|
|
#66
03-03-2015, 02:09 PM
| ||
| | ||
 كيفك ؟ عساك بخير ؟ البارت يجنن اكثير انتظر البارت القادم  ولا تنسي تبعتي لي الرابط اوك ؟ ومع السلامةة حياتي 
__________________  |
|
#67
03-03-2015, 02:40 PM
| ||
| | ||
 السلام عليكم كيفك؟؟ اشاء الله انا اسفه ما رديت في البارتات الي قبلها بس ايش اسوي الاختبارااات قتلتني وشكرا انك واصلتي ترسلي لي روابط البارتات المهم أيش مممكن يسوي عامر ؟ يقعد يلاحق ليان لين احد من اخونها او احد ثاني كيف بتصير العلاقه بين ليان وبدر؟؟ ليان تكابر وهي ااكيد تحبه وبدر يموت فيها وراح تتحسن علاقتهم اكيد اكبر اكيد هل بيعترف ابراهيم لخالد؟ لا لانه ما يبا يقول لخالد انه يحب اخته وارسلي رابط البارت الجاي وفي امان الله
__________________ سبحان الله وبحمده سبحان الله العظيم . . ساكورا قائدة منقذو الوطن ...في دولة اسبرطة التعديل الأخير تم بواسطة jojo1344 ; 03-03-2015 الساعة 02:57 PM |
|
#68
03-04-2015, 05:35 AM
| ||
| | ||
| (( الفصل التاسع عشر )) " عامر أثناء ما كان يراقب ليان دق جواله مره ثانيه .." عامر : يووووه صلاح رجيتني اش بغيت ؟ صلاح : ياخي ما خلصت الى اللحين ..؟ عامر : إلا خلصت و رايح عالبيت اللحين .. صلاح : البيت !! اقول تعال عالاستراحه ترى السهرة صباحيه .. عامر : صباحيه .. اجل انا جايكم اللحين .. صلاح : يلا نستناك .. " بإستراحة الشباب ...." إبراهيم : ليش كلمت عامر ؟؟ صلاح : ليش انت ما تبيه يجي ؟ إبراهيم : لأ بصراحه ما ابي هالاشكال ما اطيقها يلعب ببنات الناس و تبيني اخاويه .. صلاح : يا رجاااال فترة و بتمر خله يتزوج بس و رح يتعدل .. إبراهيم : أي زين نشوف اذا بيتعدل و لا لأ .. يلا أنا ابروح البيت .. " قام بيروح الا توه وصل خالد ...." خالد : هااا كني سمعتك قلت بتروح ..؟! إبراهيم : خالد ! اش جابك ؟ خالد : تعشيت وجيت ابي اسهر معكم .. مافي تروح يا إبراهيم .. إبراهيم : هههههههه لو ما جيت انت كنت رحت .. خالد : هههه معناها زين اني جيت .. صلاح : أنا بروح اللحين ألعب مع الشباب بلوت .. خالد : أي احسن روح لاني ابي ابراهيم بموضوع .. صلاح : يا شينك بس .. خالد : ههههههههههه .. اش اسوي اللي بقلبي على لساني .. إبراهيم : ههههههههههههه ( بهمس لخالد : زين سويتها فيه ) .. خالد : هههههه اقعد يلا نبي نكمل كلامنا .. إبراهيم : أي كلام ..؟ خالد : اش دعوه امداك نسيت انا رحت ساعه و جيت .. قول لي عن حبيبتك .. إبراهيم : صدقني ما في صدقني .. خالد : انت عنيد و اذا قلت ما في معناته ما في بس يوم من الايام رح تجي و تقولي غصب عنك .. إبراهيم ( حس و كأنه عارف باللي بينه و بين الهام ) : وش قصدك ؟ خالد : لا و لا شي .. إلا بقولك انا خلاص ابي اشوفها .. إبراهيم : مين ؟ حبيبتك .. خالد : هو في غيرها شاغل بالي و تفكيري .. إبراهيم : وانت صادق الحب يشغل الواحد .. خالد : شفت ! انا قايل ان عندك حبيبه .. المهم ما علينا انا قررت اروح اشوفها .. إبراهيم : تروح تشوفها ؟! وين ؟ خالد : ابروح قدام بيتهم بكرة ابوقف قدامه و ادق عليها تطلع .. إبراهيم : من جدك انت لا قول انك تمزح .. خالد : لا والله جد .. إبراهيم : اقول انتبه على نفسك بس لا يشوفونك اخوانها ما غير تروح فيها البنت و انت تطيح من عينهم و تفتح باب لمشاكل ما لها اول و لا لها اخر .. خالد : لا لا تخاف خويك ذيب أنا حاسبها صح .. إبراهيم : أي قابلني اذا رحت فيها بعدين يا الذيب .. " وصل عامر سلم ع الكل و قعد مع صلاح .." صلاح : هاا علمني اش صار معك ؟ عامر : اخ ياهي صيدة .. صلاح : انت شفتها ؟ عامر : لأ بس مبين انها حلوة .. تصدق انها طلعت مع بدر .. والله انه محظوظ اشلون يقدر يظبط له بنات بهالسرعه .. صلاح : اووف البنت يعني تبع بدر .. عامر : تقدر تقول كذا .. صلاح : اجل ابعد عنها ياخي و الله انك منت بصاحي .. عامر : ليش ابعد اذا خلص منها بدر بيرميها و انا بكون المنقذ .. صلاح : تكفى يا المنقذ اللحين .. ابعد عن الشر احسن لك .. " قاطعهم خالد .. " خالد : هاا عامر يقولون بعدك تصيد .. عامر : أي والله بس للحين ما حصلت اللي تناسبني بس يمكن قريب .. إبراهيم : يا خي متى تتوب انت ؟ عامر : ان شاء الله بتوب اذا تزوجت .. إبراهيم : طيب تزوج ما احد ماسكك .. عامر : من بيزوجني ؟ ابوي هههه ابوي على ايامه الله يرحمه كان يقول لي رح توظف و اجمع المهر بنفسك اذا تبي تتزوج انا ما رح اساعدك .. خالد : الله يعينك بس ما كنت ادري ان الزواج صعب .. عامر : أي والله وانت صادق .. صلاح : فكونا بس زواج و ما زواج خلونا نعيش شبابنا اللحين لاحقين على وجع الراس و يلا قوموا نلعب بلوت تراني غالبكم .. ------------------------------------------------------------------------ " صباح اليوم الثاني دقت ليان على إلهام كانت طول الليل سهرانه ما بين زعل و بكي و تندب حظها ما صدقت يطلع الصبح حتى تدق على إلهام .. و كلمتها بالفعل .." ليان : آلو .. إلهام : هلا ليان .. ليان : عسى ما كنتي نايمه ؟ إلهام : لا حبيبتي قعدت بدري اليوم اخذت شاور و انا اللحين قاعده اسرح شعري .. بس ما قلتي لي غريبه داقه علي بهالوقت ..؟ ليان : أي اعذريني أنا كنت متضايقه و محتاجه حق احد اكلمه كنت بدق عليك امس بالليل بس ما قدرت إلهام أنا بجد متضايقه و مخنوقه .. إلهام : لاه لاه وش اللي صار وش فيك ؟ اقولك أنا ساعه بالكثير و اكون عندك .. ليان : لأ ما في داعي .. إلهام : وشو اللي ما في داعي يا اجيك يا تجيني .. ليان : خلاص انا رح اجيك بس مو اللحين بعد العصر .. إلهام : بس انتي حالتك شكلها صعبه و محتاجه احد يا تجين اللحين يا انا جايه لك .. ليان : لا يا بعد عمري انا صبرت الليل كله ما اقدر اصبر كم من ساعه .. اذا تحبيني و تعزيني انتظريني بعد العصر و لا تخليني اندم لاني كلمتك من الصباح .. إلهام : لالالا خلاص ما ابيك تندمين .. يلا انا استناك .. ليان : خير ان شاء الله .. ------------------------------------------------------------------------ " خالد نفذ كلامه و راح قدام بيت شهد وقف بعيد شوي عن البيت يعني مقابل شباك غرفة شهد المهم ارسل لها مسج يقول فيه .." "أعترفلك" إنك أجمل ماحصل بالكون فيني وأنك أغلى من هواي ومن سنيني وإنك أحلى حلم في فكري وعيني.. أعترفلك!! آه وشلون أعترفلك؟ و أنا اموت فيك و اعشقك اكثر من روحي .. [ آخر اعتراف تراني تحت افتحي الشباك و شوفيني ] ..." " لما قرت شهد المسج انبسطت على بدايته بس لما شافت انه تحت اشهقت من الخوف و افتحت الشباك بالفعل حصلته تحت فاضطرت انها تكلمه .." خالد : هلا بهالصوت اللي يرد الروح هلا بغلاي و روحي وانفاسي هلا بهواي هلا فيك .. لو ادري انك بتدقين علي اذا جيت قدام بيتكم كان من زمان جيت .. شهد : يا المجنون اش قاعد تسوي تحت ؟ بسرعه روح لا احد يشوفك .. خالد : من ناحية مجنون انا فعلاً مجنون فيك مجنون بعيونك تكفين اوقفي جنب الشباك ابي اشوفك .. شهد : خالد لأ و اذا انت فعلاً تحبني و تموت فيني زي ما تقول روح اللحين قبل لا يشوفونك اخواني و انت تعرف الباقي .. خالد : والله اني احبك و اتمناك معي اليوم قبل بكرة بس ما عاد اقدر اصبر على فراقك صرت اتخيلك دائما لا يغرك اضحك و اسولف مع الناس لكن من جواي احترق شوق .. شهد : صدقني عارفه لاني احس باحساسك بس تكفى الله يخليك روح .. خالد : طيب بروح .. ------------------------------------------------------------------------ " و بعد العصر زي ما كان الاتفاق ليان جت لبيت إلهام .." إلهام : هلا فيك تو ما نور بيتنا .. ليان : الله يسلمك .. إلهام : وين تحبين نقعد بالصالة هنا و لا بغرفتي ..؟ ليان : لا خلينا نروح غرفتك السالفة اللي بقولها ما تتحمل احد غيرك يسمعها .. إلهام : ياالله شكل السالفة خطيرة اجل يلا امشي فوق .. يلا احكي لي اش اللي صاير معك .. " ليان قالت لها عن كل شي و عن مقابلتها لبدر امس و عن احساسها .." ليان : ما ادري يا إلهام وش اسوي انا احبه و في نفس الوقت خايفة منه .. إلهام : تدرين اول شي انا عتبانه عليك لانك خويتي الروح بالروح و ما اعرف بهالسالفة و ما قلتي لي عنها شي يعني ما فتحتي قلبك لي .. ثاني شي اشلون انتي تحبينه و بنفس الوقت خايفه منه ما يصير .. ليان : اول شي كان صعب علي اني اقولك عن هالشي .. و ثاني شي لا في خوف مع حب احسه يلعب فيني .. إلهام : معناته لازم تتركينه .. ليان : لا احبه احس اني ما صدقت و لقيته تبيني اضيعه مره ثانيه .. إلهام : والله ما ادري اش اقولك حيرتيني معك تحبينه و تخافين منه .. ليان : ادري مشكلتي معقدة بس ما ابيك تقولين شي ابيك تنصحيني و تكونين معي دايم .. إلهام : آفاا عليك انا بكون دايم معك و جنبك بدون ما تقولين لي .. ليان : ادري فيك والله بعد عمري .. طيب اش رايك أقول لـ هديل ؟ إلهام : لااا انتبهي تقولين لها ما نبي نكبر السالفة خلينا نشوف اش بيصير بعدين اذا احتجنا نقولها رح نقول .. ليان : طيب .. ما تدرين اش قد ارتحت يوم فضفضت لك .. إلهام : أكيد .. " رجعت ليان ع البيت و انتبهت انه في سيارة واقفة قدام بيتهم تذكرت انها شافتها امس بالليل بس ما ركزت و عشان انها ما كانت متأكدة ما فكرت بالموضوع كثير دخلت بيتهم و ما كان عندها علم باللي مخبى لها ..." ------------------------------------------------------------------------ " رجعت اخيرا المربية نرجس رجعت من المغرب و كانت احلى مفاجأه ذاك اليوم .." الخادمة : ماما مدام نرجس تحت .. إلهام : ايش ماما نرجس تحت انتي متأكدة .. الخادمة : ايوا ماما .. " نزلت إلهام و عيونها غرقانه دموع هو شوق هو فرح هو سعاده و كأنها امها بجد ..راحت لها و ارتمت بحضنها و ضمتها و حست بحنانها من اول و جديد .." إلهام : ماما نرجس اشتقت لك .. نرجس : أهلين حبيبتي يا بعد عمري و روحي انا اللي اشتقت لك اكثر .. إلهام : قولي لي اشلون قدرتي ترجعين .. نرجس : ابد عيالي الكل عايش مع زوجته و مرتاح و انا تاركيني لحالي بذيك الغرفه و كاني محبوسة بعدين جاني و لدي الكبير فاروق و قال لي : يمه اشوفك منتي مرتاحة معنا انا و اخوي فكرنا و قررنا اذا حابه ترجعين للسعوديه تقدرين .. و بس و هذاني جيت .. إلهام : الحمدلله اللي رجعتي ياهي صارت سوالف بغيابك .. نرجس : ايه و واضح مشاء الله عليكي تغيرتي عن اخر مرة شفتك فيها صرتي صبيه و حلوة .. إلهام : تسلمين يا ماما نرجس خليني اروح اكلم خالد و رائد رح ينبسطوا كثير خاصة رائد .. نرجس : لا حبيبتي اذا هم مشغولين خليهم لا تضايقينهم .. إلهام : افاا يا ماما نرجس ما غير يذبحوني اذا ما قلت لهم بالعكس حتى لو كانوا مشغولين بيفضون اعمارهم عشانك .. نرجس : هههههههههه يا بعد عمري الله يخليكم لي و لا يحرمني منكم .. إلهام : آمين ان شاء الله .. نرجس : إلا ما قلتي لي متى رح تبدا الدراسة .. إلهام : أي انا صرت جامعيه و رح نبدا بعد اسبوع .. نرجس : الله يوفقكم يارب .. إلهام : ان شاء الله .. اللحين بروح ادق خليك هنا و اطلبي اللي تبينه من الخدامه .. " طبعاً دقت عليهم و بالفعل انبسطوا بشوفة امهم الثانيه اللي ربتهم من يوم كانوا صغار .. و مر هالاسبوع بسرعه و فتحت المدارس و الجامعات ابوابها .. " يتبععععععععععععععع توقعاتكم الجميله |
|
#69
03-04-2015, 07:28 AM
| ||
| | ||
|
مرحباً حبيبتي كيفك ؟ عساكِ بخير يا رب البآآرت يجنن أكثير اكثير انتظر البارت الجاي ولا تنسي تبعتي لي الرابط مع السلامة
__________________ |
|
#70
03-04-2015, 02:20 PM
| ||
| | ||
|
" طبعاً دقت عليهم و بالفعل انبسطوا بشوفة امهم الثانيه اللي ربتهم من يوم كانوا صغار .. و مر هالاسبوع بسرعه و فتحت المدارس و الجامعات ابوابها .. " (( الفصل العشرون )) " هذا اول يوم دراسي جامعي بالنسبة للبنات اكيد رح يكونون متوترين و ما رح ياخذون عالجامعة بسرعه غير كذا رح يتعرفون على اشكال جديده بشكل عام كانوا الاربع مبسوطين بالجمعه .." شهد : الله يا بنات اكذب عليكم اذا قلت لكم ما احب المدرسة .. ليان : حبيبتي كبرنا على كلمة مدرسه اللحين اسمها جااااامعة .. إلهام و هديل : ههههههههههههههههههههههههههه .. هديل : ماني مصدقه نفسي اني صرت جامعيه .. إلهام : لا و تدرون اش احلى شي ؟ اننا كلنا رح نكون بنفس الكلاس .. شهد : أي والله صح .. وناااااااااااسه .. و الله و طلعت إلهام قد كلمتها .. إلهام ( بغرور ) : احم .. احم .. ليان : هههههههه ايييييه هذي لهو اكيد قد كلمتها اذا قالت بنصير مع بعض معناته بنصير .. هديل : و انتي صادقه .. اليوم خلونا نتمشى و نتعرف على شوية بنات و نسولف بس من بكرة رح يبدا الجد .. ليان : هههههه اصلاً انتي دايما جدية .. إلهام : تحب مصلحتنا يا حليلها .. شهد : ههههههههههههه .. هديل : خخخخخخخخ .. الشره مو بعليكم على اللي يحب مصلحتكم .. إلهام : الله يستر بس اذا زعلتي .. ليان : بنااااات شفتوا هاذيك البنت ..؟ شهد : وين ..؟ ليان : هاذيك اللي قاعده لحالها هناك .. إلهام : ايييييييييييه شفناها اش فيها ؟ ليان : اش رايكم نروح نتعرف عليها ؟ شهد و هديل : ههههههههههههههههههههاي .. هديل : اكيد تمزحين .. ليان : ليش اش فيها عاجبتني البنت و ودي اتعرف عليها .. إلهام : خلاص اجل يلا خلونا نسوي مغامرة انا و انتوا بس لا نروح كلنا كأننا نبي نتهاوش مع البنت خل نروح انا و ليان .. شهد : اوك احنا بنستناكم هنا .. هديل : يلا روحوا بسرعه .. " سووها وراحت ليان و إلهام عند البنت .." ليان : مرحبا .. البنت : أهلين .. ليان : انا اسمي ليان عبدالرحمن و هذي خويتي إلهام العمر حبينا نتعرف عليك .. البنت : حياكم و أنا اسمي مرام الـ.......... إلهام : آلـ.......... سامعه بهالاسم بس ما ادري وين .. مرام (باستغراب) : ما قلتوا لي ليه حبيتوا تتعرفون علي انا بالذات ؟ ليان : لا ابد شفناك لحالك فقلنا نبي نتعرف عليك .. مرام : صحيح لانها السنة الاولى لي و لا وحده من خوياتي اللي كانوا معي بالثانويه كملت جامعه يعني انا لحالي .. ليان : خلاص اعتبرينا صديقاتك من اليوم و رايح .. مرام : تسلمين مبين انكم حبوبات و انا حبيتكم صراحه .. إلهام : اهاا تذكرت اللحين وين سمعت هالاسم .. تعرفين وحده اسمها نور آلـ.... ..؟ مرام : أي اعرفها هذي بنت عمي .. ليان : وااااااااااو اش هالصدفة .. طيب ليش ما كنتي معها بنفس الثانويه ..؟ مرام : لان ثانويتها بعيده حيل عن بيتنا و لانه في ثانويه اساساً جنب بيتنا .. إلا ما قلتوا لي هي صديقتكم ؟ إلهام : هههه تقدرين تقولين كذا .. أنا رحت حفل تخرج اختها سمر اللي بكندا .. مرام : اهاا يعني هي صديقتك حيل .. إلهام : ممكن .. " والله مرام لحسوا مخها مبفاهمة شي من اللي يقولونه ..." ليان : مرام اش رايك نعرفك على باقي الشلة ..؟ مرام : اوك شي حلو خليهم يجون .. " نادت ليان شهد و هديل و عرفتهم ببعض و قضوا يوم دراسي او يوم جامعي اول خيالي رائع .." ------------------------------------------------------------------------ " مر الفصل الدراسي الاول بسرعه حتى ان البنات نسوا شوي اللي يحبونهم و انشغلوا بالدراسه ..وجت اجازة منتصف العام و بهذي الاجازة قررت عائلة ليان يروحوا يخطبوا هديل .. " ليان : يلا يمه خلينا نمشي تأخرنا عليهم .. ام ليان : يلا يلا هذاني جيت .. ليان : إلا وينه المعرس ؟ ما بعد يخلص ؟ ام ليان : مسكين يا حليله قاعد يجهز نفسه مو اليوم بيشوفها .. ليان : هههههههههههه من جد يضحكون اللي يبون يتزوجون .. ام ليان : ان شاء الله الفال لك قريب .. " ليان اسكتت و انطرمت على هذي الدعوه و قالت في نفسها اصلاً شكل اللي احبه نساني خلاص من ذاك اليوم ما عاد كلمني و لا حتى ارسل لي مسج .." نايف : اخذونا معكم تكفون ؟ رندة : الله يخليكم هذي اول مره يتزوج واحد من عايلتنا .. ليان : لا والله .. تروحون شتسوون ؟ نايف : هذا اخوي و لازم اكون معه .. رندة : وانا بعد و لا احنا مو اخوانكم .. نواف : أنا خلصت خلونا نمشي .. نايف و رندة : تكفوووووووون .. نواف : وش فيه ؟ ليان : يبون يروحون معنا .. كأنهم بزران .. نايف : خلاص هونت مابي اروح .. نواف : ياخوي يا نايف لا تزعل و انتي يا رندة لا تزعلين اذا صار نصيب ان شاء الله رح تحضرون زواجي .. ام ليان : اتركهم عنك و يلا نروح تأخرنا ع الجماعة و على ابوك بعد صار له نص ساعه قاعد برى .. نواف : يلا اجل .. " وصلوا بيت هديل و طلبوها و وافقوا طبعاً و مشى الموضوع بشكل اكثر من رائع و حددوا الملكة اللي رح تصير بالاجازة الصيفية و بعدها بشهر رح يسووا حفل الزواج .." ----------------------------------------------------------------------- " باليوم الثاني راحت إلهام و شهد يزوروا هديل و بنفس الوقت يباركوا لها .." شهد : آلف آلف مبروك يا بعد عمري .. هديل : الله يبارك فيك و عقبالك .. إلهام : ان شاء الله الف مبروك .. هديل : الله يبارك فيك و ان شاء الله عقبالك .. شهد : ما قلتي لي .. أنا كان بخاطري هالسؤال من زمان بس ما حبيت أسأل عشان ما احرجك و احرج ليان .. مو ليان قالت العام انهم يبون يخطبونك بعد ما تخلصين الثانوي ..؟ هديل : إلا صحيح قالوا هالشي امس و كانوا ناويين بس اللي خرب عليهم ان نواف دخل بالمشروع و انشغل فيه و اللحين نجح المشروع و على اول اجازة جوا و اخطبوني .. شهد : ع العموم الله يوفقكم ان شاء الله .. إلهاااام وين سرحتي ؟ " إلهام كانت تفكر على طاري المشروع و قالت المشروع نجح بس ليش ما جا إبراهيم و يخطبها خافت انه يكون غير رايه .." إلهام : هااااا .. لا معاكم ما سرحت ولا شي .. هديل : اجل يا بنات اكيييد ان اليوم عشاكم عندي .. شهد : لا ما نقدر لازم نرجع .. هديل : ما رح اقبل أي عذر اعتبروها حفلة صغيرة بمناسبة خطوبتي .. حتى ليان رح ادق عليها و اخليها تجي .. شهد : اذا كذا خلاص انا ما عندي مانع .. وانتي إلهام اش رايك ؟ إلهام : هاااا .. رايي في ايش ؟ شهد : لااااا والله اني قايله البنت ابد مو معنا .. "دقت هديل على ليان و طلبت منها انها تجي فوافقت ليان .. و لما كانت طالعه شافت هاذيك السيارة اللي كله توقف قدام بيتهم استغربت كثير اكثر من مره تشوف هالسيارة فأرسلت السواق يستفسر عن هذا الشخص .." ليان : روح شوف هاذيك السيارة اش يبغى صاحبها .. السواق : حاضر ماما .. " راح السواق لعند اللي بالسيارة اللي هو عامر يسأله .." السواق : ماما في يسأل انت اش يبغا واقف هنا كل يوم ؟ عامر : لاني أنا في هب ( حب ) ماما .. السواق : انتا ما يستحي تقول هادا كلام عن ماما يلا روه ( روح ) من هنا سرعه .. عامر : أنا مافي روه ( روح ) خلي ماما تجي تكلمني بعدين أنا روه ( روح ) .. " وراح السواق نقل الكلام لليان .." ليان : من هذا الصايع اللي ما يستحي على وجهه .. انا اللحين مو بفاضية له ..يلا وديني بيت هديل .. السواق : حاضر ماما .. " وصلت بيت هديل و حكت لهم سالفة عامر و اللي صار معها قبل لا تجي .." إلهام : لازم تنتبهين و علمي اخوك نواف خليه يتصرف .. ليان : والله محتاره ما ادري اش اسوي اخاف انه هذا الشخص راعي مشاكل و اخاف يتورط اخوي نواف معه بعدين ما رح اسامح نفسي .. هديل : اجل تدرين اشلون طنشيه و احقريه دامه بعيد عنك و ما تحرش و لا قرب جنبك خليه ما رح يقعد قدام بيتكم على طول .. ليان : اوك رح اطنش و بشوف اش رح يطلع معه .. هههه اشك انك ما تبيني اعلم نواف لانك خايفه عليه ..؟ .. و الله وبدت قلوبنا تدق يا هدوله ..ههههه " هديل صار وجهها احمر استحت طبعا من الكلمات و ما ردت .. ما فيها ترد اصلاً .." شهد : ههههههههههه يا حليلك يا هديل تهبلين و انتي مستحيه .. هديل : هههه عن المسخره اللي ما لها داعي .. و يلا قوموا العشا صار جاهز .. " بعد ما انتهت الحفلة البسيطة ببيت هديل كل وحده رجعت بيتها .. ليان لما رجعت لقت هاذاك الشخص بعده واقف حست بخوف مو طبيعي و قام قلبها يرجف و فكرة توديها و فكرة تجيبها .." " إلهام لما رجعت البيت كان اخوها خالد يستناها .." خالد : وينك تأخرتي ؟ إلهام : رحت بيت هديل ابارك لها بالخطبه و ما رضت تخلينا نرجع الى ان نتعشا معها .. كنت مستنيني يعني ؟ خالد : أي ابيك بموضوع مهم .. متعلق بالخطبه و الزواج .. " إلهام على طول جا على بالها ان ابراهيم كلم خالد في موضوعهم .. بالفترة الاخيرة كان هذا الموضوع شغلها الشاغل و اللي دايم تفكر فيه .. " إلهام ( بارتباك مع فرح ) : ايش .. يلا قول .. خالد ( مستغرب ردة فعلها ) : كنت ابي اقول انو ودي اتزوج .. " ضاعت احلام إلهام و تحطمت شوي و عصبت بعد بس بعدين فكرت و قالت لازم تصبر و تنتظر لكن ما تدري الى متى .." إلهام ( بعصبية ) : تتزوج ؟! اتزوج احد ماسكك انا اش دخلني ؟ خالد : ليه عصبتي علي انا قلت شي غلط .. بعدين اشلون اش دخلك ؟ انتي اساس الموضوع .. ما اللي بخطبها خويتك .. إلهام : استغفر الله .. أنا ما عصبت .. معلينا اش المطلوب مني اللحين ..؟ خالد: أنا ابي رائد يتزوج عشان انا اتزوج .. إلهام : لا حول ليش مصر ان رائد يتزوج قبل ؟ خالد : بس .. إلهام : دام انه بس اش اسوي لك انا ازوجه مثلا .. خالد : أي .. مو قلتي بتزوجينه حق سمر يلا زوجيه .. إلهام : اسأله اول اذا هو يبي البنت و لا لأ و بعدين يصير خير .. خالد : اللحين هو بغرفته روحي أسأليه .. إلهام : لا خلها بكرة .. خالد : تكفين روحي اللحين .. إلهام ( عصبت ) : بطل تفكر بنفسك بس ما انت شايف اني تعبانه و ابي اروح انام .. خالد : طيب أنا آسف .. ( اش فيها عصبت علي كذا انا اش قلت ؟! ) " راحت إلهام غرفتها و الدمعه على خدها ورمت نفسها ع السرير و قامت تبكي و كأنها فقدت الامل فيه و هذا اللي كان مخوفها .. لما هديت شوي قررت تدق على ابراهيم مع انها عارفه انه ما رح يرد دقت عليه اكثر من 5 مرات و لما ما رد ارسلت له مسج تقول فيه : ابراهيم انا بدق اللحين و اذا ما رديت انسى وحده اسمها إلهام .. و بعد دقايق جربت تدق و رد [ ما يجون الا بالعين الحمرا هههه ] ..." إبراهيم : اش فيك إلهام ما اتفقنا اننا ما نكلم بعض ..؟ إلهام ( بصوت مليان حزن و واضح فيه البكا ) : انت ما تحبني .. إبراهيم (بستغراب) : ليش تقولين كذا ؟ إلهام ( بعصبية ) : انت ما تحبني و لا تبيني .. اعترف اللحين و ريحني لا تعذبني ارجوك قولها قول انك ما تحبني و انا اوعدك ما عاد تشوفني و لا تسمع صوتي حتى .. " دخلت ام ابراهيم و كان ولدها يكلم جوال فقعدت على نياتها تستناه .. و ساعتها ابراهيم ما قدر يتفاهم مع إلهام و لا قدر يطلع برى عشان لا تشك امه فيه.." إبراهيم : اش مناسبة هالكلام ..؟ إلهام : قول يلا قول اعترف لي بشعورك ناحيتي .. إبراهيم : مو انا قلت ذاك اليوم .. إلهام : اش دراني يمكن انجبرت .. إبراهيم : أنا لازم اسكر اللحين .. إلهام : اسمع اللي بيني و بينك انتهى و لا عاد تدق علي و لا عاد اشوفك حتى ليان ما ابيها تعرف بشي و لا ما رح يصير خير غلطتي حبيت انسان ما يفكر فيني يفكر بنفسه و بس .. إبراهيم ( ما عرف اش يقول امه جنبه و خاف انها تحس بشي ما عرف اش يسوي ) : مع السلامة .. " ارتمت على السرير و بكت و بكت و بكت اول مره تبكي زي كذا حست ان كل شي انتهى حب حياتها ضاع .. و قالت : صوب على قلبي وأقتلني وإن شفت دمي بصدري ساح ضمني وبدمع عينك اغسلني وإن أسألوك اهلي وش فيه راح قل لهم غلطته ليش يعشقني..!! " " باختصار هذي الكلمات تعبر عن الموقف اللي صار لـ إلهام : بكيت ودمعتي سالت على خدي تعاتبني وقالت لي : علامك أنتي كل ماضقتي ذرفتيني ..؟ سكت شوي ثم رديت" أنا حزني يعذبني وكل ماقلت بكره زين يجي بكره يحطمني {ولي خل أحبه حييييييييل بعد هو زعلني} س/ ليه الحقيقه تعتبر كذب ونفاق؟ س/ وليه الصــــراحه بالمحبه جريمه؟ س/ وليه الوفا معدوم من كل الأعماق؟ س/ وليه انتصاري في غرامك هزيمه؟ س/ وليه الجفا يامحرقن قلبي احراق؟ س/ وليه المشاعر مالها اي قيمه؟ يتبعععععععععععع احتمال بكره مافي بارت بيخلص النت |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رواية بنات فله والشباب عله جنــآآن لآ تفوتكم | دكتورة الحب | روايات و قصص بالعاميه | 15 | 05-28-2015 12:12 AM |
| روايه (( ثلاث بنات بثانوية عيال )) كامله لا تفوتكم حماس | شاربة بيرة و مدوخة ديرة | أرشيف المواضيع الغير مكتمله او المكرره او المنقوله و المخالفه | 142 | 02-26-2015 08:08 PM |
| رواية رومانسيه وجريئه بنات عو وقلبهم ماعزهم (سعوديه ) | ЯǒǑǒйĝ3ħ | أرشيف المواضيع الغير مكتمله او المكرره او المنقوله و المخالفه | 17 | 10-02-2010 08:14 PM |
| رواية حب في السعوديه اقوى روايه ( رواية الحب بعد فوات الاوان ) | ЯǒǑǒйĝ3ħ | أرشيف المواضيع الغير مكتمله او المكرره او المنقوله و المخالفه | 9 | 05-19-2010 09:19 AM |
العرض العادي
