|
رواية لمى في شقة شباب السلام عليكم هذا رواية أعجبتني و حبيت انزلها لكم *** روايتي من نسج الخيال وبعض الأحداث من الواقع ابدأ روايتي من الرياض في أيام البرد وشبت النار وحلاة الطلعات قررت الرأس المدبر للعائلة طلعه للمز احميه "الرأس المدبر هي لمى هذا البنت مشاكسة إلى ابعد حد الوحيدة بين 7 أولاد ومع الأحداث بنتعرف عليها اكثر" لمى وكالعادة إذا تبي طلبها يتنفذ تتكلم بدلع وسياسة: مـامي اش رايك نطلع البر؟ ام لمى : ومن بيطلع معك ؟ لمى :اعمامي وعماتي أم لمى : كلمي ابوك مع إنه برد وماتوقع احد يطلع لمى وبدة اسطوانة الأقناع تشتغل : اي برد يمه الله يهديك , تدرين إن البرد بس في البيت انتي بس اطلعي برى وشوفي الجوء دافئ, وبعدين حنا بنطلع من الصباح يعني بنطلع في الشمس وترى امس سمعت في الأخبار أن البرد بيبداء الشهر الجاي يعني البرد هذا بس شي خفيف ام لمى :والله انك صادقه ,خلاص كلمي ابوك واعمامك لمى: يالبى قلب امي ايه هذا الحكي الي يجبر الخاطر وترى من زمان مااجتمعنا ام لمى اقتنعت : اي والله من زمان ماشفة عماتك لمى : يعني موافقه ام لمى : موافقه لمى بإستهبال : الف الصلاة والسلام عليك ياحبيب الله محمد كلووووووش ام لمى تضحك على هبال بنتها اللي متعوده عليه : ههههههههههه انتي متى بتعقلين ؟ اتمنى اشوفك عاقله مثل البنات لمى : الله الله مثل البنات مره وحده ,هذا أمل ابليس في دخول الجنه ام لمى : لا موب امل ابليس ترى الخطاب كل يوم يجون لمى ماتحب طاري الزواج : يا ليـــــــــــل يمه لاتصرفين الموضوع ابوي وين؟ ام لمى : مادري ؟ لمى وهي تقوم لأنها عارفه مصيرها : الحمد لله والشكر اول مره في حياتي اشوف وحده ماتدري وين زوجها ام لمى :هههههههههههههههههه بيجيك يوم وبسالك لمى : الله لايجيب ذاك اليوم جعل يومي قبله طلعة من الصاله لغرفتها وكتبة رساله "اختي الداجه عزيزتي المهجوله نود ابلغكي ان فكرتاً طقت في راسي وهي غدا "يعني بكره"نبي نروح البر"يعني نطلع البر" فلذالك نأمل منك شن حملة اقناع ضد الأهل والأخوه والملتقى بالمزاحميه باااااااي " وارسلتها لبنات عمها وعماتها وبعدها كلمة ابوها بما إنه اكبر الأعمام واقنعته على الطلعه البنات مجتمعين عند عهد واول رساله وصلة لها فتحتها وقرتها ضحكوا عليها وعلى رسالتها الي نصفها عامي ونصفه بالفصحه عهد : بنات اسكتو بتصل عليها والكل وافقها الرائ واتصلت على لمى الي كانت بتطلع من الغرفه بس رنة الجوال رجعتها عهد تنعم صوتها لأخر درجه:الــــــــــو لمى وترد عليها بنفس النعومه :هلا باالــو وصاحبتها عهد :هههههههههههأي كيفك حياتي ؟ لمى :حياتي من دونك ماتسوى عهد :ياعمري عليك لمى :اقول روقينا ترى ماعرف بكلام الحب كثير حدي ياعمري وياحياتي وان زادة احبك عهد : وانا احبك ياقلبي لمى :لا ارحميني ماقدر على الكلام الحلو لاتخليني اجيك الحين طيران عهد : ياليت تكفين تعالي بسرعه الله يخليك لمى:على كيفك اقول فارقي بس بروح اجهز اغراض الطلعه عهد : وبعدها بتجين صح لمى:لا ولاتحاولين عهد : متأكده انك مرح تجين لمى : ايه متاكده مليون بالالف عهد : طيب اسمعي البنات بصوت واحد : هاي لمى لمى : وجع يالنذله انتي وياهم تجتمعون ولاتقولون لي وانا قاعده ادبر لكم طلعه عشان اشوفكم والله انذل منكم ماشفت والله خيانه اوريكم وسكرة الخط وبعدها قفلت الجوال وراحت ركض لأخوها نادر لمى : نادر اخوي انت نادر في الوجد ومامثلك احد نادر حبيبي نادر يعرف انها تبي شي : قولي اش عندك لمى : البنات مجتمعين عند عهد ومابقى إلا انا تكفى ودني لهم نادر: يالله البسي بسرعه لمى : يعني بتوديني نادر : ايه بوديك لأني بروح عند اخوها ناصر لمى : دقايق بس وراحت تبدل ملابسها وتستأذن من ابوها وتتأكد من الطلعه وبعدها طلعت مع نادروكل هذا صار في خمس دقايق وصلت لمى لبيت عمها ودخلت وسلمت على عمها وعمتها وراحت للبنات فتحت الباب بكل هدؤء وقالت بصوت عالي : هــااااااااااي البنات ماتوقعوا انها تجي حسبالهم انها زعلت : واااااااااااااااااااااو لمى وبداء السلام والصراخ والضحك واكتملت جمعتهم بحضور لمى وكملوا سهرتهم هبال وضحك وهواش وبعدها تفرقوا عشان الطلعه في اليوم الثاني ومن بعد صلاة الفجر الكل يستعد للطلعه وعلى الساعه ثمان إلا ربع وصلوا العوائل واختاروا مكان حلو ومناسب ( لمى المرجوجه متعوده على عيال أعمامها وتعتبرهم مثل اخوانها وهم نفس الشي) أول ماوصلو كانة مختفيه لمده بعدها طلعة وهي متلثمه وطاقه بالنظاره الشمسيه ومعاها كميرا وتصور الشباب وهم ينصبون الخيام وتضحك عليهم وهم مستانسين معاها لانها الوحيده الي يتجراؤن عليها لمى تبي تذلهم :يالله يالله انت وياه بسرعه اشتغلوا يالله اشوف محمد :ترانا في الصبح وتونا صاحين يعني محد رايق لهبالك لمى:يالله يالله اشتغل ترى الشغل يروق الي مايروق محمد:اقول فارقي انتي وذا الكمره وإلا ترى بذا الوتد على راسك لمى : هههههههــآي أدري انك مقهورا بس اش نسوي هذا الحياة والرجال قوامون على النساء عمر: وانت يابو الشباب ورى ماتقوم معانى "يقصد لمى" لمى بإسلوب خكر: ابي اساعدكم بس هذا اش يسموه هذا اللي مثل عصاء جدو ثقيل ورافض يدخل بالأرض الشباب سمعوا عصاء جدو طاحوا من الضحك لأن التشبيه قريب وهي مايحتاج ضابطة الدور سالم : ياااااااي طقيه على راسه بالحجر وهو بيدخل غصب لمى : لاحــــــــرام انت متوحش ماعندك ذرة رحمه حسام : اجل احفري الحفره بعدين حطي عصاء جدو وادفنيها لمى : تيب وين الملعقه ؟ راشد : وليش ملعقه ؟ لمى : عشان احفر محمد : احفري بيدك بالخمس يالبقره لمى : لا بعدين يديني تتوسخ من التراب حسام : اووووه صح طيب تبين معاها سكين عشان تقطعي الأشجار الصغيره سالم :هههههههههههههههأي حلوه اشجار صغيره راشد : اسمها عشب ياحبيبي لمى : ههههههههههههههههههههههههــآي تخيلو حنا خكروطالعين البر عمر ضحك ضحكته المجنونه والكل مستغرب ليش يضحك سالم : اش عندك ؟ عمر بعد ماهدئ من الضحك :لا بس مره طلعنا احنا والشباب وكان جنبنا خكر اشكالهم تموت ضحك يكفيك شكل الرواق كاتبين عليه بالبخاخ ملون كلام انجليزي ولبسهم اش لبس يموت ضحك والشباب ماقصروا معاهم ...........وحكالهم السالفه وكل واحد انتهى من شغله وبدوا البنات يدخلون الأغراض ويرتبونها محمد كان رايح لسياره يبي منديل شاف لمى والبنات يشيلون الأغراض ناظر في لمى وقال : الرجال قوامون على النساء "وضحك وكمل طريقه" البنات استغربوا اش يقصد بس انتهى استغرابهم يوم سمعوا ضحكت لمى عرفوا إنها مسويه شي الهنوف : اش السالفه ؟ لمى : بعدين تعرفون نوره : لا نبي نعرف الحين لمى : وجع اصبري بعدين بنرجع البيت واشغل لكم الكميراء وتفهمون السالفه العنود: امشي انتي وياها امي تنادي مر الوقت بسرعه والكل مرتاح حسام يكلم البنات:من الي دبر الطلعه لمى:انا عمر:يالله افردي عضلاتك وسوي لنا احلى كبسه لمى :لا الطبخ عليكم احنا نبي نرتاح شوي محمد:وإذا قلنا نبي نأكل من يدينك لمى:اقوووووووووول أمر تدلل عمر:كفوا والله بنت العم نادر:لمى نبي مثل الكبسه الي سويتيها يوم العيد لمى:بشرط تساعدوني عمر:حنا مواعدين الشباب ومانقدر نطبخ لأن ريحة الطبخ بتمسك بملابسنا لمى:طيب خلاص انا والبنات بنسوي بس انتوا تسولفون خالد:اوووووووووووكيه لمى:نبي نفلها ونخربها راحوا الشباب يجهزون الفرن والأسطوانه والبنات يقطعون البصل والطماط والحم واجتمعوا كلهم مع بعض لمى تستهبل عليهم: اليوم بدنا نساوي كبسة اللحم يلي طلبها الأخ المشاهد نادر اول شي بنحط البصلايه عمر:امووووووت انا على البصلايه الشباب والبنات :ههههههههههههههههههههه لمى تكمل: وشوي زيت وفليفله خضراء وبهارات وبنحركها على النار محمد:اقول اخلصي بس لمى:لحظه استاز وائف التصوير , يااخي انت اش عليك احمد ربك اني اطبخ لك حسام: خلاص انت وياها كملي كملي لمى:ونحرك لما يدوب البصل والفلفل خالد:أذكر انها فليفله ولا غيرت اسمها الكل ضحك على خالد عهد:يالله معك اتصال لمى:الو معنا اتصال على الهواء من معي نادر:انا نادر الي طلبت الكبسه لمى:اهلين اخي نادر نادر:لو سمحتي اختي بعد ماتخلصين من الطبخه ارسليها لبيتنا وعنواني تركته لك عند الكنترول لمى:تبطي عزم استاز نادر:ماعليك زود والله لمى:يالله فارق انت وياه وتعلموا مني راشد مسك الصحن :يالله شباب نقلبها طرب الشباب :يالله وبدوا الطق والاستهبال بعد صلاة العصر الشباب اخذو سياراتهم وراحوا الخراره والرجال يمشون حول المخيم والحريم نفس مكانهم ماتحركوا اما البنات عندهم حب استطلاع لأكتشاف المكان نوره:يالله بنات نبي نتمشى الهنوف :يالله بس وين البنات لمى :خلونا نروح نجلس عند السياره شوي لما يتجمعون البنات نوره:يالله لمى:بشرب مويه واجيكم راحت نوره والهنوف عند السياره وبعده بدقايق اشتغلت الجوالات وتجمعوا البنات عند السياره وحالتهم حاله الي جالسه والي متسنده على السياره والي جالسه على الكبوت والي رايحه جايه والي فاتحه السياره وجالسه فيها يعني الي يشوفهم يقول شباب لابسين عبايات وهذا من تأثير لمى عليهم المهم وهم على هالحال ينتظرون باقي البنات جاهم ولد مزيووووووون بمعنى الكلمه لابس بنطلون اسود واسع حاجه بسيطه موديله لوست وسبته حمراء وبلوزه من داخل كاروهات احمروابيض واسود ولابس عليه جكيت اسود فيه دقات بالون الأحمر وكاب اسود ونظاره سوداء ولاف على راسه شال احمر"على اطراف الكاب يعني مغطي أذانه" ولابس جزمه سبورت احمر الولد شكله خطييير ويدوخ الي مايدوخ وكشخته تجنننن العاقل وتعقل المجنوون مشيته لهي مشيت ولد ولا مشيت بنت لاهي غرور ولاهي دلع لاهي كبر ولاهي فخر بس حلوه مشى الولد بكل ثقه وهو يبتسم للبنات الي باين عليهم الخوف ويتصنعون القوه توجه لهم وبكل جرائه:سلام ياحلوين نوره : نعم اش تبي مضيع اهلك ؟ الولد :ابي اتعرف عليكم ممكن هند:ولد استحى على وجهك وخاف الله الولد:طيب لاتعصبين وعد:اش تبي منا؟ الولد :بغيت اسألكم انتوا من اي كوكب لأتقولون الأرض لأن مستحيل الأرض تكون عليها بنات بهالجمال غيداء: لو سمحت احترم نفسك وروح عنا ولا ترى انادي اخواني الولد : ناديهم إذا لقيتيهم إلي اعرفه إنهم راحوا الخراره الهنوف خافت: ولد لو سمحت حنا بنات ناس ومحترمين ياليت تحترم نفسك وتروح عنا الولد:لا مرح اروح بدون وحده منكم العنود:ياقليل الأدب والله لو ماتروح لأنادي اعمامي الولد حاول يمسك ضحكته على اشكالهم بس ماقدر ضحك بصوت عالي:هههههههههههههههههههههأي البنات كلهم صرخوا في وقت واحد : لمـــــــــــى لمى : هههههههههأي اش رايكم؟ نوره: والله انك مجنوووونه غيداء: بس والله خطيره العنود: خقيت يوم شفتك لمى : اكيد ولد عمكم مزيون اكيد بتنجنون وتخقون عليه العنود: اقول روحي بس من قال انك حلوه البتول: يابنت شكلك ولد صدقي "البنات ضحكوا على كلمة صدقي" لمى : وهذا اكبر دليل على جمالي شوفو بنت عمكم فقدة حاسه التعبيرعشان كذا الفيوز ظربت عندها البتول :ههههههههه اشدخل فيوزي في حاسة التعبيرياالدلخه الهنوف :والله حسافه الشهاده الي تحملينها لمى :اش اسوي من يوم جيت على هالأرض يقولون العلم نور قلت يابنت تعلمي عشان إذا طفى الكهرباء انور لأهلي غيداء: انتي لو قالوا لك جربي الأنتحار جربتيه لمى : شي أكيد بس من مسافه قصيره عشان مااموت عهد وهي جايه ركض للبنات وطبت عليهم لما شفت لمى شهقت وهربت البنات ضحكوا عليها ونادوها : تعالي تعالي عهد تأشر لهم من بعيد: من هذا ؟ لمى : انا يالدلخه تعالي تعالي عهد : انتي حسبالي انه خال البنات لمى :يالله انا ليش حظي تعيس ليش انا ذكيه واعيش بين دلوخ عهد : عشان تعرفين انك ذكيه ومحد مثلك لمى : والله اتكلم جد إذا انه خال البنت البنات الباقين ليش مجتمعين عهد: والله اش اسوي اول مره اشوفك بهشكل وماذكر إن عندنا واحد يطيح الطير من السماء وماعندي وقت افكر من يكون هالشخص لمى : وهذا ثاني دليل على جمالي تعطلت عندها حركة التفكير نوره : اقول روقينا وبسرعه البسي عباتك لو يشوفونك اهلنا بيذبحونا لمى :مايقدروووووون انا الي بذبحهم بجمالي نوره: يوووووووووه منك يالله خلصينا الشمس راحت لمى: بعد وماتعرفين تعبرين الهنوف: اش نسويلك خبلتينا بجمالك لمى : الاعتراف بالحق فضيله يالله بروح اسلم على اعمامي وبعدها بدخل عند عماتي البنات تحمسوا للفكره : يالله لمى:لحظه عهد جيبي الكمره من السياره عشان نصورهم راحت عند الرجال لمى : السلام عليكم كلهم وقفوا وسلموا عليها لمى : كيفكم ؟ ابو حسام : الحمد لله ماعلينا ابو محمد : ماتعرفنا عليك لمى : آفااااااا ماعرفتوني ابو حسام : لا والله اسمح لنا لمى فصخت النظاره : حتى انت يبه ماعرفتني الكل طالع في ابو حسام واستغربوا معقوله عنده ولد وهم مايدرون ابو حسام بإستغراب: لا من انت ؟ لمى : بقولك بس لاتفصخ العقال لأني بهج ومابتشوفني مره ثانيه انا بنتك لمى "وضحكت" من ضحكتها تأكدو انها بنتهم الكل : لمى ابو حسام : وانا اقول من وين طلع ذا الولد شكله بيتبلى علي ابو محمد : وليش تسوين بنفسك كذا؟ ابوراشد : الي يتشبه بالرجال تعرفين اش عقابه لمى بإسلوب استعطاف: ادري ادري بس الله يسلمكم انتوا مارضيتوا تمشون معانا والأولاد راحووتركونا والحريم يصلون ويرجعون مكانهم ومايتحركون شبر ولا متر وحنا بنات نبي نتمشى ماطلعنا نجلس ولو اعرف ان الطلعه كذا كان طلعت بالحوش وعزمت البنت ابو محمد : طيب تمشوا احنا ماقلنا لا لمى :الله يسلمك ماقلتوا لا بس شوفت عينك الشباب مالين المكان وإذا شافونا نمشي لوحدنا مايحتاج اقولك اش بيسوون وبصراحه انا رحمت البنات وطقيت الصدر وتنكرة لعيونهم عشان امشيهم واسعدهم يالله عن اذنكم ابو حسام : طيب بالأول شوفي حنا موافقين ولا لا لمى : ليه عرس هو ترى كل السالفه لفه لفتين ونرجع ابو راشد : روحي روحي دامك معاهم حنا مطمنين لانك عن الف رجال لمى : تسلم لي والله ايوه كذا الكلام بالله علم اخوك الكلام الحلو ابو حسام :لمى انا ابوك احترميني وهذا عمك تعلمي الأدب لمى بإسلوب شباب: يعني الوحد مايمزح حتى في البريه يبه انت وعمي على عيني وراسي بس امزح معاكم ابو راشد: اترك البنت حنا متعودين عليها ابو حسام: قصدك الولد لمى :بنت ولا ولد ماتفرق المهم انا جيت اخبركم اني بروح مع البنات عشان إذا شفتوني معاهم ماتخافون وتسوون لناسالفه اونه بناتنا يمشون مع ولد غريب ابو حسام : روحي وديري بالك عليهم لمى : إنشاء الله يالله استأذن بروح ادخل على حريمكم اطير عقولهم بجمالي ابو راشد : سمي عليهم وانتي داخله لا يصير لهم شي لمى : خلاص بس بسمي على ام راشد لانك وصيتني ابو حسام : وانا بعد ابو محمد بمزح : ياولد مااسمح لك تدخل على حريمنا لمى:بشوف منهي الي زوجته ازين من الثاني ابوعمر:روحي الله معك انتي وياهم لمى : اوكيه اوكيه يالله باي الشمس راحت على قولتهم وحنا ماتمشينا الكل : مع السلامه دخلت وبكل قوه على الحريم وكانت ردة فعلهم معروفه "تغطوا" ام محمد : ياولد استح على وجهك واطلع براء لمى تحط يدينها على خصرها: مانبي طالع اش عندك ؟ ام راشد : ياقليل الأدب اطلع ولا انادي لك الرجال لمى : انا ابي اتزوج وحده من بناتكم وماني طالع إلا بموافقتكم ام حسام : ماعندنا بنات كلهم مخطوبات ومتزوجات لمى:ابي بنتك لمى ام حسام:وانت اش عليك في بنتي لمى:ابي اتزوجها ام محمد:قلنالك بناتنا متزوجين لمى : كلهم أم حسام:ايه كلهم وماعندنا بنات لزواج لمى:وانا يمه معاهم ام حسام : من انت وانا موب امك لمى : انا بنتك حبيبت قلبك لمى لمو الحريم : حسبي الله عليك خوفتينا لمى:افا والله خوفتكم وبعض الناس بغوا يموتون من جمالي ام حسام:الله يهديك وانا اقول بتكبرين وتعقلين وتصيرين مثل البنات واليوم قلبتي ولد لمى:والله اش اسوي البيت كله أولاد وانا قلتلك جيبي لي بنت ورفضتي ام حسام:الله الي يكتب البنت والولد لمى:مافيه اعتراض بس على الأقل خلي ابوي يتزوج وحده صغير على سني منها تصير اختي ومنها يجدد ابوي شبابه ام حسام وهي ترميها بعلبه:اقول اطلعي برى حسبي الله عليك تزوجين ابوك وانا اش ناقصني لمى:والله وتغارين على ابوي وسولفت معاهم شوي وطلعة والبنات مراقبين المواقف وبعدها راحوا يتمشون واكثر وحده فلتها هي لمى وهم راجعين توى الشباب وصلوا وكانوا يرتبون الاغراض لمى: بنات الحريم والرجال جنناهم بقى الشباب خلونا نجننهم العنود : يالله هاتي الكميرا وانا بدخل السياره اصور وانتي خليك واقفه مع البنات البتول: وااااااو وناسه يالله تكفون نبي اكشنات دخلت عنود السياره وشغلت الكميره وفتحت الشباك شوي عشان يوضح التصوير والبنات تجمعوا على لمى وضحك وسوالف وصراخ وحركات تلفت نظر الشباب لهم راشد ناظر فيهم : شباب هذولا اخواتنا حسام : ايه هم محمد : شوفوا الي معاهم عمر:شكله غريب موب من اهلنا راشد:والله قوة وجه واقف معاهم تعالوا ارتفع ضغط الشباب وراحوا ركض للبنات عمريصارخ:ياقليل الأدب ياللي ماتربيت راشد:يالنذل التفتوا عليهم وماتوقعوا يكونون بهالعصبيه نوره :الله يستر لمى دخلت وسط البنات حسام لما قرب عرف انها لمى :هلاوالله يابوالشباب لمى:هلابك عمر :حسام من هذا! لمى : وانت من عشان تتكلم ؟ محمد وهو يبي يضرب لمى بس مسكوه البنات نادر جاي ركض ومعاه عجره ومعه الشباب الباقين وشكلهم ناوي على مضاربه لمى حست ان السالفه بتكبر وبتصير مشاكل صرخت عليهم : هدوووهدوووحسام قلهم من اكون ودخلت بين البنات وهربت بعيد عنهم حسام:هذا واحد من الأهل هدو انفسكم راشد :ومن يكون؟ حسام:هههههههههههه وحده من البنات متنكره عمر:خلاص شباب هدوووو شوي خلونا نفهم السالفه محمد :حسام منهي؟ نادر:قالكم وحده من البنات يعني بناتنا خالد:ومن تكون؟ نادر:لمى ريان مستغرب منها: ومن سمح لها تسوي كذا ؟ البتول: اعمامي وعماتي راشد: وليش سوية كذا ؟ الهنوف :خلاص ترى ماصار شي حنا استأذنا والكل وافق بعدين انتوا عاد عارفين لمى وجنونها العنود وهي نازله من السياره : حنا بس كنا نبي نمزح معاكم وانتوا قلبتوها علينا ناصر: تسوي مقلب بس مقلب بسيط الحين لواحد شافها معاكم مرح يقولون هذا لمى بيقولون شفت اخواتك مع ولد هند:على الأقل معانا شاب يحمينا من الشباب مواخوان تركونا وراحوا محمد:طيب ليش ماقلتوا انكم بتتمشون كان تركنا لكم راكان وبندر رغد : والله مايبيلها تفكيرطالعين البر اكيد بنتمشى عمر:خلاص شباب صار الي صار وبصراحه انتوا سخيفيييييييييييين البنات صادقين بكلامهم شف المكان مليان شباب واكيد شافونا يوم رحنا وتأكدوا ان ماعندهم شباب وبكذا بياخذون حريتهم فهد:والله صادق عمر الحين المفروض نفتخر فيهم لأنهم حافظوا على انفسهم في غيابنا سالم حب يهدي الوضع : بس بصراحه شكلها خقااااااااااااااااااق والله وطلعتي خطيره يالمى حسوم في يوم من الأيام بمراخذها واروح اكشخ انا ووياها في شارع التحليه راشد :من جد شكلها خطير حسام :هي هي مااسمح لكم تتكلمون عن اختي هند :صدق ياحسام اختك خطيييييييييييييييره ومرجوجه والله خوفتنا البتول حست ان الوضع هدئ شوي : تخيلو قالت لنا نجتمع عند السياره عشان نمشي مره وحده وشوي جانا ولد ويتغزل فينا حنا خفنا وكنا بنهرب بس لما ضحكت عرفناها عهد :ولا بعد راحت عند الرجال وسلمت عليهم ورفعت ضغطهم وتهاوشة معاهم شوي وبعدها قالت لهم انا لمى نادر:والله فاتنا ياليت كنا موجودين البتول:هههههههههههههـأي الرجال اهون والله لو شفتو الحريم لما دخلت عليهم على طول تغطو والي تدعي والي تطردها والي تهدد والأخت قوية عين وتهددهم " تقلد لمى" انا مرح اطلع من هناء إلا لما توافقون تزوجوني وحده من بناتكم ................ وقالت لهم السالفه عشان يهدون العنود:حنا سوينا مقالب في الكل مع التصوير وانتوا مسك الختام وهذا عشان يكون ذكرى عهد:طبعا البدايه مع البنات وانا كنت في السياره اصوركم وبعدها ثبت الكميره ونزلت على اني مادري عن شي عشان ماتشكون في الوضع وبعدها الرجال وبعدها الحريم وانهيناها فيكم وانشاء الله ننسخ لكم الأجزاء الي تخصكم محمد:مشاء الله شغالين تصوير عهد:انا ولمى خططنا لطلعه ولتصوير ولو موب حنا كان ماطلعتوا نادر:تكفين عهد اعطيني كل الأجزاء الي تخصني ابيها فهد:مشوووار طيب اختك لمى اطلبها وانتهت السالفه نادر:ادري بس يمكن تخبي شي وانا ابيها كلها عهد: خلاص ولايهمك برسلك كل شي الهنوف: طيب حسام تكفى الله يخليك طلبتك ولا تردني راشد:لحظه لحظه فيه خيمه وفيه قهوه وفيه كميره خلونا نقلبها ونسوي مسلسل بدوي الكل ضحك على راشد الهنوف عصبت: رشووووووود انا اتكلم جد ها حسام اش قلت حسام استحى من بنت عمه خصوصاً اول مره تطلبه :امري وطلبك بسويه الهنوف :لاتسوي شي للمى ترى احنا من دونها مانسوى وهي الي تنفذ الي نبيه غصب عن اهلنا حسام : ولا يهمك وانا متعود على هبالها وموب شي جديد عليها محمد:ايه تكفى ترى لمى الرأس المدبر لنا إن بغينا شي هي الي تدبره حسام:خلاص مرح اسوي لها شي التفت حسام على الشباب :شباب تذكرون ياسر الي كان معي في د.كيف سالم :ايه اذكره اش فيه فهد :اخباره ؟من زمان ماشفناه عمر:بس نسمع صوته إذا كلمته حسام يناظر في نادر وضحكوا: هههههههههههـاي نادر:هذا الله يسلمك لمى المرجوجه إلا وتروح معانا لأن امي وابوي طلعوا والبنات عند خوالهم وحنا ابتلينا فيها الشباب ماصدقوا لأن شكلها كان ولد في كلامها وضحكها ومشيتها وجلستها وماشكوا فيها راشد:جد ناصر:احلف حسام :والله جد محمد :اختك مجنونه فهد:بس والله رهيبه ريان :والله توقعت انها ولد كلامها وحركاتها وكل شي العنود :هي الي فلتها صدق عمر:من جد ذاك اليوم وناسه وضحكنا بجنون ناصر:وانا اقول اشلون يعرف عنا كل شي وهو جلس معنا دقايق واول مره نشوفه وكملوا سوالفهم ولحظات ويقطع عليهم صوت البواري ومنادات الأهل لهم والكل تفرق ورتبوا اغراضهم وراحوا ^^أنزل الباقي لو شفت ردود^^ |
^التكمـــ،،،ــلـة^ نرجع للمى بعد ماطلعت من بين البنات هربت لمكان بعيد شوي لأنها خافت "اخوانها عادي متعودين عليها بس عيال عمها معصبين ويمكن يهزؤنها " تعبت وقررة انها ترجع والي يصير يصير رجعت وهي تدعي "الله يستر" وصلت لمكان اهلها وهناء الصدمه الي ماتوقعتها اهلها راحوا وتركوها طلعت على اعلى قمة يمكن تشوفهم بس للأسف ماشافت شي والشمس قربت تغرب وماعندها جوال ولا تعرف احد نزلت تركض من الخوف والمصير المجهول وحاولت قد ماتقدر انها توصل على الشارع العام قبل الغروب وفعلاً وصلت على الشارع العام وبدة تمشي على طرفه لما وصلت محطه صلت المغرب مع الجماعه وكملت مشوارها يمكن تشوف تكسي على الطريق يوصلها بيت اهلها وهناك تدفع له الفلوس بس شالت هالفكره من راسه خصوصا انها في الليل وماتئمن احد وظلت تمشي لين وصلت تقريباً قريه او محافظه وكان على الشارع مسجد اقامة صلاه العشاء وصلت معاهم وبعد الصلاه جلست على الرصيف تفكر في الي صار واشلون تتصرف " امشي بس المشوار بعيد ومرح اوصل والطريق مظلم ,اقعد هناء مع مين اتصل على اهلي ماعندي جوال ولا فلوس, ياربي اش اسوي يارب انك تحميني وتحفظني" قريب من المكان الي جلست فيه لمى كان فيه مجموعه من الشباب جالسين يسولفون ومو مهتمين بالي حولهم بس واحد منهم من يوم جلس وهو يناظر فيها لمى كانت جالسه على طرف الرصيف الي قدامهم ومكتفه يدينها ومتسنده على العامود وتناظر في الرايح والجاي وعيونها فيه دموع وباين عليها الحزن الولد الي يطالع فيها حس بفضول يبي يتعرف عليهالأن جلستها وحالها وشكلها جننان ومأخذ عقله من يوم جلس الولد : ياحلو انتا لمى سرحانه ومانتبهت له : الولد حس ان عندها هم كبير: ياهوووووه ياحلوالي ماخذ عقلك لمى ارتجفت من صوت الولد الي قطع تفكيرها وناظره فيه: هلا والله الولد : هلابك كيفك ؟ لمى : الحمد لله تمام انت كيفك ؟ الولد: الحمدلله عايشين ممكن نتعرف؟ لمى : ممكن الولد :اش اسمك ؟ لمى ابتسمت لأنه ماشك انها بنت : انا ياسر وانت ؟ الولد : ونعم لمى: الله ينعم بحالك الولد: انا منصور لمى :ونعم منصور: ماعليك زود ممكن اجلس معك ؟ لمى بكل ثقه : تفضل حياك منصور وهو يجلس: تسلم والله . ماقلتلي انت من وين ؟ لمى : مافهمتك كيف يعني ؟ منصور: يعني من الحي هذا او جديد لمى تطالع فيه وتفكر اش تقول منصور:انا مااغصبك على شي بس حبيت اتعرف عليك لأني اول مره اشوفك في هالمكان لمى :لا عادي انا من الرياض منصور:ساكن هنا ولا جاي زياره لمى:لاهذا ولاهذا منصور:أجل لمى ناظرة في منصور وبينها وبين نفسها تقول "واش اقولك واش احكي لك اقول انا بنت وضعت ولا كالعاده انا ياسر واكمل السالفه" منصور حس انه يحقق معه: معليش ياسر اعذرني لأني تدخلت بخصوصياتك لمى حست انه الوحيد الي بيساعدها : لا لاتفهمني غلط انا بحكي لك كل شي بس ابيك تساعدني إذا تقدر وإذا ماتقدر قول والله مازعل عليك منصور اعجب بإسلوبها: إنشاء الله اقدر اساعدك بس قول انا من يوم شفتك حسيت ان عندك مشكله لمى : مثل ماقلت لك انا من الرياض واليوم طلعت للخراره انا ومجموعه من الشباب تمشينا واستانسنا المهم وحنا راجعين قالوا نبي نصلي العشاء هنا الكل وافق ونزلنا نصلي ويوم طلعت ادورعليهم مالقيتهم جاني واحد مااعرفه وقال لي الشباب يسلمون عليك ويقولون نشوفك في الرياض سالته عن السياره واشكالهم وتأكدة انهم ربعي وشوفت عينك جلست هنا افكر اش اسوي منصور: حركتهم بايخه ومزحهم ثقيل , بس ليش يسوون فيك كذا ؟ لمى : غدرو فيني لأني منعتهم من شي واليوم ردوها لي وبقوه منصور:واش الي منعتهم منه وخلاهم يسوون فيك كذا لمى: مره تواعدنا نطلع الشاليهات مع الأهل وهناك بدوا شغل الغزل ومطاردة البنات وانا منعتهم لأني ماارضاها لأهلي ومن ذاك اليوم وهم متوعدين فيني منصور استغرب منه كثير لأن الي يشوف شكله يقول هذا اكبر مغزلجي: كفوا والله وماعليك منهم انت الي سويته صح ولاتشيل بخاطرك وطنشهم بس الحين ماقلتلي اش تبي مني ؟ لمى استحت منه : والله صعب وخايف اتعبك معي خلاص انسى منصور: واش الي انسى والله تقول ولاترى ازعل منك لمى ياربي اقوله ودني الرياض : ياخي صعب صعب والله صعب منصور: تراك حيرتني قول وإذا صعب بقولك انه صعب لمى شكلي باتمسكن حتى اتمكن: الطلب موب صعب بس منصور : ياسر بتقول ولا ازعل عليك لمى بعد تفكيرقررت تكلم اهلها: ابيك تعطيني جوالك ادق على اهلي يجون ياخذوني منصوريستهبل :لا لا بصراحه طلبك صعب مره وماقدر اسويه اخاف اهلي يفتشون جوالي ويشوفون رقم اهلك بالفواتير ويهاوشوني وتعرف انا بنت واخاف على سمعتي لمى: هههههههههههههههههـــأي منصور فرح لأنه خفف من همه :ياخي قول كذا من اول امسك هذا جوالي وكلم براحتك لمى : شكراً قام منصور عشان تأخذ راحتها بس لأرادياً مسكته بيده : منصور لاتتركني منصور: مرح اترك بس انا هنا عند الشباب لما تخلص قاطعتها لمى:لا اناخايف خلك معي تكفى منصور جلس ويناظرها ويتأمل " مشاء الله عليك جمال وادب واخلاق وباين عليك انك ولد ناس بس الشكل يقول انك متكبر ومغرور وراعي سوالف والي يقعد معك يكتشف غير كذا بس اموت واعرف سبب دموعك وخوفك موب معقوله تبكي وتخاف عشان ربعك صح انهم خانوك وحطوك بموقف بايخ وصعب بس انت ولد ليش تخاف وماتبيني ابعد عنك والله لاساعدك لوا يصير الي يصير " اتصلت على حسام بس للأسف مارد لأن جواله على الصامت واتصلت على نادر بس مارد لأن الرقم غريب وتوقع انه واحد من الشباب الي يكرهم اتصلت على بندر ومقفل جواله وصعبه تدق على البيت اش تقول لهم لمى وعيونها امتلت دموع :محد يرد منصور حن عليها : وليش الدموع لمى : تقدر توصلني الرياض ؟ منصور: الحين ! لمى :إذا ماعندك شغل ! منصور:لا فاضي وماعندي شغل بس سيارتي في الورشه لمى ضاقة عليها الدنياء اخذة نفس عميق ورفعت راسها لسماء ونزلت دموعها غصب عنها " ياربي انا لقيت الأمل فيك وضاع بلحظه انا مجنونه ليش بعدة عنهم ليش ماركبت السياره ياليتني ماطلعت يارب انك تساعدني يارب مالي غيرك انت العالم بحالي " قطع تفكيرها يد منصور وهي تمر على خدودها ويمسح دموعها هي ارتجفت منه وهو استغرب دموعها وارتجافها معقوله ولد ويخاف هالخوف منصور:ياسر لاتشيل هم انا معك وتعال عندي اليوم وبكره بتطلع سيارتي وانا بنفسي اوديك لمى: مابي اضايقك منصور: بالعكس وجودك معي بيغير روتيني اليومي لمى: مابي اثقل عليك واحرجك مع اهلك منصوريبي يطمنها: هههههههههـاي اهلي لا عادي لمى : حبيبي انا عارف هالشي الأهل مايرضون تدخل عندهم غريب حتى لوصديقك منصور: والله انك صادق بس انا موظف وساكن مع الشباب في الشقه وعادي لو جيت معي لأن بعض الأحيان يزورونا شباب وينامون عندنا ويقعدون بلأسابيع وانت بس بتقعد يوم وبكر بوديك لمى ارتاحت شوي بس خافت :مادري مادري منصوريبي يشجعها: ياسر صح انك صغير بالسن بس انت ولد ومن كلامك عرفت انك رجال لا تخاف ودموعك مابي اشوفها انت ولد مو بنت لمى تبتسم له: والله ولد او بنت في حالتي مرح تفرق معه الدموع او غيرها لأني بمكان غريب وماعندي شي يحميني لافلوس ولا جوال ولا اثبات وماتبيني ابكي منصور: انا عارف حالتك وعاذرك بس خلك قوي ويالله تعال اعرفك على الشباب وبعدها نروح الشقه لمى بنبرة حزن : منصور تكفى لاتخليني انا احتاجك والله احتاجك انت الأمل فيك لا تبعد عني لو ثواني منصور تأثر بكلامها وحس بخوفه: ياسر لاتخاف انا معك وبتطفش مني لمى: ياليت اطفش منك ياليت منصور: مجنون ههههههههههههههههه ضحكت له ومسكت يده وضمتها وحطت راسهاعليها تبي تحس بالأمان ومنصور انجن من حركتها وحس ان يعرف هالولد من زمان ****لحظــــه نبذه عن منصور**** منصورحلوودائما يفضل انه يتعرف على ناس حلوين بكشختهم وتعاملهم وهذا مو معناته انه متكبربالعكس هو مرح ومحبوب من الكل بس هو يحب يكون كشخه واصحابه نفس الشي بإختصار""يحب يكشخ بهم"" منصور تعرف على لمى ومايدري انها بنت صح مستغرب من حركاتها بس توقع انه دلوع اهله او متربي مع بنات ومشت عليه ان لمى ولد واسمها ياسر منصور:سلاااام عيال الشباب :هلا والله منصور: اعرفكم على ياسر الشباب رحبوا فيها وسلموا عليها لمى منحرجه اول مره تسلم على اولاد غريبين والمشكله الخد على الخد بس لازم تبين انها ولد عشان ماتتوهق بعد ماخلصت جت بتجلس جنب منصور الي وقف : وانا سلم علي لمى :ههههههههههههههأي توني مسلم عليك منصور: مالي دخل تسلم علي يعني تسلم لمى حبت تتاقلم معهم: بس كذا مافيه عدل منصور:واش دخل العدل؟ لمى : لاني سلمت عليك مره والحين بسلم مره ثانيه واكيد بيزعلون بدر: ايه بنزعل خالد: لازم تعدل لمى بمزح :ليــه زوجاتي وانا مدري هههههههههههههه الكل ضحك عليها منصور: خلاص اجل ضف وجهك وانا زعلان عليك يالله روح دور على غيري لمى خافت انه يتركها وهوالأمل الوحيد وبحركه سريعه باسته على خده الشباب اعجبتهم الحركه وصرخوا ياهووووووووووووووووووووووووووه منصور استحى وماتوقع هالحركه وحس بإحساس غريب بهمس: انا قلت سلم علي مو تبوسني لمى : "كل الطرق تؤدي إلى الرياض "سلمت عليك اواعطتك بوسه نفس الشي بس هذا بشكل مباشر وهذاغير مباشر خالد:حلوووووووووووووووووه جبتها والله عبدالرحمن : وانا بعد ابي بطريقه مباشره خالد : وانا بعد لمى استحت:اوكيه بس البوسه على الف عبدالرحمن :ليش إنشاء الله لمى بإسلوب تجار: والله تخبر الأسهم نازله والاسعارارتفعت خالد:ياسر تراها بوسه ليش محولها اسهم لمى: ياخي اي شي تسويه وتعرف ان الي يبيه كثير اعرف انه مصدر رزقك حاول انك تكسب منه عبدالرحمن : والله انك اكبرنصاب ومختلس لمى :ههههههههههه ايه بس بالحلال خالد : ليش من انت ؟ عشان نعطيك الف عشان بوسه لمى : انا ياسر خالد: اووووووه تصدق ماعرفتك منصور:حدكم كلش ولاياسر اقصد يسوري بدر:يسوري هاه خل محمد يجي وقولها قدامه لمى: ليش انت مخاوي محمد ؟ منصور:لا هوصديقي الروح بالروح من زمان بس الشباب مدري اش فيهم عليه لمى :ايه حسبالي والله كنت ناوي اخرب عليك منصور:إلاحموووووووودي لمى:ماسمح لك ترى اغار خالد :والله تكرهه من اول نظره منصور:لا موب لهدرجه لمى :لاصدق شكله موب هين منصور:وهذا وانت ماشفته تقول عنه كذا لمى : من كلام الشباب عنه بدر:ياخي مااطيقه مدري اشلون تتحمل الجلسه معه لمى :المهم ماعليكم منه خلوه بحاله خالد: طيب يالله انا تجمدت هنا ولا عاجبكم الجوء عبدالرحمن : والله الجوء احلو مع ياسر لمى: تسلم والله هذا الكلام موب "وتقلد خالد" ليش من انت ؟ عشان نعطيك الف عشان بوسه ضحكوا عليها واتجهوا لشقه بدر: ياسر حبتين لمى :اقوول امش بس خالد: ههههه صبرك عليه عبدالرحمن:احفظ ولا اعطيك مخمس لمى :اشفيكم علي انا اش سويت لكم خلاص كرهتوني قولوا عشان ارجع لاهلي منصور: هههههههههه يمزحون معك بس حنا نقول هالكلام لأي واحد يجي عندنا لمى: اهاه ليش سلام خاص ولا كلمة السر بدر: لا لأن اكثرهم يضيعون عشان كذا نقوللهم خالد: شكلك مافهمت حنا ساكنين بالدور الثاني عشان كذا نقولك حبتين عبدالرحمن : وانابعطيك مخمس لأن شقتنا رقم خمسه لمى : خوفتوني قلت هذولا ناوين على ومنصور ساكت لهم منصور:لا وين اسكت لهم ياويلهم مني إذا لمسوك لمى: كفوا والله سنايدي خالد يفتح باب الشقه : يالله ياسر ادخل برجلك اليمين لمى: ليش داخل قصر! ترى كلها شقه ومن زينها بعد بدر: هذا وانت مادخلت يالله "برا" من غير مطرود لمى :طاردني ويقول من غير مطرود اقول لاتذلوني بعدين ترى انا ضيف ويالله ندخل دخلت لمى وتوقعت ان الشقه فاضيه دخلت الصاله وشافت شباب وعلى طول رجعت عند منصور عبدالرحمن: اش فيك؟ لمى: لا بس فيه ناس غيركم بالشقه ؟ منصور: "ايه انا وخالد وبدر وعبدالرحمن" و"معتز وطلال وسلطان واحيانا ماجد" بدر: تعال نعرفك عليهم الشباب الي بالشقه استغربوا لما دخلت وطلعت توقعوا ان باب الشقه مفتوح كان ماجد بيروح يتأكد بس دخلو الرباعي وعرفوهم على ياسر ونفس الشي سلمت عليهم خد بخد وجلسوا سوالف وضحك ووناسه "خالد ومعتزوطلال" خفيفين دم ولمى نسخه منهم وتأقلمت معاهم بسرعه منصور كان جالس جنب لمى بس لما جاء صديقه علي راح وجلس جنبه واندمج معاه بالسوالف لأنه ماشفه من فتره لمى كانت جالسه بين سلطان وطلال وحبت انها تغير مكانها بس صعب تقوم وتجلس في مكان ثاني اش بيقولون عنها : شباب دقايق وجايكم منصور يسولف مع علي : طيب اش اخباره بعد الوظيفه علي: بخير بس ماطولت معه كلمته ثواني لأنه مستعجل منصور تذكر كلمة ياسر"لاتبعد عني لو ثواني" والتفت على المكان الي جالسه فيه مالقها وناظر حوله منصور: لحظه علي شباب وين ياسر؟ سلطان : طلع يقول دقايق وجاي منصور خاف انه زعل لأنه تركه لوحده او ماتأقلم مع الشباب قام يدور عليه كان بيطلع برا الشقه بس شاف جزمته عند الباب راح للغرف ومالقاه وهو مار بالمطبخ سمع صوت دخل وشافه منصور:ياسر وين رحت خفت عليك لمى فرحت انه يهتم فيها وابتسمت له :لا انا هنا منصور:اش تسوي ؟ لمى:اعدل مزاجي منصور خاف تكون مدمنه وبخوف:وعدلته لمى وهي ماسكه كرتون الشاي:لا توني لقيت الشاي وباقي السكر مادري وينه منصور ارتاح وضحك على اسلوبها:ههههههههأي خوفتني قلت الولد مدمن وتوهقت فيه لمى:لا الله يبعد الشر عني وبسرعه دور السكر قبل مايتعكر مزاجي واسوي لك شي اندم عليه منصور يتصنع الخوف :هااااااه طيب طيب بدوره لمى بالفصحى :اسرع ياغلام وإلا قتلتك منصور ضحك وحب يكمل بنفس اسلوبها : ارجوك "تكفى" لا تقتولني لمى وهي تضحك: ايها الوغد تحرك بسرعه كف عن الكلام "ودور" السكر منصور وهو يدور السكر: حاضر ياسيدي انت " تأمر" ونحن " نطامر" لمى : اه يالك من ثرثار اخرج السكر والا اخرجت قلبك من "وسط صدرك" منصور: لا والله تطلع قلبي هاه اقول اركد بس لمى : ترى مزاجي بدى يتعكر منصور: وانا اش علي فيك هذا انا ادور لمى قلبت جد : هههههـأي اقول بسرعه طلعه ولا قتلتك بسرعه منصور: ياويلي من مزاجك طيب خلاص لاتنفخ لمى مسكته بلوزته من رقبته وسندته على الدولاب وحاطت السكينه على رقبته وماسكه ضحكتها ومنصور يطالع فيها وهو يضحك وعاجبه الوضع لمى: بسررعه طلعه ولا قتلتك منصور:ماقدر لمى:بتطلعه ولا اتهور منصور:والله مادري وين مكانه لمى:ترى بقتلك إذا ماطلعته في هالحظه دخل ماجد وانصدم من الي شافه وصرخ على لمى:اش تسوي لمى يوم سمعت صوته رمت السكين وتخبت ورى منصور وهي ماسكته وحاطه راسها على ظهره منصور:ههههههههههــأي اش فيك حنا نمزح مع بعض ماجد : اش الي تمزح حاط السكين على رقبتك ويهددك وتقول نمزح منصور: انت لو حضرت من الأول كان فهمت السالفه ماجد : واش السالفه الي يبي يقتلك عشانها ؟ منصور وهو يلتفت على لمى الي متخبيه وراه وباين عليها الخوف : ابدا بس الشيخ يبي يعدل مزاجه ومالقى السكر وانا قاعد ادور عليه ماجد مستغرب : تعدل مزاجك بسكر لمى وهي متخبيه ورى منصور طلت وناظرة في ماجد : ايه سكر فيها شي ماجد: لا السكر مافيه شي مزاجك الي فيه شي لمى: ياخي اش اسوي حياتي مره قلت احليها بسكر منصور وماجد ضحكوا عليها ماجد :طيب حل حياتك وشوف السكر في الدرج هذا لمى : والأبريق ؟ ماجد : ابريق ليش لأيكون مزاجك تحليه بمويه وسكر منصور : شكله لمى : ايوه ماجد : وانا اقول الولد حلو وحلاه زايد منصور :اثاري مزاجك مإثر عليك لمى : ايه من صغري ماعرفت الحليب امي دائماً تشربني شيره لين يومي ماجد:هههههههههههههههههههأي لا ياشيخ منصور: والله انك رهيب يالله بسرعه سولنا شاي خلنا نشوف مزاجك بصراحه شوقتني لمى : يالله ولايهمك ماجد:ماتوقع تسوي مثل شاي خالد هو الوحيد الي يعرف يطبخ لمى:انا بسوي ونشوف من احلى واتوقع انا منصور:واثق لمى :لأني الوحيد من بين اخواني وعيال عمي اضبط الشاي ماجد:مشاء الله عليك لاتحترق وتقول حنا السبب لمى:ههههه طيب ذوق منصور:وانا ماجد:يجنن ذوق منصور:يارهييييب انت والله حلو سكره مظبوط ماجد:ولونه خفيف وطعمه حلوه لمى:والحين من احلى انا ولاخالد منصور:انت ماجد:لأنه صديقك منصور:لا بس انت مضبوط وخفيف وخالد ثقيل شوي بس حلولأخر الليل لمى:يالله خلصت انتهوا من الشاي وراحوا يجلسون مع الشباب وهم داخلين الصاله لمى بصوت عالي: احلى شاي لأحلى شباب خالد يكمل: من احلى يد في هالعالم لمى:تسلم والله كلك ذوووق طلال : بدر بالله اتصل على المستوصف الي بجنبنا لمى : لااااااااااا تستهبل انت ووجهك!مافيه وماراح اصب لك يالله فارق طلال: ههههههههههههأي يالدلوع زعلت لمى :دلوووووع في عينك انت الدلوع طلال يبي يرفع ضغطها:إذا انا دلوع انت اش تكون لمى بإبتسامه وصوت خفيف:الدلع كلـــه طلال:اموت انا على الدلع كله لمى : ههههههأي تتمصلح عشان اصب لك شاي هاه بدر: اقول اخلص انت وياه اعطوني شاهي لمى صبت ووزعت على الكل مابقى إلا طلال وكل واحد يمدح الشاي عشان يقهرون طلال طلال : وانا لمى :انت ! اش فيك ؟ طلال : ابي لمى : ابوك ! اش فيه ؟ الشباب ضحكوا طلال : ياخي خلاص صب لي شاهي لمى : اول شي اسمه شاي ثاني شي انت زعلتني بكلامك طلال يبي يقهر: منصورليش تخاوي مبزره لمى شهقت ووقفت : انا مبزره انا بزر طلال:لا انا البزر لمى:ايه اعترف انك بزر, انا مادري اشلون تخاوون بزر طلال:هههههههههههههههههههه تردها لمى : ربما طلال: والله انك دلوع واكبردليل كلامك وشكلك لمى :ياخي فيه شي اسمه جنس ثالث بدر : وانت منهم لمى :انا الي علمتهم بدر: انا اكلمك جد انت منهم لمى: لا بسم الله علي يخسون والله اصير مثلهم خالد : بصراحه انت اسلوبك وكلامك ولد بس شكلك بين البنت والولد لمى خافت انهم يكشفونها :انا توائمي بنت ونسخه من بعض بس على اختلاف بسيط وكل وقتي معاها عشان كذا الكل يقول اني دلوع وبعض الاحيان يشكون اني بنت خالد: انا اسف والله ماقصدة اجرحك لمى :لا خلاص متعود على هاالكلام بدر: يعني مازعلت منا؟ لمى وهي تبتسم : لا وين ازعل متعود على الجرح طلال:يعني اجرحك عادي منصور: جرب وشف اش بيجيك خالد: ايه خويك دافع عنه لمى:خلاص ياخي كلكم اخوياي طلال: حتى انا لمى:انت اولهم طلال: اثبت لي لمى : اشلون طلال : صب لي شاي طالعت فيه بنظره وصبت له شاي واول ماشرب : اه بطني لمى رمت عليه الجريده: يالنصاب امداه وصل للمعده عبد الرحمن :والله انه حلو ومظبوط خل عنك ماجد:لايضرالسحاب نبح الكلاب لمى:كفوا والله مجوووود ماجد:اعجبك بدر:ترى اليوم الخميس يعني نبي نطلع منصور : ايه يالله عشان امشي ياسر ماجد: انا استأذن معزوم عند واحد طلال: وانا وسلطان بنطلع مع منذرويالله عن اذنكم يالله شباب الكل:مع السلامه منصور : اوكيه اجل من بيطلع معانا لمى : انا منصور يبتسم : اكيد انا مرح اطلع من دونك بدر: مو بس هو انا بعد معتز: وانا خالد:وانا عبد الرحمن : مابقى إلا انا منصور:حلو يعني تكفينا سياره وحده خالد: اي سياره؟ معتز:سيارتي بدر: يالله بروح ابدل ملابسي معتز: يالله بسرعه انا انتظركم تحت خالد: بجي معك عبدالرحمن: شوي واجيكم ماجد: يالله مع السلامه اشوفكم مره ثانيه الشباب: مع السلامه منصور: ياسر تعال معي دخلوا الغرفه وجلست لمى على الكرسي وتتأمل الغرفه "غرفتهم حلوه وشكلهم مهتمين فيها حاطين اسره ودولاب وشماعه ومرايه كبيره على الجدارونظيفه ومرتبه عكس غرف بعض الشباب" منصور : حلوه غرفتنا! لمى : ايه غرفة مين هذا؟ منصور: انا ومعتز وطلال وسلطان والغرفه الثانيه خالد وبدر وعبدالرحمن وفهد لمى:حلوه انتوا الي اثثتوها؟ منصور: ايه حنا لأنها ملك لواحد نعرفه وهو اهدالنا هالشقه وماقصروا الشباب اثثوها لمى :مشاء الله عليكم منصور:تبي تبدل ملابسك هذا الدولاب البس الي تبي لمى : لا كذا مرتاح تسلم وهي تناظر الغرفه طاحت عينها على منصور فاسخ جكيته ويفك ازرار بلوزته هي خافت منه و وقفت بسرعه منصور انتبه لها واستغرب منها ومن نظراتها الغريبه الي ماعرف يفسرها لمى اتجهت لباب بدون ماتلتفت : معليش عن اذنك انا انتظرك برى اوكيه منصور مستغرب منها: اوكيه راحت جلست بالصالها لما انتهى منصور وطلع لها: ياسر اش فيك ليش طلعة؟ لمى: لا بس شفتك تبدل ملابسك وقلت اطلع عشان تاخذ راحتك منصور: خوفتني لمى: ههههههه لا لاتخاف مني ويالله خلنا ننزل الشباب ينتظرون منصور: يالله وهم نازلين كان منصور ماسك يد لمى ويسولفون ويضحكون على سالفة الحبتين والمخمس خالد وهو يناظر فيهم: هالولد ماخذ عقل منصور, شكل علاقتهم قويه بدر: شكلهم بس ماعمري سمعت منصور يتكلم عنه او نطق اسمه معتز:منصور يحبه ويموت عليه عبدالرحمن: بس ياسر ينحب شوف كم ساعه جلس معنا وكاننا عارفينه من زمان فتح منصور الباب لياسر وركب وسكره بعده وركب هو قدام جنب معتز ترتيبهم في السيار"معتز السواق وجنبه منصور وراه لمى وجنبها بدر وجنبه خالد وجنبه عبدالرحمن" خالد: من قدك يا الأميرياسر منصور يفتح لك الباب منصور:وانت اش عليك؟ خالد:ابي مثله منصور:خلاص المره الجايه معتز:وين تبون؟ بدر:اي مكان عبدالرحمن:ابي كافي شوب ابي افتح اميلي خالد :اناجوعان لمى : لا نبي نتمشى شوي معتز:نتمشى شوي بعدين نروح لكافي شوب وبعدها نأخذ عشاء واتفقوا على كذا وهم في الطريق سوالف وضحك وهبال , قطع عليهم صوت رنة جوال منصور خفضوا اصوتهم عشان مايزعجونه وشوي شوي هدؤ منصور تضايق من الأتصال الي جاه وعلى طول طلع سيجاره وشغلها , لمى انصدمت منه ماتوقعته يدخن لمى تهمس لبدر:يدخن! بدر بنفس الهمس:ايه لمى:من متى؟ بدر:من زمان لمى:ليش؟ بدر:اكيد متضايق لمى:إذا تضايق يدخن بدر:ايه ليش ماتعرف؟ لمى:لا توني اعرف بدر قوم بجي مكانك بدر:اش بتسوي؟ لمى:بكلمه بدر:مجنون انت تراه متضايق ويحط حرته في اي شي لمى:انا اعرف بس انت بعد رجولك بجي مكانك بدر:انا حذرتك وتبادلوا بالأماكن وجلست لمى بالنصف ومتقدمه شوي ومتكيه يدينها على المراتب وقربت من منصور وسألتها بهمس:منصور اش فيك؟ منصورطلع الدخان من فمه واعطاها نظره عرفت انه معصب على الأخر طالعت فيه ببراءه وقامت تغني له وهي مبتسمه وصوتها مايحتاج حلو : زعلوه كان زعلان وسألته قلت له واشهوا الي قلته مادريت اني قتلته قالت اعيونه حبيبك زعلوه قالت قالت اعيونه حيبيك زعلوه منصور طالع فيها وابتسم وبينه وبين نفسه " ياقلبي عليك انت الوحيد الي تفهمني وحاس فيني مع اني ماعرفتك كثير بس اش اسوي فيك دخلت قلبي بدون استأذان ويلوموني فيك ياناس احبه " الشباب اعجبهم صوتها وهي حست انه ارتاح شوي ناظرة قدام وغنت له اغنيه ثانيه عشان توصل للي تبيه: يروح لك فدوه الي يزعلك والله ماعاش الي يزعلك يروح لك فدوة الي يزعلك والله ماعاش الي يزعلك يابعد كل عمري تدري والله ابيع الدنياء لأجلك يروح لك فدوه الي يزعلك والله ابيع الدنياء لأجلك يروح لك فدوة الي يزعلك والله ماعاش الي يزعلك الكل منسجم مع صوتها وخايفين من ردة فعل منصور لاكن منصور مستانس وحس انه ارتاح من صوتها لمى: ها اش رايك بصوتي ؟ منصور وهو يبتسم : حلو لمى: هاباقي متضايق منصور:لا قربت منه وهمسة له : خلاص إذا تضايقت اتصل علي واغني لك اوكيه واترك هذا "وسحبت السيجاره من يده" منصور ابتسم : اوكيه لمى: توعدني إنها اخر مره منصور:اوعدك لمى وهي تعطيه السيجاره:امسك ارمها منصور اخذ السيجاره ورماها لمى: نصوري تدري اني احبك منصور بيطير من الوناسه : وانا احبك مووووووووووووووووت الشباب انصدوا من منصور يوم ابتسم ورجع لحالته الطبيعيه توقعوا انه يسوي مشكله مع ياسر بس خابت توقعاتهم ومن هالموقف عرفوا ان علاقة منصور وياسر قويه وبعدها عم الصمت |
واااااااااااااااااااااااااااااااااو حلو الروايه عجبتني استمري واعتبريني من المتابعين وارسليلي روابط البارتات الجايه بليييييييز |
انتى احلى حاااااااااضر من عنونى ثانكس ع ردك الجميل:okiko: الى ما فى حدا تعب نفسه و رده:dodo: |
عجبتني كتير لي عودة ان شاء الله واحاول ان اسجل كل اعجاب وتقدير |
| الساعة الآن 11:10 AM. |
Powered by vBulletin®
Copyright ©2000 - 2024, vBulletin Solutions, Inc.
شات الشلة
Powered by: vBulletin Copyright ©2000 - 2006, Jelsoft Enterprises Ltd.
جميع الحقوق محفوظة لعيون العرب
2003 - 2011