|
Σ♡♥ وآللــي خلــق فينــي عــزة نــآيــف آنــي لآخــذ دنيــآي عــز ومهــآبـه Σ♡♥ السلام عليكم,,شلونكم وشخباركم انش اء الله اموركم زينه. اليوم طبعا راح افتتح مدونتـي,,,اسراري ابتساماتي كل شي يخص اخوكم نايف بسدحه فيــذآ,,اتمنى تكون مدونتي مكسب رضا للجميع وتشاركوني بمدونتي وربي يحفظكم ويسعدكم جميعا. افتتاح المدونه\ اليوم\ الاربعــاء التــاريـخ\15\5\1434 الساعه\7:20 صبـآحـآ. دمتــم بــود. |
ببدـها بذكر الله. (( ومـا يلفـظ من قول الا لديه رقيب عتيد)) صدق الله العظيم. |
معلوومات شخصيــه عني. الاسـم\نــايف عبدالرحمن العتيبــي المدينه\القصيــم العمــر\مب لازم اقول ههه المهنـه\طالب جامعي الهويات\انا اعشق الشعر وعندي ديوان خاص باشعاري راح تشوفوه باذن الله اذا سنحت الفرصه. وايضا اعشق ركوب الخيل بكل قوه واحب كرة القدم وبالاخص ناديه المفضل(الاتحاد السعودي) ومن هواياتي ايضا الرســم وسلامتكم. اكلاتي ومشروباتي المفضله\ الكليجا طبعا هذي معشوقتي وهي اكله تراثيه نجديه,,ايضا احب البيتزا بالحيل,,بالنسبه للمشؤوبات احب ذائقة المشروبات الساخنه اكث من البارده مثل الالمانيه الصينيه والانجليزيه لدرجة عندي دولاب خاص للقهوات هههه وبس. اذا بوه معلومات ثانيه عثب اسدحها فيذا,,,انا الحين ماعاد اشوف دربي بنوووم,,اتمنى تشاركوني في مدونتي ومنكم نستفيد ربي يحفظكم. سبحان الله وبحمده,,سبحان الله العظيـم. |
صباح الخير جميعآ,,اشكر كل من اعطى لياكات وتقييمات وربي يحفظكم وعلى راس يمن فوق. طبعا مثل ماتفضلت من هواياتي الشعر وانا اكتب شعر من عمري 11 سنه وانا احب الشعر وبعطيكم من بعض اشعاري من منتدى اخر انا مشارك فيه,, واول قصيده وازنت القوافي فيها وجازها جدي بما انه شاعر من كبار الشعار الله يرحمه.اقول فيها ياهجوس ذا اليوم شد ٍالرحال امس غير اليوم ومطاوع النفس يغدي ادري ان الشمس تلحق على طول الضلال تجربه واتقوله الناس قبلي وبعدي كيف ابا اسلا واتسلا وفي بالي سوال يوم يطري كن يشلع من فوادي ودي واعتزيت وقلت مال الحمول الا الجمال والوكيل الله ومن يهتديبه يهتدي والحقايق ماتخضع تحت نسج الخيال لين يخضع لرذل الناس راس السيدي والشدايد تفتح الباب لزحول الرجال والرخاعيدالعذاراوسترٍللردي واترك اللي كل ماقلت قدم الدرب قال ماتعدي تالي الوقت عن حلقي يدي يرتكي للحمل رجل إذامقال طال والدليل ليا تدانا اسوداليل الجدي وسلآمتكم. |
هذي قصيده كتبتها قبل 3 سنوات اخذت شهرين بالنرويج مع ولد عمني وطولنا شويات وعقب رجعنا لدار ابو متعب بعد عناء طويل وشديت 8 ابيات قصيره هههههه والله تجمعت البيوت وحنا ناكل في مكان عام الناس يطالعون بالثلوج وانا اهوجس بالشعر وشديت 8 ابيات على السريع وهذي القصيده هم بعد شليتها بصوتي اذا الله احيانا جبتلكم الراابط.اقول فيها ذقنا مع الهم والغربه سبب همي ياوين أبلقى على ديني مصافيني إن قلت هذا نصيبي مقبلن يمي صد وهجرني وجنّب مايحاكيني شكيت حظي وخالي وأهلي وعمي والحرة اللي بصدري ماتكفيني كاس العسل وإن شربته سقوته سمي تحرم علي السعادة ماتجي فيني كثر المشاكل وش أسبابه تجي يمي سألت نفسي من اللي يطلبن ديني لقيت عبره بصدري ينطقه فمي وإن قلت أنا آه مايكفي بكى عيني من جاير الوقت قمت أدله على الذمي وعجزت أميز صديقي من معاديني من غربة النرويج يجرحني ولا يسمي وأحس كل البشر مأحد يدانيني |
| الساعة الآن 08:57 AM. |
Powered by vBulletin®
Copyright ©2000 - 2024, vBulletin Solutions, Inc.
شات الشلة
Powered by: vBulletin Copyright ©2000 - 2006, Jelsoft Enterprises Ltd.
جميع الحقوق محفوظة لعيون العرب
2003 - 2011