|
| |||||||
| أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه. |
| | LinkBack | أدوات الموضوع | انواع عرض الموضوع |
|
#16
04-29-2013, 07:08 AM
| ||
| | ||
 .... نعرفكم على الشخصيات الجد : أبو خالد "متعب": صارم وشديد.. جاد .. كلمته وحده .. مايحب احد يطلع عن شوره.. ودايم يجلس بوسط المجلس ويعطي اولاده الاوامر وهم ينفذونه.. قاسي احيانا..ومرات طيب .. ومزاجه متقلب ... عنده القلب وعمره 76 بس اللي يشوفه يعطيه اقل الجده: ام خالد"سلمى": طيبه حنونه قلبها ابيض دايم حزينه <<بتعرفون السبب .. مرات تكره اوامر زوجها خاصه اذا كانت ظالمه بس تطيع شوره تحب عيالها كثير واحفادها.. تنتظر شخص تتمنى تشوفه مدبره منزل ناجحه وتحب نجوى ونورا من بين كل احفادها لانهم دايم يساعدونها ويسولفون معاها عمرها 66 عيالها: عائله ابومحمد خالد:الاب والاخ الاكبر بعايله متعب ..صارم مثل ابوه ومايرفض له طلب ..هو اللي يدير الشركه وله شركه صغيره مستقله يشتغل فيها ولده محمد ..احيان يكون طيب مع عياله واحيان قاسي ..كلمته مسموعه بالبيت وله هيبه وشخصيته قويه جدا عمره 56 بس لازال يحتفظ بقوه شبابه عنده سر مااحد يعرف <<نعرفه مع الاحداث نسرين:ام محمد طيبه وتحب عيالها ..شخصيتها قويه ووامر زوجها تنفذها بس اللي مايعجبها ماتسويه ..ورغم انها تعاني من قساوه خالد وتغير مزاجه بس تحبه وتحاول تهديه إذا تطلب الوضع ..شاكه ان وراء ابو محمد سر وسفراته اللي بدت تكثر الاونه الاخيره..تعتمد على نجوى باكثر الامور وعمرها 45 محمد:يشتغل بشركه ابوه ..ذكي ويحب شغله ودايم يبهر ابوه بالنتايج والارباح الهائله اللي يدخلها سنويا لحساب الشركه ..لامبالي ..مايهتم بأحد ..مايجلس بالبيت كثير ودايم مع اصحابه عمره 25باقي ماتزوج ولايفكر فيه ..وامه دوم تقوله بس يرفض. نواف:اذراع محمد اليمين بالشركه ودايم مع بعض بس نواف مرح وخفيف دم ويحب اهله ودايم يسوي مقالب بنجوى ونورا بتعاون مع رياض ..دايم ينصح محمد انه يجلس بالبيت ويترك اصحابه شوي بس عنيد ومايسمع لآحد ..مخلص الجامعه ومتقن للغه الانجليزيه والفرنسيه وعمره23 رياض:اصغر الاولاد ..مرح ..مزعج ..دايم يسوي مقالب بآخواته ..متهور ..ويحب يعاند عمته نرجس لانها اقصر منه ودايم يناديها "سنفوره"..وهو اصغر منها بسنتين عمره 21 ثالث جامعه يدرس اداره اعمال .يحب دراسته ويتمنى يكون مثل اخوه محمد ..يحب يروح الاسواق مع اصحابه ويستهبل على البنات ..وصديق فارس وفراس الروح بالروح ومستانس برجعتهم لرياض .. نجوى:مرجوجه ..طيبه ..عنيده..متهوره نوعا ما..دووم تضحك وتحب الوناسه ..تحب بنت عمها فطوم وإذا تقابلوا يصير انفجار ..تنقهر من مقالب نواف ورياض ودايم تكون مع نرجس ضد رياض..تحب نورا كثثير وهي كاتمه اسرارها ومرات يرتفع ضغطها منها لانها كل وقتها بالمكتبه وتقرأ كتب ..غيوره ..وشريره احيانا عمرها 15 نفس عمر فطوم نورا:هاديه ..كتومه ..تحب الهدوء..تحب نجوى كثيير..دايم تقرأ كتب ..انطوائيه ..تحب الفله والوناسه بس تسوي نفسها عاقله ..إذا شافت فطوم ونجوى تنسى العقل وتستهبل معاهم ..كاتمه اسرار كل العايله ..تحب اخوها محمد كثيير ومتعلقه فيه وتحاول تغيره عمر  4 تدرس مع نجوى لانهم دخلوها المدرسه بدري .................... عائله ابو عبدالله نواف:الاب طيب حنون يحب عياله ويلبي طلباتهم وخاصه بناته عمره54 يشتغل بالعسكريه لواء في شرطه تبوك..في محفظته صوره شخص يعززززه كثير ومايمر يوم الا ويشوفها <<نعرف من الاحداث ساره:ام عبدالله تحب عيالها وقلبها طيب واحيانا تكون شديده خاصه مع فطوم وفيصل لانهم اكثر شخصين مزعجين بالبيت عمرها 40كانت مدرسه العربي بس طلبت التقاعد بدري عبدالله:الولد الكبير عاقل ومايحب الازعاج يحب امه وابوه ومايرفض لهم طلب مدير بشركه كبيره للادوات الكهربائيه عمره 26 بس ماتزوج احمد:الثاني بعد عبدالله مرح وفرفوش وهادئ معظم الاوقات دايم على الاب توب حقه ويحب فطوم كثثير عمره 25 يشتغل بالسجون بتبوك فطوم:بطله الروايه مرجوجه متهووره تحب المغامرات والاكشن مرحه خفيفه ظل طيبه حنونه بس احيان تكون شرانيه وطويله لسان ودايم مضاربات بالمدرسه "مشكلجيه"..إذا عصبت ماتدري ش تقول! ..تحب اخوانها كلهم خاصه احمد ..ودايم تصير بزر إذا لعبت مع تركي ودانا وتتهاوش مع فيصل كل يوم تحب الدراسه والفله والطقطقه والوناسه إذا آجتمعت هي وبنات عمها يصيروا شله مكتمله لاتخلو من الهبال عمرها 15 سنه ثالث متوسط باقي ترم وتنتهي دراسه وتدخل الثانوي فيصل: ملقوف شيطاني يحب يقهر فطوم ودايم هي وهو هواش لاينتهي ..يكره المدرسه ومايهتم فيها يحب يكون له شخصيه قويه مثل جده ودايم يسوي حاله انا رجال وكلمتي هي الصح يحب يتهاوش مع تركي ويعشق دانا عمره 13 اول متوسط تركي ودانا:توأم ودايم مع بعض وكل العابهم في غرفه وحده يحبون يلعبون بلاستيشن مع فيصل وبعد يعشقون فطوم لانها ماترفض لهم طلب ودايم تلعب معهم ..فيهم صفه سيئه وهي يسمعون كلام الكبار وينقلونه.. دايم امهم تهاوشهم بس مايفهمون ..اعمارهم 7 سنوات اول ابتدائي ............... عائله ابو نايف مشعل: الاب ..مدير مدرسه الثانويه بن عثيمين في ابها ..طيب مع عياله ..ويحبهم كثير.. صارت مشاكل بينه وبين الجد وانتقل لابها بسبب هالمشاكل.. يخفي حزن بقلبه على شخص بنعرفه مع الاحداث ..حنون ..وهاديء ..معظم وقته بالمكتبه ويحب بنت اخوه نورا لانها دايم تطلب منه كتب ومهتمه بالقراءه...يتمنى بناته غيداء او لميس مثلها بس هيهات ..عمره 49 مياسه:الام ..ام نايف ..طيبه وقلبها ابيض..ماتحب حركات بنات هالايام ودايم تهاوش غيداء ولميس عشان مايصيرن مثلهن ..اخت ساره"ام عبدالله" ..تحب اختها وعيالهن وتتمنى واحد منهم يكون لواحد من بناتها ..تحب زوجها وتسمع كلامه والدليل رفضت بقائها بالرياض وسافرت معه وهي راضيه رغم ان عمها "ابو زوجها " قال انه بيغضب عليها ..عمرها 39 نايف:مدرس رياضيات..هادي..محترم وكلمته مابعدها كلمه"منطقي " ..صديق محمد وعبدالله الروح بروح ..طيب .. ويحب شغله ..يرتفع ضغطه من قرارات جده الظالمه واكثر من مره وقف بوجهه ..مايحب المشاكل يتمنى يرجع الرياض بس مايبي يخالف رأي أبوه عمره 25ويفكر انه يكمل نص دينه بس يقول مابتزوج الا مع محمد ... فارس وفراس:توأم عمرهم 21 فارس يدرس هندسه وفراس يدرس علم نفس ..مرجوجين ...متهورين ..مرحين ... ودايم مع رياض ويحبون ابها لان فيها خوالهم واجتماعيين ..ناويين يدرسون برا بس الجد رافض ويقول الدراسه ببلدكم افضل من تروحون تعيشون عند الخواجات ... يحبون المقالب .. ودايم يستهبلون مع الجد رغم انه قاسي ..فراس يدرس حالته بالخفاء وشاك ان وراه سالفه كبيره ..مشتركين بمسابقه الرسم التشكيلي بالرياض وهو وفارس يتوارثون الافكار عشان كذا إذا رسم فراس يكملها فارس وتطلع رسمه خييياااااااليه ..نص لوحات البيت من رسمهم .. غيداء:عمرها 15 ..مرجوجه..مرحه..دايم هواش مع لميس..تدرس ثالث متوسط وتكره الدراسه ..احيان متهوره واحيان تكون عاقله ..خطها رائع ودايم تشارك بالمسابقات وتحب ترقص وكانت قريبه من نجوى ونورا بس يوم سكنوا بآبها ماصاروا يكلمون بعض مثل اول وهي تتمنى ترجع الرياض عشان ترجع صداقتهم ..غيوره كثير.. لميس:عمرها 15 تدرس مع غيداء ودايم هواش ..ملقوفه وتحب تعرف كل شيء ..دلوعه ..ودايم تبكي إذا احد اخذ حاجه لها وصوتها حاد ..بس يووم تنشد يأخذ العقل ودايم تطلع في الحفلات المدرسيه ..تحب تسمع القصص اللي ترويها لها نورا بس مااتحب تقرأ الكتب ..عنده حب التملك ومرات يكون كلامها جارح .. .............. عائله طلال طلال:اصغر اولاد الجد "متعب"يدرس بامريكا اداره اعمال حره عمره 26 متزوج من بنت خالته سهى ولهم سنتين ..طيب ..يتمنى يكون له شركه خاصه بس ابوه رافض ويقول يشتغل ويمسك الحلال مع خالد افضل له ...عنيد.. دايم سرحان ... يحب زوجته ومايرفض لها طلب ..باقي له سنه ويرجع لرياض ومشتاق لاهله حيييييل وويحب محمد ونايف لانهم قريبين من عمره وكاتم اسراره وصديقه وولد اخوه عبدالله ..مرح ويسوي مقالب ببنات اخوانه .. سهى: زوجه طلال تزوجته وسافرت معه ..هاديه ..خلوقه..تحب طلال وتسمع كلامه ..عنيده احيانا..همها انها تجيب اطفال بس الله مارزقهم الا الان ..خايفه من الجد انه يقنع طلال يتزوج عليها ..خلصت دراستها رياض اطفال و وسافرت .. صديقه نرجس الروح بالروح عمر  3............ نرجس:اخر العنقود ودلوعه العائله ..دايم استهبال مع بنات اخوانها ..ومستانسه حييل ان بيسكنون بالرياض ويكونون قريبين من بعض ..خلصت دراسه وقسمها تربيه خاصه تخصص الاعاقه البصريه عمرها 23 صديقه سهى الروح بالروح ودايم مع بعض ..تتمنى تشوف شخص دايم تفكر فيه وتلوم جدها لانه ابعدهم عن بعض ..مرحه ..خفيفه دم ..وفي شيء شاغل تفكيرها بس نعرف من الاحداث ............... عايله ------ الاب :متوفي الام:متوفيه لؤي:يدرس بالجامعه اخر سنه اداره اعمال عمره 22 ..ذكي..عنيد مره..قاسي بس مع وليد يكون غير ..ناوي على الانتقام ..شريك مع شركه كبيره من شركات النافع في الرياض وناوي بعد التخرج يشتغل فيها ..يعرف لعبه الاسهم ويمكن يجاري محمد بمهاراته ..متقن للغه الانجليزيه ..انسان قيادي ويكرره احد يعانده .. يحب اخوه وليد ويدفع حياته لجل يحميه .. وليد:اخر سنه بالثانوي عمره 19 ناوي يدخل الجامعه ويدرس طب ..يحب العلم ومتفوق بدراسته ..عنده شغف بتفكيك الاجهزه والالكترونيات المتطوره ..عبقري نوعا ما ..مأخذ الحزام الاسود بس ماعمره استعمل مهارته ضد احد ..طيب وعلى نياته ..يحب اخوه لؤي ومايحب يثقل علي ودايم يفكر انه يشتغل بس لؤي يعصب ..دايم يستهبل مع صديقه واخوه الثاني وائل ..وكانه من العايله لان لهم 13 سنه يعرفون بعض .. وائل:صديق وليد عمر وليد وبعد ناوي يدخل طب ..صفاته قريبه من صفات وليد .. من اول ابتدائي وهم مع بعض وكانهم توأم ..يعتبر لؤي اخوه الكبير..طيب وخلوق ..دايم يدافع عن وليد يوم كانوا صغار ..مأخذ الحزام الاسود بالكاراتيه بس نادرا يستخدم مهاراته حتى بالمضاربات يستخدم اسلوب الدفاع ويرفض اسلوب الهجوم .. ............. البارت الثااني ... في الرياض.. رياض وهو متنرفز وجالس ينتظر نرجس والبنات بالسياره: آآآخ انا ليه ماصرفت ابوي ؟الحين من بيفكني من المخابيل ذولا .. ويناظر ساعه الجوال :وش اخرهم؟ ياربي استغفر الله دق جوال نرجس نرجس:ال,,,,,,,,, رياض بصراخ:وينك انتي؟ ترا والله العظيم لو مانزلتوا بخمس دقايق واللي خلقني لاارجع من المكان اللي جيت منه ودبروا احد يوديكم ؟ نرجس بنرفزه:اوك اوك الحين اتصل بالبنات ونازلين احسب لنا عشر دقايق .. رياض:اقول خمس ولايكثر نرجس:لاباقي ,,,,,,,,, طوط طوط نرجس:الله ياخذك ماخلاني اكلم كلامي ولا كأني عمته دقت ع البنات عشان يطلعون له وهي تلبس العبايه خمس دقايق دخلت نرجس السياره نرجس بمرح:هااااااي نجوى ونورا:هايااات رياض"بآنتقاد":الناس المسلمه تقول "السلام" كفره احنا وش هاي ...بنات اخر زمن وترا تأخرتي .... نرجس" باعتراض":حرام عليك جيت ع الوقت رياض اللي يحب يغيضها:انتي عمتي ع العين والرأس بس تخلين ابوي يطلعني من الاستراحه وتتاخرين وتعترضين على كلامي مااسمح لك ...وقال بنبره تخوف:فهمتي نرجس حساسه كثير ففضلت السكوت. نجوى:عمى بعينه اشفيه يكلم نرجس كذا نورا:مدري نجوى:الله يصبرني عليك انتي! ي خي كرهت"مدري "منك وصلوا الرياض غاليري ونزلوا البنات ومعهم رياض رياض :انا بجلس بالانتظار انتم تسوقوا ونتقابل هناك نورا:اوك رياض:نرجس نرجس لارد رياض عرف انها زعلانه لانه صرخ عليها ...ابتسم وقال:انتبهوا على انفسكم . إذا صار شيء دقوا علي نجوى بمرح:تأمر امر اي واحد يسبب ازعاج اواي شيء بيكون رقمك بالخدمه رياض ابتسم:وانا في عز الطلب نورا تناظر رياض:وبطل قز بالبنات ترا اعرف حركاتك !! ولحقت نرجس ونجوى .............. في تبوك تركي ودانا يلعبون بلاستيشن... دانا "مبوزه":تركي لالا تركي :ليش دانا:انا لازم افوز تركي:موب بكيفك دانا بكت تركي"بتعاطف":خلاص خلاص نلعب مره ثانيه وانتي تفوزي ابتسمت دانا وكملت فيصل من وراهم :ايااا النصابه تضحكين على هالخبل بدموعك وهو يفوزك !! ناظروا بفيصل وانطلقت دانا باتجاهه لانها عارفه انه بيرفعها ويدورها "عاده فيصل " -> دايم إذا شاف دانا وتركي يدوورهم وهم يستانسون بس يشوفونه يتعلقون بثوبه ....... عند فطوم فطوم وهي تكلم الجوال: عهود تكفين راسي وجعني بس تتكلمين عن سوبر جنجر عهود وهي ميته ضحك:فطوم كم مره اقولك سوبر جينيور!! فطوم:سوبر جنجر ولا سوبر نينجا ؟؟ ..اللي هي ترا طفشت -.-" عهود:احبهم اعشقهم كلهم على بعضهم نااااااايس وكيووووت فطوم بملل:وما دروا عنك ذا المسيح بس غيري السالفه ترا راسي مفتر حوله عصافير بس تردد كيونا ..ريووك..دونقا..ليتك ... انهك ..ابو راس ملون عهود:حرفتي الاسماء آش ذا !! واسمه هيتشول مو راس ملون فطوم:ترا اكثر شخص اكررهه ذا المايع عهود :صدق يقهر بس هو طيب ويهبل فطوم:عهود غيري السالفه عهود:طيب من جد خبر انتقالكم لرياض فطوم :ايه وقعدوا يسولفون .... في مكان ثاني في فيلا كبيره .. الشخص جالس ع القنفه وهو يفكر بخبث: بتنقلون الرياض ي فطيم .. ان شاء الله نتقابل! ان ماخليتك تندمين ع الساعه اللي شفتيني فيها مااكون انا ------- شوي يناظر في طفله تناديه ومتجهه له.. راح عندها وباسها وقعد يلعب معها .......... في الشرقيه وليد:وائل والله مو فاهم تكفى عيد بس هالمره -.-" وائل:وليد والله موب فاهمك عيدت لك الشرح ثلاث مرات ... ومافهمت !! اي عقل تملك ي رجل!! ضحك وليد وقلد وائل :عقل ضفدع ...وش رايك انت؟ وائل:ترا انت مصعب المسأله وهي سهله وليد:والله قول للمخ اللي عندي !! وائل يمسك راس وليد ويقول: انت يامخ ليش موراضي تفهم المسأله قسم بالله لو مافهمت المره ذي بأعطيك كف ضارب 200 وليد يبعد وائل عنه وهو يضحك:لا والله تتمصخر انت ووجهك؟ وائل: ي خي اش اسويلك انت غبي وتلوم مخك !! والله مدري كيف صرت من العشر الاوائل.. وليد :اذكر الله ي الحسود ترا مابيني وبينك شيء انا الاول وانت الثاني وائل وهو يضحك: تف تف عين الله تحرسك ي وليدي وليد:اقول وش رايك تبطل مسخره وتشرح لي " وائل: صدق من قال شحات ويتشرط =.= وبدأ يشرح له مسائل الرياضيات ........... في ابها ابو نايف:والله ي مياسه مو عارف ابوي اشفيه احس به شيء متغير بس ماادري !! ام نايف:تدري يا مشعل حتى انا يوم كلمني قعد يعتذر لي ويطلبني انا وانت وعيالنا نسافر الرياض ..كلامه فاجئني وبعد اسلوبه حنون معاي والله ان كلامه ريحني ابو نايف:واش رايك ؟نرجع !! ام نايف:تبي الصراحه ودي بها ..رغم ان اهلي هنا الا اني اشتقت لرياض وبعد بأقابل اختي "ساره" والله اني فقدتها وكانت امنيتي اننا نسكن قرب بعض.. تدري هي بالشمال وانا بالجنوب ابو نايف:مشورتك وهدايه الله لميس وهي نازله بسرعه من الدرج ووراها غيداء :يووما ...يبااااا ابو نايف :وشفيك ي بنت لميس :يباا شوف غيداء تبي تأخذ الايباد حقي غيداء:يبا والله كذابه هذا حقي لميس:لا حقي غيداء:اقول اعطيني حقي ام نايف:استهدوا بالله ي بنات وبدأت اصوات غيداء ولميس تعلى ابونايف بصراخ:غيدااااااء لمييييس غيداء ولميس سكتوا ولميس اتجهت لامها من الخوف ابو نايف:انا ربيتكم كذا ! كل وحده تعلي صوتها ع الثانيه ولا حشيمه ولا احترام ..اتشوفوني انا وامكم نتكلم وجالسين وانتم تتهاشون على ابليس هااااااتيه لميس اعطته الايباد اشوفكم يلا كل وحده تتسامح من الثاني يلاااااا راحت غيداء وحضنت لميس ولميس:اسفه ي الشينه غيداء:وانا بعد ي الدوباا ام نايف: عفيه على بناتي يلا كل وحده تروح غرفتها خلاص مابقى شيء عن الاختبارات و"بنبره اقوى" وتركوا هالاجهزه عنكم ولا والله لآخذها منكم ومااردها الا بعد الاختبارات !! غيداء :ان شاء الله يوما وباست راسها ويدها وراحت عند ابوها وتسامحت منه وطلعت لغرفتها وسوت لميس مثلها ولحقتها دخل فارس وفراس وهم يضحكون ابوهم يمثل العصبيه:وانتم ! فارس وفراس أخذوا وضعيه العسكري :سم يبااا ام نايف وهي تضحك على هبال اولادها:سم الله عدوكم ابو نايف:وين كنتم ؟ وكم الساعه؟ و"بسخريه" وين الهندسي وعلم النفس و بعد تبون تدرسون برا وانتم هنا هايتين بالشوارع برا وش بتسوون !! فراس:نفرش بسطه عند الباب الفندق . فارس يضحك ويضرب كف فراس ابوهم:ووولد انت وياه انا اتكلم جد وانتم تتمصخرون فارس وفراس وهم متجهين لهم فارس:حشاك يايبه .. فراس: وهذي بوسه لك وللمزيونه مياسه . ابو نايف: اعقل ي ولد ذي امك .. فارس:بدينا نغار ي مشعل . آآآآآآآآآآآآآآآآه مسك فارس رأسه متوجع وناظر وراه: الله يقلعك حشى مو يد جرافه!! ام نايف: بسم الله على وليدي كفاه الشر.. فراس كان ميت من الضحك على شكل فارس فراس: اضحك ي وجه التريله " فارس:ترا قاعد تسب نفسك ..وجهي كربون وجهك "ويكمل ضحك وبعد ضربه نايف لفراس ضحك عليهم وعلى تعليقاتهم وراح يبوس راس ويد امه وابوه ............ بعد اسبوع وشوي من الاختبارات النهائي في تبوك عبد الله:فطووووووم وين جزمتي البيضاء؟؟ فطوم بصراخ:اسأل فيصل .. احمد:يوووما شفتي التي شرت الازرق حق الهلال ! ام عبدالله:شوفه بالكبت الدرج الاول . احمد :ايه خلاص لقيته .. فطوم قاعده تجهز شنطتها وهي مطنقرررره لانه اخر يوم لها بتبوك ورحلتهم بعد 5ساعات ............ في ابها غيداء:ي الخبله وش مأخذه انتي !! لميس:اذلفي عني !! غيداء:لميس من جدك بتأخذين غطاء السرير معك @.@ على دخله فراس وفارس وسمعوا غيداء وماتوا من الضحك فارس"بدلع":لمووشتي وشوله ماخذه الغطااااااء ههههههههههههه فراس: ياخوفي تاخذ الزوليه بعد !! فارس وهو يضحك: وتأخذ الكومدينا والدولاب .. فراس:تخيل شكلها وهي داخله المطار " فارس:على طول بأتبرا منها وبأمحي اسمها من كرت العايله فراس :أفاااااااا وهي وش مسويه عشان تسوي كذا!! أنا بس اصلا بهاجر برا وانساها ...اجل تطيح كشختي عند الناس الا مايشوفون الا الوسايد تتحاذف عليهم من كل جهه فراس وهو يضحك: تهقى عصبت !! فارس:لا عادي نمزح" لميس وهي تبكي :انقلعوووووووا براااا t.t فراس :افا والله بكت . فراس:ايه اشوفها ..كنت احسب انها دموع ضحك !! مرت غيداء من جنبهم و بملل:سامجين وربي ..هيا راضوا ذا البكايه ترا الطايره مابقى شيء .. وخلوها تترك الغطاء كبير وين بنحطه ي حافظ ..شكلها ناويه تشيله معها وخرجت من غرفه لميس وفراس وفارس قعدوا يراضونها عشان تبطل فكرتها واقنعوها انهم بيرسلونه بعدين .. ........... في الشرقيه وتحديدا ب المطار وائل: بأفقدكم وربي .. وليد:والله حتى انا " لؤي:يا اخوك احنا مو مهاجرين ترا كلنا بجزيره وحده مايفرقنا غير ساعتين او ثلاث !! ضحك وليد وهو يأشر على لؤي ويكلم وائل:شفت ذا المخلوق ترا مافي عنده مشاعر دايم يكشت فيني الله يسامحه ...ماعمره قالي احبك -.-" لؤي يناظر بنص عينه:ليه زوجتي مثلا.. ضحك وائل على تعليق لؤي: وانت الصادق " وليد مسوي زعلان: اجل تضحك علي ي وجه الشاني :" وائل وهو ميت ضحك : تدري بأشتاق لوجه الشاني .. وضموا بعض ووليد حده متضايق لانه بيترك صديقه ورفيق دربه ويسافر.. لؤي:اقول يا الحبايب الطياره! وليد وهو ضام وائل:لؤي خلنا شوي " لؤي يسحب وليد ببلوزته من وراء:اقول امش بس حسستوني اننا راحين للجهاد بالعراق وائل ترك وليد وهو يضحك :اشوفكم على خير لؤي: امين .. آحم ترا بأشتاق لك ي التبن .. وائل :هههههههههههه صادق وليد مشاعرك نهايتها سبه " وضموا بعض .. لؤي:انتبه لنفسك ولاتقاطع وائل:وانتم بعد وليد:حاول تجي الرياض .. وائل :افكر والله يكتب اللي فيه الخير" "نرجوا من ركاب الطايره ....... المتجهه الى الرياض الصعود حالا " وليد يأشر بيده ويلحق لؤي:فمااااااااااان الله ي الغالي .. وائل رافع يده:فمان الكريم .. ............. في الريااض في فيلا الجد ابو خالد وهو يأمر السوائقين: كومار -صابر-راجو كل واحد فيكم يروح المطار كومار: انت تجيب عايله ابوعبدالله وخذ سيارتين معك صابر: انت تروح تأخذ عايله ابو نايف وخذ بعد سيارتين معك وانت ياراجو: ابيك تروح تشوف المطعم اللي متفقين معه وتشرف عليهم وإذا خلصوا تدق على كومار وراجو يساعدونك ابيكم تحضرون البوفيه برا في الحديقه وابيكم تنسقوونه ابي الفلل جاهزه .. وكل اللي قلته تحفظونه وتفهمونه . وماتنسون شيء .. وقال بنبره قويه :فااااااااااااااهمين خافوا وقالوا كلهم :فاهمين بابا " الجد:يلااااا كل واحد على شغله .............. سبحان الله وبحمده ؛سبحان الله العظيم :wardah:
__________________ الاسلام + العقل + الصحه = لامجال للحزن والتذمر فالله أنعمنا بأفضل نعم لذا تحلوا بالقناعه وابتسموا كونوا أقوياء ولاتستسلموا للظروف  ابتسمو جعلكم الجنه س1  التعديل الأخير تم بواسطة لسعـَﮧ شـَـَقـَـَاوهـَ ; 04-29-2013 الساعة 07:47 AM |
|
#17
04-29-2013, 03:00 PM
| ||
| | ||
|
[align=center][tabletext="width:100%;background-color:black;"][cell="filter:;"][align=center]السلآم عليكم ورحمةة الله وبركاتةة كيِفَكمَ ؟!.. . الشخصيَاآت يحتآج وقت عشآن أعرفهم زين ♡♥ المهم شخصيآت الابطآل وأعمآرهمم والبآرت كلهآ حلوهه ومنآسبةة .. أحس فآرس وفرآس بيعطون طعم للروآيةة ♡♡ . . اقتباس:
وشسمةة مافية وقت محدد للبآرت ولــآآ ؟! ♡ . . ودي لكِ أنتظرك يلغلاآآ ♡♥[/align][/cell][/tabletext][/align] ﭴوليّٺ ♥~ and لسعـَﮧ شـَـَقـَـَاوهـَ like this. |
|
#18
04-29-2013, 03:37 PM
| ||
| | ||
| حجز بعد ما اقراها لسعـَﮧ شـَـَقـَـَاوهـَ likes this. |
|
#19
04-29-2013, 08:15 PM
| ||
| | ||
| حلو البارت خطييييييييييييييير والله قعديت اضحك على فارس و فراس و رياض يضحكون حيل خخ بارت خيالي تسلمين غلايه + عنوان الروايه واايد حلو بأنتظار البارت القادم الله يعطيج العافية نـجـۉى and لسعـَﮧ شـَـَقـَـَاوهـَ like this.
__________________ سُبْحانَ اللَّهِ وبِحَمْدِهِ… سُبْحَانَ اللَّهِ الْعَظيمِ ٱلنيہ ٱلطيّبہ مَنْ طَيبْ مَنبّعهٱ ۅگلّن عَلىْ قّدرْ طَيبْہ يسَرجّ خَيوْلہ ♥ |
|
#20
05-01-2013, 08:39 PM
| ||
| | ||
| السلام عليكم ورحمة الله وبركاتةة كيفكك ان شاء الله تمام :glb::glb: احمم نبداء روايةة دميلةة ياخي تجنن يحتاج لي وقت لجل احفظ الشخصيات مره كثاااار :ha3: الشخصيات روعةة واسامي بعضهم اول مره اسمعها واحلى شئ كل منطقةة تتكلم بلهجتها :7b::7b: - اقتباس:
اكثر شئ ضحكني هههههههههههههه يازين هالميس والله حبيتها :a7eh::glb: ونورا شئ ثاني الحين ازعجت نجوى كل ماقالت شئ قلت مدري خخخ روايةة جميلةة متابعةة لك إن شاء الله ولو يكون وقت محدد لروايةة افضل  :glb:والسلام عليكم =)) لسعـَﮧ شـَـَقـَـَاوهـَ likes this.
__________________ لا شيء أنسبَ من الصمت عندما ترىَ , ما لا تريد أن تراهہَ .. ♡ |
| مواقع النشر (المفضلة) |
| أدوات الموضوع | |
| انواع عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| العنوان:- لاتحزن على شخص نسيته و نساك بل احزن على شخص نسيته و تمناك (قصه من تأليفي رومنسيه+حزن+كوميديا) | Tωiłight ♫ | أرشيف المواضيع الغير مكتمله او المكرره او المنقوله و المخالفه | 12 | 07-22-2012 07:04 PM |
| لاتحزن على شخص نسيته و نساك بل احزن على شخص نسيته و تمناك (قصه من تأليفي رومنسيه+حزن+كوميديا) | Tωiłight ♫ | روايات و قصص بالعاميه | 5 | 07-20-2012 10:12 PM |
| روايه ( المستقبل المجهول ) من تأليفي روايه مؤثره وكوميديه نوعا ماا | SHOSHATOTO | أرشيف المواضيع الغير مكتمله او المكرره او المنقوله و المخالفه | 176 | 03-12-2012 10:16 PM |
| رواية ليــن | العاصفة المدمرة | أرشيف المواضيع الغير مكتمله او المكرره او المنقوله و المخالفه | 23 | 09-01-2011 08:44 PM |
| روايه ( احلام الحب ) روايه انمي من تأليفي | Đřęĕɱ | أرشيف المواضيع الغير مكتمله او المكرره او المنقوله و المخالفه | 68 | 12-06-2010 01:55 PM |
103Likes
العرض العادي
