حكايه طفلة بسم الله الرحمن الرحيم اعزائي اعضاء عيون العرب جبت لكم قصيدة من كتاباتي اتمنى تعجبكم وتنول على رضاكم وناطره تعليقاتكم بصدر رحب 000000 حكايه هزت ضلوعي ووجداني الين اليوم بسبتها اعاني حكاية خل تبيرى من خليله ولاشرهه على الشخص الاناني ترك خله بوسط اليم يغرق وشح بها المراسي والموانئ بعد ماكنت اسوى الكون كله بعد ماكان يكتب اغاني بعد ماكنت اقرب من وريده تنكر لي وانا اسقيته حناني الا ياخلي اسمعني وتحمل كلام تعلقه بين الاذاني اذا الدنيا صفت لك يوم واحد تأكد ماصفت لك يوم ثاني واذا غرتك ها الدنيا وثراها تاكد كل شي بالكون فاني وانا حقي مع الايام ياتي ويبلاك الزمان اللي بلاني على الله يارفيقي وانت تدري ابشكي لك من الوقت وزماني زماني ماترك لي شي واحد يفرحني او يلملم كياني زماني مارحمني يارفيقي كسر ظهري وعقد لي لساني اخذ اغلى البشر قدام عيني تصور مارضى يرجعه ثاني قعدت اصرخ واصوت له وانادي طلبتك لاتخليني عشاني اذا مصمم تبي ترحل تصبر ابرحل معك واودع اخواني وراح ومانطرني بس نطرته مدري وش بلاه ووش بلاني وكنت بوقتها طفله صغيرة ولا أدري وش مخبي له زماني احسب انه يروح شوي ويرجع نطرته بالدقايق والثواني فتحت الباب ان مر اشوفه وشباكي من الوقفه يعاني واذا مر اي شخص اقوم اصوت : (شفتوا جا ابوي ومانساني ) وأردد ياعسى الدنيا تجيبه عساني أرجع واشوفه ياعساني وكبرت و زاد همي في غيابه وحظي اللي على الضيقة حداني رحل قدام عيني واعذابي قبل هاليوم ليت الله خذاني تحياتي |
رد: حكايه طفلة الله عليج والله تستاهلين شهادة تقدير مني لج والله انها جت على الجرح كل اللي اقدر اقوله :hh: |
رد: حكايه طفلة [FRAME="2 70"] لجنة المسابقات العربية للشعر والخواطر الأسم: غرور انتثى البلد: بلاد ابو متعب لقد حازت هذي الشاعره على اعجاب الجمهور ومن ذلك قد قررنا نحن لجنة التقييم منحها افضل شهدة تقدير في المنتددى وقد تم تسميتها من غرور انثى الى شاعرة مجروحه والسلام ختام نتمى لك خالص التوفيق التوقيع :رئيس لجنة المسابقه العوضي [/FRAME] |
رد: حكايه طفلة قصيده جداً رائعه إلى الأمام أختي العزيزه دمتِ لنا El Classico15 |
رد: حكايه طفلة رسمتِ فناً شامخ المعاني أصبح درة على مدى الزمانِ ونثرت أدباً رقيق البيانِ لحناً مدى الأيام ليس بفاني أختي غرور شكراً لتلك الكلمات الرائعة ودمتي مبدعة على الدوام |
الساعة الآن 02:59 AM. |
Powered by vBulletin®
Copyright ©2000 - 2024, vBulletin Solutions, Inc.
شات الشلة
Powered by: vBulletin Copyright ©2000 - 2006, Jelsoft Enterprises Ltd.
جميع الحقوق محفوظة لعيون العرب
2003 - 2011