عيون العرب - ملتقى العالم العربي

بسم الله الرحمان الرحيم

طبعاً كلنا عارفين ان في كتير اعضاء ما بيحبوا الإختلاط بين الجنسين بحكم العادات و التقاليد و الدين ... من هون حبيت أعمل شات ( للذكورفقط ) يعني يمنع مشاركات أو حتى تواجد الاناث بالموضوع

و اذا اكتشفنا ان في بنت شاركت بالموضوع طبعاً رح تتلقى مخالفة لأنه القوانين و الشروط واضحين ... و حتى تكون القصة أكتر جدية اذا أي عضو من الاعضاء عرف ان في بنت معنا بالشات و ما خبر المشرفين المسؤولين عن القسم رح يتلقى مخالفة

و طبعاً هيك في اعضاء رح يحسوا براحة أكبر و يقدروا يشاركوا معنا بالشات بما انه ما في إختلاط

بتمنى من الجميع الإلتزام بالشروط و إحترام باقي الاعضاء

كمان بدنا ننبه لشي ان المشرفين و الإدارة ما بيقدروا يشوفوا كل المشاركات اللي باللعبة عشان هيك المسؤولية كمان عليكم ... يعني يكون الكلام لائق طبعاً و يمنع وضع الإيميلات و أرقام الهواتف ... و طبعاً اذا شفتو أي شي غلط باللعبة أو بالقسم يرجى إخبار المشرفين عن القسم برسالة خاصة او عبر الملف الشخصي حتى يحل المشكلة أو يخبر الإدارة

و آخر شي لازم نتذكر كلام ربنا { مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ } سورة ق الآية 18