السلام عليكم و رحمة الله و بركاته ،

طق حنك تايم :7b:
كيفكم أخباركم إن شاء الله بخير ؟
أنا الحمد لله مبسوطة

اليوم و مبارح كان في مطر الله يجيب الخير :7b:
و هالأسبوع مابعرف كيف كان حاسستو غريب مابعرف ليه :s !

يوم الأحد آنسة الفلسفة و أستاذ الإثراء للإنجلش غابو :waat:
و أول حصتين كان عنا مذاكرة إنجلش راحت حصص الحاسوب ع الأقل كنا منتسلى فيهم :haa:
و الورق ماكان مطبوع لحتى طبعوه راح كثير وقت من الحصة !
بحب الإنجلش بس كرهتو على قد ماتعبت و أنا أدرس ~.~'
الحمد لله الأسئلة كانت عادية لا صعبة و لا سهلة

يوم الاثنين أول حصة رياضة أخدها أستاذ الحاسوب عشان كثير راح علينا حصص :s
الشباب مارضيو يطلعو و صارت مشكلة و ماخلصت لآخر الأسبوع كل يوم يجي حدا مشانها و بعدها قائمة و الأستاذ أقسم مابعرف كم مرة حيحط لكل الشباب صفر بالعملي و هن قالو خلص ماعاد نحضر لكان
أخدنا الدرس بس البنات ،
أنا بحب حصص العملي عشان هي أول سنة بالحياة بدرسونا شي ع الحاسوب منيح !
عم نتعلم نصمم مواقع ، السنة الماضية آنسة الحاسوب كانت هي آنسة الرياضيات تدرسنا رياضيات بحصة الحاسوب أو تكون القاعة مجوزة بحصة العملي المفروض نتعلم البرمجة و طلعنا من السنة بدون مانتعلم شي :noo:
هي السنة صار في 3 أساتذة حاسوب غيرها الحمد لله ( كأني بعدت :7ayaty: )
و كملنا اليوم كـ باقي الأيام مابتذكر لو صار شي مميز :s

الثلاثاء كان عنا تاريخ و الآنسة قسمت علينا الدروس كل واحد يطلع يشرح فقرة ~.~
أنا مابحب اطلع جاوب كيف أشرح لكان !
بس الحمد لله أنا مستلمة آخر فقرة طلعت آخر دقيقتين + الشب الي بيضل يتمسخر كان غايب مو ناقصة تصير مشكلة :s _
و طلعت قرأت بحصة العربي و هالشي مابيصير إلا بالسنة مرة :hehehe:
باقي اليوم مابتذكر

الأربعاء أول حصة كان عنا مذاكرة جبر و أنا كالعادة متأخرة
وصلت متأخرة شي ثلث ساعة :a7eh:
لما إجا الأستاذ يسحب الورق حكالي خلصتي ؟ قلت اي بس عم براجع الورقة :s
كنت جد مخلصة بس في سؤال عارفتو غلط بدي أحلو مرة ثانية ~.~
كان حيوديني غرفة الموجه أكمل هناك بس كانت مقفلة و ماكان في حل إلا إنو وداني معو شعبة البكالوريا أنا جالسة عند الطاولة بحل و هن بياخدو درس مابحب هيك موقف ! =\
الحمد لله خلصت ع خير و رحت كانت حصة الكيميا حتخلص ارتحت منها !
الآنسة كويسة للأمانة بس أنا مابحبها :s
الحصة الثالثة كان عنا وطنية ،
الآنسة جديدة و مو قادرة تضبط الطلاب شوفو الصف بحصتها xD
أكثر حصة ممتعة بالأسبوع :madry:
إجا المدير أول الحصة ربع ساعة كاملة و هوا يبهدل بالشباب عشان مشكلة يوم الاثنين
بعدها هوا طلع و ماحدا معاه خبر :lolz:
و بعدها حصة فيزيا
و لما فات المدير كانو الشباب حاطين إبريق مي ع الصوبيا جابو علب إندومي و عملوها بالمدرسة :7ayaty:
شعبتنا فخامة مابعرف كيف عايشين الناس الي مو فيها :7b:
حصة إنجلش ( نوم ) + حصة عربي + آخر شي حصة ديانة أول 5 أو 10 دقائق إجا واحد من أساتذة الحاسوب كمان بهدلنا عشان مشكلة الاثنين و رحنا البيت

الخميس أول حصة وصلت متأخرة كمان ، كان أستاذ العلوم عم يكتب الأسئلة عشان ثاني حصة عنا مذاكرة أحياء :7ayaty:
ثاني حصة المفروض فيزيا بس أخدنا بدالها مذاكرة الحمد لله :nop:

الثالثة فيزيا و الرابعة ديانة ،
بالرابعة الشباب عملو موقف إنديسكرايبآبل :lolz:
<~ لقيتها أسهل بالإنجلش

الخامسة إنجلش ~.~ ، السادسة و السابعة رياضيات ..
السابعة كانت شي :lolz:
أول عشر دقائق من الحصة ،
حدا دق الباب أول مرة طلع بدهم شب لآنسة التاريخ .. راح ،
بعدها آنسة التاريخ دقت الباب ماكانت عارفة إنو الشب طلع
بعدها بثواني دقت بنت بدها بنت ،
الأستاذ حكالها سكري الباب و ماسمحلها تكلمها - برادة وجه ربي يعينها :s
بعدها بشوي شب من الشعبة الثانية بدو دفتر التوقيع حكالو الأستاذ سكر الباب و ماعطاه الدفتر !
بعدها بشوي الموجه بدو دفتر التوقيع الأستاذ خلاص وصلت معاه حدها كان يكتب ع اللوح و دار شكلو بدو يصرخ بس طلع الموجه :7ayaty:

و بالحصة السادسة يمكن :s _
ركيت يدي ع فمي و لا بسمع الأستاذ بيحكي : إنتي آنسة ليش عم تضحكي ؟ ( ماكان يتمسخر + مالقت سمايل مناسب يشرح الوضع )
أنا : أنا ؟
الأستاذ : ايه - مبتسم
أنا : ماعم أضحك ! :haaa:
- في ناس بيعتبرو صوتي واطي :laaaa: ، ماسمعني كويس ! =\
الأستاذ : بتضحكي مع نفسك :7ayaty: !
- الطلاب صارو يضحكو
أنا : ماعم أضحك ! >.<
الأستاذ : ايه شكلي أنا ملخبط كل مابشوف حدا بفكرو عم يضحك
أنا : :noo: !

انزعجت لما صار الموقف ~.~ ، بس بعد شوي صار عادي بالإعدادي صارت أكثر من مرة ، بيفكروني عم أضحك و أنا لأ =/ !
معليه كان عند إحساس كبير إنو رح يصير موقف يبرد وجهي الخميس عشان رفيقاتي صار معهم مواقف قبلو لازم يجي دوري يعني !
بعدها رحت عيادة عمي عشان نروح و و و إلخ ..
و نحنا مروحين كان كثــير زحمة ، واقفين بصف سيارات وقفت جنبنا سيارة فيها زلمة و مرتو و ولادو من ورا صغار الله يحميهم :7b:
بنت مابعرف ولد جاسة ورا اتطلعت عليه و ابتسمت ماشاء الله يجنن أو تجنن الله يخليه/ـا ، عبسـ/ـت بوجهي بس مو طالعة تمام باين إنه/ـا عم تضحك أو يضحك :lolz:
بس رجع/ت ضحك/ت و ضحكت معها ربي يحميها
و شوي بيجو خالي و ماما ع الجنب الثاني من الطريق أخدوني معهم نبعث غراض لأخي و رجعنا البيت

و بس بكفي مافي داعي أحكي اليوم كمان

و تمت النشرة الأسبوعية بحمد الله :s
نراكم في حلقة أخرى إن شاء الله !
+ "لو" في حدا قرأ الرد كامل يخبرني بمتحنو فيه و إلو هدية

__________________




رب اغفر لي ولوالدي وللمسلمين والمسلمات الأحياء منهم والأموات

أستغفر الله العظيم وأتوب إليه

اللهم لك الحمد كما ينبغي لجلال وجهك وعظيم سلطانك

لا إله إلا أنت سبحانك إني كنت من الظالمين