عيون العرب - ملتقى العالم العربي

لا تفهموني غلط

بكلمة منك توريني اللي مش شايفاااااه ..... اخ منك يا شرين واخ من اغانيكي ... يعني الواحد لو نيته سيئة كان فهمك غلط

حكايتي مع "ابتهاج " كانت مبنية على سوء النية ... او فهم القصد بشكل عاطل ...

ابتهاج بنت من دفعتي وبتوخد معي هذه سنه كتير محاضرات وتقريباً طول الوقت وجهي بوجهها بالجامعة ... اكثر خمس شغلات بتجذبني بالبنت هي لما يكون طالعلها شوارب ولما يكون وجهها مش مبين تضاريسو من كثر حب الشباب عليه ابتهاج هيك عليم الله لحيتها اطول من لحيت شيخ مسجد وشواربها مثل شوارب ابو النار اللي بيجي بمسلسل باب الزريبة والا باب الحارة منداري شو

كنت اقعد مع صحابي وقبالنا تقعد هي وصاحباتها ونقعد ننظر لبعض بنظرات اعجاب وحب

الان ابتهاج حولت على جامعة ثانية مشان ما تشوف وجهي وذلك بسبب المواقف التالية :

الموقف الاول :
باحد الايام كنت مزنوق كثير وشارب الف علبة بيبسي من الصبح وكان لازم اروح عالحمام ... طبعاً ماسك دفتري بايدي وبمشي بسرعة باتجاه الحمام ... لقيت واحد اسمو "مهند" والكل بدلعوه زوزو ... الولد شقفة يعني نص بنات الجامعة دايرات وراه واول ما شافني :

زوزو : ياااااااااي برنسو هناااا وشّك والا ضو الئمر
انا : اهليييين مهند شو اخبارك يا كبير ( طبعاً مخنوقة معي الامور وشوي بعملها على حالي )
زوزو : ناديني زوزو ازا بتريد ... هيك الكل بنادوني حتى اختي سوسو مع اني متخانئ معها بس برضو بتناديني زوزو ... بعدين واو كتير بتعئد اليوم تالع باللوك الجديد
انا : حتى اختك سوسو ؟؟ يا الله ( أزمت معي )
زوزو : والله والله والله وازا مو مسدئني هي رئمها رن عليها واسألها
انا : بصراحة لازم اتأكد منها خذ خزنلي رقمها
( طبعا الامور وصلت حدها معي لازم اروح هسه هسه هسه عالحمام cry )
انا : مهند اسمع انا ماسك الدفتر ومش عارف وين احطه وبدي حدا يمسكو عني ... بهاي اللحظة كانت ابتهاج مارة من جنبي ووقفت وصفنت فيي

تطلعت فيها وراجعت الاشي اللي حكيتو وصفنت بحالي زيها اجت تمتمت بتمها وضلت رايحة معصبة مني cry

الموقف الثاني :
فتت على احدى المحاضرات اللي بتوخذ معي انشراح فيها ... لمحتها قاعدة على كرسي رحت حطيت دفتري على الكرسي اللي قدامها مشان اقضي المحاضرة كلها اتجبد واورجيها عضلاتي في كان بالقاعة مجموعة طلاب بعملوا احصائيات واستمارات عن اسباب الفشل الزوجي والطلاق ... اجا احد الطلاب بدو يسألني والا تلفوني برن .... ( الحجة تتصل بك ... )
انا : اهلين يما كيفك حالك .
امي : اهلين يمّا توكلش برا هيني طابخة بامية
انا : طيب منا بوكلهاش البامية
امي : كيف بتوكلهاش مهذيك المرة اكلتها ( طبعا انا بكون عمري مش حاططها بثمي بس خلص لازم هالجملة اسمعها ) المهم بتحاول تروح بدري في ناس بدهم ييجي يشوفو الدار اللي عنا مشان يستأجروها ...
انا : طيب ان شاء الله بحاول وقديش هي بدكو تأجروها ..؟
امي : يعني 110
انا : طيب يالله سلام ...

سلم علي الطالب اللي بعمل احصائية لأنو رديت عالتلفون وهو واقف جنبي وبلّش يحكي بسرعة وانا مش فاهم عليه ... وسألني اول سؤال بحكيلي شو السبب ...؟ طبعاً هو طلع كل الوقت بسأل بسؤال واحد بس السؤال طويل واخر اشي سمعتو انو شو السبب ... فكرته بسألني عن الدار ليش بدنا نأجرها كون انو كان يسمعني وانا بحكي تلفون ...بس هو طلع بسأل ( لو انتا متزوج شو الاسباب فكرك اللي مرتك بتطلب فيها الطلاق منك )

انا : والله يا خوي اغلب الشغلات اللي بتصير مع الناس سببها الفقر .. خليها على الله
( ابتهاج قاعدة بتسمعني شو بجاوب وبس سمعتني بحكي الفقر اعجبت بصراحتي وقعدت تسبل بعيونها )
الطالب : يعني معقول اذا بتواجهك مشكلة مالية فوراً بتتركها
انا : لأ يا زلمة مين حكالك بتركها ... بأجرها يا زلمة وبكسب منها مصاري
الطالب : شو بتحكي يا زلمة بتأجرها ؟؟
انا : اه بأجرها شو يعني ... لما اخدتها دفعت اللي فوقي واللي تحتي عليها بطلعليش أأجرها يعني واكسب منها شوية مصاري ؟؟
الطالب : بس هيك ما بصير يعني هاي اشي خاص فيك ما بصير تأجرو ..
انا : يا زلمة اصلا هي صارت قديمة والف مستأجر دخلها يعني منيح منها اللي لسة سالكة ...
الطالب : الف مستأجر دخلها ؟
انا : ااااخ على ايام زمان ... لسة غير المستأجرين كمان ... كنت كل خميس وجمعة لما تكون فاضية اعزم عليها صحابي ونسهر للصبح ... بس هسه بتعرف الوضع المادي مش بزيادة فمضطر أأجرها ....
الطالب : لا حول ولا قوة الا بالله بتعزم صحابك ؟؟؟ وبتأجرها ؟؟؟؟؟
انا : استغفر الله العظيم مالك مستغرب يعني اه بأجرها يزلمة والله مرة علقت ورقة باب العمارة مشان اعلن عنها انها للايجار ... عادي

طبعاً ابتهاج مسكت شنتتها وعلى قد ما الله يعطيها من قوة وتلطشني بالشنتة على نص وجهي ... والشب شمّر بنطلونو وقعد يدبك على وجهي cry

مش عارف ليش الناس كلهم بفهمني غلط ؟؟؟

هداك كان اخر يوم بشوف فيه ابتهاج