|
|
#96
07-30-2013, 07:18 AM
| ||
| | ||
 قصدي يا توتتي والفكرة خطيرة شكلي باسويها بوحده <<<انتبهي لا تسمعك >_< يلا لا تطولين علينا مرة ثانيه ^^ سلام Fairy Princess and تووتة like this.
__________________ سبحان الله وبحمده سبحان الله العظيم سبحانك اللهم وبحمدك اشهد ان لا اله الا انت نستغفرك ونتوب اليك اللهم انك اعطيتنا الاسلام من غير أن نسألك , فلا تحرمنا الجنة ونحن نسألك . |
|
#100
07-31-2013, 12:36 AM
| ||
| | ||
| اشكر كل من تابعني وشجعني ادري هالبارت نزل بسرعه بس هذا تعويض لأن اختي عهود ما عجبها البارت 11 قلت اعوضها وهي راح تكون بطله البااارت توالت الأيام وانتهى الفصل الدراسي الأول نجح الشبنقح بمعدلات مثل وجيههم لأنهم كانوا يسحبون على الحصص ويلعبون ومضيعينها ... بدأت الاجازه والمديره قررت تاخذ طالبات ثالث استراحه ثالث وبس لأن اخر سنه ولهم في المدرسه اللي كانت بيتهم فعلا ولأنها ماراح تشوفهم خلاص لكن شبنقح العزيز اقصد المجنون حالف انه يروح الاستراحه حتى لو تهرييب ههههههههه في غرفه شبنقح في تمام 4 عصرا العنود : ليش ثالث يعني ليييش خلود معصبه بطريقه مضحكه : والله والله لأروح معاهم خير ناقصين رجل عن ثوالث ولا يد جوان : يا هبلين ما اعرف اسبح شلون يعني كلكم تسبحون وانا لا ليان : هبله ومين ما يعرف يسبح جوان : انا هديل : انا ولا هي خلود بترجي : تكفييييين هديل عشاني لا تتسيمجي هديل : انا الظاهر اخر كلمه انطقها قبل موتي كلمه سماجه العنود : ههههههههههههههههه هبله .. جوان انت مو شرط تسبحي انت روحي كلي وبس جوان : مع نفسك العنود : مع الحب جوان : ياليل كم مرة اقول اني اغار ليان : الظاهر انا بموت بسبب عنود ياخي افهمي احنا ن غ ا ر العنود : هههههههههههههههههههههه وش اسوي احب اشكالكم وانتوا تغارون خلود : بقلكم شيء الحين لو اكتشفونا وش نسوي هديل : كلكم اغبيااء شلون ما فكرتوا كذى العنود : لا خفي علينا يعني انت اللي فكرتي هديل : لا خلود : انت سامجه هديل : سامجه ولا دلخه خلود طبت على هديل وطاحت فيها ضرب وهديل بتموت من الضحك ليان جهزت شطنه وحطت فيها اكل وملابس وشاحن الجوال واخذت معاها اغراض السباحه العنود هم كانت تجهز أغراض الرحله لكن جوان كان خلقها ضايق ومو مرتاحه للرحله جوان : شبنقح وحدة فيكم تحط اكل في شنطتي ودفتري وقلم والجوال انا بروح اكل خلود : نشتغل عندك ها جوان : انت ليش اليوم سايره عدائيه خلود قعدت تفكر جوان : ردي خلود : ياخي انا مو عدائيه والله شوفيني محلاني رقيقه جميله بس سماجه هديل تخليني اعصب جوان : اجل يا جميله يا رقيقه حطي اغراضي بالشنطه امممم هديل ابي شنطتك الحمراء هديل : ها . لا ما راح اعطيك شطنتي جوان طنشتها وقالت لخلود : خذي الشنطه الحمراء وحطي اغراضي فيها ليان صرخت : خلسسسسسسسسسسسسسسسسست العنود انفجعت : ياخذ ابليسك قولي امين مجنونه انت خلود : ههههههههههههههههههههه عنود شكلك حلو وانت خايفه العنود : اصلا شكلي حلو بكل الحالات نزلت جوان تاكل و شبنقح كملوا تجهيز الأغراض خلود : هديل اعطيني البلوفر اللي جنبك هديل اخذت البلوفر وقعدت تلعب فيه تعطيه لخلود ولما خلود بتاخذه هديل تسحب منها خلود تبي تعصب وتبي تضحك : والنهايه العنود : هديل تعرفي وش معنى كلمه اعقلي هديل : لا يا سديق انا يعرف يسوي بطاطس يعرف يسوي شاورما العنود : هههههههههههههههههه وربي محششه بعد ساعه طلعت جوان من من المطعم وشبنقح جاهزين وكل شيء غيرت ملابسها وجوا نازلين بهدوء عشان محد يحس فيهم الا جوان وليان اللي ما يعرفوا وش معناها كلمه هدوء جوان : شبنقح اذا غرقت ومت قولوا لخالتي هدى اني احبها حيل ليان : يااليل انت جوان ليش هالكلام اللي يسد النفس جوان : مدري العنود عصبت عليهم : ياخي ما تعرفوا تتهاوشوا بصوت واطي هديل بصوت واطي : حتى انت رفعتي صوتك خلود تتفاخر : أصلا انا اعقل وحده ... ما مداها تكمل الجمله الا وطاحت من الدرج بطريقه مضحكه جوان مقدرت تتحمل المنظر ومن الضحك طاحت فوقها العنود : هههههههههههههههههه شفتي شفتي اللي يسخر من خلق الله خلود : اخ يا ظهري هذا بدل ما تساعديني ليان : هههههههههههههههههههههههههه خلود تكفين عشاني عيدي الحركه جوان مااتت من الضحك ومو قادره تتكلم هديل في عالم اخر وتغني جاتهم أبلى نوف ابلى نوف : على وين شايلين هالشنط ورايحين وقفوا شبنقح وكل وحده يدور في راسها يارب نقدر نروح الاستراحه يارب اصرف نوف عنا جوان : ابلى اااا احنا كنا نساعد ابلى هيله وننزل اغراضها واغراض صديقاتنا من سنه ثالث ابلى نوف : شبنقح ومن متى هالادب العنود : من يومنا يا ابلى ابلى نوف اكلت الخدعه : الله يحميكم يلا لا تتأخروا ليان : ياه هالابلى مسكينه خلود : ههههههه ياخي الله لا يحرمنا منها هديل : ااااااااااااااااااااااااااه >> باقي تكمل اغنيتها نزلوا الشارع ولقيوا سياره كبيره تلفتوا يمين ويسار وراحوا فتحوا ذاك الشيء اللي ورى السيارة اللي يحطوا فيه الأغراض ودخلوا وتخبوا بين اغراض بنات سنه ثالث ولا من شاف ولا من سمع المشكله المكان صغير بالنسبه لخمس بنات يدخلوا فيه ومعاهم اغراض المهم نزلت المديره ومعاها بنات سنه ثالث وهم جالسين يقهرون سنه اولى وثاني دخلوا اليساره وحده من البنات : ابلى واحنا نازلين ما شفت شله شبنقح المديره : اكيد في المطعم ربي فكنا منهم اليوم ولا كانوا سوا لي سالفه ليش ثوالث وليش ما نجي معاهم وحده من البنات : بس صراحه تمنيت لو انهم معانا محششين وبالذات هديل تخلي الكل يضحك شبنقحنا العزيز يسمع الكلام من ورى وتوعدوا في المديره خلود مع ابتسامه خبيثه : والله لأوريكم فيها أبلى هيله جوان : وش راح تسوين العنود : حرااام خلود لا تسيري هبله خلود : لا بس بنضحك شوي ليان : اممممممممم بس اتمنى ما يكون شيء اهبل يخلينا نطيح من عينها هديل باقي مع اغنيتها: ااااااااااااااااااااااااااااااااااااااااااااااااااااااه شبنقح سكتوها بسرعه المديره : بنات وش ذا الهبل من اللي صرخت البنات مستغربين ونصهم خايفين وحده من البنات : ابلى جن المديره : اللهم اسكنهم مساكنهم بس يا بنت لا تخوفين زميلاتك خلود : والله انت اللي خايفه مو البنات المديره : اعوذ بالله من الشيطان الرجيم شبنقح حاولوا يكتمون الضحكاات المديره : والله يا بنات برجعكم بسرعه مين تكلمت خلود : مو البنات هذا قربوع المديره :اعووذ بالله وجلست تقرأ ايات وتحصن نفسها وتقول للبنات يقرأون و يحصون نفساتهم المهم وصلوا الاستراحه ع الساعه 8 مساء نزل السواق فتح ذاك الشيء عشان يطلعون الأغراض وفجاة طلعوا شبنقح جوان بهبال : واخيرا نور القمر اه واخيرا ابصرته خلود تكمل الهبل : الهواء العليل اه ما ازكاه العنود : ههههههههههههههههههه المديره مستغربه ومعصبه : شبنقح وش جابكم جوان تتدلع : ابلى لا تعصبين بس حنا ما نقدر على فراقك المديره كان ودها تصفق شبنقح بس ما بيدها حيله جوا وراها وهي تحبهم وماراح تسوي الا انها تخليهم يستانسون بيومهم .... أما أبلى نوف جنت يوم ما لقت شبنقح في المدرسه او غرفتهم دخلوا الاستراحه ورتبوا اغراضهم وراح يبقوا في الاستراحه 3 يوم يا سديق الكل يسبح الا جوان وحده من بنات سنه 3 : جوان ليش بعيده وما تسبحي جوان نافخه خدوها : ماعرف اسبح نفس البنت : اجل الله يعينك على نفسك ليش جايه طيب جوان بنفس التكشيره : وش اسوي شبنقح كلهم يبون الروحه وانا ماراح اجلس لحالي في المدرسه راحت البنت تكمل سباحه مع صديقاتها وجوان جالسه تطالع فيهم وتضحك على خلود اللي كانت ترش المديره بالمويه ابلى هيله : خلود بس يابنت تجيها هديل من ورى وترشها : بنت ولا ولد جوان تختطب روحها : اقسم ماكأنها المديره العنود : أبلى وش بتعشينا ابلى هيله : انتوا اسكتوا اصلا العزومه لسنه ثالث مو انت وحده من ثوالث : أي لنا وانتوا دخلاء خلود : وين ليان مالها حس العنود تصارخ : جوااان ليان عندك جات جوان قربت من المسبح وقبل ما تجاوب طاحت بالمويه بطريقه مضحكه وهي ما تدري تخاف وتبكي ولا تضحك خلود : هههههههههههههههههههههههه ربي انتقم منك يوم ضحكتي علي لما طحت جوان بين الضحك والبكي وهي غرقانه بالمويه : يا كلبين ساعدوني مو تضحكوا المديره طلعت جوان وقالت لها : وين ليان مالها حس جوان : مدري قالت لي بتكلم تلفون جوا المديره : روحي ناديها راحت جوان وقبل ما تدخل الغرفه سمعت التالي حبيبي بحاول بس مو تزعل اذا ما قدرت اوووووو يوسف بلا دلع اممممم ترى اول مرة اكلم ولد وانا عمري ما طلعت مع احد لالالا تفهمني غلط الا اثق فيك بس هم انا بنت وسمعتي اغلى شيء تعال تقدم لي وبعدين نطلع ومحد يقدر يقول شيء جوان : تكلم مين ذي دخلت جوان بسرعه ليان : ان شاء الله يمى يلا مع السلامه وقفلت جوان وهي معصبه : ليان مين هذا ليان توترت : هذي امي جوان بعصبيه اكثر : ليان لاتكذبي بكت ليان .. جوان ما تحملت تشوف اختها التوام تبكي راحت ضمتها جوان : ليون تكفين قولي لي وش السالفه ليان : بس لاتقولي لأحد جوان : احنا ما نخبي على بعض ليان : اوكي بس مو الحين اخاف اقولهم عنود تصفقني انت عارفه شكثر هي عصبيه جوان : لكنها متفهمه في هذي الامور ليان : اسمعي القصه . قبل الاختبارات تعرفت على واحد في الفيس وحبيته اسمه يوسف هو مره طيووب وقال بيتقدم لي لما يكون نفسه هو يحبني حيل حتى بوقت الاختبارت كان يرسل لي مسجات أدعيه عشان الاختبارات وكذى جوان : لا والله وانت مصدقه ليان : والله انه ثقه و محترم جوان: محترم وهو يبي يطلع معاك ليان : جوان جوان : اسمعي لينو انتبهي تطلعي معاه ليان : اممممممممم هو عازمني على مطعم بكرى جوان : ليان خلي عقلك براسك يا اختي ليان : شايفتني مجنونه جوان : ليان ماراح تطلعي فاهمه ليان : عصبت كيفي انا حره ترى انا مو طفله جوان اعطت ليان كف ونزلت من الغرفه وهي تبكي ليان ماسكه خدها وهم تبكي راحت جوان معصبه وكلها دموع ورجعت مكانها طلعوا شبنقح من المسبح مع البنات وجالسين يينتظرون العشاء جات العنود عند جوان : جوان وين ليان جوان (فيها بحه البكاء) : مدري العنود : وين كنتي كل هالوقت جوان عصبت : مدري خليني بروحي وخري عني العنود : جوان وش فيك تكملي .. ليان فيها شيء جوان : لا مدري خلاص اتركيني العنود : شلون اتركك وانت كذى جات هديل مع خلود خلود : جوان وش فيك جوان تمسح دموعها : ولا شيء هديل : جوان لاتنسي اننا اسره وحده وما نخبي على بعض جوان انفجرت بالبكاء ضمتها خلود العنود : تكلمي حبيبي وش فيك جوان تشاهق : لل ل لياان ليان بتروح منا خلود : اهلها بيجوا ياخذوها جوان : لا هديل: اجل شلون حكت جوان القصه لشبنقح للحظه حسوا بشيء غريب حسوا انهم لازم يتصرفوا ولو كان التصرف انهم يقتلوا هالولد اللي لاعب على اختهم العنود معصبه : هذا اللي ما عنده خوات انا بتوطأ ببطنه خلود : وربي لو يلمس شعره منها ما يشوف خير جوان لازالت تبكي : بس .. بس ليان مصدقه كل أكاذيبه العنود : صغيرتي لا تهتمي احنا راح نحل الموضوع وليان هذي حسابها عندي يا تسيب هالحيوان بالطيب او بالقوة دخلوا الشبنقح عند ليان وهي غارقه بدموعها ضمتها العنود : ليان اهدي حبيبي واسمعيني عدل . حنا مقصرين عليك بشيء ليان : لا العنود : اجل ليش تجرين ورى الاثول هذا اللي ماعنده سالفه ليان : لاتسبيه ترى هو انسان محترم العنود : لو محترم ما كان كلمك هديل : احنا نحبك حيل ليش تدوري على الحب برى ليان : انتوا بنات ويوسف .. يوسف هذا حبيبي تصدقون فهمني حيل يوم كنت اكلمه خلود : واحنا ما كنا نفهمك ليان : بلى لكن قتلك هو راح يتقدم لي جوان عصبت : أي يتقدم لك واي بطييخ العنود : جوان لاتعصبي خل نفهم السالفه اكثر جوان : وش تبين تفهمين اكثر انا بموت من الخوف عليها وهي مو هامها الا هذا اللي ما يتسمى ليان عصبت : جوان عن الغلط المديره جات : بس قصروا حسكم وتعالوا كلوا هديل : لا شكرا المديره : براحتكم بس اكلكم في الثلاجه هديل : اوكي شكرا راحت المديره ليان : والله احبه وبكرى عازمني على المطعم وبروح معاه العنود هنا عصبت حيل ومسكت ليان من بلوزتها : نعم وين ياحبيبي ترى الدنيا مو فوضى وش اللي اطلع معاه انت مجنونة ليان باقي تكبي : أي أي مجنونة بحبه خلود : ليان حطي عقلك براسك ليان : يوسف خطف عقلي يا خلود والله خطفه هديل : ليان والله يكذب عليك صدقيني ليان : وش الدليل هديل : لو يبي يتزوج كان اخذ وحده غيرك وهو الحين مو واثق فيك لأنك كلمتيه ليان : كلكم كذابين جوان بنبره غريبه كلها حزن وزعل : انت حره انا بروح اكل العنود مسكت جوان من يدها : وين رايحه قال باكل التفت جوان وعيونها كلها دموع العنود : جوان الهرب مو حل لازم نقنعها ليان : ماراح تقنعوني تجاهلتها العنود : جوان هي تحتاجنا الحين اكثر من أي وقت لاتتركي اختك التوام وربي لو تركتيها راح تندمي حيل جوان بكت اكثر : ومن قال اني راح اتكرها مستحيل بس بس كنت ابي احسسها انها زعلتني ممكن تتراجع ليان : جوان جوان : ليان تكفين اقطعي علاقتك فيه ترى وربي كذااب ليان : اااااه ليش مو مصدقين ليش العنود : لأن كل هالشاكله معروفين بالهياط على البنات هديل : خلاص روحي معاه الكل طالع بهديل هديل : خير ليش تطالعون أي خليها تروح حرام تحرموا البنت وممكن هذا نصبيها وتتزوج بعدين ما تبون تسيرون خالات خلود فهمت على هديل : أي صح خل تروح تتعرف عليه وبعدين يكلم اهلها العنود وجوان طالعوا في بعض ومو فاهمين السالفه خلود : ليان الحين نكلم المديره ترجعنا السكن وبكرى في الصباح نروح نشتري هديه حق يوسف العنود : خير وش فيكم جنيتوا جوان ارتفع بكيها اكثر واكثر وانهارت وطاحت على الأرض تبكي كان الخوف ياكلها العنود : جواان امسكي نفسك ترى كل مشكله ولها حل هديل راحت للمديره وبعد طول عراك اقنتعها تدق على السواق عشان يرجعهم السكن رجع شبنقح السكن وليان مستانسه وجوان منهارة وتبكي وعنود مو فاهمه السالفه وتتمنى ان يطلع هذا كابوس هديل : وخلود متفقين على شيء والله يستر وصلوا واخذوا تهزئيه من ابلى نوف وطلعوا الغرفه ليان نامت بسرعه وخلود وهديل يسولفون وجوان تبكي وعنود محتاره وش تسوي في تمام السساعه 8 صبااحاا راحت هديل مع خلود وليان السوق العنود تفكر وش بيسير جوان تبكي العنود : ياخي بس من امس وانت تبكي ما تعبتي جوان مغطيه وجهها بيدها وتبكي : والله خايفه عنود ابي اموت قبل ما اسمع ان سار شيء في ليان العنود تنهدت : جوان طالعي فيني واسمعي اللي فيه الخير الله يجيبه وبعدين اعتقد هديل وخلود عندهم خطه مستحيل يتركوا ليان تغلط وما يساعدوها جوان هزت راسها باوكي بس قلبها باقي خايف العنود : ثقي في خلود وهديل صدقيني راح يحلوا السالفه جوان : عنود العنود : هلا جوان : ماما متأكده العنود ضمت جوان : وربي متأكده ماراح يسير الا الخير رجعوا اللي في السوق في تمام الساعه 10 وليان كانت بقمه السعاده ليان : كانت توري عنود الاشياء اللي شرتها عنود : الحين هالديه ليوسف وانا معكم من المتوسط ولا فكرتي تجيبين لي هديه ليان : هههههههههههه يعني انت جبتي لي هديه ؟ عنود : ههههههههههههههههه اليوم رايحه صح ليان : يب العنود : الله يجيب الخير ليان : عنود انت زعلانه العنود : لا الله يوفقك ويكون انسان محترم مثل ما تقولي رغم اني مو واثقه فيه كلش ليان : راح اثبت لكم .. اممم جوان جوان ماردت ليان : جوان لاتحقريني كذى ردي جوان طلعت من الغرفه ليان بكت : ياربي هي باقي زعلانه خلود : ماعليك من هالنفسيه اكيد خايفه تتزوجي قلبها هههههههههههههه العنود : ههههههههههههههههههههههههههههههه أي صح العنود تخاطب روحها : والله خايفه عليك من عديم الضمير هذا هديل: ومتى راح تروحي ليان : بتصل عليه الحين واساله العنود : الساعه 10 صباحا احد يكلم احد الحين ليان : هو قال لمتى تبيني اتصلتي حتى لو وقت غير مناسب خلود : اجل دقي عليه اتصلت ليان ليان : يوسف شلونك حبيبي انا تمام ههههههه اسفه ازعجتك هههه فديتك والله امممم اسمع راح اطلع اليوم على الغداء معاك يب حبيبي وانا اقدر ازعل ابو عيالي هديل تخاطب روحها : الحين مصدقه انه راح يتزوجك اه يا اختي مخدوعه المهم قفلت ليان الخط وراحت اخذت شور وكذى العنود : انا بنام خلود : يارب عساك تحلمين بسه العنود شوي وتبكي : لالالالالالا حرام عليك خلود : ههههههههههههههه هديل : انا بنزل عند جوان ساعه ... ساعتين .... 3 ساعات وجاء موعد ليان وقفت ليان عند بوابه المدرسه تنطر يوسف وشبنقح معاها وصلت السياره وسلمت ليان على خواتها ودخلت اول ماحركت سياره يوسف شبنقح مشوا وراهم بتاكسي جوان : اجل كانت خطتكم كذى خلود : نعم نعم ايتها الفتااة جوان : وش بتسون بعدين خلود : سوف نكشفه أمامها ههههههاااااي العنود : اقول خلي عنك شغل سبيس تون هديل تكلم التاكسي : روح يمين ورى هالسياره الحمراء سياره يوسف كانت تتجه نحو أحياء بعيده عن الجو السكاني ليان سارت خايفه : يوسف وين رايحين يوسف : في احد اسمه يوسف هنا ليان في لحظه مرت قدامها كل تحذيرات صديقاتها وتمنت السيارة تنقلب فيهم قبل لا يسير شيء تندم عليه وقفت سياره يوسف وليان منهاره ... يوسف كان يسحبها بقوة .. مو يوسف اللي عرفته ابد وتمنت وجود شبنقح يساعدوها هي ما كانت تدري انهم وراها ومستحيل يتركوها ليان كانت تصارخ وتحاول تهرب يوسف : هههههههههههههههه شفتي شلون البنات أغبياء ليان : اتركني وخر عني يا كذاب انت ما تخاف الله ما عندك خوات يوسف : ههههههههههههههههههههه بين صراخ ليان وضحكات يوسف فجأة طاح يوسف وراسه ينزف والشرطه محوطه المكان شرطي يهزأ خلود : هبله انت ليش ترمي الحجر على الرجال خلود تفشلت : والله اسفه يا حضره الشرطي بس قهرني الشرطي تعاطف مع براءتها يوم تتكلم وابتسم وقال : الله يحميكم ويخليكم لبعض ليان في حاله بكااء وخواتها حولها يبكون معها ويحدمون ربهم ان ماسار فيها شيء العنود تكلم سواق التاكسي : انت رجال كفو مو مثل هذا . وتاشر على يوسف الهندي : انا يحب يسوي خير في كلو مكان العنود : هههههههههه أي انت سوبر مان السواق حق التاكسي ساعد البنات ونادى الشرطه لما قالوا له القصه والله طلع فيه خير مو مثل بعض الناس << اسمعني يا يوسف رجع شبنقح ع السكن وليان ندمانه اشد الندم واول ما وصلت للغرفه صلت شكر لله وكذلك شبنقح صلوا شكرا لله لان اختهم ما سار فيها شيء كان درس قوي بالنسبه لليان لكنها تعلمت ان حب الأصدقاء أشرف حب .. حب حلال .. حب جميل جدا تعلمت ليونه انها تسمع نصيحه صديقاتها وما تركض ورى عواطفها اعتذرت لجوان ولشبنقح وحلفت على روحها ما تصدق أي واحد بعد هالتجربه .. كانت فرحانه حيل لأن ماسار فيها شيء وفرحانه ان صديقاتها ما تركوها حتى لما فكرت بغلط .. ساعدوها . وقفوا معاها . هزأوها .. وانقذوها الصداقه هي اطهر حب واصدقه ... الهي لاتحرمني من صديقات كن لي اخوات
__________________ بـغزل أوتاكو , كلهم فلر بس إنت بداية آراك |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ايوب المعا صر | سحاب زرقاء | قصائد منقوله من هنا وهناك | 0 | 06-29-2012 02:46 PM |
| صداقة..... اخوة ........ | I&U | مواضيع عامة | 14 | 08-18-2011 05:57 PM |
| اللهم اجعلنا ممن يصن الحجاب ويصونهن الحجاب, اجمل ما انشد عن الحجاب.........mk | mk1990 | خطب و محاضرات و أناشيد اسلاميه صوتية و مرئية | 4 | 05-27-2007 11:41 AM |
343Likes
العرض العادي
