البارحه .. قلبـي وفكـري وعينـي
ثلاث .. عنّـك بالسـؤال أشغلونـي
قلبٍ .. تواقـد بـه لهايـب حنينـي
وفكرٍ .. تلاعب به كثيـر الظنونـي
وعينٍ .. تمنّى شوفتـك يـا ظنينـي
من طالت الغيبـة عليـك اسألونـي
واحترت فـي ردّي علـى سائلينـي
حتى تغيّـر لـون هرجـي ولونـي
وقمت آتسائل بيـن نفسـي وبينـي
وش حيلتي يـوم الثلاثـة نصونـي؟
لو هُم دروا يمنـاك عافـت يمينـي
وإني نسيتك .. يا تـرى يعذرونـي؟
يـجـوز قلـبـي والفكرعاذريـنـي
بس البـلا مـا يعذرنّـي عيونـي!
مـا دام طيفـك كـل ليلـه يجينـي
قبل السهر يرخـي ستـارة جفونـي
حتـى ولـو فكّـرت أخفّـي كنينـي
بوحي يوقّـف دون سـرّي ودونـي
المشكله طبعـي مهـو فـي يدينـي
وعفويّتـي تطفـي لهايـب جنونـي
لا جيت أبكذب .. يصرخ الصدق فيني
وإن جيت أراوغ بالكـلام اكشفونـي

very nice ...i will be back to this later