عيون العرب - ملتقى العالم العربي - عبد الله السميري{راعي الصالون}

شفت لي حادث شنيع امس العصر وسط المدينه
سد نفسي عن لذيذ الزاد ياسعود وحرمها

كنت واقف ياسعود اباتصل لي من كبينه
شفت لي سيارة اجره فيه صالون صدمها
رحت للحادث وقالو راعي الاجرة مسعفينه
حولوه وحالته خطره ياكود الله رحمها
قلت وش به قالو الصدمه مكسرتن يدينه
واحد من فاعلين الخير بشماغه حزمها
لاتقول الا عسى ربي على نفسه يعينه
قلت هذي قسمته وارارها الله وقسمها
قلت بالله طمنوني راعي الصالون وينه
قالو الصالون والسواق والبنت وخدمها
قلت للسواق ماجورين وازعجني رطينه
احسبنه فام ماجور واثره مافهمها
قلت كيفك قال وش فيه وينفض يدينه
ليه قرقر ثم راح للبنت وزهمها
قال ياماما هذا جنجان وانتي تسمعينه
قالت اصلا لو عرف عمتك يمديه احترمها
وفك باب الجمس عنها وانزلت سمرا متينه
طالع من حلقها من زود نعمتها شحمها
وجاتني تمشي وقالت ليش سواقي تهينه
وفيه رجال سعودي واقف جنبي لزمها
قلت ياختي ليه سواقك هذا ماتنصحينه
وش ذنوب الناس يومنه من السرعه دعمها
قالت انته لاتدخل خلها بيني وبينه
والقضيه مع فقارا الناس بالمال نحسمها
قلت ليه انتي تحسبينه بضاعه تشترينه
الدراهم عندنا وجودها يشبه عدمها
قالت ان كانه مفكر جاتله فرصه ثمينه
والذكي لاجاته الفرصه ثمينه يغتنمها
كان مات من الدراهم نذر لاغني والدينه
00000000000000000000000
قلت هذا اخوك فالاسلام دينك مثل دينه
افزعي له خلي الهندوس عبادة صنمها
قالت الهندي هذا يسوى البلاد وساكنينه
المدينه والقرى والبدو حواشت غنمها
لاتعذرب فيه حنا يالسميري قابلينه
خادم عمه اشغال البيت والعمه خدمها
ورع اطخم ومتعلم ومتزكرت ويش زينه
عمته يفزع لها لاقام عمه يتهمها
طيبن مع عمته حنين خفيف طينه
والله انه من حنانه يدخل اللقمه بفمها
قلت ضعنا من سببكن ياخساره ياغبينه
والسلوم الطيبه باسبابكن نكس علمها
والله يرحم فالكن من عند ربي طالبينه
والنهايه اقول الحمد لله احتمها

لا تنسو الردود