عيون العرب - ملتقى العالم العربي - محشش يقول قصته وهوافي بطن امه

في البدايه يوم كنت نطفه ظنيت اني من كريات الدم البيضاء
ماعرفت اني من بني البشر لما يوم قالت (الدكتوره) لأمي مبروك ياست هانم
انتي حامل...

عاد أمي من الفرحه حطت يدها على بطنها في المكان اللي انا موجود فيه
عرفت اني المقصود وفهمت اني مشروع بني آدمي...
بيني وبينكم ضاق صدري...قلت وش لي بوجع الراس أطلع لعالم ثاني وأصير أنسان
وفيه حساب وعقاب وأدرس...

همست لي عقلي قال أحمد ربك بتطلع وبيصير عندك ايميل وماسنجر 8 صحيح انه يطفش بس ماعليه تشترك في منتديات,,,
قلتلها وأصير مشرف في منتدى قالت كل تبن الا ذي.,,
فرحت أنا قلت أجل بأطلع اللحين قال بدري باقي تسع شهور (تحطيم)..

ولما صار لي خمس شهور كنت حاس اني ذكر بس قلت يمكن أكون بنت _لحووووول_
جلست أقطع من الشعيرات الدمويه وأقول..غلام فتاه..صبي صبيه..بزر بزره..

وأنا أفكر سمعت صوت أبوي يكلم أمي حااولت أركز ايش يقولها..قربت أذني طلع أبوي يتغزل في أمي...(تم تشفيره.....)
كنت بأتصل عليهم وأقول استحوا أنا أسمعكم بس لم تسنح لي الفرصه بصراحه أستحيت من كلام أمي وأبوي وقل أنام أحسن لي عيب اتنصت عليهم بعدين ربي يعاقبني ويصير ولدي يتنصت علي...

جلست أمص أصبع رجلي لين نمت وبعد فتره سمعت صوت قوي يتجه ناحيتي قمت بطولي
الا ويرتطم راسي ببطن أمي آآآآخ بس قوة الصوت نستني الوجع الله لايوريكم كأنه شلال مدحدر علياا أحاول أهرب منا ولا منا هنا ولا هناك مااافيه مجال ربي ستر ومر من جنبي وماتأذيت طلعت أمي الله يهديها شربت مويآآ بكميه كبيره على غير العاده بس والله تونست جلست ألعب بالمويآ برجولي وكنت بأسبح بس ماعندي مايوه...

لما جاء الشهر السابع راحت أمي ومعاها أبوي للدكتوره تطمن أمي على صحتها طبعا نامت أمي على السرير وواقف أبوي جنبها (بيحسسها بالأمان) قلت حشاا ليه هو أنتي حامل بوحش.!!

الدكتوره حطت جهاز على بطن أمي وبدأت تحرك يمين يسار فووق تحت وهم يشوفوني على الشاشه
عاد أنا قمت أتدلع وأحرك رجلي وأفتح عيوني وأغمضها بنعومه وأمص أصبعي.,

وأمي وأبوياا يتبادلون نظرات الحب والرومانسيه ويبتسمواا ويوم شال الجهاز وانقطعت عن الرؤباا
وأنا أقول فكه كأن عمرهم ماشافوا بزر..

عاد أمي سألت الدكتوره متى موعد الولاده..قالت باقي شهرين سمعت الخبر ويجيني انهيار عصبي شهرين يامفتريه خلاص أنا طفشت أنكتمت الجو حاار مافيه الا مكيف صحرااوي حتى مايبرد وقلت مايصبرنا الا النوم ونمت شهرين(نومة أهل الكهف)

صحيت من النوم وحسيت بملل وفراغ قاتل حاولت أرفه عن نفسي ورحت ألعب لعبة الحبل بأستخدام الحبل السري وأجلس انطط وأغني شبره أمره شمس نجوم كواكب هواء..وااحد اثنيين ثلاثه هيييييه....

وفجأه من قوة ماأنطط تزحلقت و انقلبت ويصير راسي تحت ورجولي فووق قامت امي تصرخ....

أخذها أبوي على طول لأقرب مستشفى قال الطبيب هذي ولاااده لما سمعت الخبر وأنا افرح مابغينا نطلع
وبديت أكشخ وأرتب حالي أستعد للقاء الأول مع صديقي بالحضانه
وأمي كل شوي تتعالى صرخاتها حطوها على السرير متوجهين لغرفة الولاده وأبوي يمشي جنبها
وقول لاتخافي أنا معااك ترد أمي أخاف أموت وأنا أولد . أبوي رد عليها والدموع تنهمر من عينيه
ياجعل يومي قبل يومك<==متأثره بالأفلام..

وأنا أقوول ماوصلنا غرفة الولاده أنكتمنا هووووووووووونآآآآ .,
طبعا نقلوا أمي للسرير الموجود بالغرفه وجاء الدكتوور ومعاه النيرسات
وقال الدكتور لأمي زفييييييييير أمي فهمتها عكس وأدتها شهيييييييق واذا انا اللي انشفط
وأدخل جواا ودقيت أمي بكووعي قلتلها يقولك زفيير زفير الظاهر أمي سمعتني
وزفرت زفره وتدفعني أمي بقوه وأنا أطلع سرعتي 180 ميغابايت.
وطلع كل شي فيني الا خشمي قلت لحووول هذا اللي كنت خايفه منه...

استدعوا الدكتوور الطاقم الطبي عشان يطلعون خشمي حاولوا المره الأولى والثانيه مانفع بعد ثالث محاوله طلعوه (الثالثه ثابته)
جلست أبكي وأقول للدكتور غض البصر وتشيلني النيرس على يدها وتلفني بذاك الأبيض
ياسلآآآآآآآآآآآآآآآآآآآآآم أخيراا أنتهت معاناتي...
من جد محشش... اتمنى يعجبكم