عيون العرب - ملتقى العالم العربي

لاضاقت الدنيا وزادن الاحمال
ازبن على اللي له رفعنا يدينا

الوالي المعبود علام الاحوال
اللي على هديه عسانا مشينا

واعرف ترى الدنيا محابيلها طوال
كم ضيعت من هم بها غافلينا

واحسب حساب الوقت غفوه ومقيال
اقفت عمار ولاحسبنا السنينا

دنيا الشقا والناس نازل ورحال
ونلقى عقب مرحالنا مابنينا

الصبر فيها جنة(ن)كلها ظلال
خل الصبر شرعك عسى الله يعينا

لابد ما يوم تقول الشغى سال
وعقب العطش ترجع تقول ارتوينا

الله جعل يسره مع العسر بالحال
هذا الوعد للي معاهم يقينا

لاشك لاهل الطيب ماقف ومنزال
اللي ليا ضاقت علينا اعتزينا

فعل مجرد من هوالات وخيال
الخوه اللي مانبيع اشترينا

عزن على اهل الطيب لاترجي الانذال
مابالنذل لاهل المعزه عوينا

اللي ربى بالطيب يسقيك همال
واللي رباة اللآش يسقيك طينا

ولابد مايوم تغير به الحال
وعقب الكدر تصفي المياه العطينا

ملاحظة:منقول