كيف تكسبين قلب الرجل.؟ كيف تكسبين قلب الرجل اي رجل بحياتك بس طبيعيا راح يكون التركيز على الزوج اكثر وهذا مايعني ان بعض هالنقاط ممكن تتطبق على الاب والاخ لانهم من نفس الجنس http://www.aldl3.net/vb/images/sm/4.gif طبعا احنا ملاحظين اللي صاير هاالاياممن كثرة الطلاق والخيانات الزوجيه فالزوجات في دوامه شلون يحافظون على انفسهم وازواجهم وعيالههم مسكينه المره ماتدري على منو تلحق http://www.aldl3.net/vb/images/sm/13.gif فضائيات ماصخه ومواقع سخيفه وحتى بالسوق والشارع مايسلمون الناس http://www.aldl3.net/vb/images/sm/8.gif الشي الاساسي والمطلوب هو الحب ومو اي حب مو الحب الي نشوفه في الافلام لا الحب الحقيقي واللي علاماته: ان الزوجه تفضل زوجها على اي رجال شافته عيونها يعني مو تقوله شوف رجل اختي شوف اخوي شوف فلان الفلاني وش مسوي تبين له انه هو فووووق الكل وتحاول انها تقتنع بهذا الشي بينها وبين نفسها http://www.aldl3.net/vb/images/sm/9.gif علو مقامه في نظرها مثل ما قلت تحطه فوق وتبديه على اي شي ثاني بحياتهاولازم تبين له انه كبير بعينها>>>يازين رفع المعنويات http://www.aldl3.net/vb/images/sm/7.gif ثبات مكانته في قلبها طبعا هذي مايبغى لها شرح احترامه وتوقيره تحترم اراءه وتصرفاته سواء بينها وبينه او بينها وبين الناس حتى لو كانت مو موافقه عليها حب قربه وعدم الصبر على فراقه يعني مو تقعد ببيت اهلها 3 ا ايام 4 ايام وصافطه الرجال لازم تحسسه انها مشتاقه له دايم وماتقدر على فراقه>>حتى لو كانت تقدر http://www.aldl3.net/vb/images/sm/19.gif حب مايحب وكره مايكره احنا مانقول انها تنسلخ من شخصيتها على شانه بس هذا الشي راح يقربها منه وممكن تحببه هو باالاشياء الي تحبها هي بالمشاركه طبعا يعني تقدر تشوف اكثر شي يحبه وتحبه وتشاركه فيه على قد ماتقدر واقرب شي لكم الكوره وش تخسرين اذا عرفتي متى وقت المباره وجهزتي له الاجواء الحلوه الي تخليه يتابع معاج المباره وهو مستانس بدال ماتنغصين عليه وتغيرن المحطه؟ http://www.aldl3.net/vb/images/sm/1.gif حفظه في العرض والنفس والمال والولد طبعا هذي اشياء رئيسيه ومافيها اختيارات ولازم الووحده مننا تحرص عليها حرصها على نفسها وتعرف ان هذا الشي امانه وان محافظتها على هاالاشياء راح تجيب لها التوفيق من ربها وثقة زوجها طبعا الرضا والقناعه والقناعه مثل مانعرف كنز لا يفنى وهو نعمه من نعم الاسلام علينا يعني الرضا بالقضاء والقدر والي كاتبه ربي هو اخير لنا لازم تقتنع البنت باللي عطاها ربي ولا تطالع الي عند غيرها لانها ماتدري عن خوافي الامور انتبهي من نصائح بعض النساء الي همهم بس تخريب البيوت الي ماعندهم خبره ولا حسن تدبير للامور ورجحي تفكيرج لانج انتي ادرى بشريك حياتج من اي احد ثاني احرصي على تقارب وجهات النظر بينج وبينه عشان ماتكبر الفجوه بينكم مع الايام شاركيه في افكاره وفي تطوير نفسه وساعديه اذا غلط سامحيه تراها دنيا زايله وانتو مالكم الا بعض ولا تسوين من الحبه قبه حافظي على هدوء البيت ونظافته وعلى نظافتج الشخصيه لاتخلين البيت عفسه وريحته تجيب العمى>>وش دخل العمى بالسالفه ترى من جد البيت المرتب والنظيف يفتح النفس على الحياه لا تستغلي نقاط ضعفه ولا تركزين على عيوبه ترى هذي من اكثر الاشياء الي تقهر الرجال وخري عنها بالعكس حاولي انج تساعدينه على تجاوزها ولا تصيرين انتي والدنيا عليه http://www.aldl3.net/vb/images/sm/8.gif حاولي تكوني احلى وحده بعينه من كل النواحي طبعا يعني خليه مايستغنى عنج اي شي خلي له لمسه خاصه وطريقه خاصه تحببه فيج غيري عليه بس بااعتدال لان الشي اذا زاد عن حده ينقلب ضده http://www.aldl3.net/vb/images/sm/4.gif صارحيه باللي داخلج لاتكبتين اي شي لان هذا الشي راح يزيد المشاكل ويطورها بدال مايحلها انتبهي من افشاء سره او اخطأه لانج ماراح تكسبين اي شي بالعكس انتي الخسرانه اذا الناس نظروا له نظره دونيه ساعديه على صلة الرحم خصوصا امه وابوه واخوانه وماراح تتخيلين شلون بتكبرين بعينه لا تغترين بجمالج ومالج واهلج ترى حتى هو عند اشياء يغتر عليج فيها http://www.aldl3.net/vb/images/sm/19.gif ابتسمي للحياه وخلج متفائله وخلي البيت جنه خليه يشتاق للرجعه للبيت لان في وجه بشوش يستقبله ولا تصيرين نكديه وتدورين على المشاكل دواره http://www.aldl3.net/vb/images/sm/5.gif الحب والحنان والعطف والرعايه الكامله بالنهايه الرجال داخله طفل صغير ومحتاج لهذي الاشياء اكثر من الطف نظرا للاشياء الي يواجهها بالحياه جددي حياتكم وابتعدي عن الروتين معروفين الرجال بحبهم للتغير بكل شي انتبهيييييي ممكن انتي يغيرج فغيري قبل لاتتغيرين http://www.aldl3.net/vb/images/sm/3.gif واحنا لو رجعنا لسيرة الرسول راح نلقى فيها احلى دليل للحياه الزوجيه السعيده وطاعة الرب هي الي راح تسعدج وراح تتوفقين بحياتج وكلمه اخيره لكم خواتي مو حرام اننا نغلط بس الحرام اننا نستمر بالغلط ومانغير انفسنا http://www.aldl3.net/vb/images/sm/18.gif اتمنى انكم تستفيدون ودعواتكم لي واتحفونا طبعا بااضافاتكم الحلوه |
لربما كنتِ صادقة في بعض النقاط .. ومبالغة في نقاط أخرى ، فليس كل الرجال يستحقون العيش في ذلك النعيم smile2 . . بارك الله فيكِ وأدامكِ لنا |
لربما كنتِ صادقة في بعض النقاط .. ومبالغة في نقاط أخرى ، فليس كل الرجال يستحقون العيش في ذلك النعيم smile2 . . بارك الله فيكِ وأدامكِ لنا شكرا لك بارك الله فيك يا اختي تقبلن مروري المتواضع |
drip/ليش نقلتى الموضوع لنكت والخنبقة:mad: |
:th: :th: :th: :th: |
الساعة الآن 10:57 AM. |
Powered by vBulletin®
Copyright ©2000 - 2024, vBulletin Solutions, Inc.
شات الشلة
Powered by: vBulletin Copyright ©2000 - 2006, Jelsoft Enterprises Ltd.
جميع الحقوق محفوظة لعيون العرب
2003 - 2011