عيون العرب - ملتقى العالم العربي - شوربة الربيان و الربيان بصلصة التشيلي

السلام عليكم

شوربة الربيان

" سريعة و ما تاخذ وقت "

المقادير :
- ملعقة كبيرة زبدة
-بصلة مفرومة
- حبة فلفل حار" تشيلي " مفرومة بعد نزع البذور"إذا تحبون الحرارة المعتدلة استخدموا الفلفل الأخضر اللي شويه كبيير ، و إذا تحبونها حارة أكثر استخدموا الفلفل الأخضر الهندي الصغير . و إذا ما تبونها حارة كلش استخدموا الفلفل البارد "
- كرفس انجليزي مقطع قطع صغيرة " و إذا مو متوفر ممكن استبدالة بالكرفس العادي هم حلو . و هم إذا مو متوفر استبدلوه بكزبر ..و هم إذا ما عندج سويها بدونهم .. أنا جربتها بالاربع أنواع و كله طيب بس مع الكرفس الأنجليزي أطيب "
- فص ثوم مدقوق
- رشة فلفل أحمر حلو" بابريكا " و رشة فلفل أحمر حار " تقريبا ربع ملعقة صغيرة بس هم يرجع للذوق " .
- 3 ملاعق كبيرة طحين
- لتر ماء مذوب فية مكعب ماجي دجاج "إذا عندج صلصة السمك أو المحار ضيفي نصف ملعقة صغيرة للماي مو أكثر "
- ملح و فلفل أسود
- ربع كيلو ربيان مقشر و منظف
- عدد 2 ورق غار

الطريقة
1- ذوبي الزبدة على حرارة منخفضة علشان ما تحترق . و ضيفي لها البصل و خلطي لما يلين . بعدين ضيفي الثوم

http://www.arabseyes.com/vb/uploaded...1176579461.jpg

3- ضيفي الفلفل التشيلي و خلطي

http://www.arabseyes.com/vb/uploaded...1176579507.jpg

و بعدين ضيفي الكرفس

4- حطي الحين الطحين و خليه ينخلط مع الزبدة عدل . بعدين صبي الماي اللي مذوب فيه الماجي . و خلطي بخلاط الايد لما يذوب الطحين عدل . بعدين حطي و رقتين غار

http://www.arabseyes.com/vb/uploaded...1176579532.jpg

5-قطعي الربيان قطع معتدله " سنتمتر تقريبا " و ضيفيه للشوربة و ضيفي الملح و الفلفل و خلي الشوربة تطبخ ليما تثقل

http://www.arabseyes.com/vb/uploaded...1176579577.jpg

وقدميها

http://www.arabseyes.com/vb/uploaded...1176579600.jpg

الف صحه
----------------------------------------------------------------------

و طبقنا الثاني المميز هو

الربيان بالصلصة التشيلي

المقادير :
- نص كيلو أو اكثر ربيان
- 2 ملعقة كبيرة زيت + 2 ملعقة كبيرة زبدة
- كوب بصل مقطع شرائح
- 1 كريما كي دي دي أو كوب من أي نوع من الكريما
- 1 ملعقة كبيرة ثوم مدقوق
- 2 ملعقة كبيرة طحين
- 2 ملعقة كبيرة عصير ليمون " او أقل حسب الرغبة "
- ربع ملعقة صغيرة كركم
- 2 فلفل حار "تشيلي " .. أنا استخدم حبه من التشيلي الهندي الحار و حبه من الكبير اللي أقل حرارة .. و انتوا و حسب رغبتكم أو استبدلوه بالفلفل البارد .
- نص كوب حليب جوز الهند " ترا يعطيه نكهة حلو .. يعني لو حابين تقللونه كيفكم بس نصيحة لا تستغنون عنه "

الطريقة :
1- نغسل الربيان ثم نصفيه من الماء و نرشة شوية فلفل اسود و ملح و ليمون و اتركيه ربع ساعة .
2- نغمر قطع الربيان بالطحين .. و ننفضها منه حتى لا تتكون عليه طبقة سميكة
3- نسخن الزيت و الزبدة في مقلاة على حرارة معتدلة . بعدين نقلي قطع الربيان فيها من الجهتين ليما تستوي عدل .

http://www.arabseyes.com/vb/uploaded...1176579679.jpg

و شيلي الربيان من النار لما يحمر و يصير لونه ذهبي و حطيهم بمصفاة

http://www.arabseyes.com/vb/uploaded...1176579705.jpg

بعدين حطيهم بفرن دافي بدون ما تغطينهم علشان يظلون مقرمشين .. أو اذا تحبين صخنيهم قبل التقديم بالمايكرويف

4- بنفس الزيت أقلي البصل لما يلين بعدين ضيفي الثوم .. و بعد ما تطلع ريحته ضيفي التشيلي

http://www.arabseyes.com/vb/uploaded...1176579771.jpg

5- نضيف عصير الليميون و نصيحة لا تضيفون الكمية كلها .. بس شويه و قبل التقديم ذوقوا الطعم و إذا احتاج ليمون أكثر زيدوه .
6- ضيفوا حليب جوز الهند و خلطوا زين

http://www.arabseyes.com/vb/uploaded...1176579820.jpg

7- ضيفوا الكريما ثم الملح و شوية فلفل أسود

http://www.arabseyes.com/vb/uploaded...1176579844.jpg

8- اضيفوا الكركم .. و اتركوا الخليط على نار متوسطة الحرارة لما ينخفض مستوى الصلصة و تثقل

http://www.arabseyes.com/vb/uploaded...1176579890.jpg

لما بدا يطبخ و يثقل

http://www.arabseyes.com/vb/uploaded...1176579919.jpg

9- صفي الربيان بصحن التقديم

http://www.arabseyes.com/vb/uploaded...1176579981.jpg

10 - صبي الخليط فوق او وسط الربيان و قدمية على طول ..

http://www.arabseyes.com/vb/uploaded...1176580014.jpg

لذييييييييييييذ

http://www.arabseyes.com/vb/uploaded...1176580041.jpg

اتمنى انكم تجربونه و يعجبكم