عيون العرب - ملتقى العالم العربي

بسم الله الرحمن الرحيم

اللهم صلي على محمد وال محمد

السلام عليكم اعضاء منتدانا وزواره ورحمة الله وبركاته

اليوم راح انزل لكم روايتي ملاگ علۍ هيئة بشر

الكاتبة : عاشقة قائم آل محمد أو عاشقة حبيبها

نوع الرواية {عامية ... ، رومانسية ، حزن ، كوميديا ، غموض ، تشويق .....، الى اخره }

ملاگ عل ۍ هيئة بشر

البآرت الآوݪ { هـٶ شـمـسسيـﮯ ٶأنا قمرهــ }

آلجزء الآوݪ

جالسة تكلم وحدة من صديقاتها على المسن

غلا وكلي حلا (اسمها المستعار): شفته مرة وحدة عليه جمال يطيح الطير من السماء بس حسافة وخسارة معقد مرة ما يرضى ان خواته يفتحوا وجههم افففف صرت اكرهه من كثر ما هو معقد والليلة ابوي يقول لازم نروح بيت عمي ابو علي واني ما ابغى اشوفه حورية وش اسوي

حورية : الناس المطوعين كذا وش مفكرتهم وتراهم اخرطي ما عليك منه

غلا وكلي حلا : حورية وجهك انتين يا الهبلة اقولش هو مايرضى خواته يفتحوا وجههم وانتين تقولين اخرطي

حورية : زينب تراهم كلهم كذا هذي هي سلوى ابوها مطوع وهي مافي أغنية ما تسمعها

غلا وكلي حلا (زينب): وش تنصحيني

حورية بمكر : تكشفيه على حقيقته

غلا وكلي حلا (زينب) : كيف يعنى

حورية : اسمعي ...

&&&&&&&&&&&&&&&&&&&&&&&&&&&&&&&&&&&&&&&&&&&&

يصلي بكل خضوع وخشوع وذل ويبكي بكل شوق الى رضا الله

منتظر منتظر افتح الباب يا ولدي افتح يمه وش صاير خبرني فيك شى تكلم هذا صوت امه اللي تناديه من وراء الباب بخوف ورعب على ولدها

قام منتظر من سجادته المفروش على الارض وفتح الباب انتبهت امه اليه وقالت بعتاب : يمه يا ولدي لا تسكر الباب عليك مرة ثانية تراني اخاف عليك

حب رأسها : يمه ما له داعي الخوف وبعدين مب بزر انا تخافين عليه

امه ابتسمت : لا مب بزر انت مشاء الله رجل كامل والكمال لله يا الله يا يمه انزل شوف العشاء وصل من المطعم اخوك مدري وينه

منتظر : انشاء الله يمه بس في احد تحت

الام : لا يا وليدي اعمامك وعيالهم بعدهم ما يوصلوا يا الله استعجل يا وليدي

منتظر ابتسم : تأمرين أمر يا أم علي هذا انا نازل .. وحب راسها مرة ثانية

&&&&&&&&&&&&&&&&&&&&&&&&&&&&&&&&&&&&&

ام نواف : حوراء زينب يا بنات نزلوا ابيكم

البنات نزلوا : نعم يمه

ام نواف : حوراء شوفي اني بروح مع ابوك بيت عمكم الحين وانتم تعالوا مع السواق والشغالة

حوراء : يمه بس اني ابى اروح مع نبراس

ام نواف : يا يمه نبراس راح الظهر وتغدى مع بيت عمك تعرفيه كل مع خطيبته الله يهنيهم

حوراء : اووكيه وراحت

ابتسمت زينب ابتسامة نصر وفي نفسها " اشوووه "

{ آنتهى آلجزء الآوݪ من البآرت الآوݪ }

{ وآلآن الاسئلة }

1. وش خطة حورية وهل صحيح انها تبي تساعد زينب واذا كانت تخطط لشئ ثاني وش هو ؟!

2. وش تتوقعون يصير في العزيمة ؟!

3. آراءكم واقـترآحـاتـكم بـالبآرت الآوݪ