الفرق بين محادثة الولد و البنت بعد الرجوع من العزيمة..



البنت بعد الرجوع من العزيمة





هي: يوووه فاتك نص عمرك.. توني جايه من العزيمة





أختها: وش حطوا؟





هي: يو يو يو ، حطهم يجنن، ما فيه شي ماحطوه ، أول شي الشاهي،بيالاتهم تجنن مزخرفه ومسكاتها ذهبيه ، بعدين القاتوه مدري من فين جايبينه طعمه يجنن وحاطينه في صياني خربزيه وفيها نقط صغيييره لونها أخضر ، والمكسرات تموووووت ،حاطين كل كسرة في كيس! والا العشاء ياربيييييه يهبببببل(يستمر وصف الاكل ساعة ونصف)



أختها: جت نوف؟





هي: ايه جت، يالله لبسها يجنن، لابسه فستان وردي مطرز بكرستال بني ، لبسها من جد ياخذ العقل





أختها: لايكون نفس اللي لبسته قبل 5سنوات؟





هي : لا لا ذيك المره لابسه فستان أحمر مو وردي ولا كان فيه كرستالات



،



اختها: أجل شكلها لابسه فستان بنت عمها أريج لاني شايفه اللبس هذا عليها



.



هي: اي والله، يووووه يخزياه، والله انه ماتستحي ؟ لا وأريج تدرين وش لابسه ؟ اليوم لابسه لبس يحوم الكبد، الظاهر انها شاريته من أبوريالين





أختها: وجزمتها؟





هي:ما أدري ماشفتها، تصدقين طول العزيمه وانا احاول اتشوف للجزمة لكن ماقدرت، حتى اني يوم طفشت في الاخير رميت شنطتي تحت الكرسي حقها على بالي ما ادري ونزلت راسي اخذ الشنطة عشان اقدر اشوف الجزمة بس ماقدرت، لبسها كان طويل مرة ومغطي رجولها





اختها: اكيد جزمتها مثل لبسها يحوم الكبد .. هي دايم كذاذوقها مو حلووو ...طيب ومكياجها كيف كان؟





هي: وععععع ، مكياجها مخليها اكبر من امها، تخيلي حاطة روج بني، الظاهر انه ديرما مو روج، والله المسكرة بعد يووووووووه مالها داعي، ما ادري مين النذلة اللي حاطه لها االمكياج ، شكلها زوجةابوها





اختها: طيب وتسريحة الشعر





هي:حقت مين؟ نوف والا اريج؟





اختها: كلهم



.



هي: تسريحة نوف حلوة، حاطة شباصة فضية وبكلة وردية، ومشابك برونزية والشعر صابغته بلون كحكحي لكنه يهببببل،





اختها: كحكحي؟ يعني ايش؟





اختها:ماتعرفين الكحكحي القروية؟ هذا لون جديد للصبغات ، اذا شفتيه تجيك الكحه من زينه حتى سألتها وين مصلحه شعرها فيه ورفضت تعلمني النجسة، اما اريج تسريحة شعرها باييييخة، شفتي تسريحةخدامتنا جيناتا وهي تغسل المواعين؟ نفسها بالضبط





اختها: على طاري الخدامة؟ خدامة اريج وش لابسه



..



هي: الخدامة لبسها عادي، لكن جزمتها خقااااااااااااق ، تهبل ماكأنها جزمة خدامة، لونها اسود وعليها خيوط فسفورية





اختها: صدق والله؟ هذي مو جزمةاريج؟





هي: الا والله؟ وانا اقول وين شفت ذا الجزمة فيه .. هذي جزمتها قبل عشرطعش سنة، اتذكرها شكلها عطتها الخدامة بدل ماتكبها في القمامة.





(ويستمر الحش إلى صلاةالفجر)>>استغفر الله





------------





الولدبعد الرجوع من العزيمة





هو: السلام عليكم، توني جاي من العزيمة وترا كل الشباب يسلمون عليك



اخوه: عليك وعليهم السلام
انتهت المحادثة




ههههههههههههههههههههههه ياحبييييييل البناات وه بس لازم يفتحوا لنا قناه للاخبار بس هع هع


اتمنى يعجبكم ..

__________________
كلمة فوق الكلمات ..
معنى فوق المعاني ..
وأي كلمة ؟؟؟

كلمة تسرح بها في خيالك .. لعلك تصل الى بحر ليس له نهاية
كلمة تحلم بها دائما .. تتمناها .. تتوق لتحقيقها


الصداقة كالمظلّة
كلما إشتّد المطر
كلما إزدادت الحاجة لها الصداقة لا تغيب مثلما تغيب الشمس
الصداقة لا تذوب مثلما يذوب الثلج
الصداقة لا تموت
إلا .. اذا مات الحب

حلوه
تسلمى بوتى

__________________

هههههههههههههههههههه...ياۈيڷـﮯ ۈاڷڷـﮧ..
اڜگڕڃ غنِاتـﮯ عڷـﮯ اڷمۈضۈع اڷگڜۈخـﮯ..
اڷڷـﮧ يعطيڃ اڷصحـﮧ ۈاڷعافيـﮧ..
سڷامـﮯ عڷيڃ

__________________
●
●
●


بـــــــنِت اڷامـاڕات ۈافتخــڕ


●
●
●

خير الكلام ما قل ودل .... ^^

__________________
بس قول الحمد لله ... ^^ :kesha:

شنسوي لعد

__________________