عيون العرب - ملتقى العالم العربي

العودة   عيون العرب - ملتقى العالم العربي > عيـون القصص والروايات > روايات طويلة > روايات كاملة / روايات مكتملة مميزة

روايات كاملة / روايات مكتملة مميزة يمكنك قراءة جميع الروايات الكاملة والمميزة هنا

 
 
LinkBack أدوات الموضوع انواع عرض الموضوع
  #1  
قديم 12-09-2009, 09:36 PM
 
حصرياً في عيون العرب رواية أم البنـــــات الرائعــه




حبايبي هاذي رواية أم البنـــات كاملة مع بعض التعديلات التي أدخلتها عليها
أرجو ان تنال إعجابكم وراح أنزل جزء منها كل أربعاء
لا تحرموني من تعليقاتكم وتقييم الموضوع










الأب : فهد متــوفي صار له 18 سنــه
الأم : لـيلى
وئـام : عمرهـا 25
نرمين : عمرها 23
مايا : 20
نمارق : 19
ميساء و ليساء : توأم 18
عـائله فقـيره ساكنـه في شقة قديمة

البارت الأول
في المـدرسه الثانويه العامه
ميساء و ليساء .. في ثاني ثـانوي
قبـل لا يبدا الطابور الصباحي بعض الطلاب في الفصل يحل الواجبات والبعض يتمشـون تحت
ونمارق كانت من الطلاب اللي بالفصل يحـل الواجب لان أصلا ماعندها وقت في البيت تحل
اما ميساء و ليساء من الطـلاب اللي يتمشون تحت
ويسـالفون بـ مرح فجـأه بنت مرت جنب ميساء وضحكت وراحت
لفت ميساء عليها : في شيء يضحك
بس البنت راحت ولا ردت عليها
رجعو يتمشون ويسـالفون شـافو مجمـوعة بنات يشوفون ميساء : ويضحكون عليها
ماهتمت ميسـاء وظلت تمشـي .. وشافت بنتين يطالعون ميساء ويضحكــون
عصبت ميساء ووقفت قبال اختها ليساء : ليساء فيني شـيء يضحك
ليساء واهي تشوفها : ههههههههههههههههههههههه
ميساء : شنــو يادوبه شككتيني بنفسـي
ليساء مو قادره تتكلم من الضحك : ههههههههه آهـ يابطني
ميساء : يـادوبه بتقولـين ولا شـلوون .؟
ليساء واهي ميته ضحك : ههههههههه مريولك مقلـوب هههه والجيوب طالعه هههههههههههه
ميساء واهي تشـوف نفسها : واااي فشله يــادووبه وين أودي وجههي
ليساء : ههههه وش تنتظرين روحي الحمام ( وانتو بكرامه ) وعدليه المريـول
دخلت ميساء الحمام و عـدلت المريـول
ليساء : هههههه المره الثانيه انتبهي هذا، الدليل إنك توك صاحيه
ميساء : دووبه وانا شدراني وليش ماقلتي من قبـل دووبه
رن الجــرس والكــل استعد حق الطـابور

أمـا في البيت الصباح السـاعه 8
ليلى ( الأم ) : يـلا يـا وئام قومي وصحي خواتك
وئام واهي كلها نـوم : يمـه بس اشوي تو الناس الساعه 8
ام وئام :يعنــي ثمـان تشوفينه تـو الناس يلا قومي وصحي خواتك بسرعه
قامت وئام واهي تحـك شعرها : ياربي ليه انا دايم اصحى اول وحـده
ونـزلت من السرير واهي تصحي خواتها اللي نايمين بـالأرض
وئـام : نرمين يـلا قـومي
نرمين واهي كلها نوم : اول صحي مايا بعدين أقـوم
وئام : نرمينوو و وجــع قومي يلا عاد
قامت واهي معصبه : اوووفف الناس مايصحون الا الساعه اربع العصر واحنا من الصبح ولا دجــاج
مايا صحـت : ههههه يالهبله الدجاج يصحى من الفجر
وئام : وهـ فديتك مايا على طـول صحيتي مو زي بعض الناس
قامو كلهم وغسلو وجههم وراحو للـ مطبخ يـسوون لهم فطـور
وئــام : أكبـر وحـده مثـل مانتو عارفين حنـونه على خواتها
واهي اللي صايره لهم الأم بعد أمها ليلى اللي ماتهتم فيهم
واللي عليها تصحي بنتها وئـام للـ شغل واهي تجلس بالبيت مرتاحه في المطبخ
نرمين جالسه ع الأرض ومتسنده ع الجـدار ونايمه
مايا : ههههه وئام تكفين شوفي اختك كيف نايمه
وئام واهي تلف عليها : ههههه وش فيها هـاذي جنــّت حمد الله والشكر
مايا : تستاهل تدرين امس الساعه كم نامت
وئام : كم ..؟
مايا : ست الصباح
وئام شهقت : وجعـاه لــيه
مايا : ههههه ليه يعني تفكر في حبيب القـلب اللي مو مهتم لها ولد عمها
نرمين واهي نايمه : ولد عمك انتي بعد
مايا : بسم الله انتي صاحيه
نرمين : لا نايمه
وئام : أقـول دامك صاحيه يـلا قـومي ساعدينا
نرمين : يعني ماسمعتي مايا وش قالت مانمت الا الساعه ست رحموني عاد
وئام حنت عليها : طيب بنخليك الحين بس اذا استوى الفطور تقومين غصـب عنـك فهمتي
نرمين واهي كلها نوم : اممم
خلصـو الفطـور وقـدموه لـ أمهم بأدب وأحترام وراحو لـ شغلهم المتعاد

واهم يمشـون
مايا : وئـام تأخرتي على شغلك كثـير
وئـام : عادي ماراح يسـون شـيء بس اهم شيء اوصلكم
نرمين : لا تخافين علينا أنتِ روحي واحنا الله معانا
وئام : يعني شايفين كذا ..؟
نرمين ومايا : إيـوا
راحت وئـام لـ شغلها فـي مدرسة الأبتدائيه وكـان شغلها فراشه اللي أجبرتها الظروف على هذي الشغـله
أمـا نرمين تشتغل في حضانه أطفـال .. ومايا تشتغل في مشـغل حـق استقبال فـقـط
بالمدرسه الأبتدائيه
اخذت وئام ملف من المديره علشان تـوصله لـ معلمه ، وبين ماكانت تمشي صقعت
في بنت بصف سادس ابتدائي راسبه ثـلاث مرات : وجــع انتي عمياء ماتشوفين
وئام : مـدري مانتبهت
عبير : حمد الله والشكر روحي بس لـ شغلك وبعدها ابيك تروحين تنظفين فصلي فهمتي
وئام : اذا كنت اشتغل عـندك تعالي أمريني انظف فصلك
عبير : اقـول تقلعي بس عن وجهي وغصب عنك بتنظفين الفـصل
احقرتها وئام ومشت بطريقها ... عصبت عبير منها ومسكتها و قالت : مو انا عبير اللي تحقريني يافراشه
وئام بحده: ابعدي عن شـري أحسن لك
عبير : طـيب ياافراشه انا أعــلمك من تكــون عبير اللي تطاولين لسانك عليها
راحت وئـام بطريقها ولا اهتمت لهـا
عـند نرمين طـول الوقت نايمه والصغار يلعبون
جنى وهي تصيح : ابله نرمين
نرمين وهي تتثاوب : ها وش تبين
جنى : عبود ضربني
نرمين ببرود : عبود اعقل لا تضربها
ونــامت مره ثانيه .. جلست جنى ع الأرض واهي ماسكه دفتر وتلــون ..
أخذ عبود عـود طـويل وضـرب جنى فيها
طاحت جنى ع الأرض واهي تنــزف دم
وحده من الصغار : ابله نرمين جنى جنى
نرمين وهي تتثاوب : لاحوول وش فيها
واهي تأشر على جنى: جنى ماتت
لفت على جنى بخـوف وشافت الدم كله بالأرض رفعتها بخـوف وشافت عبود يركض للـ شـارع حاولت تلحقه بس ماقدرت وبيدها جنى نادت ع الخدامه : إرنا إرنا بسرعه عبود طلع برا
راحت رنا ببرود الشـارع تـدور على عبــود
غسلت راس جنى اللي مازال ينزف دم مو عارفه وش تسوي اخذت الدفتر
واتصلت على أم جنى وام عبود
أم عبــود : عبود الحين وينه ..؟ وكيف انتي ماتحسين فيه انتي هو مو عندك
قالت احنا أمنـاك على عيالنا وانتي نايمه
نرمين بخوف : والله سامحيني ماقدرت أسـوي شيء كانت البنت بأيدي وقلت للـ خدامه تركض وراه
ام عبـود : قـولي هذا الكـلام في مركز الشرطه
شهقت بخــوف : شــرطـه ليه انا وش سويت
ام عبـود : خطفتني ولدي وضربتي البنت على راسها وقلتي إن هذا عبـود ولدي
نرمين : والله العظيم انا مالي ذنب اسأليهم كلهم
طلعت أم عبـود على طـول في مـركز الشرطه وأخــذو نرمين للـ مركز





V
V
V
V
__________________
أجمل ما في الحياة هي الأخوة الصادقة
لأنها مدينة مغلقة لا يدخلها إلا الأوفياء

التعديل الأخير تم بواسطة *GHADA* ; 01-06-2010 الساعة 01:35 AM
  #2  
قديم 12-09-2009, 09:46 PM
 
نرمين واهي تصيح : من وين أجيب محامي
الضابط : والله هذا مو مشكلتي مشكلتك انتي
جلست ع الكنب اللي جنبها وغطت وجهها بأدينها واهي تصيح : أبـــي وئــام جيبوها لـي
الضابط : منو وئـام يعني تتوقعين بتقدر تطلعك ..؟
نرمين : إيي اهي الوحيده اللي تقدر جيبوها لي
فــي المشغـل ومن حسن حـظ نرمين
ام سعود : تفضلي يا مايا
مايا : شنو هذا ..؟
ام سعود : هذا مكافـئه مني لك
ابتسمت مايا بفرح : مشـكوره خالتي ماقصرتي
ام سعود : العفو ولو وهذا اقـل من جزائك من جيتي تشتغلين هنـا و الزباين زحمــه علينا واذا الله وفقنا بأذن الله بخليك تكونين شريكه لـي
اكتفت مايا ببـتسامه واهي تتخيل خواتها كيف بفرحون بـ هذي الفلـوس
السـاعه وحـده الظهر
في المستشفى
ام جنى واهي خايفه على بنتها : بشر دكتور وش صار عليها
الدكتور : الحمد الله صحت بس راح تكون تحت العنايه
ام جنى بفرحه : الحمد الله الحمد الله يــارب
فـي الشـارع نمارق و ميساء وليساء يمشـون
نمارق : يالله تعـب الشنطه ثقيله امسكوها لي
ليساء وش رايك انتي تمسكين شنطتي وانا امسك شنطتك
نمارق : هاها تنكتين مع وجهك
خالد : هااي
ميساء : هايات
ضربتها نمارق وسحبتها من إيدها : يالغبيه ليه تردين عليه
ميساء : بعد السلام لـ الله
نمارق : حمد الله والشكر بعدين هو قال هاي ماقال السلام عليكم
ميساء : انتي الحين جالسه تفهميني شوفي وراك
لفت وراها وشافت ليساء تسولف معاه
راحت نمارق عندها وسحبتها من إيدها : انتي جنيتي وش تسولفين معاه
ليساء : هو يسـألني عن محل **** وانا جالسه اعلمــه
نمارق : ياربي منكم بتجننـوني ماعليكم منه هذا جالس يلعب
مشـو بـطريقهم و وصلــو البيت..
ليلى أم وئام : يلا ارتاحو خمس دقايق وسوو الغداء
ميساء : يممه تونا جايين
ام وئام : ايي وانا وش قلت ارتاحو وقومو سوو الغداء


في مركز الشرطه
وئـام : بس اهي قالت انها مالها ذنب وحتى الصغار اعترفو والخدامه بعد وش تبــون أكثر...؟
الضابط : انا مافي يدي شـيء غير إن الحرمه تتنازل عن القضيه أو انكم تجيبون محامي
وئام : وليه ماتتنازل
الضابط : الحرمه تبي ولدها
شهقت نرمين : مالقته لما الحين ؟
الضابط : مثل مانتي شايفه مالقته لما الحين وانتي اللي بتكونين المسـؤله
وئام : يعني شنو اختي تنسجن على شـيء اهي مالها دخل فيه
دخـلت مايا ببـتسامه كـالعاده وهي حامله الظرف فيه فلوس
اللي يكفي حق محامي وأكثر : السلام
الكل : وعليكم السـلام
مايا : احنا قررنا نحط محامي
وئام : مايا وش فيك من وين لنا احنا فلـوس
مايا : لا تخافين توني مستلمــه مكــفأه
نرمين : تكفــون مابي امي تدري عن شـيء وحتى خواتي
وئام : ان شاء الله راح نطلع بسرعه قبل لا يصير ثـلاث
الضابط : انتو شايفين القضيه سهله هذا فيها اختطاف وضـرب طفله
وئام : الضرب خله على جنب ام جنى الله يجزاها خير تنازلت عن القضيه اما الأختطاف ان شاء الله راح يرجع الولد
الضابط : اتمنى بس ياليت تشوفون لكم محامي بأقرب وقت


في بيت بو زياد

.. ..
بو زياد : كم مره انا قايل لكم هذولا مو بنااات عمكم
زياد : كيف يبــه يعني مو بنات عمنا ليه تبريت منهم
اياد : ولا تنسى يا يبه ان فلـوسهم الورث اللي من ابوهم اللي اهو عمي كله عندك يعني لو هذولا الفلـوس عندهم كـان البيت اللي احنا فيه ملك لهم مو لنا
بو زياد : استح على وجهك ولا تكلم أبـوك بـ هذي الطريقه صدق اني ماعرفت اربيكم
زياد : لا تــزعل يبــه بس هذا الحق اخذ الفلـوس بس ع الأقل خلنـا نسـأل عنهم لا تنسى انهم كلهم بنـات
بو زياد : والله لو أحد يجيب هذا الطاري ياويلكم لا هو ولدي ولا انا ابـوه والفلـوس اللي تتكلمون عنها هذا فلـوسي انا بتعبي بـ مجهودي
عــائلة بو زيــاد .. : بو زياد يكــون أخـو بو وئـام شراني وهو سارق حـلال اخوه قبـل لا يتوفى أنتقـــام منه وراح تعرفون سبب الأنتقام بـوسط الروايه
أم زيـاد : أم طيــبه وحنــونه على عيالها واهي اللي قالت لهم عـن سـر ابوهم
أولادهم : زياد _ اياد _ فارس _ سارة


وش صار مع البنات في مركز الشرطه وايش هي الأحداث الغريبه راح نشوفها بالجزء الثاني يوم الأربعاء القادم

__________________
أجمل ما في الحياة هي الأخوة الصادقة
لأنها مدينة مغلقة لا يدخلها إلا الأوفياء

التعديل الأخير تم بواسطة *GHADA* ; 12-30-2009 الساعة 11:32 AM
  #3  
قديم 12-09-2009, 10:02 PM
 
نسيت لا أقول إن الروايه
منقولة من أميلي لكن عدلت فيها أشياء
__________________
أجمل ما في الحياة هي الأخوة الصادقة
لأنها مدينة مغلقة لا يدخلها إلا الأوفياء
  #4  
قديم 12-10-2009, 03:00 AM
 
يسلموو كتيير حبيبتي
روعه لكنك اروع بالطبع
بانتظار اكمال الروايه
متابعه
__________________
اللهم إنك أعطيتني خير أحباب في الدنيا دون أن أسألك
فلا تحرمني صحبتهم في الجنه
وأنا أسألك فاللهم أسعدهم وفرج همهم وحقق لهم ماتمنوا
وإجعل الجنه مقرا لهم !!
اللهم لاترد دعواتي لهم
فإني فيك أحبهم
  #5  
قديم 12-10-2009, 03:39 PM
 
القصة رووووووووووووووعة
تسلميلنا عيون
__________________
سبحان الله العظيم
سبحان الله وبحمده


فاضي دقيقتين؟
ادخل هنا
وشاركنا
هنا
مشاركة في دورة عيون العرب لتعليم الفوتوشوب خطوة بخطوة 2


يا كاشفني
ღ. ŚḿĨŁę ğĩŕĻ .ღ.
 

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
صور فاضحة لدعبول وكعبول حصرياً على عيون العرب !! RooT أرشيف المواضيع الغير مكتمله او المكرره او المنقوله و المخالفه 64 07-13-2007 04:31 AM
حصرياً على عيون العرب صور العاصفة الرملية العجيبة على الصين RooT أرشيف المواضيع الغير مكتمله او المكرره او المنقوله و المخالفه 10 12-18-2006 05:34 PM
حصرياً: بريتني سبيرز في عيون العرب nesma أرشيف المواضيع الغير مكتمله او المكرره او المنقوله و المخالفه 23 06-22-2005 07:09 PM


الساعة الآن 11:24 AM.


Powered by vBulletin®
Copyright ©2000 - 2021, vBulletin Solutions, Inc.

شات الشلة
Powered by: vBulletin Copyright ©2000 - 2006, Jelsoft Enterprises Ltd.
جميع الحقوق محفوظة لعيون العرب
2003 - 2011