسحب عليه
مشعل : على خير
جاسم : يالله مع السلامة
وركب السيارة ورآح الشاليه
محمد : شوق
شوق : هممممممم خلوني انام
محمد : بسك صارلك 10 ساعات
شوق تأفف : حاسدني عليهم حرام عليكم خلوني انام
محمد : طيب خلاص خلصتي النوم
شوق تقوم تفرك عيونها : افف خلاص جاية روح بغسل وجهي وجاية
محمد : يالله انتظرك
دخل جاسم لقى شوق قاعدة تعدل شعرها ماعطاها وجه
شوق عطته نظرة ال شفيك ؟
جاسم ماعطاها وجه
شوق طلعت منقهره منه
...............