عيون العرب - ملتقى العالم العربي

ليش نـزلــتي عيونــج \ إرفعيها وطـالعينـي
والا يعني إنحرجتيي \ يوم جاوبتي ســـــؤالي
ليش قلتي أحبــك ليش ياحبي كنتي تخدعيني
ليش قلتيلي ليش قلتيلـــي ياغالي

كان ممكن ما أحبج كان ممــــكن انج تتركيني
كان ممكن من البدايه تخـــدعي غيــري بدالي
ليش أنا بالذات يعنـي ليش قولي وجاوبيني
بعد غدرج خبريني وقولي بـــس شلي بقالي

والله إنـي ما جرحتج ليش أنتي تجرحيني
هانت على قلبج حسافه وإنقضت أجمل ليالي
والقـهر للحين أحبج وادري إنــج ماتبيني
والمحبه من طـــــرف واحد نهايتها زوالي

كان عمري بيدينج قوليلي وش بقى بيـديني
أذكــــر إنه من غلاتج كان قــــدرج فوق عالي
كنت أتجاهل وأطنش يــوم نــغزاتج تجيني
وكنت أقول الحب أكبــر من تصـــرف لا مثالي

الكورس :

يا حسافه على كل الليالي
ضاعت وراحت على الفاضي
باعت قلبي لشخص ثاني
آهـ يا قلبي كم بتعاني

أبغــي من وقتج دقيقه وليت أنج تمنحيني
بس أبا أقولج ثلاث أشياء وأروح أمشي لحالي
أولا فعـــلا أحبج كنتـــــــــي قلبي وعيني
وكانت الدنيا بوجودج روعــه شي خيالي

ثانيا علّي بدر مني دخــيلج ســــامحيني
يمكن أنه زل لســـــاني وقلت إنك راس مالي
ثالثا أسألج بالله وأطـــلبج لا تذكريني
احرقي كل القصايد وانسي أشواقي ووصالي

المهم إني أببعد وأنتي روحــــي وأتركيني
ارجعيله ومثلــــــي دور البريئه اللي تبـالي
وفي النهايه قبل ما أنسى بقولج كلمتيني
انتي كل شي في حياتي
والثانيه
أحــبك حتى لو بتذبحيني

الكورس :

يا حسافه على كل الليالي
ضاعت وراحت على الفاضي
باعت قلبي لشخص ثاني
آهـ يا قلبي كم بتعاني