رواية حبيبتي اسم على مسمى للكاتبة المدهشة جــــــنـــــــــــة الفــــــردوس - عيون العرب

**s w e e t** · #1 02-15-2012, 06:28 PM

نقلي الثاني

رواية حبيبتي أسم على مسمى..

وأسمي..جنـــــــــــــــــــــــــــــــــــــــــ ـة الـــــــــــــفــــــــــــــردوس.. بس بالمنتدى مستخدم الأسم.. بس أنا أسمي..
جنة الفردوس..

أنا أنزلها في منتدى ثاني .. فبنزل البارتات كلها اللي نزلتها في هذاك المنتدى هنا..

البـــــــــــــــــــــــــــــــــــــــــــــــ ــــــارت الأول..
تمضي الايام .. وتمضي السنين .. وهذه انا اقف على ابوابكم واطرقها لقراءة روايتي الاولى التي كتبتها بأناملي والتي أسميتها حبيبتي أسم على مسمى..! ..
جنة الفردوس ...تطرق ابوابكم جميعا لقرائتها .. وتتمنى منكم دعمها دائما وأبدا وعدم تركها وتشجيعها..
روايتي .. رواية يوجد بها جميع الأحاسيس الفرحة والحزن والطيبة والحنية والرووومانسية...
وأتمنى من الجميع مدح روايتي الأولى..
<<<ولكل مجتهد نصيب>>>..هذه قاعدتي

بسم الله نبدأ..

كانت تتمايل على الأغنية الخليجية وهي جالسه تلبس الاكسسوارات لأنها رايحه لزواج بنت عمها:
وش جآه محبوبي مشىـآ وخلآني
مآبين نيرآني وبين احزآني
واللي يسوي سوآته مآهو عآقل
يحبني موت ويصآحب ثآني..
محبوبــــــــــــــــــــي مشىـآ وخلآني
خلوه على كيفه يدور غيري
يرتآح وارتآح انـآ من تفكيري.....<<أغنيتها المفضله
جات لها أمها: يالله يا جنان أبوك بره ينتظرنا..
جنان: أنشاء الله يمه..
أم جنان: تحرركي..
جنان: دقيقه يممه..
راحت أم جنان تطفي الأستيريو لأن تعرف بنتها ما بتنزل اليين ما بتخلص الأغنيه...
جنان كشرت: لييش يمه..؟ الأغنيه على نهايتها..
أم جنان: لبسي عباتك ونزلي أنا نازله السياره..
جنان: أنشاء الله..
((((جنان عمرها 18سنه في ثالث ثانوي وهي متفوووقه مرره في دراستها هي البنت الوحيده من بين 3 أخوان كانت جنان غايه الجماال كانت شعرها لونه لون الذهب وعويونها مكحلين طبيعي ولونهم أزرق وخدودها مثل الدم من لونهم الأحمر((مشاء الله)) وكاان طولها متوسط<<ورثت جمالها من جدتها أم أمها الله يرحمها)
أبوها عبدالله عمره 51 (أبو طلال) كلمة غنننني قليله عليه يشتغل في التجارة وكان كريم على ولاده وزجته كل شي يتمنونه يلقونه عندهم..
أم طلال فاطمه عمر

8 (ام طلال) تحب الفخففخه بس طييبه حييييييل ماعندها ام ولا اب ولا اخ بس عندها اخت تزوجت اخ ابو طلال..ام طلال كانت تحب ولدها طلال مررره وبنتها جنان بعد لانها بنتها الوحيده..وتحب ولادها كلهم بس هذول المميزين..
طلال 24 جميل عواينه سودان ورموشه كثيفه وكان ابيض وكان رزه لما يطلع والبناات يتذابحوون عليه وهو ماعنده حركاات اللي يسميها حركات مراهقين هههه خلص الثانويه وراح بعثه امريكا لمدة 4 سنوات وجا والحين يشتغل ويا الوالد
ناصر عمره10 سنوات يحب اخووه طلال ويحاول كل يقلده
واخر العنقود خالد عمره 4 سنوات..ودلوووع البيت..

أخ أبو طلال عبد الرحمن (ابو فهد)53 الأخ الكبير هم بعد يشتغل في التجااره وغني
ام فهد هند أخت أم طلال طييبه مرره 46
فهد الولد الأكبر عمرره 25سنه يشبه طلال حتى الناس يقولون انه اخووه ... عيبه اذا عصب ما يعرف احد انتظر ابن عمه طلال يخلص ثانويه وراحوا سوا امريكا وطلال وهو اصدقاء مره واسراار بعض كلهم عند بعض..والحين اهو يشتغل مع الوالد..
شوق العرووس عمرها 23 تحب دائما تكون انيقه وتزوجت اخو صديقتها وليد ولا يقل مستوااه عن مستواهم المادي ابد
الجوري18 سنه صديقة جنان مره وما يتفارقون ابد وكل شي زي بعض كانت جميله طولها زين وجسمها متناسق وعيونها عسلي
فاطمه17 سنه مغروره ولا تحب جنان ابد لانها اجمل منها والكل يمددح في جماال جنان كاانت متوسطت الجمال في ثاني ثنوي ((وللمعلوميه اهي ماتحتك بخوااتها واااجد))
ريم 15 سنه دلوعتهم.. بس طيبه وتحب بناات عمها هي الحين في ثالث متوسط..
العم عبد العزيز 49(أبو فيصل) طيييب ويشتغل مدير في مدرسه
ثانويه
زوجته وفاء (ام فيصل) ماتحب احد بس تحب اولادها وزوجها
فيصل 24 وهو وسيممم نفس سن طلال راح استراليا اخذ شهادة الدكتوراه وبعد كم شهر راجع وهو صديقهم (طلال وفهد) بس الدراسه فرقتهم شوي
فواز 20 سنه يدرس في الجامعه طب..
مروه:17 سنه متوسطة الجمال وتموووت على حااجه اسمها فهد وهي صديقة فاطمه وفاطمه تدري انا مروه تحب فهد وحتى امها تدري وكل تقول لها انك ماحد يستاهلك كثر فهد)))))

نزلت جنان وهي تررركض لأنها تدري ان امهاا بتتهاوش معاها وهي نازله شافت طلال جالس في الصاله لانه الصاله صايره فيها الباب اللي يخليك تطلع من الفله الى الحديقه
طلال: للحين مارحتي (طلال كاان يحب اخته وااجد ويدلعها وااجد)
جنان: هذا أنا رايحه..
طلال: طيب..
ابتسمت له ورد لها الابتساامه
جنان: باااي
طلال: باييااات حبيبتي..
وهي طالعه تعرقلت وطاحت في الحديقه على رجلها وقامت تقول اااه اه اه يعوور..
طلال سمع ون برره طلع وشااف اخته طاايحه جا اليها مسرع : ايش فيك؟؟؟؟
جنان: مافيني شي بس طحت وتالمت في رجلي..
طلال: قوومي دخلي دااخل..
جنان: لااااا تبي امي وابوي يروحوون عني بس ساندني برووح السيااره..
طلال: متاكده ما فيك شي..؟؟
جنان: ايه..
طلال: يالله..
ساندها وصلو للسياره
أم طلال: تو النا...جنان ايش فيك...؟؟
ابوطلال: ايش فيك جنان؟؟؟؟؟
قال اليهم طلال السالفه وتحمدوا ليها بالسلامه ومشت السياره متجهين الى قاعة الاحتفاال..
وهم في الطريق رن جوال جنان توأم رووحي..ابتسمت
جنان:هلا والله..هلا باخت العروس
الجوري: ههههههههه هلا فيك جنو<<دلع جنان>> ليش للحين ماجيتي..؟؟
جنان: هذا أنا عند الباب..
الجوري: يالله انتظرك بااي
جنان: باايو
ابو طلال: هذي الجوري..؟
جنان: أيه يحليلها تسال متى بنوصل..
أبوطلال:اهاا
ام طلال: وش حلاتها الجوري جماال وادب واحترام..
ابو طلال: أيه والله كامله والكامل الله..
وصلوا ونزلوا من السياره
دخلوا داخل وكان القااعه تجننن قليله عليها فخمه<< عرس شوق ههههه
وكاان في استقبالهم ام فهد: هلا والله باختي تو ما نووور المكان
ام طلال: منوور بوجودك حبيبتي مبرووك ...كيفك؟؟
ام فهد : الله يبارك فيك..تمااام الحمد لله.. يالله ياجنان انا قلت الى الجوري تحجز لكم طاوله قدام..
جنان سلمت على خالتها:طيب.. مبروك خالتي..
ام فهد: الله يبارك فيك.. وعقبالك..
استحت جنان..:تسلمين
ام فهد الى ام طلال: تراها لولدي فهد..
ام طلال فرحت لأن رجاال ولا كل لرجاال بس سوت نفسها ثقيله: من ذوقك وحنا ووين بنلقى الى جنان احسن من فهد..
جنان خلااااااص مهي قااادره مفتشلله ووجها احمر جات الجوري وانقذتها من الموقف..
الجوري: انا من متى انتظرك هاا... وش فيك وجهك احممر..
جنان: مافيني شي خذيني ابي انزع عباتي...
خذتها الجوري ونزعت عباتها..
وكانوا الجوري و جنان لابسين نفس اللبس..
كانوا لابسين ثوب أصفر قصير الى فوق الركبه ومنفوش نفشه خفيفه وحاطين تحت الصدر حزام اسوود وفيه فيونكا وكانوا انيقات مرره ولابسين بوت اسود الى نص الساق واكسسوارات سود..
راحوا القاعه والانظار كلها عليهم من بعيد فاطمه ومروه شافوهم
فاطمه تكلم مروه بنت عمها: اوووووف جااات الغفه..
مروه: أي والله
جات جنان قاموا وسلموا على بعض سلام بااارد
المهم اعلنت الطقاقه زفت العروس
دخلت شوق على شعـــــــــر..
وكانت ملكت جماال قليله عليها.. كانت تمشي ع المسرح وامها وخواتها يبكون من فراقها..
الام تبكي لان بنتها الكبيره خلااص كبرت وراحت بيت زوجها..
جتها ام طلال وحضنتها وهدت ام فهد..
وبعد شوي ركبت على المسرح وسلمت على بنتها.. هنا شوق ماقدرت تتحمل وقامت تبكي لأنها بتفاارق أمها..
وجات الجوري وعدلت المكياج حقها وركبوا الناس يسلمون عليها كان الزواااج بالمره راااقي وحلوو..
جنان تكلم الجوري: مشاء الله شوق مرره جميله..
الجوري:أيه قلت الى امي تقرا عليها المعوذات قبل لاتدخل وتصلي على النبي..لأن مشاء الله صاايره ملكت جمال..
بعد فتره اعلنت الطقاقه دخوول المعرس
دخل وليد بكاامل هيبته ووسامته وكانوا معاه ابوه وابو فهد وابوطلال وابو فيصل وفهــــــــــد.. وسلموا على العروس..
((للمعلوميه البنات يكشفون))
جنان شافت فهد وقامت تطاالع فيه شافته يشبه طلال واااجد بس طلال اجمل بشويه ..
وطبعــــــــــــــا البنات متخبلين على فهد..
بعد شوي طلع ابو المعرس وضل العموميه مع فهد صوروا مع العروس والمعرس وطلعوا..
وهم طالعين كانت جنان مع الجوري واقفين في الممر يعني اللي يمر يشوفهم كانوا لابسين عبيهم ومروا لرجاال عليهم ..
ابوطلال: مشاء الله هذولي بناتنا..
ابوفهد: مو بعارفهم<<يمزحون معهم
ابو فيصل: كأن هم..
جات الجوري ووراها جنان: هههههههه اكيد ماعرفتونا.. سلمت الجوري عليهم ..
وجت جنان تسلم على العموميتها سلموا عليها وفهد جالس يطالع في جنان من فووق لتحت وهو منبهر ويقوول في نفسه ..والله وكبرتي ياجنان علمي فيك صغيرره..
انتبهت جنان لنظراته وعملت نفسها كأنها ماشافته..
بدأ فهد بالسلام..
فهد: شلونك جنان؟؟
جنان وهي مستحيه :تمام..وانت؟؟
فهد وهو مبتسم: تماام..
ومشوا الجوري وجنان وودعوا لعموميه ورجعوا للقاعه..
وانتهى الزوااج ورجعوا لبيوتهم
-------------------------
في بيت ابو طلال
رجعت جنان الساعه 2:30 وهي وتعبانه حييل.. لما دخلت كان طلال جالس يشاهد فيلم ..
جنان: هااي
طلال:هاياات كيفك؟؟
جنان: تمام الحمدلله.. ايش تتابع..؟
طلال: والله منزل مسلسل lostالحلقات الجديده وجالس اتابعهم
جنان اهااا..
طلال: شخباار رجلك..؟؟
جنان: ما تألمني..
طلال: زين..... طلبتك...؟؟
جنان: امر..
طلال: جلسي تابعي وياي
جنان: انا تعباااانه حدددي وتبيني اتابع ويااك اسفه
طلال: اخر مرره اطلب منك شي .. ولاتجين تدلعين علي يالله ولي..
جنان: والله اسفه بس تعبانه..
طلال وهو يبتسم: امززح معك رووحي نامي تصبحين على خير..
جنان: وانت من هله ورااحت باسته على خده..
ابتسم لها ورااحت تناام
-----------------------
في بيت ابو فهد..
ام فهد جالسه تبكي وابو فهد جالس يهدي فيها
ام فهد: هذي بنتي..
ابوفهد: ندري انها بنتك تراها بنتي بعد بس خلاص المره مالها لبيت زوجها
ام فهد وهي تمسح دموعها : على قولتك الله يوفقها
ابوفهد: اميين..ويغير السالفه..ام فهد ايش رايك في جنان لولدي فهد
ام فهد ابتسمت: والنعم انا هالبنيه في بالي لولدي فهد..
ابوفهد: اجل كلميه وشوفي ايش رايه؟؟
ام فهد: انشاء الله
.
.
من جهه ثانيه كانت الجوري تمسح مكياجها علشان بتدخل تتحمم
سمعت طق على الباب:منو..؟
فهد:انا..ممكن ادخل؟؟
الجوري: حيااك فهد..
دخل فهد وهو ماعارف كيف يبدي الموضوع
فهد بعد السلام: احم شخبار العرس؟؟
الجوري: تماام..
فهد: اممم..
الجوري: فهد شفيك؟؟
فهد: مافيي شي بس حبيت اسألك عن...وقف...والله اقولك خلااص
الجوري مسكته من يده وجلسته: لااا قوول ومنت طالع من الغرفه الاوانت قايل لي..
سكت شوي بعدين قال: اممممم..نويت اتزوج..
الجوري وهي مستانسه: صحيييح..؟ ومن سعيدة الحظ ..ادور لك..؟؟
سكت شوي بعدين قال:لا في بالي بس مادري ..
الجوري:من هي..؟
فهد:جنان بنت عمي..
الجوري وهي بطيييييييييييييييير من الوناااسه: واااااااااااااااااااااااااو ونعم الاختياار..
فهد: اشششششش قصري حسك..
الجوري:ههههههههههههه وناااسه..
فهد :أي ونااسه انا بسالك عنها..؟
الجوري: اسال..
فهد: كلميني عنها شوي؟؟
الجوري: عمر

8 في سني وبثالث ثنوي وهي دافووووره مشاء الله عليها واخلاقها ماافي مثلها طيببببببه قليله عليها وبعد جميله
فهد: يعني تنصحيني اخذها..
الجوري: طبعا بدون ادنى شك..
فهد: يعني اكلم الوالد والوالده..؟
الجوري: أكييد..
فهد وهو مستاانس بااس خذها: والله مشكوره خيتي..
الجوري أبتسمت: العفووو.. جاء على بالها سؤال: من متى وأنت تبيها؟؟
فهد: من زمااان بس اجلت السالفه شوي..
الجوري: اهاا..
فهد: بتعاونيني..؟
الجوري: اكييد..
فهد وهو قاايم: يابعدي يا اختي .. اخلييك تكملي اللي انتي فيه.. وتصبحي على خير..
الجوري وهي تغمز له:أحلام سعيدة يا معرس..
فهد: هههههههههههه أحلام سعيدة..

------------------
بعد مرور 3 اسابيع في بيت ابو فيصل في الصباح
كانت جالسه ام فيصل في الصاله وهي تفكر في فيصل متى يجي لانه وحشها مووت
كن يرن التلفون جاات الخدامه ورفعته
الخدامه: الوو
المتصل: الوو وير اس مدام
الخدامه: ون منيت
راحت الخدامه تنادي ام فيصل :تلفون مدام
راحت ام فيصل ترفع التلفون : الو
المتصل: الو
ام فيصل وهي فرحانه: هلا فيصل هلا حبيبي
فيصل: هلا يمه...شلونك عساك بخير؟؟
ام فيصل: تمام وانت تماام ... متى بجي يوليدي تراك وحشتنا؟؟
فيصل: تمام...ههههههههههه ماتشوفي وحش قرييب انشاء الله يمه الوالد موجود ابي اسلم عليه..
ام فيصل:لا يوليدي ابووك في المدرسه..
فيصل:اووكي اجل ما اطول عليك لاني داخل اختبار وابي دعواتك يمه سلمي على اخواني كثييير وابوي بعد..
ام فيصل: الله يوفقك يوليدي.. الله يسلمك وانتبه لروحك مع السلامه..
فيصل: مع السلامه..
سكرت السماعه الا يدخل ولدها فواز: هلا يمه
ام فيصل: هلا بوليدي... اشفيك راد مبكر..؟
فواز: تعبان راسي يعورني وستاذنت وجيت..
ام فيصل بخوف: اجيب لك فيفادول؟؟
فواز:لا يمه شوية صداع.. انا بروح اركب انام..
ام فيصل: الله يعافيك..
فواز: تصبحين على خيير.. وحب راسها..
ام فيصل: وانت من هله..
-----------------------
في بيت ابوفهد بعد الغذاء كانوا جالسين يتقهوون
كانوا فهد وأبو و أم فهد..
فهد: يبه يمه..
جاوبوه:آمر..
فهد: مايا امر عليكم عدو انا ابغى افاتحكم بموضوع..
ام فهد: حتى احنا واني امك..
فهد استغرب:آمري..!
ابوفهد: قول انت بالاول..
فهد : لا انتوا بالاول..
ام فهد: ياوليدي مانت ناوي تكمل نص دينك..؟
فهد ابتسم: نفس الموضوع اللي كنت باقوله..
ام فهد وابو فهد: هههههههههههههه
ابو فهد: يعني صبناها..
فهد: ههههههههههه ايه بعد اذنكم طبعا..
ام فهد: يا فهد كل ام تتمنى تشوف ولدها بجنب عروسته ..وانا منى عيني اشوفك بجنب مرتك..
فهد: اهااا.. يمه.. انا في بالي وحده..
ام فهد استغربت شوي وسكتت وبعدين قالت: من اللي في بالك يوليدي..؟
فهد بتردد: جنان بنت عمي ابو طلال واتمنى انكم توافقون..
ام فهد وابو فهد: هههههههههههههههههههههههههههههههه..
فهد: قلت شي يضحك..؟
ابو فهد: لا يوليدي يس نفس البنت اللي في بالنا هههههههههههه
فهد:هههههههههههههه القلوب عند بعضها...
ابوفهد: ايش رايك اكلم عمك بعد طلعتنا من المسجد اليوم؟؟
فهد: ماعندي مانع..
ام فهد: واالله وكبرت يوليدي وصرت معرس..
فهد ابتسم..
في بيت ابو طلال
جنان كانت تلعب مع خالد في الصاله تحب حااجه اسمها اطفاال..
خالد: نان انا احبك..(جنان أنا أحبك)
جنان: ههههههه وانا احبك...
خالد: نان بنثتري لي ايثكريم..؟
جنان: تبي ايسكريم..
خالد هز راسه ..
جنان: الحين اخلي السواق يروح يجيب لك ايسكريم زين تبي كيف شكله..؟
خالد: ابي باثكن روبنذ توفي..
جنان: ههههههههههههههههه انشاء الله.. قامت بتقول للخدامه بتخلي السواق يجيب ايسكريم كن جاء ابوها..
ابو طلال:السلام على الحلوين..
جنان: وعليكم السلام هلا يبه..
ماشافوا الا خالد جاااااااي يركض وحضن ابووه رفعه ابوه وباسه على خده:هلا خلودي كيفك بابا؟؟
خالد : ذين بابا نان بتثتري اللي اثكريم..
ابوطلال: يبي ايسكريم..؟
جنان: ايه يبه
ابو طلال :روح البس جزمتك انت ويا اختك وشوف ناصر اذا يبي يجي معنا عشان نروح نشتري ايسكريم
خالد: ههههههههههههههههه.. باس ابوه على خده انا احبك
وراحت جنان طياري الى ناصر اللي يلعب سوني
جنان: ناصر ابوي بطلعنا بترووح معانا..؟؟
ناصر: لا بلعب بلاي ستيشن
جنان: كيفك..
راحت لبست عباتها واخذت جوالها n95 وشنطتها ونزلت
دقت الجوري وهي بالسياره..
جنان: هلا..
الجوري: هلااااا بالعرووس..
جنان استغربت: أي عرووس..!
الجوري: انتي ..
جنان: شكلك مخررفه..
الجوري: لاحبيبتي..انتي ويين شكلك طالعه؟؟
جنان: ايه طالعه مع ابووي..
الجوري: .. اووكي انا حبيت بس اسلم عليك بعد المدرسه مادقيتي ..اوووكي باااي
جنان: باااي
سكرت الجوري السماعه ودخل عليها فهد..
فهد: تكلمين من؟؟
الجوري غمزت له: خطيبت المستقبل..
فهد ابتسم: ترااه ماصاار شي اعقلي وبلى رباشه.. المهم شلونها؟؟
الجوري : مو انت تقول ماصار شي خلاااص ماني قايله..
فهد: سخيفه.. انشاء الله يارب يخطبك وااحد وتجين تقوليين
فهد شلوون خطيبي...!
الجوري: وين هو يحسره خليه يجي وبعدين بقول..
فهد ضربها على راسها على خفيف: اركدي يا بنت وين امي..؟؟
الجوري: هههههههههههه تحت..
وراح عنها..
في سيارة ابوطلال وهم راجعين
ابو طلال: انا ابي اروح المسجد تروحين معااي لان مافي وقت اوديك البيت واروح..
جنان: أي يبه ولووو..
وراحوا المسجد....................!
------------------------

في المسجد وهم طالعين ابوطلال شاف ابو فهد
ابوطلال: كيفك يا اخوي؟؟
ابو فهد: تماام الحمد لله ..انت شلونك؟؟
ابوطلال: الحمد لله..
ابوفهد: وكيف العيال..؟
ابوطلال.: الحمدلله. وانت كيف عيالك؟؟
ابوفهد: الحمدلله..
ابوفهد: بغيتك في موضوع ياخوي..
ابوطلال: آمرني ..
ابوفهد: انا نويت ازوج ولدي فهد تدري كبر وسنه سن زواج..
ابو طلال: هذي الساعه المباركه ومن حظ اللي بتاخذه لانه رجال ولد رجال..
ابوفهد: الله يسلمك وانا يا بوطلال يشرفني اني اخطب بنتي جنان لولدي فهد
ابوطلال متفاجى وفرحان: مابتلقى جنان احسن من ولدك فهد..بس اشاور البنت بالاول..
ابو فهد : تسلم ياخووي انت شاور البنت وموافقة البنت لازم.. بعدين قول لنا عشان نجي نخطب رسمي وإذا ماوافقت تراها قسمه ونصيب...
ابو طلال: انشاء الله ...
أبو فهد: يالله أجل في أماان الله..
أبو طلال: في أمان الكريم..
كل واحد توجه لسيارته ركب ابوطلال في سيارته وكانت جنان بعدها ماتجي..
جلس يحااكي نفسه فهد رجااااال ولاكل لرجاال ..وتستاهل جنان فهد والله انا متمناه الى جنان من زمااااان خلني اشاورها وبشووف ردها..
جاات جنان وهي ياغافلين لكم الله ماتدري عن شي..
ركبت السياره..
جنان: غفرالله لك..
ابوطلال: لنا ولك..
ركبت خالد معاها قدام اللي كان نااااااايم..
بعد فترة سكووت..
ابوطلال: يبه جنان انتي كبرتي وصرتي عروس وكل مره لازم تروح بيت زوجها صح ولا انا غلطان يبه؟؟
جنان في نفسها الله يستر وش فيهم الناس علي.. الجوري من صوب وابوي من صوب كانت سااكته وتسمع الكلام..
جنان بصوت هامس: صح يبه..
ابوطلال: وفي ناس جايين يخطبونك مني وانا ماقلت لك الا انا متأكد من اخلاقه.. سكت شوي وقال: ما سألتي من؟؟
جنان دوروها منتوا لايقينها: من يبه؟؟
ابوطلال: فهد ولد عمك عبد الرحمن..
جنان خلاص رااااح ماي وجهها مهي قااادره مفتشله حدها من ابوها وتقول في نفسها علشان كذا الجوري تقول لي عروووس
ابوطلال: ها يبه شرايك..؟؟
جنان: يبه انت شرايك؟؟
ابوطلال: هو من نااحيت خووش ولد خوش ولد بس انتي شرايك انا مابي ردك الحين بجي لك بعدين بسألك عنه ..تماام؟؟
جنان: اووكي
------------------------
في ستاربكس كان جالس طلال ويفكر في خويه فيصل وانه من زماان ماكلمه ورن جواله وكان المتصل..فهد..ابتسم ورد
طلال: هلا ولد العم ..
فهد: هلا ولد الخاله..
طلال: ههههههه وينك يارجاال..؟؟
فهد: جاي لك ابي اشوفك..وينك؟؟
طلال: أنا في ستاربكس اللي في مجمع الظهران ..
فهد: يالله هذانا جااي..مع السلامه..
طلال: انتظرك.. بااي..
شوي وصل فهد..
فهد: كيفك ولد العم..
طلال يرد: الحمد لله ولد الخاله.. ايش عندك؟؟
فهد: افااا يعني ماابي اشوفك اللا عندي شي..
وجلسوا يتكلموون عن الشغل..وبعدين
طلال: تكلم قلت بغيتني في موضوع..
فهد: ايييه.. انا نويت اتزووج..
طلال وهو فرحان الى ولد عمه: قول قسم..؟؟
فهد: والله العظيم..
طلال: هذي الساعه المباركه..من العرووس من بنته..
فهد: أهي من نسباتنا وتعرفها عدل..
طلال وهو مستغرب: منو؟؟ ليكون مروه بنت عمي..
فهد: أي مرووه الله يهداك.. انا اقصد جنان اختك..
طلال وهو مستانس حييل:احلف..؟ والله انا حنا مابنلقى احسن منك لجنانوه
فهد: لو سمحت لاتغلط..
طلال: تراها بعدها ماتصير زوجتك..
فهد: حتى ولوو زوجت المستقبل..
طلال: تراهي اختي..
فهد: المهم هالله هالله بالمدح..
طلال: تخسي الا انت امدح فيك بقوليها انك شرري وعصبي وتضرب..
فهد: حرااام عليك بغيتك عوون صرت فرعون..
طلال: ههههههههههههههه..انشاء الله على هالخشم بمدحك مدح لاصار ولا ستوى..
فهد: ايه هذا الزين مو من شوي..
--------------------------
في بيت ابو فيصل
كانت مروه جالسه تبرد اظافرها وتفكر في فهد.. وينك يافهد متى تجي وتاخذني من هالبيت اللي يطففش
جت اليها امها: مروه قومي ذاكري..
قامت مروه وهي تتافف : كل مذاكره مذاكره تراني تعبت..
ام فيصل: مابااقي الى هالسنتين وتخلصي تحملي شووي
مروه قامت وهي مو عاجبنها: انشاء الله..
دخل ابو فيصل البيت وكان جاي من صلاة العشاء: السلام عليكم..
ام فيصل: وعليكم السلام..
ابو فيصل: وين لعيال؟
ام فيصل: مروه توها راكبه تذاكر وفواز طلع مع اصحابه
ابو فيصل: الله يوفقهم .. ماقلت ليك يام فيصل....!
ام فيصل: اييش
ابو فيصل: فيصل..
ام فيصل وهي مخترعه: شفييه وليدي..
ابو فيصل: مافيه الا العافيه.. بس بعد سبوعين بينزل..
ام فيصل وهي بطييييير من الونااااسه: صج؟؟
ابو فيصل: أي صج..
ام فيصل: الحمدلله مابغى يجي 5 سنين مهيب هينه..
ابو فيصل: أي والله
----------------------------------

أنتهى البارت الأول

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رواية لعنة حب للكاتبة إكرام مجاهد	ķēMéễ	أرشيف المواضيع الغير مكتمله او المكرره او المنقوله و المخالفه	216	03-02-2015 08:07 PM
{ رواية الفقر ما هو عيب يا ولد الأكابر } للكاتبة المبدعة <<ILâdَy »َV!َVâ	s w e e t	روايات كاملة / روايات مكتملة مميزة	37	03-02-2015 12:59 AM
رواية حب في الجمس, للكاتبة/ احساس مهاوي	توتة تاكل بسكوتة	روايات و قصص بالعاميه	6	06-05-2014 01:22 PM
رواية قصة حب سرية / للكاتبة : حكايا قلم ...	همسات روح	أرشيف المواضيع الغير مكتمله او المكرره او المنقوله و المخالفه	515	06-22-2011 04:19 PM