|
|
#791
05-09-2011, 03:59 PM
| ||
| | ||
| هههههههههههههههههههههههههههههههههههههههههههههههههههههههههههههههههههههههههههه ايتاشي الله يشيلة دومة مسوي مصايب ولا لولو الصاحية يعني خخخخخخخخخخخخخخخخخخخخخخ اما فيفي و ساسوري و ديدارا بحث اخر خخخخخخخخ و نيجي البايخ((زي جارا يعني))هههههههههههههههههههههههههههههههههههههههههه والله البارت جنان بكل الاوصاف تسلم ايدك الله يخليك لا تطول تسلم خيو :kesha:
__________________ 
|
|
#793
05-09-2011, 04:20 PM
| ||
| | ||
|
مرحبا يا أعضاء شلونكم انشاء الله تمام عندي لكم قصة لقيتها عن ناروتو في أحد المنتديات وحبيت أحطها لكم تفضلوا كان ياماكان في قديم الزمان كان في مدرسه (متوسط)في قرية كونوها اسمها مدرسه عصرالتكنلوجيا وطبعا قوانين المدرسه زي قوانين مدرستنا والحين بعرفكم على أساتذة المدرسه وبعرفكم عليهم: المدرسه أولاد وبنات مع بعض ونفس الشي الموظفين: المدير:الهوكاجي واسمه هوكاجي المديره: هوكاجيه ياحليلهم اهو وزوجته في مدرسه وحده بس ماكأنهم مديرين طيبين لأبعد حدود والطلاب يكذبون عليهم وهم يصدقونهم الوكيله:تسونـــــــادي لاعبه فيهم لعب يكسرون الخاطر كل يوم اذا احد سوا مخالفه ياويله ياسواد ليله يعني كأنها المديره وكل الطلاب يكرهونها بس الطلاب يشيبون راسها خصيصا ناروتو كواليسها مع الطلاب والطالبات: -كله تهاوش قارا لأنه يحط كحل وآي شدو في عيونه وطبعا مايروح قولوا ليش: لأنه وهو صغير وأول من ولد جدته ام ابوه كله تحط كحل في عيونه وتكثر مصيبه صابتها قولوا ليش؟؟؟ لأن ودها ببنت يوم كان قارا في بطن امه عشان يسمونها عليها مالت عليها من زين اسمها اسمها سعفه وكان قارا الأمل الوحيد لها لانه آخر حفيد وكل عمامه ماحد سمه عليها وماتت ولااحد سمه عليهاأحسن تستاهل -يوم كان ساكورا شعرها طويل كانت تجي المدرسه وهو مفتوح كله وتسونادي تنقهر منها عشان كذا كله تهزءها وتفشلها - واينو دايم تصارخ عليهاتسونادي وتقولها:جـدلي شعررررررررج لان اينو ماتجي المدرسه الا بخيال وهاذيلي الثلاثه عله على قلبها كل يوم المرشدالطلابي: توقعوا مين اهو كــــــاكــــــاشي أي نعم كاكاشي عاد مانقوا الا اهو صحيح انه مرشد طلابي لكن بالاسم بس وبعلمكم سر مايدري عنه الا ناروتو كاكاشي مختار هالمهنه عشان مايكون عنده حصص يعني بيتفرغ لكتب الغزل ع آاااخر المعروف أنه مرشد طلابي لكن بالاسم بس ولاعمره حل مشكله لأحد ولاعدل بين متخاصمين بس ساكورا واينو مشيبين راسه عشان كذا صار ابيض كله يتهاوشون ويتذابحون ويتضاربون كل وحده تشد شعر الثانيه وهكذا......... المراقب(المسؤول عن غياب وحضورالطلاب والطالبات) ايروكا: مسكين ايروكا حلقه راح فيها من كثر مايصارخ والطلاب والطالبات يغيبون ولايجيبون أعذار وناروتو راعي غياب وينقصه معاهم بس اذا جا يرصد الدرجات مايهينون عليه يعطيهم كامل كريم رائد النشاط: قاي مخسرهم كله يقول اشتركوا دفعوا بس ماحد يدفع الا روكلي ومسكين يدفع أموااااال طاااااااااااائله المسؤول عن البيع والشراء كورناي: ماتعرف تبيع كله بس قاعده على مكتبها الخشبي وتاكل حب وتوسع صدرها على الرايح والجاي قانون البيع والمشترى عندها: اشتر بعدين ادفع والحمدالله والشكر ماتعد الفلوس اذا أحد شرى والمدرسه خسرااااااانه والسبب اهي -ناروتو كل يوم يشتري كاكاوات وعصيرات ومعجنات وتخلص الكراتين بس منين له ناروتو الفلوس؟؟ ناروتو يعطيها فلوس كذيبه اللي في لعبة الاونووهي غبيه مصدقه وذيك المره قالت له:يازينك ياناروتومحد مربح المدرسه غيرك -وذيك المره غابت كورناي وباعت تسونادي بدالها والمقصف فاضي محد مشتري خايفين منها أسعار البيع والشراء لدى كريناي في المقصف: الزعتر:نصف ريال اللبنه: نصف ريال الجبن:ربع ريال عصير سنتوب:ريال وثلث أرباع وخمس هللات والباقي الشوكولاته أسعارها ثابته كما اهي بس قاي عشان يزيد الأرباح خله كل شي غالي عشان ياخذ الارباح ويحطها لمشروعاته الفاشله في المدرسه بس هو يزيد الطين بله بدال مايربحهم يخسرهم لأن ماظنتي أحد يشتري وطبعا كل مدرسه بحاجه الى مستخدم والمستخدم في مدرسه عصر التكنلوجيا هو: ترااااااااااااا جيرايا ساما(المعلم المنحرف) ====== قصته قصه كم مره خطب تسونادي بس هي ترفض وكل آماله تتحطم .............. ملاحظة : الموضوع مــــــــــــــــنــــــــــــــقول والحين أبي ردودكم تحياتي ـــــــــــــــــــــــــــــــــــــــــــــ وهذي هيهيههيهي قصه ثانيه يا حليلكم كيفكم يا اعضاء اليوم عندنا قصهـ عن ناروتو تراها تموت من الضحك نبدا كان ياماكان في قديم الزمان كان في مدرسه (متوسط)في قرية كونوها اسمها مدرسه عصرالتكنلوجيا وطبعا قوانين المدرسه زي قوانين مدرستنا والحين بعرفكم على أساتذة المدرسه وبعرفكم عليهم: المدرسه أولاد وبنات مع بعض ونفس الشي الموظفين: المدير:الهوكاحي الثالث واسمه هوكاجي المديره: هوكاجيه ياحليلهم اهو وزوجته في مدرسه وحده بس ماكأنهم مديرين طيبين لأبعد حدود والطلاب يكذبون عليهم وهم يصدقونهم الوكيله:تسونـــــــادي لاعبه فيهم لعب يكسرون الخاطر كل يوم اذا احد سوا مخالفه ياويله ياسواد ليله يعني كأنها المديره وكل الطلاب يكرهونها بس الطلاب يشيبون راسها خصيصا ناروتو كواليسها مع الطلاب والطالبات: -كله تهاوش قارا لأنه يحط كحل و ظل في عيونه وطبعا مايروح قولوا ليش: لأنه وهو صغير وأول من ولد جدته ام ابوه كله تحط كحل في عيونه وتكثر مصيبه صابتها قولوا ليش؟؟؟ لأن ودها ببنت يوم كان قارا في بطن امه عشان يسمونها عليها مالت عليها من زين اسمها اسمها سعفه وكان قارا الأمل الوحيد لها لانه آخر حفيد وكل عمامه ماحد سمه عليها وماتت ولااحد سمه عليهاأحسن تستاهل -يوم كان ساكورا شعرها طويل كانت تجي المدرسه وهو مفتوح كله وتسونادي تنقهر منها عشان كذا كله تهزءها وتفشلها - واينو دايم تصارخ عليهاتسونادي وتقولها:جـدلي شعررررررررج لان اينو ماتجي المدرسه الا بخيال وهاذيلي الثلاثه عله على قلبها كل يوم المرشدالطلابي: توقعوا مين اهو كــــــاكــــــاشي أي نعم كاكاشي عاد مانقوا الا اهو صحيح انه مرشد طلابي لكن بالاسم بس وبعلمكم سر مايدري عنه الا ناروتو كاكاشي مختار هالمهنه عشان مايكون عنده حصص يعني بيتفرغ لكتب الغزل ع آاااخر المعروف أنه مرشد طلابي لكن بالاسم بس ولاعمره حل مشكله لأحد ولاعدل بين متخاصمين بس ساكورا واينو مشيبين راسه عشان كذا صار ابيض كله يتهاوشون ويتذابحون ويتضاربون كل وحده تشد شعر الثانيه وهكذا......... المراقب(المسؤول عن غياب وحضورالطلاب والطالبات) ايروكا: مسكين ايروكا حلقه راح فيها من كثر مايصارخ والطلاب والطالبات يغيبون ولايجيبون أعذار وناروتو راعي غياب وينقصه معاهم بس اذا جا يرصد الدرجات مايهينون عليه يعطيهم كامل كريم رائد النشاط: قاي مخسرهم كله يقول اشتركوا دفعوا بس ماحد يدفع الا روكلي ومسكين يدفع أموااااال طاااااااااااائله المسؤول عن البيع والشراء كريناي: ماتعرف تبيع كله بس قاعده على مكتبها الخشبي وتاكل حب وتوسع صدرها على الرايح والجاي قانون البيع والمشترى عندها: اشتر بعدين ادفع والحمدالله والشكر ماتعد الفلوس اذا أحد شرى والمدرسه خسرااااااانه والسبب اهي -ناروتو كل يوم يشتري كاكاوات وعصيرات ومعجنات وتخلص الكراتين بس منين له ناروتو الفلوس؟؟ ناروتو يعطيها فلوس كذيبه اللي في لعبة الاونووهي غبيه مصدقه وذيك المره قالت له:يازينك ياناروتومحد مربح المدرسه غيرك -وذيك المره غابت كريناي وباعت تسونادي بدالها والمقصف فاضي محد مشتري خايفين منها أسعار البيع والشراء لدى كريناي في المقصف: الزعتر:نصف ريال اللبنه: نصف ريال الجبن:ربع ريال عصير سنتوب:ريال وثلث أرباع وخمس هللات والباقي الشوكولاته أسعارها ثابته كما اهي بس قاي عشان يزيد الأرباح خله كل شي غالي عشان ياخذ الارباح ويحطها لمشروعاته الفاشله في المدرسه بس هو يزيد الطين بله بدال مايربحهم يخسرهم لأن ماظنتي أحد يشتري وطبعا كل مدرسه بحاجه الى مستخدم والمستخدم في مدرسه عصر التكنلوجيا هو: ترااااااااااااا جيرايا ساما(المعلم المنحرف) قصته قصه كم مره خطب تسونادي بس هي ترفض وكل آماله تتحطم كل عاده وزي كل يوم لازم تفتش تسونادي على الطلاب والطالبات في الطابور وقارا لازم يتأخرمايجي الا بعد الفسحه (أبوه مكلم المدير والمدير رضى وتسونادي ماتقدر تقول شي )عشان يضمن أن تسونادي ما تقوله امسح الكحل وساكورا جايه وكل عاده رافعه شعرها وماسكته عشان ما تهزئها تسونادي واينو مجدله شعرها وثنتينهم بعد الطابور يفتحون شعرهم مرت تسونادي الكل خايف أكيد تسونادي لها هيبه مرت جمب هيناتا وهيناتا من الخوف أغمى عليها مع أن هيناتا ماتسوي مخالفات مرت جمب تيماري ولفتها بقوه لجهتها بعد ماكانت منصته للمسرحيه اللي يسوونها في الاذاعه مسرحية جحا وحماره تسونادي: ليش غايب اخوج تيماري:أي واحد فيهم تسونادي: بعد ثنينهم غايبين كان غبتي بعد انتي أجل شجيبج تيماري: مره ثانيه ان شاالله تسونادي: تطنزين تيماري بارتباك:لالالا تسونادي: انتو مايبي لكم الا العين الحمرا تسونادي:كانكرو ليش غايب تيماري:أوووووووه مادريتي شصار أمس تسونادي بسخريه:شصار تيماري:أمس طلعت له رحاة العقل بالموت راح المستشفى عشان يخلعها قام يصيح في بيتنا فشلنا قدام أم مبارك جارتنا عاد أم مبارك موجز الاخبار تنشر الخبر في يوم وليله تسونادي تركتها بعد مادزتها بقوه مرت جمب نيجي ولفته بقوه وارتاعت لما شافته مع عيونه نيجي :ششنو مما سوويت ششي تسونادي:ها ما سويت يللا التفت للاذاعه يللا في الاذاعه بعد ماخلصوا من هالمسرحيه الممله مسكت كريناي المايك(ولأول مره)قالت: كانت المدرسه تعاني من ظروف صعبه وكانت الديون على رقبتنا كثيره لكن بفضل هذا الطالب الذي انقذنا من الافلاس باسمي وباسم المدير اهني الطالب ناروتو اوزوماكي كل المدرسين قاموا يشوفون ناروتو بتعجب والطلاب بعد والطلاب يأشرون على ناروتو بصبعهم الابهام على تحت ويقولون:هوووووووووووووووو� �ووهوووووووووووو كريناي: فليأتي الطالب ناروتو ويستلم جائزته وجا ناروتو مستانس بيستلم الجائزه وهو يسمع صوت همس الطلاب : مايستاهل مايستاهل المديرللطلاب:عيب بابا عيب لاتحطمون معنوياته ناروتو متشوق لجائزه وتفتح كريناي الكيسه وتطلع الجائزه وتقول بصوت عالي:بسكوت مربعات وعصير سنتوب اللي بنص كللللل الطلاب ضحكوا ضحك ماله نهائي ناروتو تفشل طاح وجهه وين يودي وجهه قدامهم وين يودي وجهه قدام ساكورا ............. دخلواالفصل وكانت الحصه الأولى والمعلم أسوما يدرسهم كل المواد ولايغيب لويصير اللي يصيرله مايغيب المهم الحصه الأولى علوم والعلوم يتكلم عن(الوراثه-الطفره الوراثيه..) وكان الاستاذ يتكلم عن الصفات الوراثيه الغير مرغوب فيها روكلي سرحان قاعد يناظر القمر ساكورا وعيونها النعسانه اللي ياما سحرت روكلي قام ناروتو بطوله: أستاذ أنا محلف عليك عندي مثال لازم اقوله الاستاذ:تفضل ناروتو:على سبيل المثال وأكبر دليل في الفصل الطالب رويكلي كانوا أهله يتمنون يطلع ولدهم حلو ويهبل على مرة خاله بس للأسف طلع على أهله الشينين روكلي يخز ناروتو يعني من جد قهره والطلاب يشوفون روكلي ويأشرون عليه وميتين الضحك مسكين تفشل تنشطت ساكورا وقامت من على كرسيهاوقالت: أي يعني أنا اذا كبرت بصيرون عيالي حلوين على ابوهم (قالت هالكلام وهي تناظر ساسكي يعني تقصده بس روكلي الغبي يحسبها تقصده لأنه جالس جمب ساسكي عدوه اللدود) الا تقوم اينو على طولها وتقول وهي ميته من الضحك: يعني بطلعون وحواجبهم عريضه زي أبوهم هاهاهااااااااي(تقصد روكلي) وروكلي المسكين توه بيفرح أن ساكورا حاطه عينهاعليه الا تقول ساكورا:اوينولزمي حدودج وحسني ألفاظج وعرفي انتي مع من تتكلمين اينو:ومع مين أتكلم مع الجبروت ساكورا ولا مع أبله تسونادي ساكورا بتقوم تضربه والطلاب يمسكونها عشان ماتصير مشكله: بعدوا بعدوا عني بضربها بعدوووووووووووا بعدوا الأستاذ: خلاص ساكورا اينو وبعدين ترى أنادي تسونادي تهزئكم تغسل شراعكم ساكورا واينومبتسمات:لالالا خلاص بنسكت ....... الحصه الثانيه........ اجتماع عند المدرسين يعني فراغ عند الطلاب وناسه شوي ويجي المدير هدوء جلسوا ياطلاب عندي لكم خبر بفرحكم وكل الطلاب جلسوا عشان هالخبر المدير :شنو تتوقعون؟؟؟ ساكورا:بكرا مافي دوام تيماري:بتنقل تسونادي ناروتو:بيتقاعد قاي روكلي شهق بقوه وقال:لاتفول علي من الحين يانريت(عيارة ناروتو) المدير:لاولاواحد من اللي قلتوه أجل شنو؟؟ المدير:بتجي طالبه جديده بتسد المكان اللي تركه اورتشمارو بعد غياب طويل وأخيرا بتلقى من بيجلس معك ياناروتو تجي الطالبه وتدخل ويروح المدير ناروتو:يو تشبه شغالتنا اللي راحت التفتت:ناروتو مافي يأرف (يعرف)أنا شغاله مال انتا أول أنا يجي هينا عشان يكمل دراسه ويحصل أنا شهادة بخالوريس(بكالوريس) ناروتو بتعجب وفاتح عيونه مومصدق:nn(ان ان)(كذا اسمها) شجيبج مين قالج تجين كونوها فشلتيني طلعي روحي فصل ثاني موزين فصلنا موزين ان ان:كداب(كذاب) ناروتو:ياربي نشبه نشبه ان ان:أنا في يقعد هينا ماره(راح) اطلع ويحط ناروتو يدينه على راسه ويقول: لابلا انتهينا وثلاث أرباع الفصل يتجمعون على تن تن ويقولون لها: تقرب لج؟؟ تن تن:صدقوني ماتقرب لي ولاشي نيجي:الا نفس الاسم تن تن:الاسم ماله علاقه نيجي:الا كيفي تجي تسونادي والكل جلس في مكانه حتى ان ان جمب ناروتو تسونادي:ها شصاير شالسالفه ان ان:مدام تسونادي؟؟ تسونادي:ان ان؟؟ حسبي الله عليج وين كنتي ليش نحشتي فشلتيني قدام النسوان في ملكة أختي أبيج صبابه أخرتها تنحاشين انكب النعناع على فستاني وأحرجتيني قدام أختي ان ان:أهسن(أحسن) تسونادي:بعد شينه وقوية عين الظاهر انتي ما ينفع معاج الا العين الحمرا وتفسخ تسونادي جزمتها وتلاحق ان ان في الفصل *وبقي هذا النزاع حتى الحصه الثالثه* راحت تسونادي بعدما تلقت الكثير من العيارات من الطلاب وبردوا حرتهم فيها وان ان ماقصرت رشيقه تقفز من طاوله لطاوله لأنها كانت تلعب جومباز قبل ماتجي كونوها الحصه الثالثه: مازال الاجتماع بين المدرسين ولم ينتهي ولن ينتهي ............................... هيناتا لساكورا:أأـ ـنا احب وواحد في الففصصلل ..... سمعتهم ان ان وجات لساكورا تركض وقالت لها بعد مادزت هيناتا بقوه وطاحت المسكينه على السبوره واغمى عليها ان ان:أنا في يبي يتزوج(تحسب ساكورا خطابه) ساكورا تقول كذا عشان تدري بس شسالفتها:ابشري بالخير مين تبين أخطب لج ان ان وهي متشوقه:ساسكي ساكورا بعصبيه:نعم... عيدي شقلتي ماسمعت ان ان بغباء:ســــــــــــــاسكي ساكورا تمسك ان ان من ملابسها وتقول:لاياحبيبتي تحلمين هيهي تقول ساسكي الظاهر اهي ماتدري مين أكون ان ان:انتي مافي ينفع الا أين أهمر(عين أحمر-العين الحمرا) صفر الجرس وجا وقت الفسحه....... -هدت ساكورا ان ان وراحت تركض عشان تلحق عالمقصف لأنه زحمه وكللللللللل الطلاب والمدرسه كللها تركض عشان تلحق على المقصف الا ساسكي لأنه فطر في البيت رهش وهم يركضون دزوا المديره(هوكاجيه) طاح العدس اللي عندها(المدير وزوجته كل يوم فطورهم فول وعدس وخبز احمر وخبز شريك مع حليب بالهيل وزنجبيل مممممر) في المقصف: اللي تبيع بس كريناي وزززززحححمه  نوافذ بس وطلاب المدرسه عددهم مايزيد 500طالب وطالبهوساكورا واينو يبون يشترون لساسكي يحسبون انه ماعنده فلوس في زحمة المقصف: كل واحد يستخدم طريقته الخاصه ناروتو يقعد يغازلها عن تجيله وشينو اذا شاف بنت قدامه يعطيها حشرات عشان يغمى عليها وكيبا الغبي مع كلبه أكامارو مسوي زحمه في المقصف ماسكه بيده وهو قاعد يشتري اما شوجي يكز الاولي والتالي عشان يشتري أناااااني وهيناتا مسكينه اخر شي ولاتلحق الحيا ذابحها واينو مسكينه كانت اول نافذه بعدين شافت روحها اخر نافذه لاوعالطرف بعد يعني في الجدار المهم شيكاماروطلعوا من المقصف من هالزحمه وانفتح شعره كله ولاشرى شي ونفس الشي تيماري ونيجي واينو وكل اللي يمسكون شعرهم اما تن تن(الاثنين اللي تسويهم في شعرها واحد منهم انفتح والثاني لا بقى كما اهو يعني واحد وواحد صار شكلها يضحك) شرت ساكورا عصير سنتوب اللي بنص وزعتر تبي تشتري لساسكي قبل اينو والمسكينه في الزحمه طاحت ودوسوا عليها لين قالوا بس (كل واحد همه يشتري ولاهمه بأي أحد) وتصارخ آاااه ولااحد يهتم ويدوسون ويدوسون انتبه عليها روكلي ويروح عند المرشد الطلابي الاستاذ كاكاشي ويفتح غرفة المدرسين بدفاااااااشه تتوقعون شنو شاف: شاف المدرسين قاعدين على الأرض ومنبسطين وطالبين من مطعم كودو اللي في كونوها (الحمدالله المدير يشتري فول وعدس والمدرسين يطلبون من مطعم عالمي) وبسرعه يقول لكاكاشي ويجي ركض لها ويطلعها من تحت المقصف بعد ما فجروا عصيرها برجولهم واعتفس شعرها كاكاشي لساكورا وهو يقومها وماسك يدها:حصل خير يابنتي حصل خير(حنون) ساكورا:آاااااااااااااااه ظهري بطني راااااسي دوسوا علي آاااااااااه وياخذها كاكاشي ويوديها للمستخدم جيرايا ساما في العياده عشان يدهنهاعيادتهم فاضيه مافيها شي لأن المدرسه خسراااااااااانه مافي الا جيرايا ساما ماقصرجاب من بيته حلبه وعسل ونشا والحبه السودا(حبة البركه) الظاهرجيرايا مايستخدم الا الطب الشعبي في جميع الأحوال عودة الى المقصف المزدحم: اينو مالحقت الا على مارس شرته عدل بس يوم طلعت من المقصف شافته مفتوح ومأكول منه بعد(شوجي أكل منه وهي ماتدري في الزحمه) صفرت ولا أحد شرى الا اينو مع المارس المأكول وساكورامع عصيرها وزعترها الي راح فيها ولاأحد شرى أبدا........... وان ان شروا لها أهلها من ماكدونالدز وجبة أطفال الحصه الخامسهـ: رجعوا كل الطلاب ومن ضمنهم قارا وساكورا بعد ماكسر جيرايا ساما ظهرها(مايعرف يدهن) جالهم الأستاذ وقال لهم:لحد يقوم من مكانه اللي يقوم بوديه لتسونادي لأن الاجتماع مابعد يخلص(أصلا ماكان في اجتماع بس اهم طالبين من المطعم يبون ياخذون راحتهم في الأكل والسوالف وأسومامن كثر ماهو جوعان كل الساندويش*دجاج فيليه من مطعم كودو* ونسى ياكل والبطاطس ويشرب الببسي والحين بيورح ياكلهم عالسريع ويجي الفصل) تيماري ماهتمت قامت شبكت الاستشوار قامت تستشور قذلتها ناروتو ترك الأستاذ وقام من مكانه وقام يطل من الباب ويشهق بقوه ناروتو: تسونادي تدور على الفصول تسونادي تدور على الفصول قامت تركض ساكورا واينو وقارا لدورة المياه(اعزكم الله) عشان المرايا ومافي الا مرايا وحده وموممسوحه ومكسره في دورة المياه: قارا يحاول يمسح الكحل بس مافي ففففايده خلاص ثبت ساكورا تدور شي عشان يمسك شعرها اينوتحاول تجدل شعرها بس ماتعرف لأن شغالتهم تجدله لها قبل ماتروح المدرسه بعد محاولات من اليأس رجعوا الفصل شافوا أن تسونادي جات قبلهم وشناطهم مرميه على الأرض سوت تسونادي للفصل تدوير بين الطلاب(التدوير يعني يغيرن مكان الطالب/هـ لمكان ثاني كل اسبوع عشان يتنشطون ويشاركون وأغلبيتهم يقولون الممتاز/هـ يظل ممتاز/هـ لو يحطونه فأي مكان والكسلان/هـ ان شالله يتنشط والعاده يسونه لبتدائي اما متوسط مايسوون كثير) المهم غيروا مكان ساسكي حطوه في الزاويه بعد ماكان جمب النافذه يطل على الرايح والجاي ومد بوزه شبرين باقي شبر يطيح في الأرض هيناتا غيروا مكانها آاخر شي وبعدين قامت تصيح شيكامارو حطته أول واحد وقدام طاولة المعلم ومبوز ولايبي هالمكان شوجي نفس الشي حطوه قدام وسد على الباقي ولاقاموا يشوفون شي وحطوا جمبه ان ان مسكين وقبل ماتروح تسونادي خذت الاستشوار من تيماري وكتبت لها تعهد وقالت ماراح ارجعه(تبي تاخذه معاها البيت لأنه أصلي) بس المدير مارضى وقال لازم نعطيها اياه هذا حقها-انقهرت تسونادي- المهم هيناتا تمت تصيح بعدين راح ناروتو عند المرشدالطلابي-كاكاشي- وقاله عن هيناتا وقام كاكاشي اتصل من جواله الخاص لأن المدرسه ماعندهم رقم اتصل على بيتهم ردت ام هيناتا *ظنت ام هيناتا ان المتصل حماتها ولأنها تعزها كثيرورقمها نفس رقم كاكاشي بس الاختلاف رقم شوفوا شقالت ام هيناتا:هلا والله هلا بالغاليه شلونج شخبارج شعلومج شلون العيال وشلون أم احمد بشري عنها عسى صحتها بخير عسى ولدت؟؟ كاكاشي:أا......أا ام هيناتا بعد ماشافت الرقم غلط وتأكدت انها غلطانه واللي يكلمها رجال عطت ابوهيناتا السماعه وقالت له:هذا واحد متصل عشان يغازل أدبه وره العين الحمرا ابوهيناتا معصب:شتبي يالزفت يالطايش تتصل علينا في هالوقت ولابعد تغازل كاكاشي يبي يتكلم بس مو معطيه ابو هيناتا مجال كاكاشي:لوسمحت انت فاهمني غلط ابوهيناتا:بعد شين وقوي عين ا..(قاطعه كاكاشي) كاكاشي:انا مومتصل عشان أغازل مثل ماقالت حرمتك أناالاستاذكاكاشي والمرشد الطلابي في مدرسة بنتك ابوهيناتا:اوه آسف ياخوك غلطان حريم هالزمن بقر(خزنه زوجته) مايعرفون شي(قاطعه كاكاشي) كاكاشي:المهم ابوهيناتا: تفضل كاكاشي:بنتكم تصيح تعالوا خذوها ابوهيناتا:ليش خلوها تروح مره وحده مع السواق كاكاشي:بنتك تصيح عشان غيرنا مكانها ابوهيناتا:تركوها خلوها تتعود على الشده والقسوه ذبحتنا مرمرتنا كله ياتستحي ياتصيح وبس هاذي حالتنا وبعدين تموا يسولفون لين صفرت الحصه الرابعه: كان في فصلهم اختبار جغرافيا ولاأحد ذاكر الاساكورا صمممت الكتاب باقي اشوي وتبلعه واينو يعني وناروتو ولالمس الكتاب وساسكي ماقدر يذاكر لأنه ايتاشي غصبه يكنس بعدين يغسل التهويه(الحوش-ساحةالمنزل)والباقي مثل اينو يعني(عادي) اللي مراقب عليهم في الاختبار كاكاشي-امحق من مراقب-بس قاعد يقرا كتاب العنف الغزلي ومندمج معاه والغشاش يغش في الاختبار: ساكورا من كثر ماهي تحب ساسكي كتبت في ورقتها الاسم ساسكي يوتشيها واينو بعد وناروتو بعد(يبي ينتقم من ساسكي عشان كذا حط اسمه وناروتو ماذاكر عشان ينقال ان ساسكي اللي يزفت مواهو) وهيناتا مااختبرت لأنها تصيح وخذتصفر مع ان المسكينه مذاكره المهم دروا المعلم ان ساسكي عنده 4أوراق شلون؟؟ عطى الأوراق تسونادي ونادت تسونادي ساسكي والمسكين وقع على تعهد وحطوله صفر في الاختبار وذيلوك ساكتين-خايفين- وهيناتا مازالت تصيح-تبي ترجع مكانها- نهاية الدوام وموعد خروج الطلاب -نيجي يروح مع هيناتا مع نفس السواق وهيناتا مازالت تصيح بعدين نيجي عصصصصصصصب عليها وسحبها من شعرها-وهي تصيح-ويدخلها غصب السياره -مازالت هيناتا على هاذا الحال الين قال لها امها قصة ليلى والذيب قبل ماتنام -ساكورا ودوها المستشفى وقالوا لها لازم تنويم -ساسكي بعد مادروي ايتاشي انه أخذ صفر حرمه من الغدى والعشا انتهت القصه........... وباآآي ونشالله تعجبكمـ منقول تحياتي مره ثانيه صرصوره
__________________  ^ ^ ^ ^ خطر علينا نحن الصراصير صرصوره مطلوبه 1000000 اسمي صرصوره وحياتي مفعوصه دايما بلجدران محيوسه افحط بلئسياب مثل الملقوفه الله يعين البيت اليدخله مثل الجنونه انا صرصوره الفعوصه ليشرف بمعرفتكم |
|
#794
05-09-2011, 04:23 PM
| ||
| | ||
|
وقصه ثانيه انشاء الله تعجبكم هيههيههيهيههههههههههههههههههههه:kesha: مدرب الفريق الأستاذ قاي المشجعون إينو .. ساكورا..تن تن..تيماري..هيناتا اللاعبون ناروتو ..ساسكي..روكلي..كيبا..شيكامارو..شينو..شوجي..قارا.. كانكورو..نيجي في الملعب الأولاد يعملون تمارين حلوه وسهله لكن صعبه بالنسبه لشوجي.. (تعرفون ليش طبعا) المدرب قاي:بنلعب كوره اللحين وكلكم بتلعبون مفهوم الطلاب:مفهوم المعلم:اللحين بقسمكم الفريق الأول:كيبا-شوجي تكلم كيبا:من أولها لابلا خسرنا المدرب:هدوء اللحين بكمل ساسكي -قارا-كانكورو الفريق الثاني:ناروتو -شيكامارو-نيجي -شينو - روكلي المدرب:طيب منو ترشحون عشان يكون كابتن لكم الكل:أنا !!!!!!!!!!!! ناروتو:شرايك أنت تختار المدرب:طيب أنا بختارالفريق الأول ساسكي وحارس المرمى:شوجي كيبا:غش غش مايستاهلون كل واحد أهبل أكثر من الثاني ساسكي وشوجي يناظرون كيبا بعين حمرا المدرب:خلاص كيبا إن كررتها ترى بطردك كيبا:لالا .. خلاص المدرب:الفريق الثاني الكابتن هوروكلي وحارس المرمى نيجي ناروتو:وأنا المدرب:خيرها بغيرها المدرب:أنا الحكم والمعلق يلا نبتدي كلنا ويصفرررررر ويرمي الكوره وتبتدي المباراه المدرب:يمسك الكابتن ساسكي من الفريق الأول الكوره ويحاول أن لايمررها لزملائه في الفريق(أناني) ويركلها برجليه قوووووووول ويخلع اللاعب ساسكي قميصه مع أنه ماسوا شي فقط سجل قول لصالحه وفريقه مسرور جدا لهذه النتيجه مع أن تو الناس ناروتو:لحظه لحظه غش لازم تصير ضربة جزاء لصالحنا المدرب:على كيفك أنت ضرية جزاء ناروتو:لا غش المدرب:أقول اسكت بس طبعاً المشجعين (البنات) فاكين حلوقهم يوم سجل ساسكي قول البنات اللي يحبون ساسكي قاموا ينقزووووون من الفرحه ويصرخون كله عشان هدف واحد (خبال) المدرب:يبقى روكلي في الدفاع ولايغير مكانه ويقف جامداً كالصنم أما شوجي فيتناول بطاطس تسالي ويرتدي ساسكي قميصه بعد مامزقه إرباً إرباً ويذهب ليبقى في الهجوم قاطعه ناروتو:لحظه لحظه المدرب:شفيك ناروتو:انشق الجوتي المدرب:أحسن ليش قاطعتنا ناروتو:عجل شلون ألعب المدرب:عادي ألبس نعال حمام(أعزكم الله) ناروتو:تطنز المدرب:لا أضحك هاهاهاها ناروتو:بكل برود هاهاهاهاها ماتضحك ويكمل المدرب التعليق:ويستلم الكابتن روكلي الكره بعد عناء و..لحظه يأخذها ساسكي بيديه !!غش لحظه شوي..راح لهم ساسكي:أصلاً أنا كنت باخذها بس هو خذاها قبلي روكلي:أي خلاص أنا أخذتها قبلك ساسكي:بس أنا(قاطعه المدرب) المعلم:خلاااص بس هواش بنعد من الواحد للعشره واللي يطلع ياخذ الكوره معه (شوفو العدل) يل  -2-3-4-5-6-7-8-9-10(بدأ من ساسكي)ساسكي:غش المفروض تعده أول شي المدرب:تااااافه ياساسكي تافه روكلي: أحسن تستاهل البنات ساكورا:حسبي الله عليه روكلي خذا الكوره من ساسكي غشاش تن تن:بس عاد مو على روكلي ترى ما أسمح لج اينومنقهره بزياااااااده:أوووووووووووه ليش ليش كان ساسكي بيسجل قووول ثاني ليش ليش؟؟؟ ساكورا:لا تسوين نفسج فاهمة غصب إينو:شنو ... شنو شوفو منو يتكلم بس وطبعاً كالعادة شجار عنيف وبعدين تدخل تن تن وراها هيناتا وتبدأ أحداث المعركة قتل الكثير من الأرواح (لا هاذي قوية)وسيلان الدماء وفقدان العقل لدى البعض ويتلقى الطرف الآخر صفعه ولا أقوى من إينو مما أدى إلى انسحاب ثلاث أرباع الجيش وفجأة ينشد شعر ساكورا بقوة وتصير انفجارات في منتصف المعركة والتكفخ مالا والي والترفس وناس تنشل وناس تنجلط و........و.......و إلى ما لا نهاية نتائج المعركة:نجات أعداد ضئيلة جداً من كلا الفريقين وتعادل إينو وساكورا مع بعض الكدمات والكسور والجروح والخدوش عوده للمباراه المدرب:ويذهب روكلي عند خط الدفاع ويأخذ الكوره شيكامارو الذي معه في نفس الفريق..!! (الأخ لعيب) روكلي:شالوقاحه شلون تاخذ الكوره مني يالغبي شيكامارو:أنت الأناني يالوقح روكلي:أصلاً أنا توني ماخذ الكوره شيكامارو:أقول ترى بالعقال روكلي:أصلاً أنت مو لابس عقال المدرب:ويأخذ روكلي الكوره و.....و.....وقوووووووووول ويسجل الكابتن روكلي هدف التعادل ويقفز لدى فريقه وهم فرحانين ووووهدف التعادل طبعاً ما ينلامونومن شدة الفرحة يخلع الكابتن روكلي موبس قميصه إلا الجوتي والدلاغات مره وحده المدرب:يرتدي روكلي حذائه ويشتري ناروتو حذاء آخر..لحظه لحظه انتهى الشوط الاول كل الطلاب:ما مدانا تونا لاعبين ماخذينا حتى عشر دقايق المدرب:اوكي نبتدي اللعب البنات شنو هذا في ريحة شي قاعد يحترق (مسوين نفسهم ما يدرون عن شي) لاااااا المدرج قاعد يحترق (مو مصدقين يبون ينزلون للملعب) إينو:بنات خلونا ننزل للملعب طبعاً على الدرج ناس تنداس وناس تفقص (الله يعينهم) وقاموا يشجعون....(بدا التشجيع الصجي) المدرب:ويستلم اللاعب ناروتو الضربه الركنيه وتكون لصالحه.. المدرب: يللا ناروتو أبدأ .... ويرمي ناروتو الكوره وتروح وتخطر الملعب بكبره والقرية بكبرها..!!!!!!!!!! المدرب لناروتو:شنوهذا شسويت يالغبي روح جيبها.. وراح ناروتو وجا المدرب:ها وين الكوره ؟؟؟؟؟ ناروتو:آسف يا أستاذ يوم رحت آخذها شفت سياره تمر وداستها المدرب:حسبي الله ونعم الوكيل روكلي:يعني ماراح نقدر نلعب ..أفا عليكم وأنا وين رحت.. التفتوا وراهم وطلع الأستاذ إيروكا الكل: أستاذ إيروكا؟؟؟؟؟؟؟؟؟؟؟؟؟ إيروكا:إي نعم هذا أنا وراح أصير مدربكم ناروتو:صج اللي تقوله متأكد؟؟!! شوجي:واحنا وين مدربنا ..هالله ...هالله باللعب يا شوجي.. اللتفت شوجي وشاف الأستاذ كاكاشي إيروكا وكاكاشي:إحنا مدربيكم بس على شرط الطلاب:شنو إيروكا وكاكاشي:تخلون المباراة أولاد وبنات البنات قاموا يقامزون من الفرحة:هااااااااااااااااااي المدرب الحين بنقسمكم: ساكورا وإينو وتن تن بيكونون مع فريق الكابتن ساسكي والمدرب كاكاشي– تيماري وهيناتا مع الكابتن روكلي والمدرب إيروكا ..في اعتراااض.. ناروتو:أي انا معترض شلون تخلون تيماري معانا بعدين نخسر روكلي:صح كلامه المفروض نتبادل نعطيهم تيماري ويعطونا ساكورا ساسكي:لا نبيها نبيها تبونها ولا لأ؟ كل الفريق:نبيــــــــــــها ساكورا:مشكوريين كلكم وتسلم ياساسكي ناروتو:في عامل ثاني للخساره بعد احنا مانبي إيروكا نبي كاكاشي روكلي:عيب عليك استح ياولد شلون توصل فيك الجرااءه والوقاااحه تقول هالكلام قدام أستاذك ناروتو:هاذي الصراحه والصراحه راحه قاي:بتلعب حياك الله مو لاعب هذا الباب قدامك ومايحتاج أكمل ناروتو:لالاخلاص بلعب أفففففف يصفر المدرب ويبتدي اللعب: وينطلقاللاعبون ويحاولون أخذ الكره من تيماري ولكن هي لاتتح للغير الفرصه لأخذهها ....لحظه ولكن شلون؟ قويـــــــــــــه قويه قويه لأول مره في التاريخ لاعب يعطي عدوه الكره وبلا تردد (تيماري تعطي الكره ساسكي تبيه يفوز*الحمدالله والشكر*) تيماري:ساسكي خوذ الكوره سجل قول ساسكي:شكراً ناروتو وهو يركض:لحظه غش غش مايصير المدرب:ليه مايصير على كيفك تحط القوانين ناروتو:لا بس... ..آآآآآآيوااااااااااااااااااا.. قووووووووووووووووووول المدرب:ويسجل الكابتن ساسكي الهدف الآخر لمصلحة فريقه وبهذا يكون قد تفوق على فريقه بفارق نقطه واحده... إيروكا:لحظه...لحظه اجتماع لفريقنا... الكل وده يكفخ تيماري بعد اللي سوته إيروكا:سمعوني احنا بنحط خطه تخلينا نفوقهم بعشر نقاط ناروتو:قول سمعنا إيروكا:أنا بلعب معاكم كل الفريق:صج بتلعب معانا إيروكا:أيوا ونخلي تيماري في الاحتياط فكره حلوه صح؟ الكل:أكييييييييييييد وأخبروا المدرب أنه صار تبديل يللا نبدأ اللعب... المدرب:تم تبديل اللاعبة تيماري ووضع بديلها المدرب إيروكا المدرب يعلق:ويستلم اللاعب إيروكا أقصد المدرب إيروكا الكورة بعد أن كانت لساسكي ويحاول اللاعب قارا أخذ الكره منه تيماري بصوت عالي:قارا خل الكورة وروح إحنا نبي نفوز قارا:أختي لا تدخلين بأمور الرجال تيماري:قااااااااااااااااارا قليل الادب يكمل التعليق:ويسير إيروكا بسرعه تفوق سرعة البرق وو قووووووووووووووووووووووووووووووول ويسجل اللاعب إيروكا هدف التعادل محلاه من هدف ويقفز عند زملائه وكانوا بيشلونه بس مقدروا لثقل وزنه ولكثافته العاليه روكلي:وووووووووووو شجعوا اللاعب إيروكا يستاهل يستاهل والله يستاهل كل الفريق:واحد واحد واحد إيروكا أحلى واحد كاكاشي:اجتمــــــــاع إيروكا:يالقلود تقلدني كاكاشي:كيفك اجتمعوا الفريق... كاكاشي:هالمره ماراح نسمح لهم يفرحون بهدف التعادل مره ثانيه تن تن:يعني بتلعب معنا يا أستاذ كاكاشي:تقريبا الكل:شلون كاكاشي:أنا بصير حارس المرمى بدال شوجي التعبان شوجي:ليش شفيني عشان تخلوني في الاحتياط كاكاشي:ما يخالف لا تزعل المدرب:تم تبديل شوجي وجعله في الاحتياط وبديله هو كاكاشي إيروكا:عاد أنا ما أحب اللي يقلدني كاكاشي:أعصابك الحين لهفك بأقرب ما عندي..... المدرب يعلق:وتحصل اللاعبتان ساكورا وإينو على الكورة ويبتدأ الشجار بينهما وهم يركضون بالملعب ساكورا:بعدي بعدي والله أنا اللي بعطيها لساسكي إينو:أنا قلت قبلج يللا قلبي وجهج ساكورا:احترمي نفسج وعطيني الكورة وفارقي عن وجهي إينو:سويكر ترى اذا ما رحتي... وتاخذ الكوره تن تن وهم ما يدرون وقاعدين يتهاوشون ليلحين إينو:شفتي كله بسبتج قلت لج عطيني الكورة ماصدقتيني ساكورا:سكتي سكتي بس سكتي تن تن : شيكامارو خوذ الكورة بسرعة شيكامارو:تامرين أمر تن تن:ما يامر عليك عدو المدرب:ويستلم اللاعب شيكامارو الكوره و..........و قوووووووووووووووووووووووووول ويسجل اللاعب شيكامارو هدفاً آخر لفريقه تن تن فرحانه:ووووووووووو عاش شيكامارو عاش تن تن:واحد ثنين ثلاثة شيكامارو وش حلاته من ناحيه أخرى.. قارا معصب:ياخي أخاف ارتكب جريمه في هالبنت كانكورو:اصبر يا خوي الصبر زين المدرب:ونبتدئ من جديد ويكون قد حصل فريق الكابتن روكلي على3نقاط مقابل نقطتان فقط لفريق الكابتن ساسكي... كل فريق ساسكي ودهم يدوسون بطن كاكاشي على اللي سواه كل الفريق:ها وين اللي يقول ماراح نخليهم يفرحون على هدف التعادل الا فازوا علينا احنا محتاجين للهدف مو هم كاكاشي:لا خلاص سكتوا سمعوني..(قاطعه ساسكي) ساسكي:ملينا وحنا نسمعك انت بس لو تترك كتب الغزل إحنا فوق العلالي كاكاشي مفتشل:سويسكي بتسكت ولا بطردك من الفريق ولا ليش أطردك أقول لأخوك وأفك عمري ساسكي:لالالاتقول كلش ولا بوش(إيتاشي)أخاااااااااف منه كاكاشي:زين أحسن المدرب:ما خلصتوا بسرعه نبي نكمل كاكاشي:يللا بدينا ساكورا وإينو وتن تن في فريق ساسكي وتيماري وهيناتا في فريق روكلي المدرب:وتستلم الكره اللاعبة هيناتا وهذا لايعتبر إنجاز فقط بل إعجاز بالنسبة لها ولكن قد أخذها اللاعب ساسكي منها بمهاره وبدون ما تحس ويقوم اللاعب ناروتو بأخذ الكره من ساسكي ولكن يشوته بقوه في رجله و.......سلامات سلامات ناروتو: هذا درس لك عشان ماتعيدها ساسكي يتصنع الألم وهو مافيه شي:آااااااه ناروتو أنا مريض ناروتو بسخريه:سلامات ماتشوف شر إينووهي تركض لساسكي:ساسكي ماتشوف شر ساسكي:الشر مايجيج إينو:وين المكان اللي يعورك وتجي ساكورا تركض:ساسكي ماتشوف شر ناروتو:يعل الشر يجيج ساكورا:لقااااااااااااافه انا ماكلمتك أصلاً المدرب يصفر:نعطي اللاعب ناروتو كرت أحمر ناروتو:لاااااااااااااليش تطردوني من المباراه المفروض هو اللي تطردونه تن تن بلقافه:ناروتو يللا أنت لازم تطلع برى ناروتو:شدخلج يالملقوفه تن تن:دخلني الباب ناروتو:دعسج الدباب تن تن:خلاص لازم تحترمني ناروتو:ومين انتي عشان احترمج تن تن:القمر (روح خطيرة) ناروتو:ههههههههههه انتي قمر الحين الشمس واجد عليج شلون تقولين قمر يالفاهيه تن تن:ناروتو ترى أقول لتسونادي ناروتو:الحين تسونادي بكبرها ماتشتهيج ولما تشوفج يجيها اكتئاب مدري ليش؟ المدرب:ويحصل اللاعب ساسكي على الكره بعد أن تعافى ويسجل قول لصالح فريقه(ما مداه تعافا) ساكورا وإينو فرحانين بالقول وهدف التعادل لا في الطول ولا في العرض ساسكي يهز الأرض كاكاشي:ووووووووو احسنت يا ياسر أقصد ساسكي (متأثر بياسر القحطاني) المدرب يعلن انتهاء المباراه:فووووووووووووووووو(يصفر)انتهت المباراه بالتعادل الكل :شالمباراه شوط واحد بس المدرب:خلاص انتهى الوقت ها شرايكم بالمباراة خطيرة أكيد ما راح تشوفون مثلها بالتلفزيون أتمنى أنها عجبتكم وهذي القصه منقوووووووووله لعيونكم
__________________ ^ ^ ^ ^ خطر علينا نحن الصراصير صرصوره مطلوبه 1000000 اسمي صرصوره وحياتي مفعوصه دايما بلجدران محيوسه افحط بلئسياب مثل الملقوفه الله يعين البيت اليدخله مثل الجنونه انا صرصوره الفعوصه ليشرف بمعرفتكم |
 |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| صور ساسكي وناروتو | yuki cross | أرشيف المواضيع الغير مكتمله او المكرره او المنقوله و المخالفه | 26 | 06-10-2012 01:27 AM |
| صوووووور ساسكي جناااااان اهدا الى عاشقاااات ساسكي | soso.11000 | أرشيف المواضيع الغير مكتمله او المكرره او المنقوله و المخالفه | 20 | 05-27-2011 02:33 PM |
| لكل محبي ساسكي حفله مقيمها ساسكي((ادخل)) | balsammas | أرشيف المواضيع الغير مكتمله او المكرره او المنقوله و المخالفه | 36 | 05-25-2011 04:29 PM |
| فيديو لمباراة بين ساسكي وناروتو مرة رهيبة >___< | ساكورا الجميلة تعدد حسابات | أرشيف المواضيع الغير مكتمله او المكرره او المنقوله و المخالفه | 12 | 12-08-2010 09:11 PM |
110Likes
اسفه اخي والله اسفه
العرض العادي
