عيون العرب - ملتقى العالم العربي

العودة   عيون العرب - ملتقى العالم العربي > عيـون القصص والروايات > روايات طويلة > روايات و قصص بالعاميه

روايات و قصص بالعاميه قصص و روايات باللهجه العاميه

Like Tree60Likes
 
 
LinkBack أدوات الموضوع انواع عرض الموضوع
  #6  
قديم 08-18-2012, 04:30 AM
 
تكمله البارت الرابع من رواية تمنت ان تصبح ذكر فأصبحت !!!


في البوفيه....

فهد : ابي هبرقل وكثر مايونيز ومشروب ببسي

عاصم : عطني فلافل وكثر بيض ومشروب ببسي

محمد : عطني نقانق وكثر كتشب ومشروب ببسي

عزوز : عطني واحد بطاطس واحد هبرقل واثنين فلافل ومشروب ببسي

شلة فهد يطالعون ليال .... يقولون بنظراتهم وانت

ليال : ( تبلع ريقها ) ( ترفع مصبعها ) واحد عصير برتقال بارد

متعجبين ويناظرون ليال

ليال : وش فيكم ؟

فهد : لا ولا شيء اجلس عبود

عاصم : عبود انت مفلس معك فلوس ؟

ليال : ايه معي لا مو فلس ليش ؟

عاصم : اجل ليش ماتبي غير عصير برتقال ؟!

ليال : لا ماحب اكل من بوفيات علشان كذا بغيت بس عصير

محمد : ( يرفع صوته ) كذاب فقاش بطلب لك واحد نقانق

ليال : ( متقرفه ومعصبه ) ( ترفع صوتها ) لا مابي نقانق والله معي فلوس ( تطلع بوكها ) (تفتح بوكها ( عاصم ومحمد يناظرون بوك ليال ) ها شفتوا

عاصم : كم عدد ميه موجودة ببوكك ؟

محمد : كم فلوسك ؟؟

ليال : 500 ريال هذا مصروفي في ثلاث اسابيع

محمد : ايه كذا يبي يقصد فلوسه

ليال : لا مو كذا اقدر لو اخلصها ابوي بيعطيني غيرها علطول ...

عاصم : طيب ادفع حساب اللي طلبنها وخلصها اليوم ونشوف اذا جبت فلوس غيرها هـا ؟

ليال : طاب من عيوني ^^^^^^^^ هياط ليال خخخخخخخ

وهو ياكلون ...

ليال : ( تشرب عصيرها وماسكتها بيدينها الثنتين وتناظر اشكالهم وهم ياكلون ) حديث نفس : يوه محمد ياكل وفي بقايا في فمه ولا مو بالحاله نفس الشيء لعزوز وفهد ياكل بشره زايد وعاصم ياكل بتكبر ودي اخذ صورة على اشكالهم ( تضحك )

محمد : ( وفي اكل بفمه ) وش فيك تضحك مريض ؟

ليال : ( تكع ضحك اكثر )

عاصم : ( وفي بقعه في ثوبه من كتشب وبقايا الكتشب بفمه وبتكبر يقول ) الحمدلله مريض يالله روح حاسب لا يموت علينا الهندي وعلى فكرة في عندنا دين منه 123 وزيادة على اللي طلبنها حاسب يالله ..

ليال : ( جالسه تضحك عليهم )

فهد : ( ماسك البرجر ويحرك يده ) وش فيك تضحك قول ؟

ليال : خلاص بوقف ضحك بروح احاسب ( تقوم ) ( تمشي ) كم حساب كله الحين ؟؟

راعي البوفيه : ميــه واربعين ريال

ليال : ( تطلع البوك وتعطي الفلوس للهندي ) ( ترجع تجلس ) كم الساعه الحين ؟

عزوز : تقريبا بتجي 9 ونص

ليال : ( تتنهد ) اشوا طيب وبعدها وش نسوي ؟

فهد : ندور بشوارع الرياض

ليال : !!

بعد ماكلوا وفي سيارة ....

ليال : فهود طلبتك وقف عند محل ايس كريم مرة احب الايس كريم

فهد : طيب طيب ( يلف ويلبق عند اقرب محل ايس كريم )

عاصم : اعزمنا عبود على عسكريم

محمد : أي نفسي بعسكريم اعزمنا

ليال : هي انتم توكم ماكلين من بوفيه ابو علي وبعد تبون ايس كريم وبعد تـقولون عسكريم من شبعه طيب طيب بعزمكم علشان ما تعطوني عين

عاصم : شفت محمد يقصد فلوسه مسيكين ابوه مايعطيه المصروف الا بعد ثلاث اسابيع وش عرفك يمكن يكذب يمكن لمدة شهرين

محمد : اسكت لايسمعك وينجرح قلبه ...

ليال : ( بعينه القهر ) ( ترفع صوتها ) هي هي اسمعكم بوضوح يالله انزلو وروحو اختارو ايس كريم

في محل الأيس كريم ..

محمد : ابي ابو بسكوت مع مكسرات هي ياهندي كثر ايس كريم ابي هذا اللي لونه اخضر واللي جنبه اللي مع كرميل ... ابي ابو بسكوت كبير ..

راعي الايس كريم : ( متنرفز من كلام محمد وماسك نفسه ) ( يأ شر هذا

محمد : ايوه هذا

عاصم : وانا ابي ذا المشروب اللي مع ضاك البزر ( يأشر على بزر في محل معه مشروب )

راعي الأيس كريم : طيب

ليال : طيب دوري اختار

( يدخل من باب المحل الأيس كريم فهد وعزوز )

عزوز : أنا معزوم ؟

ليال : هــا وانت بعد تبي مو شبعان ماكفتك البوفيه ...؟!!

عزوز : لا الحمدلله شبعان بس قصدي احلي يعني

ليال : طيب روح اختار اللي تبيه معزوم ( تبتسم ابتسامه كبيرة )

فهد : وانا وقفت لك علشان تشتري ايس كريم ماتعزمني ؟

ليال : لا معزوم روح اختار ... حياك الله

فهد : الله يحيك بشوف وش فيه ( يمشي .. يحط يده على كتف ليال ) تسلم وأنا أخوك ...

ليال : ( تناظر شله كلها ) حديث نفس : معقوله مايستحون

محمد : ( يلحس الايس كريم ) طعمه رهيب لايفوتكم ياعيال هذا الاخضر حلو ..كذا

عاصم : بالله عطني أذوق

محمد : ( يمد يده ) ذوق خذ مثلي هاك

عاصم : ( يلحس ايس كريم محمد ) حلو بس احلى اللي بشتريه مشروب مخلوط بالعسكريم

فهد : وش تسون ....هذا حلو بالله ؟؟( يأشر ) خلني اذوق ( يلحس ) طعمه رهيب باخذ مثلك بس بدون مكسرات

محمد : شفت أقول لعاصم انه رهيب بس يقول أحلى المشروب

عبدالعزيز : أنا أبي أذوق ...

محمد : تعال .. تعال ذوق مو تبلع ماتبقي شيء هنا هنا ( يأشر في الايس كريم )

عبد العزيز : طيب طيب وش فيك بالحس شوي ( يقرب .. يلحس ) يعني ماعجبني اللي بختاره أحلى ...

ليال : ( تناظر كل واحد فيهم ) حديث نفس : يع يلحسون نفس الأيس كريم !!!

يمشي محمد جاي عند ليال ...

محمد : عبود تبي تذوق اللي معي ؟

ليال : لالالا شكرا مابي

محمد : لا تكفى ذوق ( يقرب الأيس كريم من ليال )

ليال : (ترجع ورى ) لا مابي مشكور بعد الأيس كريم عن وجهي

محمد : ( يقرب اكثر ) لا ذوق طلبتك تكفى

ليال : لا مابي يرحم امك مابي بعد الأيس كريم

( ترجع وفي زاويه المحل متوهقه ومحمد يقرب من ليال اكثر ويقرب الأيس كريم اكثر ويجي مركض عاصم

عاصم : ( يصدم بمحمد ) شوف هذا المشروب الأيس كريم حلو ذوق ( يناظر )

محمد : ( يصدم باليال والأيس كريم صدم بتيشيرت ليال )

ليال : ( تحس بقرب محمد ) وخر ياكلب ( تدف محمد ) ( تناظر تي شريت حقها ) توسخ اخ كل تبن

محمد : حديث نفس : قلبي يدق وش فيني (يناظر ليال)

فهد : يالله حاسب عبود .... وش فيكم؟ ( يناظر )

عاصم : بلا تكبر عبود راح تغسله اذا رجعت المهم حمود ذوق هذا ..

محمد : ( يناظر ليال وساكت )

عاصم : ياهــوووو اسمعني اكلمك ( يأشر يده على محمد )

محمد : هلا

عاصم : بالله ذوق هذا حلوو كذا

محمد : هــا؟

عاصم : احسن لاتذوق يالمفهي

ليال : ( تمسح بمنديل تي شيرت حقها .... ) كم الحساب ؟

راعي المحل : 80 ريال

ليال : كيف 80 ريال ؟

راعي المحل : واهد ايس كريم اخضر مع كارميل مع مكسرات واهد ايس كريم علبه كبير منوع ايس كريم واهد مشروب ايس كريم واهد ايس كريم اخضر بدون مكسرات فيصير حساب 80 ريال

ليال : اوكيه خذ ( تعطيه الفلوس )

فهد : ماتبي ايس كريم عبود ؟

ليال : هـا ..ايه عطني واحد ايس كريم فانيلا مع مكسرات لو سمحت ( تعطيه فلوس راعي المحل ) صغير ها

راعي المحل : ( ياخذ الفلوس ) طيب ...

في سيارة فهد وكل راكب...

ليال : محمد كم ساعه ؟؟؟

محمد : توقع كم ؟؟

ليال : ياليل قول كم ساعه ؟

محمد : الساعه 1ونص

ليال : ( ترفع صوتها ) اما لالالالا كذاب جد والله !!

مجمد : ( يضحك ) لا الساعه 10 3 دقيقه

ليال : كل تبن خوفتني

عاصم : فهود وقف عند اقرب بقاله وهي عبود عطني 50 بشتري بطاقه شحن في احد يبي اشتري له شيء ؟؟؟

فهد : طيب بوقف لك

محمد : انا ابي بطاقه جب لي مثلك ابو 50

عزوز : ابي شبيز وكولا ونوع كاكو لا تنسى

ليال : حديث نفس: ياليل من جده ناوي عاصم يغلق فلوسي على صفر الله يعيني ) طيب ( تطلع بوك وتعطي عاصم 130 ريال ) خذ

عاصم : ( ياخذ ) وقف وقف هنا ايوه هنا ( ينزل من سيارة )

محمد : ( ينزل من سيارة)

عزوز : ( ينزل من سيارة )

ليال : كلهم نزلوا!!!

فهد : ( يضحك ) ( يتسند ويغمض عينه ) عبود قال شيء عني نايف ؟

ليال : هــا لا ما قال شيء ؟! ليش؟

فهد : لا ولا شيء بس اسأل

ليال : أيــه ...

تمر ثواني من سكوت ....

فهد : من متى تعرف نايف ؟؟

ليال : من هذا اليومين ليش؟

فهد : لا ولاشيء....... ماتلاحظ انهم طولوا ؟

ليال : لا بس شوي..... فهد

فهد : هلا

ليال : ابيك بعد مايركبون السيارة ترجعني للبيت وماعليك امر

فهد : توا الناس

ليال : لا اعذرني ابوي حالف علي ارجع مبكر

فهد : ايـــه طيب ...تامر امر ( ياخذ المويه .... يرجمها على ليال ...)

ليال : ( تمسك المويه ) وش اسوي فيها ليش رجمتها علي ؟؟

فهد : ماتبي تمسح البقعه الأيس كريم الموجودة في بلوزتك ؟

ليال : الا ابي ايه طيب

فهد : المناديل وراك شوفها على يسارك

ليال : طيب

( تاخذ من المناديل وتحط شوي مويه وتمسح وهي تمسح ... لمح فهد المشد حق ليال )

فهد : عبود !

ليال : هلا ( تناظر فهد )

عاصم : ( يفتح الباب سيارة ويركب) شريت بس محمد وعزوز يتهاوشون في البقاله ( يطلع راسه من دريشه السيارة ) محمد عزوز يالله اسرعوا اركبو ولا بنسحب عليكم

محمد : ( يرفع صوتها ) جايين طيب

( عبد العزيز ومحمد يركبون السيارة )

محمد : اعذرونا طولنا عليكم المهم يالله تحرك سوق فهد

فهد : ايه طيب ( يسوق السيارة ) حديث نفس: ماكني شفت شيء مثل مشد او شيء غريب فيه ؟!!
في بيت ليال ....
جمانه : حديث نفس: يالله متى ترجع امي بتجي وهي توها ماجت ... ( تشوف الساعه ) اتصل فيها ولا ما اتصل ؟

( جمانه تسمع فتح باب البيت .... )

جمانه : رجعتي اخيرا بغت تطلع روحي من الخوف ( تـقوم ) (تناظر )

ام ليال : ليش ؟!........ صار شيء ؟

جمانه : لالالا ابدا ماصار شيء بس بغيت أسالك عادي لو اطلب من مطعم يمه لأن ماصلحتي شيء للعشاء يمه ...

ام ليال : ايه روعتيني ظنيت شيء صار...... ايه عادي اطلبي

جمانه : اجل اعذريني يمه روحي ارتاحي انا رايحه اطلب ( تمشي )

ام ليال : جمانه وين ليال ماله حس ؟!

جمانه : أيــه ليال تستبح

ام ليال : ايه يالله انا رايحة ابدل وارتاح ( تمشي رايحه لغرفتها )

جمانه : ( تركض للحمام عزكم الله ) ( تفتح الباب) (تشغل الدش وتطلع تسكر الباب ) حديث نفس : لازم اكلمها ...) ( تدق على ليال ) ردي ردي ...

في سيارة ....
ليال : ( يرن جوالها ) ( ترد ) الو هلا

جمانه : وينك ترى امي جت وقمت اصرف لها يوم سألت عنك اسرعي ارجعي للبيت قبل مايجي ابوي ...

ليال : طيب طيب انا اصلا في طريقي للبيت

محمد : هاذي اختك التوأم ( يقرب من جوال ليال) الو يالمزيونة تراك محجوزة

ليال : بعد مو اختي التوام يالغبي ( تسكر جوال )

محمد : بالله كم عندك اخت شكل عندك كثير ؟!

ليال : ثـنتين وش دخلك يالملقوف وهي لاتتكلم عن اخواتي لوريك شغلك وأنسيك اسم امك

فهد : عبود وصلنا بيتك يالله اشوفك على خير ...

ليال : يالله فمان الله شباب ( تنزل من سيارة )

محمد : ( يطلع راسه من دريشة السيارة وهي تتحرك )( يرفع صوته ) نشوفك بكرة ياكلب يازلابه ( يضحك بصوت عالي )

ليال : هي لا ترفع صوتك ولا تسب ياحمار ( تمشي بهدوء تــام ... تفتح باب البيت ...تدخل تسكر الباب بهدوء وتمشي بهدوء .... )

الشغاله : ( وهي معها كيس زباله في حوش ... وبصوت عالي) فين رحت أنتا ؟
ليال : يرحم امك اسكتي لاترفعين صوتك ( تطلع البوك وتطلع 100 ريال ) خذي واستري علي لا تقولين لأحد تكفين وبذمتك ...

(صوت فتح باب البيت ... تـناظر ليال )

أبو ليال : وش تسوين هنا في حوش ليال ؟!

ليال : ( تحك راسها ) هــا أيــه كنت بذب الزباله برا وشغالة ترفض اخذ الزباله منها

ابو ليال : أيــه ماشاء الله عليك... ميري عطيها زباله تذبه

ليال : ( تناظر ليال الشغاله بنظرات بريئه وخوف )

الشغاله : طيب بابا ... امسك زباله انتا

ليال : ( تاخذ زباله )

ابو ليال : انا طالع فوق انــام وابي ارتاح يالله ( يمشي )

ليال : نوم العوافي يبه (تبتسم ابتسامه كبيرة )( تناظر ابوها ليــن يروح فوق )خذي زباله أنا طالعه اتسبح وانــام يالله ( تمشي رايحه لغرفتها)

الشغاله : بس هاذي مرة مافي يعلم بس مرة ثانيه في يعلم علطول

ليال : ( تسلك ) أيــه طيب طيب .. ( وهي تمشي وترقى فوق رايحه لغرفتها )

جمانه : ليال ليال ياهووو اسمعي

ليال : هلا وش ؟

جمانه : وش سويتي ؟ وليش طولتي ؟ ( ترفع صوتها ) وش هاذي البقعه وصختي تي شيرت علطول يالبزر

ليال : اخ ابي اتسبح وانام وهاذي البقعه يوم اكل ايس كريم وطول اليوم راحو بوفيه ثم دوران بشوارع الرياض ثم وقفنا عند محل ايس كريم ثم مرة ثانيه دوران بشوارع الرياض ثم وقفه في بقاله ثم رجعت للبيت بس

جمانه : أيــه كذا يالله روحي انقلعي نامي

ليال : يالله ( وهي تكمل طريقها تمشي )

جمانه : صبر صبر ليال

ليال : هلا وش بعد ؟

جمانه : ايه من كان يتكلم بكلام ومدري وش يقول قبل ماتسكرين على وجهي ؟

ليال : حديث نفس : شكله سمعت وش قال لالالا مااظن اخاف لو اقول لها تزعجني بتفاهات ونظرات تنرفز الواحد ولا تخليني انام ...

جمانه : ليال ردي انتي معي ؟

ليال : هلا أيــه كانوا يتكلمون وتحمس واحد بسالفه ورفع صوته وسكرت بلغلط لأنه روعني بس

جمانه : ايه اجل اسفه ازعجتك يالله روحي ارتاحي

وبعد مرور يومين ... في الفصل ... الحصه الخامسه ...

ليال : اختبار !!؟

استاذ كيمياء : ايه في اختبار عد كم مر اسبوع وراح تعرف فمان الله (يقوم ... يطلع من باب الفصل )

محمد : هي لا تهتم عبود انا موجود راح نغش وتصير درجاتك كامله وعد مني

ليال : ليش انت تعرف كيمياء ؟!

محمد : اكيد اعرف كيمياء

فهد : وانا بعد

عاصم : هي هي وانا اعرف اكثر بعد

عبد العزيز : شوف لو كنت ماعرف عبود للكمياء كان ماقدرت اطلق كيماوي

ليال : ( تضحك ) اجل ارتحت مشكورين

فهد : حديث نفس : يالبى ضحكته وطريقة كلامها تعجبني هي لازم مااتفلت هو ولد مو بنت

محمد : هي شباب بتجون الأستراحه انت فهد اكيد والباقي بتجون ؟؟

فهد : هي ماودي اجي

ليال : ايه ان شاء الله راح اجي

فهد : عبود بتجي !؟

ليال : ايه راح اجي

فهد : حديث نفس : يالبيــه ودي اشوفه بدون تي شيرت اعوذ بالله وش في افكاري منحرفه اعوذ بالله من شيطان الرجيم

عبد العزيز : أيــه بجي وليش مااجي

عاصم : راح اشوف

محمد : حلو اجل كنت ناوي اسحب مااجي بس هونت الحين بجي ان شاء الله ونفلها في الأستراحه عاصم انت تجي ولا ماتجي مافي فرق

عاصم : ( يقرب من وجهه محمد ) مافي فرق ؟ هــا !

محمد : وش فيك تهايط امزح ياخي

وفي طلعه برا المدرسه ....

ليال : نايف ياهوو نايف

نايف : هلا ارحب بغيت شيء ؟

ليال : بتجي في الأ ستراحه ؟

نايف : لا مابي اجي

ليال : ( تناظر نايف بعيون براءة ) ليش ؟

نايف : (يبلع ريقه ) لا مافي شيء بس مالي نفس

ليال : اجل خلاص اذا انت مو جاي انا مارح اجي ( تـتنهد )

نايف : ( يبتسم ) خلاص بجي غيرت رايي

ليال : ( تبتسم ابتسامه كبيرة )

نايف : ( يناظر ليال ) حديث نفس : اصلا بجي غصب عني

وفي باب البيت يوم الأ ربعاء العصر .... وفي سيارة ..

ابو ليال : اسرعي ليال خلصي

ليال : طيب طيب يبه ( تركب السيارة ) يالله حرك كل شيء جاهز

ابو ليال : متأكدة انك مانسيتي شيء ؟

ليال : ايه متاكدة يالله حرك كل شيء موجود مافي شيء نسيت احطه

ابو ليال : اجل نتوكل على الله ( يشغل السيارة ويرحون )

وبعد كم دقايق تطلع الشغاله من باب البيت ومعها كيس فيه تي شيرت اثنين وشورت واحد حق ليال

الشغاله : ( تعود تدخل )

جمانه : هــا موجودين ؟

الشغاله : لا راحو بعيد

جمانه : اخ غبيه ليال نست تاخذ ملابسها والقهر راح تقعد لما الخميس او الجمعه اخ وانا كم مرة نبهتها تاخذه معها

البارت الخــــــامس ان شاء الله الأسبوع الجاي يوم الجمعه الســـاعه 7 مساء
  #7  
قديم 08-18-2012, 12:47 PM
 
مرررره حلوه انا راح اكون من متابعين ذي القصه سويلي اضافه في الصداقه عشان اشوووف جديدك
وذي القصه بالذات
  #8  
قديم 08-18-2012, 01:39 PM
 
روععههه مررررره القصةة صراحة عبدالعزيز مررررره مققرف
__________________
تبســـــــمـ لان التبسم في وجه اخيك صدقه

اصـــبر فان الله مع الصابرين

رواية
★~~اسطورة صانع المعجزات~~★
  #9  
قديم 08-20-2012, 12:08 PM
 
اعتبريني من المتابعين اذا نزلت اديني خبر
  #10  
قديم 08-23-2012, 06:14 PM
 
هلو حياتي القصة روعة مثلك بانتظارك بالبارت القادم الاسبوع القادم
باي
 

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
ل يوم حتلاقى نكت تموت من الضحك أو تموت من الفقع فى كل الحالات حنخف شوية من عدد السكان و نساعد بلدنا فى أزمة البطالة malk*alhob نكت و ضحك و خنبقة 12 06-25-2016 05:26 PM
متى تصبح صديقاً... ومتى تصبح حبيباً BOSS of BAGHDAD مواضيع عامة 6 08-09-2015 07:09 PM
متي تصبح طبيبا ومتي تصبح حبيبا osha أرشيف المواضيع الغير مكتمله او المكرره او المنقوله و المخالفه 4 02-21-2007 11:08 AM


الساعة الآن 05:31 PM.


Powered by vBulletin®
Copyright ©2000 - 2024, vBulletin Solutions, Inc.

شات الشلة
Powered by: vBulletin Copyright ©2000 - 2006, Jelsoft Enterprises Ltd.
جميع الحقوق محفوظة لعيون العرب
2003 - 2011