|
بسم الله ما شاء الله البارت طويل و كذلك جميلة الاحداث يعطيك الف عافية |
السلام عليكم ورحمة الله وبركاته الرواية مرة حلوة و الاحداث مشوقة و الشخصيات روعة عنجد بس شو هالبنت ما في أجرأ منها اللي كاتب الرواية اكيد شخصيتو قوية و لا ابراهيم هههه حسيتو هو البنت يوو عليه تحفظ مو معقول و بما اني بدرس مع ولاد و كتيير كمان يعني عادي بس بنت تقول لواحد بحبك هيك انا بستحي محلها و شكرا على الدعوة و بانتظار البارت الجاي |
الحمد لله كنت قلق جدا من ابراهيم يبقى على تعنته الحمد لله تمكن على نفسه وهي تستاهل كل خير يارقتها وعفويتها نياله والف نياله في بنت تحب رجل بهالشكل لزوم يكن كل الاحترام والتقدير لانها اباحت بشيء غالي جدا عاشت الانامل ما صدقت اقرى البارت قرأته بنهم وابتسم |
يتبع البارت السابع عشر " دخلت الهام عند البنات ... " شهد : اهلين لهو .. هااا بشري اش صار ؟ ليان : يلا لهو احكي لنا .. هديل : اتفقتوا ع الزواج صح ؟ إلهام : ههه ما صار شي .. ليان : اش هالضحكه الباردة والله ما غير تعلمينا اش صار معك لك ساعتين تهذرين معه و كل هذا و ما صار شي .. " المهم إلهام علمتهم بكل اللي صار معها و بالتفصيل .. " ليان : أجل تقولين ما يبي يشوفك مره ثانيه و لا يكلمك و بس بالمسجات .. ؟ إلهام : أي .. شهد : و الزواج رح يصير على حسب المشروع اذا فشل او نجح ؟ إلهام : أي .. هديل : حتى الخطبه ما تصير اللحين الا بعد المشروع ؟ إلهام : أي .. ليان : الله لا يسامحك يا ابراهيم عقدت البنت .. إلهام : لا تكفين لا تدعين عليه الله يخليه لي ان شاء الله و لا يحرمني منه .. شهد : هههه والله انتي حاله .. لا و تقولين له بتستنينه طول العمر .. إلهام : أي بستناه لاخر يوم بحياتي .. ليان : أنا اللي مستغربته اشلون قال احبك هذي والله طلع مو بسهل برهوم لا و ذاك اليوم يقول ( بسخريه ) : أنا ما اعترف بشي اسمه حب .. إلهام : ههههههههههه .. ما عليكم مني اللحين .. سمعت ان في خطوبه او حاجه من هالشي .. يلا علموني من اللي بتنخطب اول .. ليان : اللي بتنخطب هدول بعد عمري .. شهد : اووووووه حركاااات والله و كبرنا .. " هديل وجهها صار احمر و سكتت ما ردت .." إلهام : ههههههههههه أي و عقبالك يا شهد و الفال قريب ان شاء الله .. شهد : حبيبتي اخوك معهم بالمشروع ما تدرين يمكن يقول السنه الجايه .. إلهام : لا ما اظن احنا عقدتنا رائد بس خليه يتزوج .. طيب و انتي ليون متى ؟ ليان : ههههه انا بدري علي .. هديل : اش بدري ؟ لا حبيبتي انا و انتي بنفس الليله ان شاء الله .. ليان (استحت) : بس سكروا ع الموضوع .. شهد : هههههه يا حليله اللي يستحي .. ------------------------------------------------------------------------ " طبعاً بعد السهره الحلوة هذي و اللي كانت مليانه احداث رجعوا البيت تعبانات و كل وحده تفكر بمصيرها و مستقبلها اشلون رح يكون كل و حده كانت تفكر بطريقتها و ترسم مستقبلها .." " اصبح صباح يوم جديد مليان بأحلام و امنيات لكل وحده من البنات نبدأ بإلهام و بعد ليلتها الحلوه اللي تعتبرها اجمل ليله بحياتها الليله اللي حكت فيها مع إبراهيم و بالمعجزه ما كانت متفائلة كثير انها رح تحكي له عن اللي بقلبها لكن للقدر كلمته و قعدت معاه و حكت له عن كل اللي بقلبها و أسعدها اكثر شي ان ابراهيم برضو اعترف بحبه لها و عاشت إلهام وسط احلامها الورديه و اول ما قعدت من النوم على طول مسكت جوالها و ارسلت له مسج .." " إبراهيم قعد من فترة و اخذ شاور و رجع و شاف المسج كان مكتوب ( صباح الخير لأجمل من سكن و جداني .. صباح الخير لأحلى بشر في الوجود .. ) المرسل : ملكة قلبي .. انبسط ابراهيم لما قرا المسج حس فيها انها ما تقدر تعيش بدونه و هذا اللي كان يتمناه حب صادق و يومها وعد نفسه انه يسوي اللي يقدر عليه عشان ملكة قلبه و رح ينتظر اليوم اللي يجمعهم مع بعض بفارغ الصبر .." " شهد ما كانت تراسل خالد ابد بطبيعة حالها خجوله لكن كانت تجيها مسجات منه و اكيد ان شهد كانت تنبسط لما يجيها أي مسج منه .." " ليان محتارة كثير و دايما تفكر بدر ما عمره فكر فيها اش معنى هالمرة على طول حبها ليان ما تؤمن بالحب من اول نظرة مستغربه كيف ان بدر تغير فجأة و صارت ليان هي كل حياته ما تدري تكمل حبها معه و لا توقفه و تقوله يبتعد عنها و يدور غيرها بس الأكيد ان ليان ما عمرها نسته و الواضح انها تحبه حتى اكثر من قبل فقررت تترك الموضوع للزمن يمكن مع الأيام يثبت لها حبه الصادق و في لحظة تفكيرها جاها اتصال ..منه .. ليان : آلو .. بدر : هلا بهالصوت هلا بالغاليه .. ليان : بدر !! اش عندك من صباح الله خير .. بدر : آفا ما ودك تسمعين صوتي يعني ..؟ ليان : هاا لا مو كذا بس استغربت اتصالك هو في شي ؟ بدر : لأ بس حبيت اسمع صوتك لاني اشتقت لك و دي اشوفك .. ليان : اشتقت لصوتي و ودك تشوفني ؟! .. بدر : ايه .. تكفين ابي اشوفك .. ليان : لا بدر اذا تبي تشوفني تعال و اخطبني .. بدر : اكيد بخطبك بس مو اللحين اصلاً انا ابي اشوفك عشان هالموضوع .. ليان : اذا كذا طيب و ين تبينا نتقابل ؟ بدر : عالبحر نفس ذاك اليوم .. ليان : طيب بالليل اوك ؟ بدر : ليه بالليل خليها اللحين عشان اشوفك بوضوح .. ليان : هههههه حلوه بوضوح هذي .. لا يا بدر بالليل يعني بالليل .. بدر : طيب خلاص و لا تزعلين بالليل بالليل .. " وبكذا قررت ليان تنهي الموضوع و تقابل بدر و تشوف هو اش قاعد يخطط له .." " هديل هي حظها الأفضل بين البنات زواجها كان رح يكون تقليدي و رسمي و بسيط و نواف كان يبي عروسه و خلاص يمكن هديل اعجبها بس ما عاشت قصة حب زيها زي البنات و ما كان بينها و بين نواف أي اتصالات .." " إلهام دقت على ليان تبي تطلع معها .." إلهام : آلو مرحبا ليون .. ليان : اهلين .. هلا فيك .. إلهام : ليون انتي فاضيه اليوم ؟ ليان : ليه السؤال ؟ إلهام : يعني اذا كنتي فاضيه ابي نطلع انا و انتي مع بعض شوي نتمشى و نغير جو من زمان ما طلعنا لحالنا و بعدين باقي اقل من شهر عن الدراسه ورانا جامعة .. ليان : ههههههه أي و الله كبرنا و صرنا جامعيات .. بس والله ما اقدر اليوم عندي مشوار مهم بليز لا تزعلين مني والله لو ما كان مشواري مهم كنت طلعت معك فداك .. إلهام : هههه لا حبيبتي ليش ازعل طيب اوك و لا يهمك نخليها يوم ثاني .. ليان : طيب اوعدك اني اطلع معك بيوم ثاني .. إلهام : زين خليك على وعدك و انا استنى هذا اليوم .. يلا مع السلامه .. ليان : باي .. " بعد المكالمة جا رائد لغرفة إلهام .." رائد : هاا لهو اش تسوين ..؟ إلهام : هاا .. و لا شي قاعده .. كنت ابي اطلع مع ليون بس قالت انها مشغوله .. يلا خيرها بغيرها .. رائد : أي وانتي صادقه خيرها بغيرها لأني عازمك اليوم عالعشا .. إلهام : يا حليلك مو انت اللي كله مشغول .. رائد : صح كنت مشغول بالمشروع الجديد بس امورنا ماشية و لله الحمد .. و عاد انا اليوم حبيت اخذ اجازة و قلت بطلع فيها معك هاا وش قلتي ؟ إلهام : اوك ليش لأ .. اقدر ارفض لك طلب انا .. رائد : حياتي انتي .. أجل يلا روحي اجهزي و انا بستناك تحت .. " و بهذا الوقت مر خالد و سمع اخر عبارة .." خالد : تجهز ؟! ليه وين رايحين ؟ إلهام : رئود عازمني ع العشا .. خالد : يا سلام و انا لأ .. رائد : وشو اللي لا ؟ اذا تحب تقدر تجي معنا .. خالد ( بكل ثقه مصطنعه ) : أي اكيد ماحد ينزل عن شور خالد .. إلهام : هههه اغتر بنفسه اللحين .. خالد : أي من قدي بس للأسف ما رح اقدر اجي معكم .. رائد : اللحين كل هذا التهزيء و في النهايه منت بجاي معنا .. خالد : أي بطلع مع إبراهيم و الشلة شوي بس لا تخافون رح احضر العشا انتو عزمتوني و انا ما رح افوت العشا معكم .. رائد : ههههههههه منت بهين .. إلهام : ههههه أي والله اخوي واعرفه .. يلا انا بروح ابدل 5 دقايق و جايه .. خالد : و أنا رايح للشله ساعتين بالكثير و اكون عندكم .. يلا باي .. رائد : باااااااي .. لهو بس تخلصين اطلعي برى بكون بالسيارة .. إلهام : اوك .. ------------------------------------------------------------------------ " بدر قبل لا يروح موعده اللي مع ليان كان قاعد مع خويه عامر خويه المقرب و بيت اسراره .." عامر : هاا بدر اشوفك هاليومين كله سرحان .. بدر : أي والله قاعد افكر .. عامر : بالبنت اللي قلت لي عنها ما غيرها ..؟ بدر : أي و انا في عندي غيرها افكر فيه .. عامر : آفاا ما توقعتك تحبها من جد .. بدر : والله يا اخوك ما ادري ..انا شفت البنت مسكينه حبتني قلت يلا فرصه و جت لين عندي و الصيده سهله لكن مخمختها بعقلي و قلت لا اهلي يعرفون اهلها و انا اعرف اخوانها .. الشغله صعبه .. عامر : ما هقيت يصعب عليك شي .. بدر : إلا هذي .. تدري اني قاعد العب بالنار .. بس البنت حلوه جناااان ما تتفوت .. عامر : خلاص اجل اذا انت ما تقدر عليها حولها لي .. بدر : اش قاعد تقول انت مستحيل اعطيك اياها .. عامر : تبي الصراحه و لا بنت عمها ..؟ بدر : اكيد الصراحه .. قول وخلصني .. عامر : انت تحب البنت طيب تزوجها .. بدر : ما اقدر اتزوجها .. عامر : ليه ؟؟ بدر : عاد هذا السؤال المفروض انت ما تسأله يعني البنت تبي تطلع معي وش مدريك انها ما طلعت مع غيري ..؟ عامر : انت اللي تقول هالكلام مو انت قايل انه انت اللي رحت لها البحر و هي ما كانت تدري ؟ بدر : الا قلت .. عامر : معناته هي ما طلعت معك انت رحت لها .. بدر : طيب هي رضت تكلمني وش تسمي هالشي ؟ عامر : اكيد انت اصريت عليها .. بدر : لا تحاول تدافع عنها اذا اخر شي اليوم يوم كلمتها و طلبت اقابلها وافقت .. عامر : انت شكلك مو راضي تقتنع .. يلا كفيك انت معها .. بدر : انا اللحين لازم اروح اشوفها .. عامر : أي يلا روح .. " راح بدر يشوف ليان و ما كان يدري ان عامر كان يمشي وراه من كثر ما تكلم عنها بدر جا عامر فضول يعرف البنت ويشوفها.." " وصل بدر للمكان المطلوب وعامر كان يراقبه من بعيد و ليان جت ع المكان من بدري تستنى بدر .." بدر: هلا و غلا بحياتي و قلبي و روحي .. ليان : بدر لسا بدري على هالكلام ما صرت حتى خطيبتك .. بدر : بس انتي حبيبتي ما يصير اقولك هالكلام ..؟ ليان ( سكتت شوي عاشت اللحظة اللي فقدت الأمل انها رح تحس فيها ) : قولي اش كنت تبي تتكلم فيه اليوم ..؟ بدر : كنت ابي اشوفك بس .. ليان : يعني انت تلعب فيني ليكون انا وحده صايعه شايفها كل يوم مع واحد .. بدر الكلام هذا ما يمشي علي صحيح احبك بس لا تستغل حبي لك بطريقه غلط .. بدر( اعجبه كلامها اللي اثبت له انها شريفه ) : اش فيك ؟ والله ماني العب فيك و لا شي بس جد حبيت اشوفك .. ليان : طيب اللحين اخلص علي و قول لي اش بغيت؟ .. بدر : والله اني بس حبيت اشوفك .. ليش مو براضيه تفهمين انبسط لما اشوفك .. ليان : بس عشان كذا و انا على بالي تبي تشوفني عشان بتقول لي انك تبي تخطبني او من هالشي .. بدر : هااا .. أي لأ انتي تعرفين اني ما اقدر اللحين .. و تعرفين اني الى اللحين ما تعرفت عليك زين .. ليان : اجل معناته انا رايحه و متى ما تعرفت علي زين و حبيت تجي تخطبني ساعتها كلمني .. " دارت ليان و اعطته ظهرها و الدمعه على خدها حست ان كلامه صدمها حست و خافت انه يكون احساسها صحيح انه يلعب فيها و بمشاعرها و قامت تردد وش ذنب قلبي يوم حبك .. بدر ناداها لكنها ما ردت عليه و اركبت سيارتها و راحت و ظل بدر هناك عالبحر يسأل نفسه و محتار هو اش سوى ليه ما يحبها بشرف وصدق يمكن ما كان يتوقع انه في يوم من الايام رح تحبه وحده فتضاربت مشاعره و قعد يحكي همه للبحر لدرجة انه قام يبكي على حاله .. و ما يدري انه ارتكب اكبر غلطه بحياته يوم حكى عن ليان قدام خويه اللي كان يراقب ليان و مشى وراها بالسيارة .. و اثناء ما هو يراقبها دق عليه خويه صلاح .." ............يتبع صلاح : آلو هلا عامر .. عامر : اهلين هلا فيك .. صلاح : وينك انت يلا تعال ع الاستراحه الكل يسأل عنك .. عامر : لا لا ما اقدر انا مشغول .. والله صدت صيده و ياهي صيده .. صلاح : اقول اترك عنك و يلا تعال .. عامر : لا والله ما اقدر مشغول .. صلاح : براحتك المهم اني قلت لك .. الا ما قلت لي ما شفت بدر ادق عليه ما يرد .. عامر : هاا .. بدر لا بس كان معي من ساعه و بعدين راح يقول يبي يتمشى.. صلاح : ايه يتمشى .. طيب اذا كلمك قوله يجي ع الاستراحه .. عامر : أي طيب اذا كلمني .. صلاح : يلا مع السلامه .. عامر : باي .. رقص5 ــــــــــــــــــــــــ يتبع[/size] |
حجز |
| الساعة الآن 05:59 PM. |
Powered by vBulletin®
Copyright ©2000 - 2024, vBulletin Solutions, Inc.
شات الشلة
Powered by: vBulletin Copyright ©2000 - 2006, Jelsoft Enterprises Ltd.
جميع الحقوق محفوظة لعيون العرب
2003 - 2011