عيون العرب - ملتقى العالم العربي - مذكرات ستيفاني ..♥ ((رومنسية - حزينة قليلاً - مضحكة بعض الشيء))<<قصتي الثاني اتنمى ان تعجبكم^^

البارت الثاني^^

(اول يوم دراسي لي في الصف ثاني متوسط)

يوم الأحد في الصبح ...

قاعدة من وقت الساعة 6 اقصد من الآذان من الساعة 4 ونص مو قادرة انام كنت افكر من راح يكون معاي في صف و بصير في المبنى ولا خارج المبنى ..؟! طول الوقت كنت افكر واتنمى اني اكون مع رفيجتي>>راح اعرفكم عليها بعدين .

المهم الساعة 6 نزلت تحت ...
وانا انزل الدرج اسمع

امي(تلبس اختي سايا وهي تعدل مريولها):سااايووه صرتي دبة الحين لو بوديج المدرسة وش بيقولون عنج البنات إلي بيصيرون وياج @_@ لاتاكلين عييش وايد اليوم مابسوي لكم عيش عشان ماتمتنين

انا (انط من الدرج):نــــــــــعــــــــم؟؟!! وانا وشعلي منها عساها تتفجر من الأكل تسوين لنا عيش يعني عيش مايخصني @_@

سايا(وهي رايحة تحمل شنطتها):والحين انتي مصدقة امج -_- تقول مابتسوي مردها بتسوي ابوي بيحن على راسها وبتسوي

امي(وهي تضحك على اختي سايا):ههههههههههههههه لا شكلي هالمرة صج مابسوي بعدين ابوج عنده المطعم اتصال واحد ويجيبون لكم غدا من المطعم.

انا:بلا مطعم بلا خرابيط انا ماآآكل إلا من طباخج بعدين يصيدني تسمم من المطاعم 0_0 ولاتقولين بتسوين لنا مكرونة بعد مافي إلا انتي تاكلينها -_-

ابوي(جاي وحامل صينية فيها الحليب وشاي):الحين انتوون قاعدين تتهاوشون على الغدا واحنا للحين في الصبح -_- (يطالعني ويكمل)بعدين من حلاة طباخ امج عااد انا بجيب لكم من المطعم^^

انا(اتحلطم واروح المطبخ):عاااد انا مايخصني ماباكل إلأا من طباخها ولا بسوي اعتصاام عن الأكل .

امي:هههههههههاااااااييي اتحدااج تسوي اعتصاام.

ابوي(جايني المطبخ):ها شفيج ليكون زعلتي بعد ..؟!

انا (احوس بالثلاجة):لا مازعلت بس إذا ماسوت عيش بكسر الأولي والتالي @_@ بعد ماعودتنا واحنا صغار جذي الحين بتغير النظاام -_- .

ابوي(يضحك علي):هههههههههههههه الحين بقول لج لين كسرتي الأغراض بفلوس منو بتخسرين منوو انا ولا امج ههههههههههه وبعدين انتي ماتعرفين امج هي قالت جذي عشان سايا ماتاكل وايد الله يهديج بس ... ليش قاعدة من وقت غيرتي رايج بتروحين المدرسة يعني ..؟!

انا:لا طبعاً بس انا مو قادرة انام اريد هواء منعش @_@ زائد شاي وحليب ابوي الغالي ^_^

ابوي:عياارة انتي يلا امشي بنروح نتفطر(ورحنا نتفطر)

وفي يوم الأثنين ...

جهزت روحي من الصبح نزلت تحت لقيت ابوي موجود ...

انا(نازلة من الدرج واقول نشيدة^_*):تعلمت العشق قبل الي يعشقون بعت امن الصغر ظلت عفيفة ... جنت يالمهدي غارق بين الأحلام ربيع ايامي راحو وظل خليفة جنت يالمهدي غارق بين الأحلام ... قووووة يبااا .. صبااح الخيير... good morning pa

ابوي:هلا والله بالعرووس هلا بالقمر هلا ببنتي الحلوة اليوم صايرة نشيطة اشووف ^_^

انا:لازم عروس يبا لاااازم -_- .. بعد اول يوم لازم استانس شوي ^___^

ابوي:ان شاء الله ترفعين رااسي بالدرجة ياا رب اجتهدي يا يبا ودرسي زين

انا:يصير خير -_- ان شااااااء الله ^^ (أرش عطر واروح عند الباب)يلا مع السلامة

ابوي:مع السلامة الله يحفضج^^

رحت المحطة و بعد 5 دقايق جا الباص وركبنا ... قعدت جنب الدريشة(النافذة) وفتحتها الهواا كان حلوو صدق يطير الشيلة ههههه بس حلو وقعدت اغني بصوت منخفض طبعاً لأن كانو في بنات قاعدين معاي في الكرسي .

بعد ماوصلنا للـ مدرسة نزلت من الباص لقيت رفيجتي

...........(تناديني):ستووو ستووو ستـــــيفاني

انا(رحت لها):هلا هلا (وسلمنا على بعض)

.........:ليش ماجيتي امس..؟!

انا:سالفة طويلة امشي بندش المدرسة وبقول لج اياها

اعرفكم على رفيجتي اينو

http://im9.njm5.com/ec13217267471.jpg

(اينو):حبيبة قلبي وصديقتي العزيزة إلي صارت معاي 4سنوات ^^حظي انها ماصارت يمي وقعدت مجابلة شيكمارو إلي يصير لها ولد خالتها ... كلا تغني ونفس الغنية ماتغيرها وإذا تغني عاد محد يقدر يسكتها غيري لازم اطقها عشان تسكت وتسد حلقها تحب المكياج والطلعات.

نرجع للقصة ^^

و دشينا المدرسة وقلت لها سالفة المريول ^_*

اينو:الله واكبر كل هذا عشان مريول .. قولي انتي مابغيتي تجين عشان ماتشوفيني قوولي قوولي

انا:لاااااا والله شدخل مابي اشوفج إلا قولي ما أبي اشوف كيبا ><

اينو:ههههههههه ليش يعني من قبل كنتي معجبة فيه والحين ماتبين تشوفينه

انا:اوووهـ بعد خلاص كرهتهـ >< سكري الموضوع (ونشوف كيبا)يماااا(وانخش ورا اينو)اينو بذمتج ماتتحركين وامشي عدل مابيه يشوفني ><

ستوووووب

كيبا:واحد صرت معاه في صف اول متوسط كنت معجبة فيه >< على شنو ماأدري المهم انهـ كنت وليس الآن ^^ واحاول اتجنب اني اكلمه>>ماحطيت صورته لأنه دوره بالقصة وايد قليل ^^

اينو:انـزين انـزين إلا ماقلت لج انتي معاي بصف

انا(بتحلطم واستهبال):وييييي ونااسة امشي اقول نبي نتباعد عنه

بعدين تكلمي 0_0(وبعد ماتباعدنا)الحين قولي لي صفنا في المبينى الأكاديمي ولا برا المبنى ..؟!

اينو:للأسف برا المبنى

انا:وليش للأسف احمد ربي انهم ماحطونا في المبنى بعدين يحبسونا@_@لو حطونا في المبنى وفوق جان تتكسر رجايلي اصلاً احسن لنا برا (وصلنا الصف والكل يطالعني)

اينو:هااااااااي

انا(اتحلطم):وش فيهم قاعدين يطالعوني 0_0 (تروح اينو تحط شنطتها على الكرسي الموجود في آخر شي في المجموعة الوسطية إلي جدام ^_*)هيييييييي وين رايحة انتي انا وين اقعد ان شاء الله..؟!

اينو(تأشر على المجموعة إلي صوب الدريشة آخر طاولة في المجموعة):روحي قعدي هناك

انا:لا والله انا مابي هناك ابي يمج 0_0

اينو:ماعلييه روحي هناك بنقدر نسولف ويا بعض

انا(اتحلطم):اينو شوفي المساافة متر كامل ههههههه وين نقدر نسولف -_-

وتدش ام شيكمارو ومعاها شيكمارو ....

ام شيكمارو:سلام شباب

الكل:وعليكم السلام

شيكمارو(بصوت منخفض يكلم اينو):وين طاولتج..؟!

اينو(تأشر على مكانها):هنااك(وراح وسحب طاولة وحطاها يم طاولة اينو)

ستووووووب

اعرفكم على شيكمارو

http://im9.njm5.com/ec13217267472.jpg

(شيكمارو):واحد كلا نايم لكنه ذكي في الرياضيات وكلا حاط راسه على الطاولة ونستغرب انه يجيب علامات عدله وشيكمارو يصير لـ اينو ولد خالتها>>قلت من قبل ادري بس عشان ماتنسوون ^_^>>-_-

نرجع لقصة^_^
انا هني انقهرت وعصبت من اينو ليش تخلي شيكمارو معاها 0_0 طلعت عيوني من مكانها فـ(طالعت المجموعة لقيت ساسكي يطالعنا و واحد يمه قاعد يطالع الدريشة)وقلت:اينو ليش ماتجين تقعدين في هالمجمووعة..؟!

ساسكي:نعم نعم خير حبيبتي وش قلتي ..؟! مافي مكان في المجموعة

انا(أأشر على 3طاولات فاضيين):بالله عليك من يقعد في هالطاولات..؟!
ساسكي:والله مو بس انتي إلي امس غايبة في ناس غيرج .

انا:لو جوو هالناس إلي تقول ابهم يقدرون يحصلون اي مكان يقعدون فيه -_- ولاتعاند

ساسكي:قوومي ذلفي منااك زين مني رضيت اخليج تقعدين في مجموعتي 0_0
انا(بصوت منخفض):طول عمرك نذل وبتم نذل

ساسكي:نعم شقلتي..؟!

انا:ولاشي -_-

اينو(تخفف عني):يلا ماعليه قعدي انتي في آخر طاولة وبقدر اكلمج

انا:مابقعد هناك بقعد اول وحدة بكبري قصيرة بعدين شلون اشوف 0_0

اينو:خلاص براحتج(وناداها شيكمارو وراحت له)

اما أنا فـ حطيت شنطتي على الكرسي إلي مجابل واحد قاعد يطالع الدريشة ويكلم ساسكي

الشخص:شووووووف شنو يسووي 0_0(ويضحك)

ساسكي (يطالع الدريشة معاه):من ..؟!0_0

الشخص(يضحك):هذااااااك متسند على الجدار بروحه0_0

ساسكي:انته بتجيب ليي الجلطة عساك الجلطة-_- انا اقول الحين بيقول شي بنشوف شي عدل طلع واحد متسند على الجدار -_-

الشخص:اسم الله عليي 0_0(ويرد يضحك) اقول لك هذا واحد اعرفه صار وياايي في ابتدائي(ويرد يبتسم)

ساسكي:وش اسوي لك مثلاُ ارقص ولا اغني ..؟!

الشخص(يضحك):لا لاتسوي شي

انا(اسأل ساسكي):تعرفه..؟!

ساسكي حاقرني -_-

الشخص:اي انا اعرفه من ماأدري اي صف بس المهم اني اعرفه ^^

انا(متمللة):انـزين وش اسمك ..؟!>>فديتني على طول داخلة في الموضوع:7ayaty:

الشخص:اسمي ايتاشي(ويضحك)

انا:الحين سوال انت ليش كلا تضحك..؟!

ساسكي:هذا كلا جذي -_- يملل الوااحد

ايتاشي(ولازال يضحك):اناا0_0 ههههههه الله يسامحك(ويضرب ساسكي على خفيف)

ساسكي(عصب وقام يضربه على ايده):يحماار انا جم مرة اقول لك لاتضربني

ايتاشي(وهو متفشل بعده يضحك0_0):هههههههه اآآآي آآح يعوررر

انا(اكلم ساسكي):انت وش هالقلة الأدب إلي عليك ليش تعامله جذي

ساسكي(لازال معصب):اسكتي عني ماتشوفينه انتي ..؟! اقول سكتي بس قبل لا يجي دورج

انا:-_-

لحضة لحضة نسيت اعرفكم على
ساسكي

http://im9.njm5.com/ec13217267473.jpg

(ساسكي):واحد حمار كلا يطلع علينا القاب يسميني انا(نص مكينة)-_-ويسمي ايتاشي (قوطي بيبسي)يعني غرشة بيبسي لأنه طويل وفاهي وانا سميت وياه ديانا (بالرقاصة)لأنها مابين كل حصة وحصة ترقص ههههههه بس ساسكي واحد عزيز وغالي على قلبي علمني البيااخة وكل سوادة الوجه هههههههههههههه ضحك وسوالف عمري مارح انساه واهو انتقل من صفنا في الفصل الثاني وراح يكون الصف هدوء بعدين راح اكون شلة.

ايتاشي

http://im9.njm5.com/ec13217267474.jpg

(ايتاشي):واحد مخرخش _خبل_ كلا يضحك ومايعرف شنو يقول فالح بس في الرياضيات وكلا يجيب درجات مرتفعة في الرياضيات وهو طيب وإذا المعلمة (او معلم)عاقبت طالب من الصف يقول هاا انا ههههههه كلا عباله المعلمة او المعلم يقصده وكلا مفهي ويستهبل علينا طبعاً ايتاشي في القصة مارح يكون اخو ساسكي لا ^^.. بمناسبة الصورة ماحصلت صورة لـ ايتاشي وهو يضحك ههههههههههههه كلا مبوز .

يتبع مع البارت الثاني ^_* ....

طبعاً في شخصيات راح اعرفكم عليها في البارتات الجاية^_*

شوي شوي عشان ماتتلخبطون^_^

والحين الأسألة:

شرايكم بالبارت بصراحة ..؟!

اي شخصية عجبتكم اكثر ..؟!

اي آراء او اقتراحات..؟!

تحياتي
Ms.7oor
Stephaney