|
|
#118
11-06-2012, 03:47 AM
| ||
| | ||
| بسم الله الرحمن الرحيم السلام عليكم اعذروني لأني تأخرت عليكم كثير واعرف حقكم معكم بس فرحتوني انكم عذرتوني صدقوني اني والله مانسيتكم ولا يوم اعتذر على كل المتابعين واوعدوكم اني مارح اتأخر عليكم كثير وبنسبه اللي ينزلون روايتي بمنتديات بدون ذكــر اسم المؤلفه او بسرقتها او بعدم ذكر انها منقوله فأنا لن احللهم والله ثم والله لا احللهم وجزاكم الله خير تفضلوا اقرأو البـــــارت ... البــــــارت الحادي عشر ... ليال حديث نفس : كني شفت فهد ؟ نايف : عبدالله ليال : هلا نايف : انا مو قصدي تطفل بس ودي اعرف وش اسمك ليال : ! اسمي ! نايف : ايه ليال تخفض صوتها وتقرب من نايف : اسمي ليال الأ يشوفها محمد ... محمد : عبود !! عيال هذا عبود ولا اني غلطان ؟ يناظرون عبد العزيز وفهد وعاصم عبد العزيز : الا عبود محمد : متأكد عاصم : الا هو وتبي اثبات شوف من معه نايف محمد : نايف معه صح صح فهد يناظر عاصم : سحبه من الفصل علشان يتباهى بمطعمه اللي عطاه ابوه ولا بعد توه طالع من مستشفى عبد العزيز : هههههههههه فهد : ماأتوقع علشان مطعم اظن كان في شيء بينهم محمد : انا رايح لهم (يقوم ) فهد يمسك يد محمد فهد : اجلس لا تجي عندهم ـــــــــــــــــــــــــــــــــــــــــــــــــــــ ليال بخجل : نايف نايف : هلا ليال : يمكن سؤال بس لاتفهمني غلط نايف : قولي ليال بخجل : وش رايك بأسمي ؟ نايف يحمر وجهه : أسمك ! ليال حديث نفس : راح يظن اني من البنات اللي يتميلحون اخ وش كنت أفكر فيه ؟ ) نايف اللي مسميتني جدتي الله يرحمها نايف حديث نفس : مابيها تفكر بأي شيء يحزنها ) حلو ليال تناظر نايف بتعجب وخجل نايف : ذوقي هذا الحلى طعمه حلو تفضلي ليال حديث نفس : وانا راح تفكيري بعيد مو مهم تاخذ الملعقه وتقطع جزء صغير وتذوق وكان نايف يناظر ليال نايف حديث نفس : ماقدرت اقول شيء لأسمها وجلست اصرف اعذريني ليال : روعه (تبستم ) نايف : بالعافيه تبتسم ليال نايف : ليال لأن ماعندك اخو اعتبرني اخوك ليال تنصدم وتناظر نايف منعجبه بأخلاقه : على عيني وراسي مشكور نايف : ماسويت غير الواجب محمد : شوفهم كيف يناظرون بعض وعبود متفلت يقهرني عبدالعزيز : ياخي هـد وش فيك معصب فهد حديث نفس : ليش محمد مهتم باعبود كثير وينقهراذا كان عبود مع أي شخص ثاني ليكون فيه شذوذ !! لالالا حتى من تعرفت عليه اذا تركته يسوي مثل هاذي الحركات موشيء جديد عاصم : أٌقول بس كل يامحمد محمد : رايح اغسل يدي (يقوم ) فهد يناظر محمد وهو ماشي رايح لدورة مياه (( يكرمكم الله )) ــــــــــــــــــــــــــــــــــــــــــــــــ ليال : انت ليش انقهرت ان فهد تبرع لك دم ؟ نايف : لأني عارف ان راح يلازمني اكثر من قبل تأنيب الضمير ليال : ليش ؟ عادي لو يتبرع لك احد وهذا يدل على محبته لك نايف : انا غلطت بحقه وبعد يتبرع لي دم ليال حديث نفس : ليكون السالفه اللي قاله لي فهد !!! صدق ّ! نايف : القهر خذيت الفلوس ودفتر الشيكات لأني مابي ابوي يعتمد على الرشوة ولا ابوي يدخل السجن وتخرب سمعت العايله وقلت اخذه ولا يقدر يصرف شيكات ولا يعطي فلوس لأبو وليد ولا وليد يهددني وابي ابوي يعتمد علي علشان اعرف اللي يسويه ابوي فاضطريت اخذ دفتر الشيكات والفلوس (يحط يده على راسه ) ليال منصدمة وجالسه تناظر نايف بتعجب نايف يلتفت لها نايف : شوفي لا تقوللين لأحد وان قلتي لأحد راح تندمين ليال حديث نفس : وين اخلاقه راحت !!! نايف : اعذريني بس مابي احد يعرف ولا فهد ولا احد اوعديني انك ماتقولين لأحد ليال وهي منصدمة تقول : اوعدك يضحك نايف ليال : وش فيك ؟ ! نايف : هههههههه ولاشيء بس شوفي وجهك ليال : ها .. حديث نفس: ليكون فيني بقايا اكل بوجهي !؟ نايف : هههههههه ليال : هههههه ابي اروح دورة مياه اعذرني نايف : هههههههههه روحي تقوم ليال رايحه لدورة مياه (( يكرمكم الله )) وهي واقفه قدام حمام رجال وحمام نساء وماتعرف أي واحد تدخل ليال حديث نفس : حمام رجال ولا نساء وشذا اللحس خلاص بدخل نساء بس نساء اخ مااعرف وين ادخل يطلع محمد من باب دورة مياه ((يكرمكم الله )) محمد : عبود ليال : محمد !! محمد : وش فيك واقف هنا ليال : ها .......حديث نفس : وش اقول ... أقول محتاره أي حمام ادخل ! محمد : عبود اكلمك انا ليال : اعذرني رايح نايف ينتظرني ((تعطي ظهرها لمحمد )) محمد : هي هي انتظر ليال : هلا محمد : وش بينك انت ونايف ؟ ليال : بيني انا ونايف ((تضحك بتوتر )) بس كان مشكله بسيطه وحلاينها وعزمني على مطعم تعرف ماأبي ارجع للمدرسه ((تضحك بتوتر )) محمد : أيــــه طيب وش المشكله اللي بينكم ؟ ليال : ماكنك زودتها ؟ محمد : !! ليال : يالله اشوفك على خير تعطيه ظهرها وتمشي محمد : عبود ليال : نعم محمد : روح شوف وجهك بالمرايه تفضل ادخل ههههههههههه ليال تتعجب وعلطول تدخل حمام الرجال وتناظر بالمرايه وكان في واحد بالحمام يكرمكم الله وهي تناظر ليال : يالله (تفتح الصنبور ...... تغسل وجها ) اخ يقطع الاحراج اللي عشته كني بزره يطلع اللي في الحمام وهو رجال كبير يبلغ من عمره 58ويلتفت على ليال بتعجب ويفتح الصنبور وهو يناظر ليال بتعجب ليال حديث نفس : يالله طلعت صوتي الطبيبعي او بالاحرى انثوي لالالا صوتي مو انثوي مرة رجال : انتم ياشباب زمن هذا دلع وخكر استرجل الحمدلله وشكر انا يوم كنت بعمرك كنت استحي لو اتكلم بهاذي الطريقه استحى على وجهك الحمدلله ولا بعد وجهك صافي وشكل وجهك ناعم الحمدلله وين رجال اول كان يعلمونك الرجوله يطلع من الحمام ليال منصدمه من كلامه وساكته تناظر ليال حديث نفس : اخ كان لازم انتبه وفي طاوله نايف جالس ياكل ويشوف ليال ترجع تجلس ليال : رجعت لايكون تأخرت عليك ؟ نايف : لا عادي ليال : انا رايحه لازم اروح استئذنك نايف : !! ليال تقوم من الكرسي نايف : انا بوصلك لا تروحين بالحالك ماتخافين على نفسك ليال : الا بس مابي اتعبك معي اشوفك على خير ان شاء الله نايف ينقهر : انا قلت بوصلك (يقوم من الكرسي ) ليال : !! نايف يمشي وهو رايح يطلع تمشي ليال معه ليال : طيب كمل اكلك نايف : مو لازم ليال : اسفه اعذرني الا يحط نايف يده على فم ليال ويقرب من اذنها ويقول لاترفعين صوتك وانتي تقولين اسفه على االاقل قولي اسف وان بغيتي تقولينها فقوليها بمكان مو عام يناظر بعيون ليال وليال تناظر نايف ثم يبعد يده عن فم ليال ويقبض يده بقوة ويمشي ويفتح السيارة ويركب وليال تركب من الجهه الثانيه في سيارة .... ليال : انا اسفه لأني ماخليتك تكمل اكلك انا اسفه لاني رفعت صوتي وبغيت افضح نفسي انا اسفه لأني خليتك تعصب انا اسفه لأني تعبتك معي اسفه اسفه نايف يناظر ليال بطرف عينه ولا عارف يرد لها ومن بعدها يقول : لاتهتمين (يشغل السيارة ) ـــــــــــــــــــــــــــــــــــــــــــــــــــــــــــــــــــــــ وصل ليال لبيتها وببعد مارجعت ليال راحت الغرفه وسكرت الباب وبدلت وانسدحت بسرير ليال : وش اللي كان بينهم بضبط نايف وفهد بصير ملقوفه لو اساله من جديد يكفي تعبته كثير بس كان يقول (((تذكر ليال كلامه )))) دفتر الشيكات لأني مابي ابوي يعتمد على الرشوة ولا ابوي يدخل السجن وتخرب سمعت العايله وقلت اخذه ولا يقدر يصرف شيكات ولا يعطي فلوس لأبو وليد ولا وليد يهددني وابي ابوي يعتمد علي علشان اعرف اللي يسويه ابوي فاضطريت اخذ دفتر الشيكات والفلوس (يحط يده على راسه ) ليال : كان كلامه مختلف عن قصه فهد لوقلت ان فهد كان مو موجود يعني كان رايح لمكان مثل ماقال ونايف جلس في المكتب بالحاله لو كنت انا نايف ليش باخذ دفتر الشيكات و الظرف علشان مثل ماقال نايف ابوه مايرشو ابو وليد ولا وليد يهدده ولا ابوه يدخل السجن ولا تخرب سمعته وسمعت العايله ويوم قال لي فهد حاولت اساله ليش ماقال شيء وتركني انظلم بس ماجاوبني .... اتوقع لانه كان يبي ابوه يعتمد عليه بس انا لو كنت بمكانه مو بس ابوي يعتمد علي مابي بعد انحرج ان ابوي يسوي كذا وكل واحد راح بطريقه وزاد هم نايف لان فهد تبرع له (تتنهد ) وفهد يقول مارح اسامحه ابدا اخ اجل هم عنيدين بس مااقدر اتركهم على هاذي الحال لازم اسوي شيء .... في اليـــــــوم الثاني .... في المدرسه بالفصل الحصه الثالثه ... ليال حديث نفس : اجس بتعب ولا اقدر اركز بدرس واحس بصداع اخ (تحط يدها براسه ) ياليت خذيت معي حبوب لصداع قبل مااطلع كانت تنصحني جمانه اخذ معي حبوب ولا خذيت اخ (تلتفت على عزوز الللي جنبها وتهمس قايله : عبد العزيز ياهووو عبد العزيز يلتفت عبد العزيز على ليال عبد العزيز : وشو ليال وهي منزله راسه وترفع راسه وتقول : معك حبوب للصداع عبد العزيز : وش شايفني صيدليه ؟؟ ليال : لا بس كنت اسال لأني ابي حبوب للصداع عبد العزيز : اصبر بسأل عاصم (يضرب راس عاصم بقوه ) عاصم بقهر ومرتفع ضغطه : نعم وش تبي عبد العزيز : معك حبوب لصداع ؟ يبي عبود حبوب لصداع عاصم : لا ... انا اللي صدق ابي حبوب لصداع بسبب ضربك عبد العزيز : ههههههه العذر وسموحه يابعد قلبي عاصم : هههههههههه ليال حديث نفس : احس بالبرد وبعــد الحصه في وقت الأستراحــه .... محمد : عيال انا رايح اشتري مــرة جيعان مارح اشتري لحد ( يركــض بسرعه ) عاصم : كل هذا جوع ههههههههه عبد العزيز : النذل مايبي يشتري لي فهد : انا رايح اشتري لي (يمشي ) عاصم : طيب اشتري لنا ياخي فهد : على عيني وراسي بس راح تعزموني برا المدرسه عاصم : ماعندي مشكله عبد العزيز : جاء النذل الثاني خلاص طيب يالله روح اشتر لنا ولك ليال في الفصل حاطه راسها بطاوله وتقول بنفسها : انا مابيغت اروح حتى مااضطر اروح للمستشفى انا بصجه وسلامه مابي انكشف يكفي اللي عرفوا اني بنت وبصير ولد وبيجطوني شخصيه غريبه من نظرهم وانا متحمله هاذي الحال فعلى الاقل اتحمل مرضي شوي وان شاء الله بتحسن في برا واقف وليد مع جاسم يسولفون .... جاسم : انا بروح اجيب مويه لك ولي وراجع وليد : خذ راحتك يدخل الفصل باليال ويسكر الباب ويجلس بالكرسي اللي جنب ليال وليد : سلامات تعبانه ليال : لا مافيني شيء والحمدلله .. حديث نفس : وش جابه ؟ وليد : تبي حبوب للصداع ليال تنصدم حديث نفس : كيف عرف !؟؟ وليد : تفضل خذ ينزل الحبوب جنب ليال وحاطه الحبوب بفاين ويفتح المنديل اللي داخله حبه ليال حديث نفس : عطاني حبوب لصداع وانا اقول وش جابه اخ غلطت بحقه وليد : ماتبي تاخذ الحبوب صدقني انا قد مرضت وجربت هذي الحبه ونفعت معي انا اسف لأني فاجئتك وقلت تبي حبوب لصداع اعذرني ليال تبتسم بهدوء وتناظر وليد : لالالا موكذا قصدي مشكور بس مامعي مويه وليد يناظر ليال ويناظر ابتسامتها المتخالطه على سعادة و شكر ... وليد حديث نفس : ودي اقترب منها اكثر ذوق نايف في اختيار حلو مفروض يقدم لي شكر خاص لأني قلت عنه هذا الكلام (يبتسم ) لازم اتذكر انتقامي له لااكثر ليال : انت تسمعني ؟ وليد : ايه اسمعك بكل وضوح ولايهمك انا قلت لصديق لي يجيب مويه لي وراح اعطيها لك وراح اشتري غيرها لاتهتمين ليال تبتسم : مشكور وليد يناظر ليال في برا في ساحه محمد : بروج لعبود اعطيه مويه ماعندها مويه وشكله عطشان فهد : وانا شريت له مويه بعد عبدالعزيز : ههههههه نكته انتم فهد : انا رايح لعبود اعطيه مويه محمد : مو قبلي خسرت ريال على الفاضي فهد ومحمد يركضون للفصل مسرعين جاسم : ياهووو عيال وقفوا فهد : هلا محمد : نعم جاسم : عندكم مويه ماتبونها لأن مالي خلق اشتري عطوني المويه اللي معكم وراح اعطيكم فلوس اكثر عليها محمد : كم ؟ جاسم : 10 ريال .؟ محمد : تمت الصفقه خذ وعطني الفلوس يطلع الفلوس من جيبه ويعطيها محمد وياخذ المويه جاسم محمد : فهوود نزله عند عبود وتعال جاسم يتذكر كلام وليد يقول له لاتخلي احد يدخل لأني ابي اكلم عبود بشيء ضروري والله اذا دخلت احد بدون ماترسل لي رساله او أي شيء ماتلوم الا نفسك جاسم : لا تخاف اعتمد علي شكله سالفه قويه ولايهمك انا راح اتصرف جاسم : لالالا عطني المويه اعطيه اياه لأني بروح اخذ شيء نيسته بالفصل وراح احط المويه بطاوله عبود عطني اياه فهد متعجب وحاس في شيء ويبتسم ويحذف المويه لجاسم فهد : يعطيك العافيه اخوي يعطي ظهره لجاسم ويروح بهدوء ومحمد معه راجعين لعبدالعزيز وعاصم فهد : انا رايح لدورة مياه وبرجع لكم محمد : لاتتأخر وتسحب فهد : ان شاء الله وافترقوا محمد وفهد في الفصل .... جاسم : جبت المويه لكم ليال : مشكور جاسم جاسم يعطي ليال المويه ويعطي وليد جاسم : ماسويت غير الواجب تفتح المويه ليال وتشرب في خارج الفصل ... فهد يمشي مسرع حديث نفس : قلبي ينغزني في شيء احس في شيء في فصل نايف ... نايف حديث نفس : غريبه ليال ماجت عندي كالعادة ليكون غيرت الوضع بعد ماعرفت انها بنت لامااظن بس لازم ابتعد عنها حتى مايسوي لها شيء وليد (يفتح كتاب ويناظر) الا يدخل في الفصل واحد اسمه فيصل مع خويه راكان فيصل : الكلب سحب علينا امس واليوم تهقى مايبي يجلس معنا راكان : لا مااظن اتوقع انه مشغول وانت كبرت السالفه ترا انا اعرف وليد صح لا تظن فيه ذا الظن يسكر الكتاب بقوة وهو مصدوم يحس في شيء ويطلع من الفصل يركض متجه لفصل ليال وهو يركض شاف فهد مسرع مثله في الفصل ليال ... ليال : اعذرني مرتبكه وليد : لا عادي يالله اذكري الله وابلعيها ليال : بسم الله (تحط الحبه بفمها ) الا يدخل فهد ونايف نايف يرفع صوته : ياكلب وش تسوي يمسك وليد بقوة ويخبطه بالجدار وش كنت تسوي قول جاسم : بعد عن وليد وليد كان يبي يكلم عبود بموضوع خاص نايف يرفع صوته : قول ..قول وش كان الموضوع خاص يبتسم وليد بخبث ويقول ماسمعت موضوع خاص يعني مايخصك افهم ليال : وقف نايف بس كنت تعبانه وعطاني حبه لصداع لا اكثر ولااقل نايف ينصدم ويقول : حبه !! فهد :وين حبه عطيني اياها ؟ ليال : لا بلعتها فهد : يعني حسيت بطعمها ليال : اكيد اا قلت لك طعمها مر وغريب نايف : بسرعه بناخذك لمستشفى ليال : لا مابي اروح نايف : بتروح تفهم ليال : مابي اروح فهد : مجنون روح لمستشفى شوف وش هاذي الحبه وليد : ههههههه انا طالع اشوفك على خير ياعبودي نايف : صدقني راح تندم قريب وليد : مااظن فهد يمسك وليد ويعطيه رجفه قويه على بطنه ويوم جاء يضربه اكثر مسك يده نايف نايف : الحين ماينفع الهواش لازم ناخذ عبود للمستشفى بسرعه قبل مايصير له شيء فهد يمسك اعصابه ويجي عند ليال وليد : تعال ساعدني جاسم جاسم يمد يده لوليد وليد ينفض الغبار اللي فيه ويطلع من الفصل وهو يضحك بهدوء فهد : راح تروح للمستشفى تبي تموت ليال : لا بس مااقدر افهم نايف مااقدر (تقوم ليال من مكانها ) نايف : ادري وعندي حل ترى يمكن يصير فيك شيء لا تخاف انا راح اتصرف بموضوعك فهد : أي موضوع واي مشكله غير هاذي ؟؟ ليال : طيب موافق اروح معتمد عليك نايف تقوم ليال ويطلعون من الفصل وهم يمشون مسرعين الا ليال تطيح على الارض وتمسك ببطنها ويعرق وجها اكثر ليال حديث نفس : احس كل شيء يدور مااقدر اركز اخ احس بتعب شديد يجي نايف يمسك ليال نايف : اصحى عبود تقدر تقوم ليال بصوت منخفض وبتعب تقول : ابدا مااقدر اعذرني فهد : يعني لازم احد يشيل عبود نايف : انا بشيله فهد : وانا بشغل السيارة وبفتح لكم الباب نايف : طيب نايف يقوم يشيل ليال ليال منصدمة وجها احمر من الحياء ليال حديث نفس : احس بقلبي يدق كثير اخ هذا شعور ....شعور غريب شعور متخلاط اخ (تكح ..) يفتح باب السيارة ويسدح ليال ورى السيارة ويركب قدام الا يشوف محمد مسرع لهم فهد : وش يبي محمد ؟ محمد : وش صار لعبود ؟ نايف : بعدين نقول لك محمد : بروح معكم ابو محمد : وش عندك برا هذولي عذرهم معهم انت ادخل يالله للمدرسه محمد حديث نفس : وش جابك ؟ ابو محمد : يالله يا محمد يشوف السيارة تمشي وتروح بعيد اكثر فأكثر محمد حديث نفس : اخ احس بالقهر ودي اصفق كل اللي قدامي ــــــــــــــــــــــــــــــــــــــ من تــأليــف : وداد البـــارت القادم ان شاء الله تاريخ 2 \1\1434 ورد النقاء and ترففّ , like this. |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ل يوم حتلاقى نكت تموت من الضحك أو تموت من الفقع فى كل الحالات حنخف شوية من عدد السكان و نساعد بلدنا فى أزمة البطالة | malk*alhob | نكت و ضحك و خنبقة | 12 | 06-25-2016 05:26 PM |
| متى تصبح صديقاً... ومتى تصبح حبيباً | BOSS of BAGHDAD | مواضيع عامة | 6 | 08-09-2015 07:09 PM |
| متي تصبح طبيبا ومتي تصبح حبيبا | osha | أرشيف المواضيع الغير مكتمله او المكرره او المنقوله و المخالفه | 4 | 02-21-2007 11:08 AM |
60Likes
العرض العادي
