عيون العرب - ملتقى العالم العربي

السلام عليكم ورحمته الله وبركاته

أكيد إنك شايف الناس في هذه الأيام كيف قاعدين يسعون ويتفننون في طلب الرزق

هذا راح يأخذ قرض ودخل بالأسهم

وهذاك طول يومه بمعارض السيارات

والثاني احترق وجهه بالصناعيه

وهذاك طاحت عيونه من كثر ما درس وسهر وتعلم

وهذا ما عاد شاف أهله من كثر ما يدور بالمخططات

والمساهمات العقاريه .. و و و و و ..

وبصراحه ما أحد يلومهم ..

الكل يبي رزقه يكثر وينبسط بحياته

بس فيه شغله ناس كثير جدا جدا ما فكروا فيها

.. حتى أكبر العقليات الإستثماريه ما جت على بالهم

إلا من رحم ربي ..

يقول سبحانه وتعالى { فقلت استغفروا ربكم إنه كان غفارا * يرسل السماء عليكم مدرارا * ويمددكم (بأموال) وبنين ويجعل لكم جنات ويجعل لكم أنهارا * }

الإستغفار :

يا ناس يا عالم الإستغفار سبب رئيس لأشياء حلوه في حياتنا .

. أشياء ياما وياما تمنيناها
من فينا ما يحب المال ..؟

من فينا ما يحب يكون عنده أولاد وبنات ..؟

من فينا ما يحب يعيش بوسط جنات وأنهار في الحياه الدنيا ..؟

هذي كلها أشياء خياليه .. من جد خياليه ..

وماهي صعبه ولا مستحيله على رب العالمين سبحانه

الله قادر إنه يحققها لنا ..

بس إذا حققنا المطلوب منا ..

وش المطلوب منا ..؟

شي واحد وبس .. ولا أسهل منه

.. {الإستغفار}

والإكثار منه .. طيب والنتيجه ..؟

النتيجه :

النتيجه عسى ربي يحفظك ويسلمك إن الإستغفار سبب في نزول المطر{بإذن الله}

وسبب في زياده الرزق وبالعربي زيادة المال

.. وسبب في إن الواحد منا يرزق بالذريه الصالحه إن شاء الله

وسبب في تحول أراضينا إلى جنات وأنهار .
وهذا مو كلامي

ولا كلام الشيخ ...

أو المطوع ......
أو الداعيه ..
لا هذا كلام الله سبحانه و تعالى
الله الله في الإكثار من الإستغفار

{استغفر الله الذي لا إله إلا هو الحي القيوم وأتوب إليه}