|
| |||||||
| روايات و قصص بالعاميه قصص و روايات باللهجه العاميه |
| | LinkBack | أدوات الموضوع | انواع عرض الموضوع |
|
#21
12-16-2012, 12:23 AM
| ||
| | ||
| تقبلي طلتي
__________________ ثلاث عبارات لتحقيق النجاح 1/كن أعلم من غيرك 2/أعمل أكثرمن الاخرين 3/توقع اقل ممايحصل عليه الأخرون   اليوم .. ! " . . [ . . " آنآ هنـآ.متصل..... ......ولـكن سوف يآتي يوم وآكون غيرمتصلللآبـد[... لذا اذكروني دائمآ بالخير ..    |
|
#23
07-29-2013, 12:29 PM
| ||
| | ||
| البارت الخامس عشر ---------------------------- مّدخـّلْ..! تحبني أو تكرهني ؟! جميعها مفضله لدي .. أذا كنت تحبني , سوف أكون دائماً في قلبك .... وأذا كنت تكرهني , سوف أكون دائماً على بالك.... ------------------------ الساعه ال12:00 نايف فتح الباب قوي جود نقزت ولفت عليه نايف:خفتي جود:اوووووف نايف:جود وش قلت لك انا ذي الكلمه لاعمرك تقوليها جود طنشت نايف:ابي شاي قومي زيني لي بسرعه جود رفعت حاجبها :نعم ماسمعت عيد نايف:قومي زيني لي شاي بسرعه جود:خدامه ابوك وأنا ما أدري نايف قرب منها : نعم ايه خدامه ابوي وخدامتي بعد قومي زيني شاي جود:اسفه ماعرف ازين شاي نايف:اوهوووو انسيت اني ماخذ طفله حتى اسمها ماتعرفه جود ناضرته بنص عين ولفت عنه نايف لفها عليه قوي:لاعمرك تعطيني ظهرك فاهمه جود:انت وش تبي مني الحين خيير نايف:شاي جود:وانا قلت لك ماعرف ازين شي روح زين لوحدك نايف:اممممـ شكلك بعدك ماعرفتيني جود:ولا ابي اعرفك نايف:جود خلك مؤدبه معي ازين لك جود:................ نايف:قومي زيني الشاي بسرعه ((طلع)) جود:::اوووف شكلوا هاذا اليوم مايبي يخلص وستسلمت للأمر الواقع وراحت تزين شاي ---------------------------------------- الهنوف:بناااااات وش هاذا سكر ولا ملح غيداء:ياليل حتى ملح ولا سكر ماتعرفين ذوقي الهنوف:لا والله تبوني امرض غيداء:هاذ ملح الهنوف:يعني هاذ الي احطه ناديه:الهنوف حطي لنا الفطور برى بلحديقه الهنوف:نعم نعم ماني سامعه عيدي ناديه:حنا نبي نفطر برى غيداء:اي فطور الله يهديكي صار غدا مو فطور ناديه:هههههههههه ايه والله يمكن اطول فطور صار بلعالم 3 ساعات على فطور ياهنوف حرام عليك الهنوف:يالله احمدوا ربكم اني سويت لكم يلا بس اطلعوا وانا لاحقتكم غيداء:طيب ----------------------------------------------------- في مكان بعيدعن اجواء الأستراحه ابراهيم:اتحداك ماتقدر فارس:لا تتحدى والله ازينها رائد:لا فارس اعقل لا تزين شي ابراهيم:يا رجال خله وش عليك منه رائد:لا مانبي نجلس بلمستشفيات وبعدين فارس الجمس لجدي لو دري انك ماخذه ياويلك فارس:وش رح يدري الا اذا لسانك شتغل وقال له رائد:كيفكم عاد انا قلت لكم وماعلي منكم وين نواف فارس:هاذا هو وراك نواف:وشو اشتقتولي رائد:لا والله على قوله المثل جبنا سيره الحمار اجانا طيار نواف:قليل خاتمه فارس:يلا شباب الحين اوريكم التفحيط الي على اصوله نواف:نعم عيد وش قلت اي تفحيط مع نفسك والله ومع زاتك بعد ابراهيم:خلوه يجرب وش عليكم نواف:خير شكلك تبي تودينا بخبر كنا انت ووجهك فارس:لا اله الا الله محمد رسول الله خير انتو الي بتفحطون ولا انا نواف:لا بس الجد الكريم يعتبر جدنا كلنا يعني اذا بهوش مارح يهوشك لوحدك فارس:عادي تحملوه عشاني رائد:انا ماني مستعد ابدا نواف:ولا انا ابراهيم :ماعليك منهم يارجال عيش وفلها ياخي فارس:وهاذ الي بسويه (وطلع الجمس ) رائد:فارس انزل فارس:لا تخاف مارح افحط رح اتمشى بذي الصحراء اركبوا ابراهيم:والله انك جبااان فارس:امش بس اركب ماجربت جدي شكلك نواف:والله انك تعجبني يا ولد العم وركبوا وساق فيهم فارس --------------------------------------------------------- نايف:وين الشاي يا ههـ عروسه جود(الله لا يوفقك اكرهك ):...... نايف:وين الشاي جود وهي ماسكه كاسه الشاي مدتها له نايف:امممم زين جبتي الحين جود ماتبي تفتح نقاش معه ابدا نايف:البسي عشان نتغدى برى جود :روح تغدى لوحد مابي اكل شي وكانت رح تطلع بس صوت صراخ نايف وقفها نايف:جوود الي انا اقولك عليه هو الي يصير فاهمه ولالا جود:.................... نايف:فاهمه قولي ايه جود مشـت وتركـتـهـ نايف رفع حواجبه :لو ماربيتك على الي انا ابيه مايكون اسمي نايف ---------------------------------------- ناديه:لولولولولولوليييييش وأخيرا طلع الفطور غيداء :أنتضري بس تجيب الباقي الهنوف وهي تجلس:اي باقي بس هاذا الي زينته ناديه:نعم نعم الحين 3ساعات ونص على بيض وجبن ونسكافي وطماط بس الهنوف:ايه ونعمه بعد البيض يمكن سويت لكم 20 بيضه لين صار كذى كلوا ينحرق ماعادا ذي الحمدلله مانحرقت ناديه وهي تذوقه:وووووع مالح الله يقرفك الهنوف:لا كذابه اهئ اهئ والله خلاص ماعمري رح ادخل المطبخ انا ربه بيت فاشله ناديه:ماجبتي شي جديد غيداء:الهنوف روحي جيبي لنا فطور على حسابك الهنوف:لا كلوا ذى لاتحطموني ناديه:وش ناكل فيه هاذ مالح وهاذ مدري وش فيه غيداء قامت:انا بروح اشوف فطور الي عند الحريم اذا فيه شي أجيب لكم هنا اسيل طلعت :بنات وش فيه المطبخ كذى الهنوف لفت وجها عنهم وساوت نفسها بريئه غيداء:ليه وش صاير اسيل:مافي شي بمكانه ولمطبخ حوسه ناديه:هههههههه هنوفه الحلوه سوت لنا فطور اسيل:اماا وشو الفطور غيداء:هاذ الي قدامك اسيل:نعم الحين الي يدخل المطبخ يقول هاذ مطبخ عزابين عمرهم مانظفوا وبلأخير يلهنوف على هاذول الله يساعد الي يبي يضفك عنا وش رح تزيني في بيتوا الهنوف:نعم نعم عيدي يصح له انه ياخذ الهنوف بنت ولا خلص خلني ساكته غيداء:انا بروح اكل الي يبي يجي معي يلا ناديه:انا جوعاانه مره غيداء:يلا اجل اسيل:خوذوني معكم اهنوف:وانا بعد غيداء:انتي لا كلي الي زينتي فاهمه الهنوف: لإمالي دخل بجي معكم ----------------------------- رائد:اقول فارس شكلك ضيعت الطريق فارس:لالا ادله زين ابراهيم :لاوالله شكلك ضيعت صار لك ساعه تلف فينا فارس:اي ساعه حرام عليك كلها نص ساعه مازادت نواف:شبااب شوفوا هناك فارس اوقف فارس وقف سياره :وش فيه نواف نزل ولكل نزل معه ابراهيم:هاذي بنيه رائد:ايه والله بنت بس وش جايبها بذي الصحراء ابراهيم :الله اعلم نواف: حرام نتركها هنا خلنا نوديها الأستراحه ونخلي جدي يشوف وش سالفتها فارس:ايه والله وانت الصادق (ودوها للسياره وعكس فارس طريقه متجه للأستراحه ) رائد:شوف فارس الحين انت مطر تقول لجدي انك اخذت الجمس فارس: اقول له ولا نترك ذي البنت المسكينه مرميه بلخلا نواف:ايه كلام فارس صحيح بنفس الوقت سمعوا صوت ونين ابراهيم:البنت عايشه رائد:الله يستر فارس كم باقي لك لين نوصل فارس:خمس دقايق بأذن الله ونكون بلأستراحه قامت البنت جلست الكل حاله سكوووت البنت الي بدت تصيح وتصرخ :اتركوووني انتو وش تبون مني بعد اتركوووني اتركوووني نواف:يابنت الناس اسكتي حنا مانبي منك شي البنت(شوق):نزلوني الحين اتركوني اتركوني رائد:يابنت حنا مانبي شي منك طلعناك من الخلا شوق:رجعوني خلوني أموت هناك مابي اعيش وتعذب اكثر اتركوني ابراهيم:اسمعي يابنت حنا مارح نلمسك ولا نزين فيك شي بنوديك لأهل ذول الرجال وان شالله تكوني هناك بأمان شوق أرتاحت سكتت نواف:انتي من وين وش عايلتك ووش خلاكي بصحراء شوق : انا مأدري من انا ولا أهلي كل الي اعرفه ان اسمي شوق بس نواف:وين اهلك شوق:مأدري فارس وقف قدام الأستراحه :شوفي يابنت هاذي استراحه فيها كل اهلي لا تخافي اعتبريهم مثل اهلك انتضري هنا لين انادي احد ياخذك عندهم شوق:طيب كلهم نزلوا نواف:شكلها البنت فاقده ذاكرتها فارس:انت الحين خل حد من خواتك يدخلها نواف:انتضر اشوف اسيل صاحيه رائد:بسرعه شبابا البنت لوحدها برا اتصل نواف اسيل:هلا نواف نواف:اهلين اسيل:بغيت شي نواف:اسمعي اطلعي انتي وحدا البنات مكان السيارات تلاقي جمس جدي فيه بنت طلعيها عندكم اسيل:وش فيك نواف تحلم نواف:انتي روحي زيني الي قلت لك عليه ولا تخوفوا البنت شوي شوي عليها فاهمه اسيل:طيب طيب (سكرت) اسيل:بنات تعالوا معي ناديه:وين اسيل:مدري نواف قالي في بنت بجمس جدي ناديه:تلاقيهم يمزحون وبسون فينا مقلب اسيل:لا خلنا نروح ازين غيداء:يلا طلعوا ------------------------- دخل عليها وهي كانت متمدده على السرير نايف بصوت خفيف : جود جود جلست نايف:انا وش قلت لك جود:انا مابي اكل خلاص روح تغدى لوحدك نايف اخذ نفس :جود لا تخليني اعصب ومو من مصلحتك ابد اني اعصب جود:خلص نايف روح لوحدك أنا مابي اكل نايف سكر اسنانه :جود جود:ليه واذا انت زوجي تبي تتحكم اكل ولا لا نايف:جود قومي ايه اتحكم بلي ابي بعد قومي جود:طيب مابي اسافر معكـ بجلس عند اهلي نايف:جود قلت لك لا تخليني اعصب جود:اوووف نااايف نايف:امممم زين تعرفين اسمي كنت احسب انك ماتعرفي جود نزلت راسها:مابي اسافر نايف:مو على كيفك وقومي البسي عباتك نروح نتغدى بسرعه انتضرك عند الباب جود قامت لبست عباتها وطلعت نايف:اسمعي من الحين ياويلك لو تشكين لأحد فاهمه وانا اضن قلت لك عقابك قبل كذى جود:اووووف انت وش تبي فيني نايف:مابي شي انتي الحين مرتبطه بأسمي يعني اي غلط تزينيه يرجعلي انا جود:ماحد قلك تتزوجني نايف:انا قلت لك لاتتحدي لأنك تندمي وشفتي الي يتحداني انا نايف ولد عبدالله يندم وأشد الندم بعد جود:ههـ مستقوي علينا بعضلاتك نايف:جود انتي شفتي وش زينت فيكي امس اسكتي ازين لك جود خافت :....... نايف:والله ازين مافيك انك ساكته يلا قدامي جود:اوووف اكرهك >>بصوت خفيف نايف:تراي سمعتك جود طلعت وطنشته نايف ابتسم بسخريه وطلع وراها ------------------------- اسيل:بنات والله جد في بنت بداخل الهنوف:تعالوا انشوف وش فيها فتحوا الباب ناديه:هلا تفضلي شوق خايفه وماتحركت غيداء:تعالي لا تخافي هاتي يدك شوق نزلت معهم اسيل:تفضلي دخلوها عند الحريم ام ياسر:هو مين هاذي اسيل:مدري لنواف اتصل وقالي ادخلها هنا ام ياسر:هاتوها لي هنا ناديه :تفضلي لاتخافي حنا مثل اهلك شوق:لو سمحتي ابي ماء ناديه:من عيوني ام فيصل:وش اسمك يمه شوق:انا شوق ام فيصل:بنت مين شوق:ماني بنت احد ام ياسر:طيب وين اهلك شوق:مأدري اسيل وغيدا والهنوف صاروا يناضروا ببعض ام ياسر:انتي وين كنتي عايشه شوق:انا خطفوني من اهلي يوم كان عمري سنتين والحين عمري 17 ولا ادري عن اهلي ام ياسر:لا حول ولا قوه الا بالله لا تخافي جيتي بأيادي امينه اعتبرينا اهلك والبنات خواتك ومارح يقصروا معك بشي دخلت ناديه : تفضلي وهاذي كاس المويه شوق مسكتها وايديها ترتجف :شكرا ناديه:اام انتي وش قلتي اسمك شوق الي رتاحت نوعا ما :شوق ناديه :اااممم حلوا كثير اسمك وانا ناديه وهاذي اسيل وهاذي الهنوف وهاذي غيداء شوق :أخوات ناديه:لا انا بنت عم هاذي وبنت خال هاذول وهم بعد مو خوات شوق:بس انتوا ناديه:لا ام ياسر:يمه خوذوها خلها ترتاح وتغير ملابسها اسيل:ان شالله تعالي شوق شوق راحت معهم شوق:ماشالله بيتكم كبير ناديه:هههه لا هاذا مو بيتنا هاذي استراحه نتجمع فيها كل اجازه شوق :انتي اسيل ناديه:لا هاذي اسيل انا ناديه شوق:اممم ناديه اسفه نسيت ناديه:لا عادي اسيل:شوق تعالي خذي هاذاالبس خذي شور والبسي شوق:لا شكرا اسيل:تعالي لا تخافي شوق اخذتهم ودخلت تاخذ شور^_^ ---------------------------------- اخلينا نوضح لكم الشخصيات الهنوف :بنت عربجيه درجه اولى عمرها 19 سنه ماهما احد من وهي صغيره ابوها قاسي عليهم طويله وجسمه جوناان وبشرتها حنطيه غيداء:20 سنه منبع العربجيه من عندها قلبها طييب وحساسه عمرها ماكرهت جسمها رياضي و وبيضه ريما:17سنه هااديه ماحد بيسع لها صوت سمينه وصوتها بلأغاني روووعه شوق:عمرها 17سنه بنت من وهي صغيره خطفوها من اهلها عاشت حياتها بعذاب وشافت انواع التعذيب امها من جنسيه ايطاليه وأبوها سعودي شعرها طويل اشقر عيونها ملونه ---------------------------------- الجد:وين البنت الحين فارس وهو منزل راسه: خذوها البنات الجد:عايشه مو ميته رائد:ايه عايشه الجد:وش مخليها بلصحرا رائد:ماندري والله الجد :مع انك غلطانين وماخذين الجمس دون تستأذنوني الا انكم كبرتوا بعيني (الكل شق الفيس من الفرح ) ابراهيم:ياعم بس البنت شكلها يكسر الخاطر الجد:انشوف سالفتها الحين دخل ابورائد:صدق الي سمعنا الجد:ايه لاقين بنت بلخلا ابو رائد:لاحول ولا قوه الا بالله وش الي وداها هناك نواف:حنا شفناها مرميه على الأرض وجبناها للأستراحه ابو رائد:الله يستر علينا يااارب الكل :امييين ------------------------------- على الساعه 2 ونصف ريما وهي تتثاوب:صباح الخير الهنوف:اي صباح قولي مساء قولي ليل مو صباح ريما:صباح مساء ليل المهم اني قمت غيداء:ايه صدقتي ريموا ريما:وين البنات غيداء:الكل ناييم ماحد قام ريما:استغفر الله ماصليت الظهر الهنوف:وش تنتضرين روححي ناديه :بنااات ابي وحده تتبرع لي وتزينلي نسكافي ريما:منن عيوني اصلي وازين لي ولك ناديه:بسرعه ولا عليك امر ريما:ان شالله (راحت تصلي) الهنوف:ياحياتي هاذي شوق قطعت قلبي غيداء:ايه والله بريئه ناديه:ايه ماتعرف اهلها ابد خاطفينها وهي عمرها سنتين يعني من 15 سنه ماشفتهم الهنوف:هي كم عمرها الحين ناديه :17 سنه غيداء:ياحياااتي الله لا يوفق من سوا فيها كذى ريم :وشو على مين تدعون الهنوف:حنا جالسين هنا نشوف مين قام صباح النور ريم:ايه صح صباح الخير على مين تدعون غيداء:لا قصه طويله ريم: والله مالي غير ندوش يابعد قلبي وش السالفه ناديه:الشباب لاقين بنت وجابوها هنا ريم:ناديه انا اتكلم جد ناديه:والله مأكذب وهي نايمه في الغرفه روحي شوفيها ريم: من جدك انتي ناديه:ايه والله ريم:وش اسم الكريمه وكم عمرها ووين لاقينها ومين الي لاقاها ناديه:ههههه رادوا ماصار كذى اسمها شوق وعمرها 17 ولاقوها بصحرا الي لاقاها مدري بس منهم نواف ريم بصوت واطي:يالبى هو بس ناديه :مع نفسك الهنوف:ليه وش قالت ناديه:ااه لا ماقالت شي بس تقول كذابين ريم:ايه ايه ماني مصدقه الهنوف:اممم هاذا هي بلغرفه روحي شوفيها والله انها مملوحه عسل ماشالله عليها ريم:هي وش جنسيتها غيداء:هي ماتدري وش جنسيتها بس شكلها اجنبيه ريم:ييعني ماتتكلم عربي غيداء:الا عربي وسعودي بعد بس الي يشوفها يقول اجنبيه ريم:ابي اروح اشوفها ناديه:بس تقوم حراام شكلها مانامت من زمااان ريم:انتضري انتضري انتي قلتي وين لاقوها ناديه:بصحرا ريم:وش موديها هناك ناديه:هاذ ياطويله العمر خاطفينها من اهلها من وهي صغيره بس كبرت وماصارت تنفعهم كبوها بلصحرا فهمتي ريم:ياحياااتي اييه الله لايوفقهم دخلت ريما ومعها النسكافي:تفضلي ناديه:يالبى انتي بس ريم:بنااات ابي جود الحين بسرعه ابيها ابي اتصل عليها الهنوف:يالله كمان شوي تجي على المغرب ريم:اوووه الله اكبر ابي انتضر للمغرب يالله ناديه:ايه والله ماتعودنا نجلس من دونها -------------------------------- السكرتير بندر:لا هاذول اوراق لازم يطلع عليهم مدير الشركه مستحيل يطلعن من عندي انا بس رعد>> احد العملاء بشركه : انت مادخلك لما اقولك شي يتنفذ فاهم بندر:وانا مأقدر اعذرني رعد:لا بطلعهم والحين بعد بندر:هاذي اوامر الأستاذ احمد مستحيل اطلع شي من دون اذنه رعد:انا عميل صار لي 6 سنوات اتعامل مع هاذي الشركه بندر:بس انا مأقدر اسف رعد الي صوته ملا ارجاء الشركه :لا يلا الحين عطني ياها دخل هشام:وش فيكم نعم يا الأخوا وش فيه صوتك عالي كذا رعد:وانت من تكون وش دخلك هشام:انا هشام فهد الـ.... رعد:ونعم وش تبي هشام:جدي يكون مدير الشركه امر وش تبي رعد :انت مادخلك هشام:عن الغلط رعد:ابي المعامله الحين بسرعه هشام:بس اضن قالك السكرتير مافي معاملات تطلع الا بموافقه المدير ومستحيل هوم يطلع شي رعد:انتوا مادخلكم بسررعه ابيها هشام:بس ماقلت مين الأخو رعد:اووووف وين المعامله هشام:لو سمحت حسن اسلوبك لآن هاذي مو حركات رجال رعد بمصخره :نعم ياولد الحسب والنسب مو عاجبك اسلوبي هشام:لو سمحت لا أنادي الأمن يطلعوك رعد:اذا تقدر يلا انا رعد ولد متعب الــ... ماحد يقدر يطلعني هشام:نعم رعد:انا بطلع بس المعامله رح تطلع اذا مو منك من غيرك (طلع) هشام: انتبه زين من ذي الأشكال بند:لا ولايهمك انا هنا مارح اتحرك هشام اتصل على الجد الجد:هلا هشام في شي هشام:هلا جدي لا بس في رجال تو بشركه سوا حوسه يبس معامله الجد : مين هو هشام :مدري يقول انه رعد متعب الـ..... الجد:مين عيد وش قلت هشام: رعد متعب الـ..... الجد:هاذا الرجال لايدخلوه الشركه وخلكم منتبهين زين هشام:لا يبه في شي الجد:هاذ من اعداء شركاتنا وممكن يزين اي شي فدا الفلوس انتبهوا زين هشام: ان شالله ولا يهمك يبه الحين اقول للأمن الجد:عطني بندر هشام :هاذا هو بندر:سم الجد:اسمع بندر لا طلع معاملات الا بموافقتي ونتبه زين من هاذ الي اسمه رعد لانه من اعداء مجموعاتنا بندر:ولا يهمك الجد :يلا بأمان الله ------------------------------------------- نايف:جود شوفي انا ساويت الي علي جبت لك اكل وما أكلتي سويت لك جوك ونتي الي ماتبي جود:ابي اهلي نايف: جوود اعقلي جود:ودني عند اهلي ابي امي نايف:اسكتي ازين لك احسن ما وديك الحين المغرب جود:لا خلص بسكت نايف:ايه كذا ازين لي جود ((الله يسامحك ياجدي )) نايف: ان شالله بنسافر شهر للندن ونرجع جود:شهر كامل نايف:ايه ونتي وش رايك جود:انا مابي اروح مكان نايف:خلص اجل شهر واسبوع جود:لا خلص شهر بس نايف:شهر واسبوعين جود:لالا خلاص نايف:شهر وثلاث اسابيع جود سكتت نايف:كل ماتزيدي الكلام ازيد الأيام جود:بسكت وما اتكلم معك ابد نايف:واذا كلمتك ومارديتي كمان بزيد الأيام فاهمه جود:ايه فاهمه نايف:ايييه انتي كذى عيني جود((صدقني مؤقت بس ))) نايف:يلا لانك سمعتي الكلام الحين رح اوديكي لأهلك جود حست ان الدنيا مو سايعتها من الفرح نايف:بس بشرط جود:وشو نايف:ياوبلك لو شكيتي لأحد فاهمه ومثل ماقلتلك المرات الي قبل انتي تعرفين عقابك جود:لالالا مارح افتح فمي بعد نايف:ايوووا زوجتي الشاطره --------------------------------------------- على الساعه 4:00 رنا قامت اول مافتحت عينيها جت بوجه شوق رنا صرخت وطلعت برا عند البنات اسيل:بسم الله عليك وش فيك رنا:في جني جوا نايم اسيل:جني وشو وين الجني هاذا رنا:جوا جوا نايم مكان مرام اهئ ناديه:بسم الله عليك هاذي بنت اسمها شوق رنا:شوق مين لا تكذبون انا اول مره اشوفها الهنوف :بسم الله عليك يا رنا كل هاذ خوف وجهك صاير احمر من الخوف اسيل:رنا هاذي بنت لاقينها وجابوها هنا رنا اخذت نفس:يعني مو جني ريم:لا مو جني ادمي رنا:الحمدلله يمه خفت بس انا صرخت عندها ماقامت شوق من ورى بصوت واطي :لا قمت رنا:اسفه ماعرفتك شوق:لا عادي اسفه انا الي خوفتك رنا ابتسمت اسيل:شوق انتي اكيد جوعانه صح شوق :...... اسيل:اممم تعالي معي -------------------------------------------- ......:انا قايل لك مستحيل اتركهم بس لو ماخليتهم يندمون على اليوم الي عرفوني فيه فراس:يارجال وش تبي فيهم رعد:لا مارح اتركهم في مستندات لازم اخذها منهم والله لاخليهم ع الحديده فراس:ياحووول مارح تقدر صدقني ذي من اشهر عائلات الرياض يعني بكلمه يطيروك برى المملكه رعد:هه خلهم يسون الي يقدروا عليه انا مأخاف فراس :اممم قلت لي ايه الله يهديك رعد:انا بس ابي واحد منهم فراس:ايه انا اذكر ان واحد منهم ذاك اليوم جابه واحد اسمه حمود رعد :مين هو بسرعه ابيه فراس:اذكر ان اسمه نايف رعد:ايييه ابيه جيبه لي حاول بأي طريقه فراس:حمود صار له زمان مايرد علينا مادري وش صاير له رعد:باي شكل من الأشكال ابيه فراس:خلص ان شالله اجيب معلومات عنه وقولك رعد:بس ابيه بسرعه 3 شهور يكون عندي فراس:ان شالله ------------------------------- شوق الي خلصت اكل وطلعت مع البنات اسيل:اييه صح ماعرفوكي البنات على نفسهم شوق:انا بس اعرف ان ذي ناديه ناديه:احم احم اييه صح شوق:وانتي اسيل اسيل:ايوووه الهنوف:لالالااا وش دعوه وانا الهنوف شوق ابتسمت:انتي شكلك بايعه الدنيا الهنوف:ايه صح عليك بس المشكله كل الي يبون يشتروها يعطوني مبلغ رخيص مررره شوق:ههههههههـ غيداء:بما انك انسيتيني انا اسمي غيداء اكون بنت عمتهم كلهم الهنوف: كلهم كلهم ايه اهنيك نسيتينى بعد انتي غيداء :ايه صح واكون بنت خالت الهنوف وريما مرام:وانا مرام اكون اعقلهم و اخت ناديه شوق:باين انك اعقلهم روان:لا ماشفتي شي بس لأنها توها صاحيه اسيل:ايه صدقت روان شوق:بس هاذا انتوا روان :لا انا روان طبعا ماني عاقله وما همني شي ريناد:وانا ريناد ريم:وانا ريم على فكره انا اخوف الكل يخاف مني شوق:لا شكلك طيبه كثيير ريم:شفتوا انا باين اني طيبه ماشالله علي مرام:ريم مع نفسك رهف:احم احم طيب اسأليني وش اسمك كم عمرك شوق:وش اسمك رهف:انا رهوفه وعمري 16سنه شوق: ماشالله العمر كلوا امتنان :انا امتنااان عمري 9 مو 8 ترى 9 شوق:ههه انتي شكلك عسل اسيل:ماشالله كبرت نفسها سنتين عمرها 7 شوق:ههه هههههههه ناديه:اييه صح وامس كان زواج بنت عمي اسمها جود اخت اسيل شوق:اكبر منك اسيل:لا اصغر مني ب4 سنوات شوق:اييه الله يوفقها الكل:امييييين |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| فراشه تائها....بقلم الكاتبه الصغيره (نشوى السعدنى) | sakora love | نثر و خواطر .. عذب الكلام ... | 13 | 05-28-2012 11:20 AM |
| ألم الحياه... بقلم :الكاتبه الصغيره(نشوى السعدنى) | sakora love | أرشيف المواضيع الغير مكتمله او المكرره او المنقوله و المخالفه | 6 | 12-15-2011 11:26 AM |
| الم الحياه..بقلم الكاتبه الصغيره (نشوى السعدنى) | sakora love | أرشيف المواضيع الغير مكتمله او المكرره او المنقوله و المخالفه | 1 | 09-14-2011 12:17 PM |
| تمزيقٌ لوجهِ القمر / بقلم أُنثى لــ : | قْلْبْ إنْسْآنْ | أرشيف المواضيع الغير مكتمله او المكرره او المنقوله و المخالفه | 10 | 12-19-2010 11:16 AM |
| رواية سحرتني عيونها/بقلم الكاتبه:][قمر مشتاقه][ | دلع بس بسنع | روايات و قصص بالعاميه | 66 | 11-08-2010 10:32 PM |
10Likes
العرض العادي
