مطارده بالابو ذيات والدارمي ..نداء للعراقيين
 

قسيت اوياك يسمر عمي أنا..<يقصد بعمي انه ابن عمي
أوعين الماتشوفك عمي أنا..<يقصد بعمي انه ماتشوف ضرير
إذا خالك فزع لك عمي أنا..<هنا يخاطب العم الحقيقي
تبرى أوضحك الوادم عليه
وهذا الرد
عايش اومختلي ابحالي وخالي
وشوف اهواي بعيوني وخالي
عمي دب علي جمره وخالي
جاب امهفته وهفه عليه

اكيد فهمتو شغله سهله وهسه هذا الابو ذيه واريد احد يطاردني بيه

مرة اصفن علـيكم مرة سايل
مرة الدمع ناشــف مرة سايل
مرة احتار شكتب من رسايل
مرة انتظر ســــاعات المنية


يلا نشاطكم ..ملكه الاحلام

مانضر للنجوم القاها عالية
مانضر للزهور القاها غالية
مانضر الك القاك ويايا طاير

ما فهمت تقصدين نكتب شعر :77:

لا يمعودين شدتسون ..^44^^44^^44^^44^
حلوومه هذا شعر مو ابو ذيه ولا دارمي ..
وساكورا ما اريد تكتبون شعر تنقلوه او تكتبوه انتو بس مو مثل الي جبتيه ..لازم باللهجه العراقيه و لو ابو ذيات لو دارمي