وصـــاااتي لك من بعد وفــاااتي
 

وصاتي لك من بعدي تموت فيها علشاني

أبيها تعيش وتحيابك وأظل بالذاكره مفقود

وصاتي لك تنسيها ملامح وجهي وتنساني

وتعزفها قصيده حب على عكس اللي عزفته بعود

وصاتي لك تبعدها عن أشعاري وقيفاني

ترها مغرمه بالحيل ويشهد لي عدد الردود

وصاتي لك تسايرها ترى فيها من أحزاني

طلبتك لا يضيق بالك طلبتك والطلب مردود

وصاتي لك تناديها حياتي .. عمري .. أزماني

أنا عودتها دايم أدلعها وأنا موجود

وصاتي لك تعاملها بطيبه قلب وأحساني

تراها تذرف الدمعه ودمعتها بليا حدود

وصاتي لك تحفظها سور وأيات قرأني

وتخبرها لك ترسمها على قبري وأكفاني

أبيها لوحه تبقى على طول الزمن ممدود

وصاتي لك تمازحها وتشوف الضحكه بأسناني

سعيتك يا ضحك هالكون طلبتك لا تصير جلمود

وصاتي لك تقهويها من دلالي وفنجاني

تراها تعشق السمرا ويكفيها دخون العود

وصاتي لك تركبها على خيلي وعلى حصاني

وربي فارسه من قلب شهاده ماهي لشهود

وصاتي لك تسفرها بلاد الشام ولبناني

ترى يحلا لها تقطف ورده ورده من بلد الورود

وصاتي لك تراقصها على الحان رحباني

ترى فيها عرق خاله وفيها من جنون السود

وصاتي لك تحببها فأبو نوره بعد هاني

وتنسيها ندم غلطه أنا فيها ترى المقصود

وصاتي لك تكرهها في تاريخي و عنواني

أبيها تلعن اللحظه وتلعن كل فرح موعود

وصاتي لك تكلمها عن المجني وعن الجاني

وتخليني أنا الظالم وأنا من حرق الأخدود

وصاتي لك تشبهني بدم أحمر قاني

وأنا هالقاتل السفاح مجرم من عصر نمرود

وصاتي لك تحلفها تتوب تحبني ثاني

ترى يكفيها ما عانت ويكفي حيلها مهدود

وصاتي لك تنسيها وصيه قالها لساني

أنا أخبرك رجل موقف وأنت قدها وقدود

صديقي ما لقيت غيرك يعرف وشلون تنساني

أمانه ضمها بقلبك ترى ..

خــالــد ..

رحل ما يعود

خالد..."

رووووووووووووعهــــــــــــ خواطرك اختى مرره حلوهــ .. استمري