هَلْوَساتُ قَطْرَة ..! - الصفحة 180 - عيون العرب

**زَيْنَب** · #**896** 03-07-2012, 02:20 AM

في اللحظة التي نتظاهر فيها باللامبالاة ؛
هي نفسها اللحظة التي نعلم أننا نهتم حقا !!

**زَيْنَب** · #**897** 03-08-2012, 09:22 AM

سمعت سالفة أمس قهرتني من قلب !

وحدة تقرب لنا انخطبت طيب ..
الكل فرح لها وبارك
والزواج صار بسرعة على أساس رغبة خطيبها

تزوجوا الإثنين وراح معها برى لأنها تدرس في بعثة ..
وصار يدرس هو كمان كـ مرافق لها
بعدها بفترة قصيرة التحق بالبعثة

نزلت هي للبلد وهو رافض ينزل معها ..
يوم وصلت بيت أهلها وسلمت عليهم ، قالت بتروح شقتها في بيت أهل زوجها ترتاح
بس ما عندها مفتاح الشقة !!

دقت على أم زوجها تبيها تفتح لها الباب .. قالت أمه : أنا طالعة ألحين إذا رجعت أكلمك ..
وانلطعت البنت مسكينة ما تدري شصاير

ودقت اليوم الثاني ونفس الحكاية ، والثالث والرابع وهي بعدها في بيت أهلها
تبي تكلم زوجها ما يرد عليها ..

بعدها بكم يوم جا أبو زوجها وكلم أبوها ..
وقال له يا فلان ترى الولد ما يبي بنتك !!! ..

تخيلوا بس .. أخذها عشان عندها بعثة ، ويوم أخذ بعثته طلقها !!
شايف بنات الناس لعبة في يده يعني ..
انقهرت على قلب البنت مسكينة .. توها صغيرة ما جاها كثير من تزوجت وطلقها
دون لا يعطيها خبر !

وإلي يقهر أكثر إن أهله صافين معه .. يقولون ما ارتاح معها
دامه يعرف إنه مو مرتاح مع بنت الناس كان فك خطوبته منها قبل لا يتزوجها ..

معقوولة في ناس بهالقباحة والدناءة !!
والله هاذي القصص كنا نشوفها بالمسلسلات ونضحك عليها ..
ما هقيت في يوم نشوفها على أرض الواقع