عيون العرب - ملتقى العالم العربي

العودة   عيون العرب - ملتقى العالم العربي > عيـون القصص والروايات > روايات طويلة > روايات و قصص بالعاميه

روايات و قصص بالعاميه قصص و روايات باللهجه العاميه

Like Tree2Likes
 
 
LinkBack أدوات الموضوع انواع عرض الموضوع
  #1  
قديم 07-08-2013, 11:33 PM
 
Wink رواية ملاك و عيونها هلاك :ht:

السلام عليكم
حبيت انقل لكم هالروايه للمنتدي و انشاءااله تعجبكم مثل ما عجبتني ^__^ )
اتركم مع الروايه
المقدمهه


روايتنا تبدأ في السعوديه في احد مولاتها العريقه إلي تبونه عادي أي واحد المهم كان في بنت بالعبايه مرره كشخه وهي نجديه يعني من بنات الرياض وهم حلوات مررره وعيونها تخقق البنت رايحه هي وأخوها وأختها نسيت أقولكم البنت اسمها ملاك وأخوها عبدالله وأختها ابتسام
(ملاك)على اسمها ملاك حلوه شوي عليها كلمة حلوة شعرها اسود مثل سواد الليل وعيونها سوود ووسيعه وذا الرموش وجسمها يقطع القلب وخصرها نحيف البنت ملاك ربي خالقه وفيها دلع بس بس فيها قوه قوييييييييه تلعن خير إلي في وجهها وماعندها مانع تضارب مع أي احد يعني قوية عين وعنييييييييده إلي في بالها تسويه والي يغلط عليها ياويله

(عبدالله) أخوها اصغر واحد في أولى جامعه بالاحرى كلية الهندسه ماشاء الله مررره حلو ووسيم واذا اجتمع هو وابتسام تحف تحف يضحكون ملاك تبكي من الضحك

(ابتسام)ههههههههه وماادراك ماابتسام هذي البنت منشكحه هذي الكلمه هي الي طلعتها يعني الابتسامه ماتفارق براطمها ههههه قصدي فمها
وتموت الا وتضحك ملاك

البارت الاول:
في المول ملاك تمشي بسرعه وعبود وابتسام وراها ويسولفون ويضحكون عليها وهي تمشي مشمره وماسكه اكياسها بيدينها وشوي بتركض تبي تخلص بسرعه
ملاك:هيه انت وياه على ايش تضحكون فيه شي يضحك
ابتسام(وهي تكتم ضحكتها):هااه لا لا ملاااك انا جوعانه
عبود:حتى انا امشي نجلس شوي يابنت الحلال
ملاك:بسم الله تونا اللحين شاربين كافي وماكلين حلا عنبوكم انتم وين تودون ذا الاكل
عبود:وين يعني ببطونا
ملاك:هههه وانت الصادق كروشكم مالت عليكم
ابتسام:ملاك هذي امي تدق ياويلنا تأخرنا
(وردت)
سام:هلا هلا والله بالطش والرش والي يسمع صوتك يفنقس اا ...ا(تورطت)
ام عبود:اقول انتي يالبطه خلي عنك الهرج وراكم متاخرين بسرعه اخلصوا فيه ناس بيجونا
سام:ناس بيجونا من ياربي يمه
ملاك تناظر وتاخذ الجوال
ملاك:وشووووووووووووووو يمه انتي تعرفين اني ماحب احد يجينا
ام عبود:بسم الله الناس يقولون السلام ماما اشتقنالك شي
ملاك:ماما اقول اتركي عنك الشوق توني شايفتك من الي بيجي ياميمتي
ام عبود:وحده من رفيقاتي
(عبود منشكح فرحان لانه هذا يعني انه بيطلع ويفلها مع اخوياه)
((وطول ذا الوقت وفيه واحد يراقبهم ونظاراته تهز جبل ))
:يابن الحلال اترك عنك ذي البنت شكلها عصبيه ماشفت كيف تمشي وتكلم كنها بضارب وشكلها صعبه
:هذا الي يعجبني صعب المنال هههه والله مأكون فيصل ان ماجبتهاوالليله بعد وش رايك
:فيصل قل لا اله الا الله اتركها موب امس انت جبت ذا اللبنانيه المزيونه وهي خاقه عندك
فيصل: اسمع يامحمد انا قلت بأجيبها يعني بأجيبها انت ماتشوف عيونها ياخي البنت شكلها تقطع القلب أنا ماخقق بي إلا عيونها
محمد:لا حول ولا قوة الا بالله امري لله طيب كيف بتعطيها الرقم وذا الي معها شكله اخوها
فيصل:انا فيصل ورع مثل ذا يوقفني تعال وتعلم من يور ماستر(يعني سيدك)
راح فيصل ومحمد وقربو منهم
((ملاك سكرت وهي معصبه وتكلم اخوانها))
ملاك:ياربي الله يهديك يايمه هذا وقت ام فيصل يالليل مطولك عبود امش تعال دور لي طاوله احتسرت وانتي ياسميسمه دقي على السواق يجي ياخذ ذا الاكياس
سام (اختصار):سؤال هذا كله عشان اننا بنسافر ولا ايش
ملاكhttp://www.cooolgirls.com/images/smi...wn.gifباستهبال) لا عشان ارتاح نفسيا (وبعصبيه)وانتي وش دخلك اخلصي يالله دقي وانتي ساكته
سام:بسم الله طيب طيب (وبصوت واطي) لاهاج العير مافيه حيله
ملاك : وشو وش قلتي
سام:هاه لا سلامتك ماقلت شي
(ولفت ملاك وجهها من الناحيه الثانيه واول مالفت لقت فيصل يطالع فيها )
ملاك:بسم الله وش يبي ذا بعد الله يستر
عبود:ملاك تعالي هنا
((وراحوا وجلسوا على الطاوله وراح فيصل ووقف قدامهم ))
ملاك:اوووووووف
عبود:وش فيك
ملاك:هااه لا سلامتك
سام:ملاك نتعشى
عبود:ايه تكفين ((ويناظرون فيها نظرات برائه))
ملاك:بسم الله لا تناظرون كذا اشكالكم تصير تخوف ...هممم طيب
عبود:فديتس
سام:ملاك ياحبينيلتس
ملاك: حشى هذا كله عشان العيشه طيب انا جيبلي اممممممممممم ابي اوكي جيبلي هرفي ابرك شي
سام:خلاص انا بجي معك ياعبود
عبود : طيب ملاك شوفي السواق جا
ملاك:زين محيميد ابو حميد امش خذ هذا وده للكار (اسمه محمد)
محيميد(يهز راسه):تيب مدام
سام:انا حاسه ان يوم راسه بيولي من كثر مايهزه
ملاك:اقول روحوا لأهون
عبود+سام:لا لا خلاص (وراحوا وهم يركضون)
فيصل:ورى الحلو زعلان
ملاك:وورى الشين ملقوف
فيصل:انا شين افااا بس طيب عشان ذا العيون بس نمشيها
ملاك:طيب امش وراها وعطني مقفاك يالله مانيب فاضيه لخشتك
محمد:لا صدق صدق الحلو زعلان
فيصل:مو حلو الا ملاك وعيونه هلاك
ملاك:اقول الله يهديك انت وياه روحوا شوفوا غيري موب انا الي بكلمتين اخق
محمد: انتي بس امري وتدللي والي تبينه بيصير صح فيصل
فيصل (وهو يناظر في عيونها):لا مو صح الا صحين
ملاك:والله
فيصل:إيه والله
ملاك:أي شي أي شي
فيصل:أي شي لو عيوني
ملاك:لا عيونك مأبيها
فيصل:أمري
ملاك (وقفت):انقلع
فيصل ومحمد: نعم
ملاك: مو أنت قلت أي شي طيب انقلع عن وجهي أنت وياه
((مالقيت إلا شوي عبود جاي ويطب على فيصل ويضربه ويضربه ضرب بن كلب ))
سام:إيه عبوووود عليك فيه ابن الذين الحقير خلك
ملاك:عبود عبود
((إلا شوي انقلبت الموازين صار فيصل هو إلي يضرب عبود وهو جالس فوقه وبوقس واثنين))
ملاك (جات عند فيصل وتضرب كتفه بقوه):قوم ياغبي يامجنون ياكلب
((وفيصل ولا سامع إلا شوي كف عالطاير في خشته ولان الحلوه أظافرها طويله فمشخته ونزل الدم منه))
فيصل وقف ولف يشوف من وين ذا الكف جئ
شاف ملاك واقفه وعيونها مليانه دموع وجات عنده
ملاك:من أنت عشان تضربه ياحيوان أنت الغلطان ولك وجه بعد تقعد تضربه أنت الطيب ماينفع معك الضرب هو إلي يمشيك بلا الحمار مايمشي إلا بالضرب هه لا وبعد أشبهك بحمار الحمار أعقل منك بعد
وسام جات عند عبود وقومته
عبود:تعال يابن ال...
سام:عبود لا لا الله يخليك اتركه
ملاك:هيه أنت (تأشر على محمد) خذ الكلب ورح أنت وياه
محمد:هااه إنشاء الله
فيصل:والله العظيم إني لضربك وامسح بك الأرض بس هذي مهيب رجولة
ملاك:ههههههههه رجولة أنت اللحين تسمي نفسك رجال (أوأو جات على الوتر الحساس)
سام:ملاك خلاص ملاك امشي..
ملاك:اسكتي أنتي يعني مغازل بنات خلق الله رجولة هااه أنت وين والرجوله وين
فيصل:يا......
محمد:فيصل خلاص امش جمعت خلق الله
((فيصل راح هو ومحمد راح وزلزال يتفجر داخله ماشفى غليله للحين))
عبود:تعال تعال وين رايح
ملاك:خله يروح الله لا يرده
سام:قامت تغني خله يروح الله لا يرده حبه كان ماضي وعدا
ملاك ناظرته نظره خلتها تسكت :حب بعينك امشوا
سام:والعشى أنا جوعاااانه اسمعي بطني خلاص حبيبي خلاص
هذي الساعه ملاك صارت تضحك :ابتسام خلاص انتي من وين تفهمين اذا صرت معصبه لا تضحكيني
((وعبود يضحك شوي ويقول أي شوي والله خده صار لونه بنفسجي على احمر على ازرق الوان قوس قزح))
ملاك:بسرعه وبناكل في البيت
سام:طيب
((وراحوا البيت أول مادخلوا الناس اصلا قد جاو وعبود مادخل اذا دخل امه بتشوفه وبتحلف مايرحون مره ثانيه للمول وراح بسرعه خذا جيبه الرنج وطلع))
ملاك: السلام عليكم امي
ام عبود: وعليكم السلام بسرعه روحي البسي انتي واياها الناس تحت
سام:لا لا انا ماني فاضيه
امهم:وش عندك يا بسنس ومن
سام(وهي مستحيه):انا بروح اشوف نوووووور وميمي
ام عبود:من ميمي بعد
ملاك:من غيره يعني يايمه الي كلن منهبل عليه مهند
ام عبود:إيه صدق ياحليله خلاص طيب شوفيه وعلميني وش بيصير طيب
ملاك: يمه حتى انتي
ام عبود:وشو عجبتني فكرة المسلسل
ملاك:بالله يمه عيب انتي متزوجه
سام:يوه ملاك امي ماقالت شي بس قالت قوليلي وش بيصير يوه تحسبين الناس كلهم مثلك مايعجبهم العجب ابفهم من الي يعجبك انتي سؤال
امهم:اخلصي ياملاك انتي اهم وحده انزلي يالله (وراحت للضيوف)
سام:وش دعوه وحنى مانملى عينك يمه
((وراحت انسدحت على السرير وشغلت T.v وكانت توها باديه الحلقه))
((ملاك قاعده تطلع ملابسها وتلبس وتزين شعرها مع انه مايحتاج هي حلوه) )

لبسة تنوره زيتي تحت الركبه بشوي وفيه لون اصفر كذا غريب وتيشيرت اصفر وزيتي على الوان مرره غريب و صندل وخلت شعرها مفكوك وحطت كحل وقلس وبس وطالعه تجنن

ملاك:هاه وش رايك؟؟
سام:ماشاء الله مرررره حلوه الخطاب عند الباب اقول اقري على نفسك بس
ملاك:طيب (وجلست شوي وصارت تحط اللمسات الاخيره)
سام:ملاك
ملاك:همه
سام:شفتي الولد هذاك كان مررره حلو
ملاك:أي ولد
سام:اخاف اقول وتزعلين
ملاك:عرفته
سام:ولله مييييييين؟؟
ملاك:يعني مين الغبي الي تهاوشنى معه
سام:ايه الغبي الي تهاوشنى معه فيصل
ملاك:فيصل
سام:ايه اسمه فيصل
ملاك:طيب سديتي نفسي مالت عليك انتي وهو باي
سام:باي (وبصوت عالي)والله انه حلو
ملاك(بصوت اعلى):لااااااا
**********************************************
((وفي ذا الوقت فيصل خذاله شور وطلع كان في شقته هو ومحمد وذا اللبنانيه الي مدري وش دخلها))
:حبيبي فيصل عم يوجعك وجك (وقربت منه وحطت يدها على وجهه وباست جرحه)
فيصل: هيه ابعدي عني
:شو شو في حبيبي
فيصل:سوزان ابعدي عني وخري عني(ودفها طاحت على الكنب)
محمد:بسم الله عليك سوسو انت وش فيك
((فيصل وقف قدام المرايه ويناظر وجهه الحيوانه علمت في وجهي))
فيصل:انا يامحمد انا بنت تضربني امي وابوي ماضربوني هذي تضربني
سوزان:محمد ليش شو صار
محمد:لا ماصار شي بس حلوه المشخه خلتك احلى
سوزان(بنبره حاده):ايه بس شو عم بيصيير
فيصل:اقول لا تقلقيني اصلا انتي وش مجلسك هنا انقلعي انقلعي برى
سوزان:شو انا بتئلعني انا سوزان طيب فيصل انا بفرجيك
فيصل:الخلا يالله اذلفي
(سوزان كانت بتطلع ولفت عشان)
سوزان:فيصل بتعرف شي انت منت رجال واحسن شي سوتو الصبيه انها علمت على وجك عشان ماتنسى ها اليوم بنوب
(فيصل عصب وقام بيضربها ومحمد قام يوقفه )
محمد:فيصل تعوذ من ابليس وانتي سوزان يالله طلعي
سوزان:ماشي لكن بتشوف يافيصل راح تشوف
محمد:سوزان طلعي برى
((وراحت ومحمد هدى فيصل))
محمد:الا فيصل صدق امك وين رايحه
فيصل(وهو يلبس بلوزته):يووووه تصدق ذكرتني
محمد:بوشو
فيصل:ههه امي تقول انها بتخطبلي
محمد:ههههههههههههه بتخطب لك وهذي سوالفك
فيصل:هيه انت انا محترم اغازل ماقلنا شي عادي بس لان امي خايفه علي
محمد:هههههههههههههههههههههههههههههههههههههههه
((فيصل جلس جنبه وخذاله رشفة فنجان قهوه))
فيصل:ههههه وراك تضحك
محمد:ههههههههه تقول امك خايفه عليك انت ينخاف منك مو عليك ههههههههه
فيصل:ايه وانت الصادق بس لاني بسافر تيبيني اكمل دراستي برى
((محمد سكت معد ضحك))
فيصل:بسم الله وراك سكت
محمد:يعني بتروح
فيصل:ايه
محمد:خلاص خلاص بتروح
فيصل:ايه خلاص خلاص بروح
محمد:يوووووووووووووه
فيصل:وشفيك بعد؟؟؟
محمد:انا بعدين ادردش مع مين واضحك وادج وادشر مع مين؟؟؟؟ قلي مع مين
فيصل:بسم الله الي يسمعك يقول اني بروح ولانيب راجع
محمد:اخاف تاخذك المره مني
فيصل:هههههههههههه ليه انا رجلك وانا مدري
محمد:يعععععععععععع
(وقام وهو يسمي على نفسه)
محمد:ماليت عليك وخليتني انا المره
فيصل:هههههههههههههههههههه
(دق جوال فيصل)
فيصل:اسكت هذي امي الو
ام فيصل:هلا ابوي هلا حبيبي
فيصل:هلا والله يمه هلا
ام فيصل:وينك ياولدي نستناك كم مره دقيت عليك ماترد
فيصل:هااه ايه كان على الصامت
ام فيصل:طيب ياوليدي هااه تبي البنت ولا لا
فيصل:هي حلوه
ام فيصل: صراحه ايه يولدي حلوه
فيصل:يمه عطيني عطيني جود ابتأكد
ام فيصل:مالت عليك ماتثق بذوقي
فيصل:الا بس ابتأكد
جود(تكلم البنت):لحظه لا تكملين السالفه الو
فيصل:أي سالفه
جود:لحظه خلني اطلع الو هلا
فيصل:هلا فيك وش السالفه
جود:تبي الصدق زوجة المستقبل قويه
فيصل:بالله وكيف عرفتي
جود:اليوم تضارب اخوها مع واحد غازلها ولعنت خيره تخيل قالت له انه موب رجال وانه حيوان وكلب و انه ....
فيصل(مصدوم):خلاص خلاص فهمت لحظه
(لف فيصل يكلم محمد)
فيصل:محمد جود تقول ان البنت الي امي بتخطبها هي الي تضاربنا معها اليوم
محمد(قام من محله):وشو انت من صدقك
فيصل:تقول السالفه وانا شكيت
محمد:اسألها عن اسمها
فيصل:طيب
جود الا وش اسم البنت ؟؟
جود:ماشاء الله يافيصل لا اله الا الله سبحان الخالق ملاك ملاك على الارض
فيصل:أنا ماسألتك عن شكلها
جود: شكلها هو اسمها
فيصل: يعني اسمها ملاك
جود: إيه ملاك
((فيصل اول ماسمع الاسم جلس وعلى وجهه علامات الدهشه والسبرايز))
محمد:هي صح
فيصل هز راسه ايه
جود:طيب فيصل باي بروح اشوف وش سوت بعد بالولد
فيصل:باي وسلميلي عليها وقولي لامي اني ابيها
جود: صدق ابشر من عيوني
(وسكر)
محمد(بعلامات استفهام وتعجب):سلميلي عليها وتبيهاااااا
فيصل ابتسم ابتسامة غرور وتكبر وابتسامة واحد مو ناوي على خير
محمد:هذي الابتسامه وراها سر سر خطير وش ناوي عليه
فيصل:اتزوجها
نههايه البارت ^_^ و ابي ردووود :P

التعديل الأخير تم بواسطة goldengirls ; 07-09-2013 الساعة 06:37 PM
  #2  
قديم 07-09-2013, 06:40 PM
 

البارت الثاني
(في بيت ابو عبود)
جود(جات تركض وون دوف طاع تزحلقت وطاحت عليهم على ملاك وسام وميعاد صديقة سام)
جود:ملاك
ملاك:هلا ياروح ملاك انتي وقلبها
جود:فيصل يسلم عليك
ملاك(استفهام):مين فيصل
جود:فيصل اخوي اصلا ياملاك حنى جاين نخطبك لفيصل
ملاك وجهها تلون صار اصفر واحمر
سام:ههههههههه والله وجهك ينفع مع لبسك نفس اللون
((ملاك ترميها بالمخده))
(ودخلت ام فيصل وام عبود)
(وملاك تفشلت ووجهها صار احمرررررررر)
ملاك:طيب انا استاذن
ام عبود:ملاك وش فيك
ام فيصل:خليها انا اصلا كنت بكلمك بموضوع يخص ملاك
(واشرت على البنات عشان يقومون )
سام(بصوت واطي):يلعن ابو الكسحه
ام عبود:تفضلي يام فيصل
ام فيصل:زاد فضلك
ام عبود:خير يام فيصل
ام فيصل:الخير بوجهك والله انا بدخل بالموضوع
ام عبود:والله خوفتيني تكلمي وانا اختك
ام فيصل:ههههههه لا بس انا حبيت اخذ ملاك لفيصل
ام عبود:وشو والله الساعه المباركه ياوخيتك
((وسلموا على بعض))
سام والبنات دخلوا على ملاك
سام:اموووووووووت انا على الي يستحي
ملاك:هههه لا بس تفاجئت انتي تتكلمين من جد
جود:انا اتكلم من جووووووووود
البنات:ههههههههههههههه
جود:ايه من جد وجود بعد لان فيصل بيسافر لبريطانيا عشان يكمل دراسته هناك درس سنتين هنا وبيدرس ثنتين هناك وهذي هي السالفه كلها بالمختصر المفيد وسلامتك
ميعاد و ابتسام:صح لسانك
ملاك:اهاا طيب سام ميعاد
سام+ميدو:سمي
ملاك:الباب
سام+ميدو(فتحوا افاميهم):نعم وش قلتي
جود تضحك
ملاك بابتسامتها الساحره:اقبضوا الباب فهمتوا
ميدو وسام طلعوا وهم يتمتمون
جود:حرام عليك
ملاك(ناظرت فيها بكل جديه):جود اسمعي مابي افاجئك بالكلام الي بقوله بس
جود:لا بس ولا شي انا اصلا جايه عشان اكلمك ومن كلام امي عنك انك انتي صريحه وعنيده وقويه من سوالفك
ملاك(وهي تضحك):شكرا بس انا راح اقول الي عندي وازا بتريدي لا تأطعيني
جود:اشوفك قلبتي سوريه ولا هذا لبناني
ملاك:ههههه المهم انا توقعت ان هذا الي جايين عشانه لكن انا مابي اخوك لا يشوفني ولا اشوفه
جود:ايش
ملاك:لو سمحتي خليني اخلص
جود:سوري تتفضلي
ملاك:مو عشان شي بس انا اخاف اذا شافني يغير رايه اذا قلتي انتي حلوه انا عارفه اني حلوه وهذا الي انا خايفه منه اخاف يحسب اني مغروره ولا متكبره والكبر والغرور لرب العالمين سبحانه وتكفيييييييييييين ياجود ياجود الخير انتي صح انها ثاني او ثالث مره نتقابل بس من جد دخلتي قلبي فصارحيني الله يخليك لا تعتبرين فيصل اخوك اعتبريه واحد تعرفينه معرفه زينه وانا الي اعتبريني اختك وقوليلي عنه لو انه جا وخطبك انتي راح توافقين؟ وليش؟
جود:صراحه فجاتيني
اولا/ اذا انتي ماتبين تشوفينه براحتك.
ثانيا/اوكي ماراح اعتبر فيصل اخوي واذا جا وخطبني وانا اعرفه صراحه راح اوافق مو لانه اخوي فيصل ياملاك مررره طيب مررره صح انه لعاب وراعي سوالف بنات بس دايما يقول تسليه لكن اذا جا الصدق الي هو الزواج اكيد راح احط هذا كله ورى ظهري ويعتبرني صديقته كل شي كل شي يقوله لي اهم شي محافظ على صلاته وبار بوالديه الله يخلهم لنا وفيصل فيه ميزه حلوه ومو حلوه انه بكلمه تملكينه يعني لو قلتي حبيبي ياسيدي وهو طبعا يحبك مو أي بنت من الشارع تجي يقولها ابشري لا اذا كان شخص يعزه مثلي والله لو اطلب عيونه يعطيني اياها......
((جود تتكلم وتمدح في فيصل وقالت عيوبه والزين والشين فيه وملاك راااااحت فيها رااحت في عالم ثاني تتخيله والبنت راحت عقلها موب معها))
جود:ملاك ملاك
ملاك:هااه هااه معك ايه كملي
جود: لا والله منتي معي بس اسمعي فيه ميزه انا تعجبني في فيصل بس ماتعجب اهلي ويمكن ماتعجبك بعد
ملاك(تحمست):وش هي؟؟
جود:فيصل عنيييييييييييييييييييييييييييييييييد ولو اقول عنيد منى لبكره ماوفيت عناده
ملاك(ضحكت):وكيف يعني
جود:سلمك الله انا اقولك كيف (وبعدين صارت تضحك)
ملاك:وش فيك تضحكين
جود:قبل كم يوم امي يوم تحاول فيه انه مايسافر ويجلس معها وهي تكلمه وتتكلم وتتكلم وانا جنبه ياربي استغربت فيصل ماعلق ولا شي وساكت ويهز راسه ايه ايه الا ابوي يناديه وامي خلصت كلامها وهو للحين يهز راسه ومغمض عيونه وهو حاط قبعه على راسه
ملاك:هههههه طيب وبعدين
جود:جيت عنده ودقيته وقلت له فيصل فيصل ابوي يناديك ههههههههه ناظر فيني وعلامات الاستفهام على وجهه الا شوي فك الكاب ونزل سماعات الايبود وهو ماسمع ولا شي من الي امي قالته قالي هلا جود تبين شي قلت لا سلامتك بس ابوي يبيك قال طيب وامي زعلت راح بعدين شوي جا ورجع وباس راسها وقال يمه لاتحاولين انا مابي اقولك لا بس انا رايح رايح لا تحاولين يمه
ملاك:ههههههه ماشاء الله لا عنيد بأدب بعد
جود:ايه
((وسكتوا لحظة صمت))
جود:ملاك
ملاك:هلا
جود:وش رايك في شخصية فيصل
ملاك:صراحه من كلامك اعجبني وبديت احبه
((الا سام تدخل ))
سام:لالالالالالالالالالالالالالالالالا ملاااااااك تحب وااااااااااااااااااااو
(وقامت تنطط في الغرفه وتشقلب وشغلت اغنيه احبه وقامت تستهبل والبنات يضحكون وملاك وجهها حمر)
جود(تكلم ملاك ومايسمعها الا هي لان صوت الاغاني عالي):هااه ياملاك يعني موافقه
ملاك(بصوت عالي):ايش
جود(بصوت عالي):موافقه على فيصل
ابتسام طفت الاستريو
ملاك(بصوت مررره عالي):اييييييييييييه ابيييييييييييييييييه
البنات ضحكوا لين مادمعت عيونهم وسام طاحت على الارض من كثر الضحك وحرام ملاك وجهها حمر صار طماطه
(الا دق جوال ميعاد)
ميدو:بنات هذي امي اكيد تبيني ارجع
وردت عليها
ميدو:هلا هلا يمه - طيب اللحين – خلاص طيب يالله اللحين بنزل –باي باي
سام:هااه بتروحين لا تقولين
ميدو:ايه
(وضمت ابتسام وصارت تبكي لانهم خلاص بينقلون خلاص ماراح تشوف ابتسام صديقتها مرره ثانيه ويمو بكت وشافتهم ملاك وتبكي معهم )
جود:ملاك ليش تبكي
ملاك:ماعرف اذا شفت احد يبكي ابكي معه (وصارت تبكي)
((وجود مستغربه))
راحت ميدو بسلامتها وسام طلعت تكمل بكي بغرفتها
وملاك وجود نزلوا عند الحريم
اول مادخلوا
ام فيصل:ماشاء الله ماشاء الله وش ذا الزين ياملاك بسم الله عليك ربي يحفظك انشاء الله
ملاك استحت
جود:وانا محد يمدح فيني (وسوت نفسها زعلانه)
ام عبود:لا انتي لخير والبركه
ملاك:انتي الحلا كله يجود
جود:انتبهوا يوه راسي قام يكبر
ملاك:انتبهي لا يطيح بس
ام فيصل:جود هذا ابوك يدق تأخرنا (وقامت)
ام عبود(قامت معها): ماري جيبي العبايات والله شرفتونا يام فيصل
ام فيصل:والله حنى لنا الشرف
(ومن كلام المجامله ذا الي مأحبه)
ملاك:والله انبسطت بالجلسه معك ياجود
جود:والله حتى انا خلاص صرنا صديقات
ملاك:اكيد
(وسلموا على بعض)
ام فيصل:لا تنسين الموضوع يام عبدالله
ام عبود:ابشري (وراحوا الله يستر عليهم)
ملاك:ياحليهم والله
أم عبود(تناظر في بنتها وهي مره فرحانه)
ملاك:ماما وش فيك تناظريني كذا
أم عبود(ضمتها):والله وكبرتي ياملاكي
ملاك:من زمان يمه ليش توك تدرين
أم عبود:لا بس اللحين عجزتي
ملاك:يمممممممه
أم عبود:هههههههه لا خلاص تعال اجلسي
(وجلسوا في الصاله)
أم عبود:شوفي ياملاك انتي خلصتي وما بقالك الا سنه وحده صح وهي انجليزي صح
ملاك:صح لسانك
أم عبود:طيب وش رايك تكملينها برى
ملاك:برى برى وين
أم عبود:شوفي بدخل بسرعه في الموضوع أم فيصل تبيك لفيصل ولدها وش رايك؟؟ الولد ماشاء الله ابوك سأل عنه وهو رجال بمعنى الكلمه
(ملاك بس امها قالت اسم فيصل تصبغت بالون الاحمر)
أم عبود:هاه ملاك وش رايك؟؟
ملاك(خذت نفس عميق وتنهدت):شوفي يا ماما انتي عارفتني صريحه والصراحه انا كنت متوقعه هاالشي وجود قالتلي عن كل شي واذا هو رجال مثل ماتقولين فأنا موافقه وأنتي عارفه اني حالفه لأتزوج اول واحد يخطبني وإذا كان رجال أبوي رجال ودامه قال انه رجال أنا موافقه.
(أم عبود قامت وضمتها وقامت تبكي ملاك بكت معها)
((ياليتك ياملاك ماوافقتي بس يالله الشكو لله))
((في بيت فيصل))
دخلت أم فيصل وبنتها
أم فيصل:ماشاء الله على ذا البنت
جود:ايه والله ماشاء الله عليها وقويه وكلامها وسوالفها مررره تجنن ياحليلهم
أبو فيصل:من الي ياحليلهم
جود+أم فيصل:بسم الله
أبو فيصل:ليش وش شايفين
أم فيصل:الله يهديك ياخالد خوفتنا
جود:باباتي خوفتني (وراحت ضمته وسلمت على راسه)
أبو فيصل:من ذولي الي ياحليلهم؟؟
جود:من غيرهم يبه ال سعد
أبو فيصل:من سعد بن عبد الله
أم فيصل:ايه ماشاء الله ياخالد عندهم بنت الي خطبتها لفيصل تهبل
جود:ياويلي على اخوي لا شافها بيروح فيها
(الا فيصل دخل)
فيصل:السلام عليكم
الكل:وعليكم السلام
أبو فيصل: هاااه جئ على طاريه
أم فيصل:هلا فيصل هلا بوليدي هلا
(قام فيصل وسلم عليهم حب راس امه وابوه وجود سلمت عليه)
جود:هلا والله بالمعرس هلا
فيصل(ابتسم)
جود:لا مااصدق فيصل يبتسم لا لا
أم فيصل:بسم الله على ولدي جعله مبتسم دوم مو يوم
أبو فيصل:هاه يافيصل
فيصل:لبيه
أبو فيصل:حجزت ولا توك؟
فيصل:الا يبه حجزت
أم فيصل(حزنت شوي):متى يابوي
فيصل:نهاية الاسبوع
أم فيصل:ومرتك
فيصل:أي مره
جود:من يعني ملاك
فيصل:وش فيها
أبو فيصل:خلتوها مرته مره وحده
أم فيصل:منتب ماخذها
فيصل:الا بس أنا بروح اشوف لنا شقه واضبط امورنا هناك قبل مانروح
جود(نطت عنده):خذني معك
فيصل:بسم الله
أم فيصل:انثبري انتي مافيه روحه
أبو فيصل:موب انت بتاخذ بالاوتيل
فيصل:الا بس شهر واحد والباقي بشوف فلا كشخه على البحر ولا شي
أبو فيصل :الله يوفقك
جود:الا فيصل من وش ذا الي بوجهك
أم فيصل:ياويلي على ولدي وش فيه (وقامت عنده جلست بجنبه)
فيصل(بكل ثقه):بنت
جود:بنت
فيصل(راح انسدح على رجل امه):ايه بغازلها وعطتني كف مع مشخه
أم فيصل:الله لا يبارك فيها شوهت وجهك
جود:بالعكس طالع مررره يجنن
((على فكره نسيت اقولكم عن ذا العايله))
(أبو فيصل): خالد يشتغل في شركه وهو طبعا مديرها وهم اغنياء مرره وحياته وعمره عايلته ودلوعته جود
(أم فيصل):شيخه وهي فعلا شيخه بأسلوبها رائعه وراقيه في كلامها ومررره تحب عيالها وزوجها وتهتم من فيصل
(جود):جود الخير بنت كتكوته هي على حلوه حلوه وطيبه وهي تحب عبود او تميل له لكن بتنصدم في حياتها من اشياء كثيره






(فيصل):اه منك يافيصل فيصل مررررررررررررررررررررررررررررررررررررررررررررره
حلو ويجنن ووسيم طويل ماشاء الله واسمر موب اسمر اسمر قمحي حلو وعيونه اذا ناظر في الشخص تقلب كيانه وابتسامه تذوب الا تصهر الحديد وهو ترى نادر مايبتسم وصوته دافي وحلو وطويل وجسمه رياضي وعنيد وفي نفس الوقت هادي <<الهادي وراه بلاوي>>
وانا ماذبحني إلا نظراته والله لو اوصف ماوفيته حقه

يلااا ابي تفاااعلل :d
  #3  
قديم 07-09-2013, 06:42 PM
 
البارت الثالث:
جااااااااااااااء اليووووووووووووووم الموووووعوووود (يوم الزواج وعلى فكره تراه بعد يوم ميلاد ملاك وهي من الحوسه والتعب نست بس صديقاتها مانسوا كذا الصداقه ولا بلاش ساعدوها في انها تجهز الزوج في اسبوع وكل شي ساعدوها فيه)
المهم
ملاك قامت الظهر وقامت على صوت الجوال
ملاك ماشافت مين بس ردت
ملاك(وصوتها توها قايمه من النوم):الو
المتصل:..............
ملاك:الو
المتصل:احبك
ملاك:ايش (توها تستوعب وقامت جلست وشافت الرقم غريب)
المتصل:ماسمعتيني أنا احبك
ملاك:حبتك القراده
المتصل:ملاك لا لا تسكرين
ملاك:وتعرفني بعد شوف صوتك مو غريب من انت
المتصل:والله انك مهبوله في احد ينسى اخوه
ملاك:عبووووووووووود
عبود (يقلدها):عبوووووووووووود إيه عبود
ملاك:وش اخبارك يالدب
عبود:أنا بخير انتي وش اخبارك
ملاك:الحمد الله
عبود:لالالالالالا ماصدق اختي ملاكي صارت عروس
ملاك(استحت):.........
عبود:هههههههههههههههه وتستحي بعد
ملاك:عبووود خلاص
عبود:طيب اليوم الزواج صح
ملاك:إيه صح تصدق نسيت
عبود:مهبوله أنا اعرف الي عندهم زواج ماينامون ولا شي وأنتي كلش نسيتي مره وحده
ملاك:وش اسوي تعبت وانا أجهز
عبود:طيب أنا عندي لك مفاجئه
ملاك:لا تقول بتجي
عبود:يس انتي وش دراك
ملاك:أنا اختك
عبود:اوكي بس بجي متاخر مره
ملاك(زعلت):يعني الساعه كم؟
عبود:يمكن 2 الليل شوفي اذا مالحقت أنا آسف
ملاك:لا عادي أهم شي انك بتجي
عبود:اوكيه يالله باي وروحي تجهزي
ملاك:طيب باي
(نطت ملاك من السرير وراحت وتروشت أول ماطلعت من الحمام لقت أمها وسام وجود بعد)
ملاك:بسم الله
سام:بسم الله من وجهك
أم عبود:يالله بسرعه اخلصي
ملاك:ألكوافيره جات
أم عبود:إيه
جود:هاي ملاك
ملاك:هلا والله (وسلمت عليها)
سام:هذا وقت سلام
ملاك:خلاص طيب أنا اخر وحده انتي روحي عندها وأنتي بعد(تكلم أمها)
أم عبود:خلاص طيب بس تخلص نناديك
ملاك:اوكيه
(وطلعت أمها وسام)
ملاك:اليوم بيجي فيصل
جود:إيه بيتفاجئ
ملاك:هههههه هذا هو المطلوب
جود:بس صدقيني دامه قال ماراح يجي يعني ماراح يجي
ملاك:تراى اخوك ماتملك علي وراح يجي عشان يملكني ويعطيني المهر نسيتي
جود ضربت راسها
جود:أنا اغبى وحده على الكره الارضيه(توها تدري)
ملاك:وش فيك
جود:لحظه (وراحت عند شنطتها وطلعت بطاقة بنك)
جود:خذي
ملاك:وش هذا
جود:مهرك
ملاك:ماشاء الله وتوك تذكرين
جود:سوووووووري
ملاك:بالاول نسيتي الهدايا واللحين المهر
جود:اهم شي اني عطيتك اياه بس بالنهايه
ملاك تناظر فيها وتضحك
دق جوال جود
جود:هلا والله فوفو
ملاك على بالها انه فيصل وحمر وجهها
وفا:هلا فيك وش اخبارك؟؟
جود:أنا منيحاه
وفا:هههههه طيب
جود:انتي وش اخبارك
وفا:الحمد الله إلا وينك ياجود
جود(ارتبكت):ااا... أنا .. هممم أنا ببيت ملاك
وفا:ملاك خطيبت فيصل
جود:إيه
وفا:وليش
جود:صراحه اليوم زواجها
وفا:ايش بس فيصل قال لي ماراح يسوي زواج
جود:وفا فيصل مايعرف
وفا:من وراه
جود:هذي فكرة ملاك
وفا:على كيف أمها هذي تسوي الي تبيه
ملاك سمعت كل شي وتاشر لجود تعطيها الجوال وجود تقول لها لا
اخذت ملاك الجوال بالقوه
ملاك:الو
وفا:الو
ملاك:السلام عليكم
وفا:وعليكم
ملاك:السلام
وفا:المهم وش تبين
ملاك:انتي ليش زعلانه يا فوفو
وفا:اسمي وفا
ملاك:سوري ياوفا
وفا:ماني زعلانه طيب انتي تحبين فيصل
وفا:كنت
ملاك:ومازلتي
وفا:لا
ملاك:اجل ليش معصبه اذا كنتي من جد ماتحبينه تعالي للزواج اصلا فيصل ماراح يحضر
وفا(مستغربه):ليش
ملاك:مو هو وعدك خلاص ماراح يحضر وانا كلمته قالي سوي الزواج لحالك وانا سويته
وفا:معقوله
ملاك:إيه يعني هذا مو زواج فيصل هذا زواجي أنا تعالي أنا عازمتك
وفا(متردده):مااظن
ملاك:ليش تعالي اعتبريها حفله عاديه
وفا:مو على كذا جووود ماقالت لي عشان اتجهز او اسوي أي شي
ملاك:ولا يهمك عندك فستان حلو
وفا:إيه
ملاك:خلاص
وفا:والكوافيره
ملاك:تعالي عندي جود اصلا راح تسوي عندي انتي بعد تعالي عشان نروح سوى للزواج قصدي للحفله
وفا:هههههههههه
ملاك:هههه ليش تضحكين
وفا:اقنعتيني
ملاك:وهذا هو الي ابيه يالله نستناك
وفا:اوكيه باي
ملاك:باي
(وسكرت)
جود:ماشاء الله عليك اقنعتيها
ملاك(وهي تغمز):اعجبك طيب يالله روحي جيبي اغراضك ووفا معك وتعالي
جود:اوكيه
((راحت جود وجابت وفا ومرره انبسطوا وسام وامها خلصوا وكانت اشكالهم مررره حلوه ووفا وجود بعد خلصوا وكانت جووود مررره تجنن حتى وفا كانت تاخذ العقل وملاك دقت على أبوها وتاكدت ان كل شي جاهز)
وجات الساعه 8 بالليل
ملاك:ماما خلاص انتي وسام روحوا شوفوا الضيوف واكيد بنات عمي وخالي هناك راح يساعونكم وجود و وفا بيجلسون معي
أم عبود:خلاص طيب
ملاك:ابتساااااااااااااااااااام
سام:خيرررر
ملاك:لا تنسين المصوره عشان عبود
جود أول ماسمعت عبود قلبها دق
سام:طيب يالله باي حنى رايحين
ملاك+جود+وفا:بااااي
ورجعت سام وسلمت على ملاك
ملاك(مستغربه): خير ليش ذا السلام
سام: اليوم عيد ميلادك
جود: صدق والله
سام: يس
جود+سام+وفا+الكوافيره بعد: هابي بيرث داي تو يو هابي بيرث داي تو يو هابي بيرث داي تو انجل هابي بيرث دي تو يوووووووووو
وقعدوا يصفقون
ملاك: سام كم صار عمري
وفا: فيه احد مايعرف كم صار عمره
سام: عادي هذي ملاك
ملاك: كمممممممممممممم
سام: اللحين صار عمرك 22 سنه اذا ماخاب ضني
ملاك: ياحليلي كبرت
جود: إلا عجزتي
ودق جوال سام
سام: ياويلي امي اكيد انها تستناني في السياره
ملاك: اركضي
وراحت سام تركض
سام: سلاااااااااام
ملاك: سلاااااااااااام
جود: ياحليلها
ملاك: مهبوله ولا اذا اجتمعت هي وعبود ياربي يطلعون عيوني
جود(تبلع ريقها): ههههه ياحليلهم
وفا:مين عبود
ملاك:عبود اخوي
جود:الا صدق ملاك وينه
ملاك:مسافر لفرنسا وراح يجي اليوم إنشاء الله
جود:اهمممممممممم
ملاك:إيه ويمكن يتاخر عشان كذا راح اصور عشان يشوفني
جود:إيه كذا حلو
(ودق جوال جود وقطع كلامهم)
جود:ملاك هذا فيصل
ملاك:طيب ردي
وفا وجهها انقلب ولاحظته ملاك
جود:هلا والله فصول
فيصل:هلا فيك
جود:وصلت
فيصل:إيه يالله الحين جايكم
جود:فيصل احنى مو في البيت
فيصل:اجل وين
جود:قابلنا في مزرعة عمي سعد
فيصل:وش وداكم هناك
جود:تعال وبتشوف وترى الملاك هناك
فيصل:طيب يعني اتكشخ
جود:تكشخ إلا تعال على سنقت مو عشره إلا عشرين
فيصل:ابشري
جود:باي
فيصل:جود جود
جود:نعم
فيصل:قولي لملاك ترى رحلتنا الساعه 3 بالليل يعني راح اجي اخذها ال على مابال تجهز الا شناطها جاهزه
جود:خلاص شحناها
فيصل:تمام التمام اجل باي
جود:باي
وسكرت
ملاك:وصل
جود:إيه وراح يجي للمزرعه ويقول ان رحلتكم الساعه 3 وراح ياخذك الساعه 2
ملاك:يوووه بسرعه كذا
جود: وش اسوي
وفا: امممممم وين بتروحون
ملاك: إيه صح وين
جود: امممم وين تتوقعين
ملاك: باريس
جود: لا
ملاك: نيويورك امريكا
جود: اممممممم لا
وفا: استراليا
جود: نطيتي بعيد لا
ملاك: يوووه وين
جود: بتروحون بريطانيا يالدلخه نسيتي
ملاك: إيه صح قلتي لي بس نسيت
وفا: فيه احد ينسى ذا الشي
ملاك: اصلا وش دراك اليوم كنت نايمه ماقمت إلا بسبت عبود
جود(منفعله): ليش وش سوى
ملاك)تستهبل): والله دق علي وقالي روحي شوفي حبيبتي تستناك
جود: حبيبته
ملاك: إيه ماتعرفينها
جود: لا ميييييييييين
ملاك: انتي
جود: هااه
ملاك: استهبل انتي تستاهلين احسن من عبود
جود(مرتبكه): اصلا من قالك اني راح اوافق عليه
ملاك: ليش ان شاء الله وش فيه اخوي
وفا: مافيه شي بس يالله خلونا نخلص
ملاك وجود يناظرون وفا
وفا: وش فيكم
ملاك: سلامتك بس خوفتيني
وفا: ليش وش شايفه
ملاك: سلامتك بس شايفه ملاك قدامي
جود: إيه صح
وفا: تستهبلون علي ها الكلام
إلا الكوافيره قطعت هواشهم
نيفين (الكوافيره):ياانسه ملاك خلصنا
ملاك:يعطيك العافيه
جود:ماشاء الله تجنين
وفا:ماشاء الله اقري على نفسك
(ملاك كانت ملاك بس زعلانه لان فيصل ماراح يحضر والاهم عبود بعد)
المهم
( راحوا البنات للمزرعه المزرعه كانت تجنن ولمبات والحاله حاله)
أول ماوصلت ملاك وصل فيصل
فيصل انصدم وفتح فمه نزل من السياره وقعد يتوعد ويكلم نفسه
فيصل:مسوين زواج هين ياملاك أنا كلمتي ماتنزل الأرض بأملك عليك اللحين واخذك
جود شافت فيصل وراحت عنده ملاك ناظرت فيه بس كان بعدين فما شافت إلا طوله ورزته ووفا ماتحركت من مكانها الالمن نادتها ملاك ودخلوا
جود:فيصل هلا والله
(وسلمت عليه)
جود:مبروووك يافيصل
فيصل:الله يبارك فيك ماقلتي لي انكم مسوين زواج
جود:والله هذا كله ملاك هي الي سوت كل شي
فيصل:في اسبوع
جود:إيه يالله تعال ادخل اللحين الزفه(تمسك يده وتشده)
فيصل فك يده بقوه وهو معصب
فيصل: أنا قلت تسويها لحالها ماراح ادخل اللحين بروح املك عليها ومثل ماقلت الساعه 2 بأخذها
(وناظر في ساعته)
فيصل:الساعه اللحين 12 والوقت يمشي بسرعه بعد ساعتين بأخذها
جود:بس يافيصل
فيصل ناظر فيها بعصبيه:قلت لك خلاص يالله روحي
جود:طيب
(وراحت بس ماقالت شي لملاك)
فيصل دخل والكل بارك له وتملك على ملاك ووقع وملاك بعد وقعت وانزفت ملاك على اغنيه هاديه وكان شكلها مرررره حلو وبعدها الكل احتفل بعيد ميلادها وكل شي كان تمام التمام وفيصل على اعصابه كل شوي يناظر الساعه متى تجي 2 تمام وتعشوا المعازيم وفيصل مارضى يصور مع ملاك وملاك زعلت بس يالله وش تسوي ونست الموضوع والكل بارك لها واعطوها هدايا كثيييره
جات الساعه 2
فيصل شاف الساعه تعدت 2 ابتسم
فيصل:استاذن أنا ياربع (وسلم على راس ابوه وعمه أبو ملاك)
(طلع ركب السياره ودق على جود)
جود أول ماشافت رقمه شافت الساعه
جود:الو
فيصل:يالله جود نادي ملاك بنروح والطريق بعيد
جود:طيب
فيصل:ترى على طول بنروح للمطار
جود(من غير نفس):طيب بس اسمع ترى عيد ميلاد ملاك اليوم باركلها
فيصل : يكون خير بس اخلصي ولا تتكلمين من فوق خشمك مره ثانيه
جود: لا عرفت كيف تكلمني اعرف كيف اكلمك
فيصل سكر السماعه
راحت جود عند ملاك
جود:ملاك
ملاك(كانت جالسه مع صديقاتها):هلا جود
جود:فيصل دق ويقول يالله
هند:يعني خلاص سنتين ماراح نشوفك
ملاك:لا لا تقولون كذا ترى والله ابكي
(وعلى طووول البنات كلهم صاروا يبكون وام عبود بكت ودخل أبو ملاك وسلم عليها ومسح دموعها بغترته وملاك بكت زياده)
Panadol # likes this.
  #4  
قديم 07-09-2013, 06:44 PM
 
لا تحرموني من ردودكم
و قولولي اكمل و لا لآ
Panadol # likes this.
  #5  
قديم 07-10-2013, 05:09 AM
 
البارت الرابع


قبل ماتطلع
ملاك(وهي تبكي):ابتسام وينها
سام جات تركض أنا هنا وضموا بعض وصاروا يبكون
سام:أنا مع مين راح اضارب ومين الي راح يهاوشني
ملاك:انا وماراح اتغير خلي لاب توبك مفتوح على طول عشان اكلمك أول مااوصل بالايميل وانتم بعد يابنات
سام:طيب
لميا:ملاك ماودك تغيرين ملابسك لانك على طول راح تروحين المطار
ملاك:إلا
(وراحت ولبست لها جينز وتي شيرت احمر وفوقه زي البالطو طويل اسود وبوت اسود ولبست عبايه مررره كشخه وسلمت عليهم )
جود:أنا راح اطلع معك
ملاك:اوكيه
(وطلعوا أول ماطلعوا فيصل كان معصب تاخروا الساعه صارت 2 ونص ومابقى إلا نص ساعه على الطياره)
فيصل:ملاك بسرعه مع السلامه جود
جود:مع السلامه
فيصل: اسف يابعد قلبي (وسلم على راسها)
جود قامت تبكي
فيصل(يسلم على خويه محمد):مع السلامه محمد
جود ناظرت محمد انصدمت نفس الولد يعني فيصل هوفيصل الي في..
فيصل:مع السلامه جود سلميلي على امي
جود:فيصل ملااااك
(وراح دعس بالسياره)
جود:ياويلي اكيد فيصل عرف انها هي فيصل يحلف في ذيك البنت لا اخاف ملاك يصير لها شي الله يستر
ودخلت وراحت قالت لابتسام
سام:ايش قولي والله
جود:والله العظيم
((وصارت سام تدق وتدق على ملاك جوالها مقفل وجود تدق على فيصل مايرد))
هند:وش فيكم
جود:ملاك وفيصل
هند:وش فيهم
سام:فيصل هو نفسه فيصل الي تضاربة معه
هند:ايش
جود:هي ماكانت معنا
سام:إيه صح لا بس ياهند ملاك تضاربة مع ولد والولد هو فيصل
هند:وطيب خير ياطير وإذا هو فيصل
سام:والله العظيم لو انها تشوفه لا تطير الدنيا ولا تقعدها
جود:وفيصل كل شي إلا واحد يضربه
هند:يعني هم مايعرفون بعض
سام:لا
جود:إلا
هند:لا ولا إلا
سام ناظرت في جود
جود:فيصل عارف انها ملاك
سام:وش دراك
جود:لانه يبيها
هند:خلاص يعني وش بتسوون راحوا نكلم ملاك بكره ونشوف وش صار
جود:الله يستر
سام:والله اني خايفه على ختي
((وفي السياره))
ملاك ساكته ولا ناظرت فيصل ماقدرت وفيصل بس ناظر فيها يوم دخلت وماشاف إلا عيونها ووعرفها
فيصل:مبروك ياملاك
ملاك(بصوت واطي):الله يبارك فيك
(وبس ساكتين طول الطرقين)
إلا دق جواله
فيصل: هذي جود
ملاك:.....
فيصل رد
فيصل: الو
جود: فيصل انت كنت تدري
فيصل: إيه وابيها
جود: طيب وش بتسوي فيها
فيصل: ماراح اسوي شي سنتين راح تغير اشياء كثيره بس ماراح تغير نظرتي لها

سام خذت الجوال من جود
سام: فيصل وقسم بالله لو يصير في ملاكي شي لتندم
فيصل: لا توصين حريص
وسكر الخط في وجهها
سام: يالدب
((وفي المزرعه))
أول ماطلعوا ملاك وفيصل إلا شوي دخل عبدالله
دخل عند الرياجيل
عبود:السلام عليكم
الكل:وعليكم السلام(المعازيم نصهم راحوا مابقى إلا القريبين مررره)
أبو عبود(قام):هلا والله هلا بولدي هلا
وسلم عليه وضمه
عبود:يبه وين ملاك
أبو عبود:والله ياولدي لها 5 دقايق طالعه
عبود:قهر مالحقت عليها
أبو عبود:يالله الحمد الله
عبود:أي والله الحمد الله طيب أنا بروح اشوف امي وسميسمه
وراح أول مادخل لقى سام وجود
عبود(تنح نح )يعني قال:احم احم
جود تغطت
سام:مين
عبود:مومه هذا أنا عبود
سام قامت وراحت سلمت عليه
عبود:ابتسام وش فيك
سام:مافيني شي
عبود:من ذي
سام:هذي جود
عبود:جود
جود:هلا هلا عبد الله الحمد الله على السلامه
عبود:الله يسلمك ومبروك زواج اخوك
جود:الله يبارك فيك
عبود(يكلم سام):راحوا
سام:إيه
عبود:طيب خلاص باي
سام:عبود
عبود:خير ابتسام فيك شي وشو
سام:ملاك
عبود:وش فيها
سام:زوجها
عبود:ابتسام تكلمي زين احسن لك بالتقسيط انتي تطلعين الكلام
سام:فيصل زوج ملاك هو نفسه الولد الي تضاربة انت معه
عبود:ايييييييش انتي متاكده
سام:إيه
عبود:ملاك تدري
سام:لا
عبود:وفيصل
جود:إيه يدري
عبود:وأنتي ياجود تدرين
جود:لا ياعبد الله ماادري توني اللحين عرفة
عبود:والحل
جود:اخاف فيصل يسوي لها شي
أم عبودمثل ايش
((الكل طالع فيها))
عبود:يمه بس
أم عبود:لا بس ولا شي خلاص ربي كاتب انهم يكونون مع بعض سواءً فيصل كان عارف ولا مو عارف ووش بيسوي فيها يعني يضربها لا فيصل ما يسويها يمكن يعيشون احلى عيشه مع بعض ويمكن لا وملاك صريحه وإذا ماعجبها شي راح تقول فلا تخافون عليها بنتي قويه وانا اعرفها
عبود عصب
عبود:بكيفكم وإذا صار لبنتكم شي مالي دعوى
جود:يعني وش بيسوي فيها اخوي تراه موب وحش بني ادم وتونا اللحين كلمنها
عبود ناظر فيها من فوق لتحت وراح
سام:معليش ياجود بس انتي ماشفتي وش سوى فيصل هذاك اليوم
أم عبود:خلاص هم سافروا وسعوا صدوركوم يالله وش عليكم منهم امشوا
(وراحوا)
((في السياره))
فيصل مررره مسرع
فيصل:اففففف تأخرنا
ملاك:فيصل الله يخليك لا تسرع
فيصل:........
ملاك:أنا اخاف
فيصل:ههههههههههه ابي اشوفك وأنتي تخافين
ملاك:حرااام عليك
وفحط ووقف بسرعه
فيصل:ملاك انزلي
ونزلوا وفيصل ماسك يدها ويمشي بسرعه وقص البوردنغ وهو ماسك يدها وهي مستحيه ولا شافت وجهه حتى ماقدرت ترفع عيوناه
ووصلوا طلعوا للطياره
فيصل(ابتسم):الحمد الله
ملاك ضحكت عليه
دخلوا وجلسوا فيصل جنب الشباك وملاك من الجهه الثانيه وفي كرسي جنبهم فاضي
ملاك:يوووووه
فيصل:وش فيك
ملاك:ولا شي
ملاك: إلا في شي
فيصل: وش فيك
ملاك سكتت وغمضت عيونها
فيصل حرام حزن عليهالانها تذكره بجود
وراح مسك يدها
فيصل: ياخوافه كل عام وأنتي بخير وعقبال سنتين زياده
ملاك: وش قصدك
واقلعت الطاره وسكروا الاحزمه
ملاك غمضت عيونها و ضغطت على يده بقووووووووه
وطارت الطياره إلا بريطانيا
وراح تبدى المغامره الحقيقيه هنااك

في الطياره بعد مااقلعت
ملاك:فيصل كم ساعه بنقعد في الطياره
فيصل:وهو يناظر في الشباك حوالي 4-5 ساعات
ملاك:طيب
فيصل:روحي فكي عبايتك وتعالي (ولف وتلاقت عيونهم)
ملاك ارتبكت لدرجة انها ماركزت في شكله اما هو سرح شوي في عيونها
وهي بعد
وكانت متلثمه وعيونها هذي قصه لحالها
بعدين لف وجهه
ملاك قامت وراحت عشان تفك عبايتها
في هذي الاثناء جا صاحب المقعد الثالث
:مرحبا
لف فيصل وجهه
فيصل:سوزااان
سوزان:فيصل هيدا انت
فيصل:انتي وش جابك
سوزان:شو أنا بدي سافر على بريطانيا متلاك ماكان عندي خبر انك هون
فيصل:اهممممممم يعني ماكان عنك خبر
سوزان : لا والله ماعندي
فيصل: طيب أنا عندي لك مفاجئه اجلسي واسكتي طيب
سوزان: شو هيا و ليش
فيصل لف وجهه وصار يطالع الشباك إلا جات ملاك
ملاك(بصوت واطي):ممكن شوي
سوزان:إيه تفضلي
فيصل حس انه في احد جلس جنبه وشكله غريب بس ماعرف مين ومافيه حيل يلف ويشوف من بس (عقد حواجبه):لو سمحت هذا المكان محجوز
ملاك(منزله راسها):فيصل هذي أنا
لف فيصل شافها ويوم شافها فتح فمه
فيصل:م..م..ملاك
ملاك(رفعت راسها وناظرت فيه):إيه
(تفاااجااااااااااااااااااااات وماتمالكت اعصابها)
ملاك(بعصبيه):اااااااااااااااااااااااااااااااانت
فيصل(للحين يناظر جمالها بعدين استوعب ابتسم):إيه أنا ياملاك فيصل
ملاك وقفت بتروح مسكها وجلسها
فيصل:على وين إنشاء الله
ملاك:وخر عني من البدايه كنت عارف انها أنا
فيصل(بابتسامته الساحره):إيه كنت عارف ومصر اني اخذك بعد
ملاك:ماراح اجلس جنبك
فيصل:خلاص طيب
وقام فيصل من محله وجلسها بداله وخلى سوزان تجلس بينهم
ملاك:اففففففففف
سوزان:هيدي هيا ملاك هايدي هيا البنت الي ألتلك انك مش رجال
فيصل عصب: إيه
سوزان: وهاي هيا البنت الي شوهت لك وجاك
فيصل ماسك اعصابه: إيه
سوزان: وهاي هيا الي تركتني من شانا
فيصل وصل حده: خلاص إيه هاذي هي زوجتي ملاااااااك
ملاك دق قلبها يوم سمعتها يقول كذا بس مالفت ولا طالعته
سوزان:واسمى ملاك كمان
فيصل: إيه اسم على مسمى ارتحتي فكينا عاد
سوزان: فيصل وشو حايصير بيناتكم ؟؟؟
ملاك(لفت و ناظرت فيها): وش قصدك يعني؟؟
فيصل:سوزان انتي مالك دعوى زوجتي وانا حر فيها
ملاك:لا منت حر فيني
فيصل:أنا حر
ملاك ناظرت فيه :لا
فيصل(قرب منها):إلا
ملاك(تقرب):لا
فيصل(قرب اكثر وصار يطالع في عيونها الين ارتبكت ملاك وبهدوء):إلا
ملاك:لااااااااااااااااااااا
فيصل(صار يضحك):إلا إلا إلا إلا
ملاك:لا لا لا لا لا لا لا لا لا لا لا لا لا لا لا
فيصل(ومسك يدها وسحبها لين صارت مررره قريبه منه صار يناظر في عيونها وهي منزله راسها):ارفعي راسك وقولي انتي ملك من
ملاك(رفعت راسها وصارت ضايعه بين عيونه الثنتين ونظراته الي اربكتها)
((وهذا كله يصير قدام سوزان الي عصبت وهي بالنص بينهم))
سوزان:هييه انتي وياه بعدو عني
وخرت ملاك عن فيصل
فيصل عصب من سوزان
فيصل:سوزان ماودك تقومين
سوزان:بدي قوم ارجع محلي
فيصل قام مرره ثانيه ورجع محل سوزان بعد الحوسه هذي كلها صار فيصل بالنص بين سوزان وملاك
مرت ساعه والكل ساكت إلا شوي
فيصل:ملاك
ملاك:........
فيصل مسك كتفها:ملاك ملاك
((يا حرام لقاها نايمه))
صار يبتسم ويفكر
فيصل:ياربي أنا وش اسوي مع ذا البنت ماشاء الله والله انها حلووه ياحظي بس والله ما اخلي ذا الكف يروح بلاش ههههههه أنا اوريك ياهلاك وش بسوي فيك
((ملاك صارت تتحرك وانقلبت على جهة فيصل صارت مقابله له))
فيصل حط فمه على راسها وباسها و نام بعد هو
وسوزان استغلت ذا الفرصه وراحت نامت على صدر فيصل
إلا شوي اعلن عن وصول الرحله وهبوط الطائره
ملاك فتحت عيونها ولقت وجه فيصل وخرت عنه وهي مفجوعه وعصببببببت يوم شافت سوزان نايمه على فيصل
ملاك:مالت عليك انت واياها
ملاك(تدق فيصل):فيصل هيه انت يالله قوم وصلنا
فيصل فتح عيونه ولقى سوزان نايمه على صدره
فيصل:بسم الله وش جاب ذي
ملاك:ماادري
فيصل يحك راسه:أنا احسب انه انتي الي نمتي على صدري موب هي
ملاك:هه اقول قوم قوم يالله ننزل اوووووف
فيصل:هيه انتي وخري عني
سوزان:شو شوفي حبيبي
ملاك(بصوت واطي):حبتك القراده
فيصل:هههههههه
سوزان:اوبس اسفه حبيبي كنت نايمه
فيصل:اوكي طيب بس يالله خلاص ان شاء الله هذي اخر مرره نشوف فيها بعض
سوزان:لا إنشاء الله ماتكون اخر مرره (وضمته)
فيصل تورط وصار يناظر ملاك
ويسوي بيدينه أنا وش دخلني
ملاك:اووووف وخر (دفته وراحت)
فيصل:سوزان خلاص يالله باي
(ولحق ملاك)
فيصل(في نفسه):أنا ليش الحقها خلها تولي
وراح مسك يدها
ملاك:وخر
فيصل:اسمعيني زييين وحطي الي اقوله في عقلك وقبل لا تتصرفيين أي تصرف تذكريه فاهمه انتي ولا شي بالنسبه لي أنا ماخذك عشان تكونين بطاقة سفر لي عشان اجي لبريطانيا ولا تتوقعين مني أي شي بنعيش كاننا مانعرف بعض فاهمه
ملاك:احسن من قالي اني شفقانه عليك انت وجهك
(راحت وجلست وحطت رجل على رجل)
فيصل راح جاب الشنط واشر لها تجي
قامت واول ماقامت صقع فيها واحد
ملاك(e):سوري
(( E)) اذا شفتوها يعني يتكلمون بالانجليزي او راح اكتب(بالاي) لان صراحه مافيني حيل اكتب بالانجليزي واترجم راح اكتب الترجمه راح تتعودون))
(e):لا عادي ياليت دايما يصير كذا اذا كان مع وحده حلوه مثلك
ملاك(e):هههه شكرا بس ماله داعي هذا الكلام باي
(e):باي بس قبل ماتروحين ممكن اعرف اسمك
فيصل(بالانجليزي):لا مو ممكن
(بالاي):من انت
فيصل(بالاي): انت الي من
(بالاي):أنا كريستيانو وتقدر تناديني كريس وانت
فيصل(بالاي):أنا الي راح اخلي حياتك جحيم اذا قربت منها مره ثانيه
ملاك:مسرع ماقلبنا
فيصل سفها يعني طنشها
كريس(بالاي):أنا حاس اننا راح نتقابل مره ثانيه
فيصل(بالاي): اجل راح تكون اخر مره في حياتك
كريس(بالاي):اوكي اشوفك بعدين ياحلوه
ملاك:رح بس
كريس مايدري وش تقول بس يبتسم وراح
فيصل:اووووف امشي (ويسحبها مع يدها)
ملاك:اييييي فيصل شوي شوي علي (وفكت يدها بقوه)
ملاك:أنا اعرف امشي لحالي
فيصل:يالله تفضلي قدامي
مشت ملاك قدامه وهي رافعه راسها
فيصل:الله يصبرني على ما اوبتليت
وراحوا ركبوا في السياره سياره مرره حلوه كلايزر اذا كنتوا تعرفونها لونها اسود وهذي كانت سيارة ملاك المفضله أول ماشافتها طارت من الفرحه
طول الطريق وهم ساكتين
ملاك:فيصل كم سنه بنعيش هنا
فيصل:سنتين وقابله لتمديد
ملاك:في هذي السنتين فيه اجازات تخلينا نرجع للسعوديه
فيصل:امممممممممم اذا أنا بغيت
ملاك:وانت تبغى
فيصل:لا ماابغى
ملاك:طيب ماشي مااشي
فيصل:وش فيك
ملاك(تستهبل):سلامتك ياقلبي مافيني شي
فيصل(ناظر فيها):قلبك
ملاك(ارتبكت لانها طلعت منها بالغلط ):.....
أول ماوصلوا للفندق كانوا ماخذين جناح كامل
دخلوا راحت ملاك لفت الجناح كله واعجبتها غرفه وقالت للموظف يدخل شناطها هنا
فيصل:ملاك تبين شي
ملاك:إيه ابي شيبس
فيصل:ايش
ملاك:ماسمعت أنا ابغى شيبس بطاطس وسفن اب لو سمحت وجالكسي من كل نوع واحد و بس خلاص
فيصل(بعلامات تعجب):وش رايك اجيب لك المحل كله
ملاك:لا لا ماابغى بس الي طلبت
راح فيصل وماجاب لها ولا شي جاب له بطاطس واحد وسفن واحد له هو وجلس في الصاله وقام ياكل
طلعت ملاك من غرفتها
ملاك:وين حقي
فيصل(وهو يتفرج):ايش
ملاك:أغراضي الي طلبتها
فيصل:صراحه كثيره وانا مافيني حيل اشيل أي اكياس
ملاك:ماشاء الله طيب أنا ابغى
فيصل مد لها الشيبس الي معه :خذي
ملاك:ما أبي أبي لي بالحالي
فيصل :هذا الي موجود تبينه ولا بكيفك
ملاك:يوووه ياشين النذاله
وخذت شوي من الشيبس
ملاك:والسفن
فيصل:خذي حقي شربت نص اشربي النص الثاني
ملاك:لا شكرا
فيصل كان متحمس يتفرج على فلم رعب بس ووووووووووووووووسخ
ملاك كل شوي تغمض عيونها
الفلم مرره وسخ لحد القرف
فيصل يناظر ملاك بطرف عينه ويبتسم وهو اصلا خاق على حركاتها
ملاك:فيصل ماودك تغير
فيصل:لا
ملاك:الفلم موب حلو
فيصل:أنا عاجبني
ملاك:طيب خلاص أنا بروح أنام
فيصل:قفلي الغرفه
ملاك(مستغربه):ايش
فيصل:قفلي باب الغرفه الي بتنامين فيها
ملاك:ليش
فيصل:اخاف بعد الفلم اتهووووور
ملاك خافت وراحت وقفلت على نفسها الغرفه
فيصل أول ماراحت طفى التلفزيون ونام على الكنب
هو اصلا حافظ الفلم بس عناد فيها
بكره وش بيصير في بكره الله العالم
راح نشوف وش بيصير مع ذا الثنائي
ملاك ماقدرت تنام وقاعده تفكر انها راح تبدى حياة جديده مع واحد تكرهه ويكرها وتفكر في كلام فيصل
ملاك:اووووووووووف وش السوات اللحين
ملاك:احسن شي اخذ شاور وبلبس بجامتي ذيك الساعه بفكر
ودخلت وخذت لها شور وطلعت بالروب
ملاك:يوووه المويه بااارده الله يستر من ذا البنات وش حطوا في ذا الشنطه
وتبي ترفع الشنطه
ملاك:حشى ميب شنطه ذي ياكبرها كبراه الله يستر من الي في وسطها
فتحتها يوم فتحتها
ملاك:هااااااااااا الله يلعن شيطانكم يابنات اللذينا
وتدور يمين يسار عسى ولعلى تلقى شي ساتر وطلعت كل الملابس الي في الشنطه في النهايه مالقت إلا لبس واحد يعتبر استر شي
ملاك:ياربي هذا استر شي شفته بلبسه بس ماراح اطلع عنده والله ماأخليكم يابنات الذين اللحين وش يقول فيصل عني اوووووووووف
لبسة قميص نوم لونه وردي فاتح بس انه لين نص الفخذ وعريان ونص الظهر طالع ((وهذا استر شي))
انسدحت ملاك على السرير إلا شوي بطنها يطلع اصوات
ملاك تمسك بطنها:يووه ماكليت شي من الصبح واللحين الساعه 12 والغبي ذا برى خليني امشي بشوي شوي واشوف اذا فيه شي ينوكل ولا لا
طلعت وطلت لجهة فيصل لقت التلفزيون مطفى وفيصل نايم على الكنب
ملاك:احسن فكه
وراحت للمطبخ فتحت الثلاجه مالقت فيها شي
ملاك:أول مره اشوف هوتيل ثلاجته فاضيه
لفت ملاك لقت كل شي على الطاوله الي قدام فيصل
ملاك:يووه الدب ذا حاط كل شي على الطاوله الشكو لله لازم اكل أنا جوعااانه
وراحت وهي تمشي بشوي شوي لين ماقربت من الطاوله وكانت كل اللمبات مطفيه إلا الابجوره الي جنب فيصل
ملاك(بصوت واطي):يالدب هذا كله انت ماكله
كان كل شي مفتوح تقريبا
ملاك اخذت الشبس واكلت منه شوي واخذت عصير تفاح كان مفتوح
فيصل كان قايم ويشوفها ويبتسم بس هي مانتبهة له ياحرام جوعانه واكلت ملاك الي تبيه ورجعت كل شي مثل ماكان عشان مايلاحظ فيصل وراحت الغرفه
فيصل:شبعتي
ملاك وقفت ولفت لقت فيصل يطالع فيها من فوق لتحت
ملاك راحت وسكرت الباب
ملاك:بسم الله احسب انه نايم
دق فيصل الباب
ملاك:خير
فيصل:ملاك افتحي
ملاك:ماابغى قل وش تبي
فيصل:ليش افتحي الباب تخافين
ملاك:إيه
فيصل:ههههههههههههه افتحي ماراح اقرب منك يابنت الحلال لو بغيت اقرب منك كان قبل شوي مسكتك صح ولا لا
ملاك:....... لا ماراح افتح الباب
فيصل:طيب بكيفك انتي الخسرانه
راح فيصل ونام
ملاك رتبت ملابسها المحيوسه في الشنطه وطلعت الاب توب وفتحت المسن ولقت جود داخله
ملاك حاطه النك نيم(ملاك وعيوني هلاك)
جود حاطه (دلوعة أبوها ويغار منها اخوها)
ملاك وعيوني هلاك:السلام عليكم
دلوعة أبوها ويغار منها اخوها:هلا والله وعليكم السلام
ملاك وعيون....:كيف حالك
دلوعة أبو......:انتي الي وش اخبارك ملاك فيصل هو
ملاك.....:أنا عارفه
دلوعة...:صار بينك شي
ملاك...:لا بالعكس عادي اللحين هو نايم
دلوعة...:يعني فيصل مازعل ولا شي
ملاك.....:لا ياجود
(ملاك صارت تبي الفكه وفي هذي الاثناء سام دخلت)
ملاك....:جود فيصل يبيني باااي
دلوعة......:طيب باااي وسلميلي عليه
ملاك.......:ان شاء الله
((وحطت ملاك خارج الاتصال))
ملاك.....:ابتساااااااااااااااااااااااااااااااااااا ااااااااااااااااااام
:الحقي علي
لا تقول احبك يلعن شكلك: وش فيك إلا صدق ملاك فيصل طلع هو فيصل
ملاك......:اااااااااااااااااااااااااااااااه يا سام إيه هو
لا تقول.....: سوى لك شي
ملاك...:بدايتنا ماهي زينه
لا تقول.......:ملاك امي درت
ملاك........:كذابه
لا تقول....:والله العظيم
ملاك...:وش قالت
لاتقول....: ماقالت شي تقول خلاص هم تزوجوا وش بتسون راح يتعودون على بعض
ملاك....:لا ماراح نتعود على بعض
لا تقول....: يعني وش بتسوين
ملاك.....: ما أدري
لا تقول.....: ملاك انتي حلفتي
ملاك....: حلفت بأيش
لا تقول.....: نسيتي مو أنا قلت لك تخيلي انه فيصل الي تضاربنا معه
ملاك....: ياليتك ماقلتي شي
لا تقول....: قمتي ضربتيني وقلتي حتى لو انه مايحبني وانا ماحبه راح اعطيه كل وقتي ودنيتي لانه ببساطه زوجي
: نسيتي
ملاك....: يوووووووووه
لاتقول......: اسمعي انتي حاولي معه من كلام جود ان اخوها طيب خلاص خليك طيبه معه وشوفي اذا مررره مانفع عاد ذيك الساعه نفكر بشي ثاني
ملاك......: انتي تشوفين كذا
لا تقول.....: أنا اقول كذا
ملاك.......: شورك وهداية الله
((وقعدوا يتكلمون وطولوا وسام قالت كل شي صار في الزواج بعد ماراحت ويوم عبود جا وملاك نفس الشي قالت لها يوم سوزان وكل شي في النهايه))
لا تقول.....: ملاك أنا بروح اناام خلاص تعبت
ملاك...:مالت عليك انقلعي
لا تقول....: يالله باي
ملاك.....: باي
ملاك كانت عيونها حمرا من كثر ماتبي تنام وقعدت على ما بال الاب توب يطفى طووووول ملاك حطت راسها على الاب توب ونامت
فيصل قام وناظر يمين يسار
فيصل:شكلها في الغرفه ماطلعت
راح تسبح وطلع ولبس وخلص وملاك لسى ماطلعت
فيصل:لا يكون صار لها شي
وراح دق الباب ولا صوت ولا حس
فيصل:ملاك
ملاك:......
فيصل: ملاك ((ويدق الباب بقوه))
ملاك حست انه في احد واللمباااااااااااات كلها مطفيه ماتشوف شي
فيصل:ملااااك
ملاك:هاااااااااه لحظه
((وقامت ماتشوف شي ودب طاحت))
ملاك: اااااااااااااه
فيصل:ملاك ملاك وش فيك
ملاك: خير مافيني شي انقلع
فيصل(عصب): الشرهه موب عليك علي أنا الي خايف عليك
ملاك: محد قالك خاف علي
ملاك نزلت ادموعها
فيصل عصب وطلع
ملاك سمعت صكت الباب بقوه: احسن الله لا يبارك فيك
وصارت تبكي
بعد 5 دقايق رجع فيصل وفتح الباب لانه هو اصلا رايح يجيب المفتاح من عند الرسبشن
ملاك إلا الان تبكي
دخل عليها فيصل وهي جالسه على الأرض جنب السرير ودموعها على وجهها وخشمها احمر وماسكه رجلها
فيصل يناظر شكلها ويناظر حوليها لقى بقع دم
ملاك مصدومه منه وشكله يوم فتح باب الجناح وهو لابس برموده لونها اسود وبلوزه لونها اورنج ومفتوحه ازاريرها الولد بالمختصر المفيد كان يخقق
فيصل قرب من عندها
فيصل:ملاك وش صار
ملاك(ودموعها على خدها): كنت امشي وصقعت بشي حاد بس مادري وشو
فيصل وخر يدها الي على رجولها من تحت ماسكه ساقها
فيصل:اشوف
ولقى جرح ينزل منه دم بس اشوى الدم خف شوي
فيصل تعالي
ملاك: وين
ماكلمها ولا شي شالها من الأرض
ملاك:فيصل نزلني أنا اعرف امشي
فيصل:اسكتي
ملاك مستحيه من اللبس الي لابسته وحاطه يدينها على القميص من تحت عشان مايبان شي
طلع فيصل وهو شايلها وجلسها في الصاله وراح وجاب عدة الاسعافات الاوليه
وجلس على الأرض وهي كانت على الكنب
وصار يعقم الجرح ويناظر شكلها وهي مستحيه وجهها احمررررر ويبتسم
ملاك:خير ان شاء الله ليش توزع ابتسامات
فيصل يوم تكلمت ضغط على الجرح
ملاك لا شعورين ضربته مع راسه بس بخفيف
فيصل: يالدبه أنا قاعد اعقم جرحك وأنتي تضربيني
ملاك: انت عورتني
فيصل:لا ماعورتك
ملاك:إلا عورتني وكنت قاصدها بعد
فيصل: طيب ياملاكوه
وصار يسوي ويعقم الجرح وحط عليه الشاش بقوه وملاك تصيح
ملاك: فيييصل عورتني
فيصل: تستاهلين
وخلص ووقف
ملاك(تفكر في نفسها):يمكن انه تغير وحن علي (وتناظر فيه)
فيصل(ناظر فيها): خير فيني شي
ملاك: لا بس بسأل سؤال ممكن
فيصل: لا
ملاك:انت ليش سويت كذا
فيصل (يناظر فيها وهو رافع حواجبه): أنا قلت لا
ملاك: خلاص أنا سألت جاوب
فيصل(وقف):لا تحسبين اني ملت لك ولا شي لا لانك امانه عندي
ملاك(زعلت):أنا امانه عندك وثقيله عليك طيب يافيصل
وقامت وهي تعرج
فيصل: وش بتسوين يعني
ملاك: شف ياويلك لو فتحت ذا الباب فاهم اتركني في حالي مأبي منك ولا شي مالت عليك انت وجهك
راح فيصل وسبقها ووقف عند باب الغرفه
ملاك: وخر
فيصل: أنا أبي ذا الغرفه أبي اجلس فيها
ملاك: خلاص طيب
ودفته عشان يدخل داخل الغرفه
ملاك: أنا بجلس في الصاله ولا تزعجني
فيصل: ابي اسال سؤال؟؟
ملاك: لا
فيصل: انتي ليش معصبه؟؟
ملاك: من قال اني معصبه
فيصل(ضحك ويستهبل):الشرار الي بعيونك وتصرفاتك
ملاك: انت همك زعلي يعني؟
فيصل: لا بس حبيت اسال؟
ملاك: لا لاتخاف مانيب زعلانه وازعال عشان وشو اصلا؟؟
فيصل: عشاني ما حنيت عليك ولا حبيتك ولا راح افكر اني احبك وعشانك انتي تحسين انك امانه ثقيله علي وانك متعبتني في حياتي الي توني باديها
ملاك تناظر فيه وهي فاتحه فمها
فيصل ابتسم: السكوت علامة الرضى وعلامة ان كلامي صح
ودخل فيصل وسكر الباب ملاك راحت وجلسة في الصالة إلا شوي فتح فيصل الباب وملاك لفت تناظر
ملاك:خير
فيصل وهو يطل من عند الباب:تراني امزح عليك اذا كان هذا شعورك فأنتي غلطانه(وراح لف ويمشي بيدخل للغرفه ويقول) وعلى العموم قدامنا سنتين وراح تغير اشياء كثيره صح (وابتسم)
وقبل مايدخل وقف عند الباب وطالع فيها و طلع لسانه يبي يقهرها ودخل
ملاك:مهبول عندي بزر أنا
((وجلست ملاك وشغلت التلفزيون وصارت تتفرج عليه وتفكر في كلامه بس ماعورت راسها بالتفكير))
فيصل أول مادخل لف تنهد وبعدين لقى شنطة ملاك ابتسم ابتسامه عريضه
فيصل:زوجتي عادي اشوف شنطتها
وجلس وفتحها وطلع كل شي وسطها
فيصل:ياويل حالي ماعندها شي ساتر ذي صدق ماتستحي
إلا شوي فتح الجيب حق الشنطه لقى فيه ورقه
خذاها وقرأها مكتوب فيها
بسم الله الرحمن الرحيم
هههههههههههههههههههههههههههههههههههههههههههههههههه اااي
ملاك ملوكه اذا قريتي هذي الرساله تكونين في احظان فيصل اتمنى اشوف شكلكم مع بعض
أنا عارفه انك راح تزعلين من الشنطه
بس هذولي البنات وجود معهم بعد حالفين ليحطون كل شي يجذب فيصل لك ويخليك more sexy مع انك ماتحتاجين والله ياملاك ماندري وش نقول بس الله يخليك لفيصل ويخلي فيصل لك وهذي هديه مننا
مع حبنا
تنفيذ هند ولميا
باشراف الشله

((الهديه كانت عباره عن صورة ملاك وهي تسوي بروفه لفستان الزواج وكان شكلها يجنن وصوره ثانيه ملاك وهي صغيره تبكي))
فيصل يقرى ويقول: الحمد الله والشكر الي عطان العقل بس والله فله
: والله حرام مسكينه ملاك عشان كذا لابسه كذا بس والله انها حلوه
وقعد يناظر الصور اخذ صورة ملاك وهي صغيره وحطها بجيبه وخلى الكبيره عندها ورجع كل شي مثل ماكان وراح انسدح على السرير
أول مانسدح صار يشم شي
فيصل(وهو ياخذ نفس عميق): الله وش ذا الريحه تجنن
راح واخذ المخده وقعد يشمها
فيصل: يلعن شيطانها ماأحلى ريحتها
وصار يتقلب يمين ويسار ماجاه النوم ابد
فيصل: خليني اشوف وش تسوي ذا البنت
وطلع
أول ماطلع حشى بعالم ثاني تماما الليتات مطفيه والمكيف كان بارد وملاك مشغله التلفزيون وقدامها اكل كثير
فيصل:ماخذ بزر أنا
وراح قرب منها والدلخه من كثر ماهي متحمسه مع الفلم ماانتبهة له
فيصل قرب لين وصل عند اذنها
((ويصيح ذيك الصيحه خلت ملاك تنط موب على الطاوله وصلت الجهه الثانيه من الغرفه))
ملاك(تتنفس بسرعه):بسم الله بسم الله بسم الله الله ياخذك يالدب يالمهبول
((وتقرب منه وهي تهاوش وتسب وهو يناظر فيها اصلا ماسمع ولا كلمه من الي قالته ))
راح فيصل وقرب منها وحط يده على رقبتها ورجعها على ورى لين ماوصلت الجدار وشكله رفعها مادري كيف بس ملاك خافت مو خافت قلبها طاح وساااكته وهو يناظر فيها ويبتسم وملاك تبي توخر يده بس ماقدرت وهو كان قريب مره مره مره منها لدرجة انه يحس بأنفاسها الخايفه على وجهه
^_^
 

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
تعرف على رواية ملاك الخاصة بي مربي الاسود روايات و قصص بالعاميه 1 07-30-2012 12:52 AM
^_^ رواية ملاك وعيوني هلاك ^_^ layo0onh روايات و قصص بالعاميه 6 12-11-2011 06:25 PM
رواية سحرتني عيونها/بقلم الكاتبه:][قمر مشتاقه][ دلع بس بسنع روايات و قصص بالعاميه 66 11-08-2010 10:32 PM


الساعة الآن 02:54 AM.


Powered by vBulletin®
Copyright ©2000 - 2024, vBulletin Solutions, Inc.

شات الشلة
Powered by: vBulletin Copyright ©2000 - 2006, Jelsoft Enterprises Ltd.
جميع الحقوق محفوظة لعيون العرب
2003 - 2011