ليله رحيلي.......!!!! - عيون العرب

**مؤمن الرشيدي** · #1 08-29-2011, 08:52 PM

[frame="2 80"]
[frame="1 80"]
يا حبيبي خافقي ما هو حديد
خافقي ما عاد يقوى خنجرك
وش تقول بعاشقٍ حبه أكيد
كنّه الطفل اللي توّه ما دَرَك
كان ينطر منك لو حبٍ زهيد
لكن عزوفك على صدره بَرَك
ودّي ارحل قبل ما شوف المزيد
ودّي في ليلة رحيلي أشكرك
إكتشفت وجودي قربك ما يفيد
لو يفيد/ اشلون اجازف واخسرك؟
لا تظن فراقي عنّك يوم عيد
لا وربي/ إستحالة .. أقهرك
الهوى لازال في طبعه عنيد
ما خلق بقلوبنا شي مُشترك
ما قويت احيا مع رياح الجليد
ولا قويت اني أخوض المُعترَك!
والله انّي راحل وماني سعيد
ما حظيت بفرصةٍ لجل اعذرك!
بس يكفيني أحبك من بعيد
دام قُربي (للأسف) .. يتعذّرك
ومو غريب انّ (المحبة) لك تزيد
كلّ ما شفت (الندم) يستحضرك
يا عذاب الروح يا حبي الوحيد
باقي لك عندي سؤالٍ يبهرك
لو يعود الماضي من جدّ وجديد
يا ترى تتوقع انّي أهجرك؟!

احبكم جميعا؛؛؛

[/frame]
[/frame]

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اذا كان رحيلى يسعدكم فسوف اودعكم	احلام و البحر	نثر و خواطر .. عذب الكلام ...	1	03-01-2012 06:28 PM
اتبكي بعد رحيلي...!!!!!	☂ يُـورلـيـڤ ْ✿	شعر و قصائد	5	05-16-2011 01:00 PM
خبر رحيلى لمدة	Arabian Lord	أرشيف المواضيع الغير مكتمله او المكرره او المنقوله و المخالفه	5	02-27-2009 10:05 PM