07-02-2009, 05:41 PM
|
| |
 ملاك وفيصل رواية من تأليفي
ملاك وفيصل
ملاك فتاة في 14 من عمرها عاقلة وفي نفس الوقت تموووت بالرجة والهبال تعشق اغاني الراب والهب هوب تعيش ملاك بين اسرة مكونه من 7افراد بابتها (محمد)ومامتها (ماجدة) ومصعب اخوها الكبير متجوز وعنده بنت ومنى اختها مخطوبة ومهند 2جامعة ومرام في 3ثانوي واخيراً وليس اخراً ملاك
ومرة راحو السوق مع عمتهم وجدتهم وراحت ملاك مع بنت عمتها داناواختهامرام للكوفي وقعدو طلبو طلبهم ودفعو الحساب وبس قاعدين يهرجو اله ويدق جوال دانا وترد دانا وشوي ويتغير وجهها وتلم اغراضها وتجري قامت مرام وملاك يجرون ورها يبغون يعرفون ايش سالفة وسبقت ملاك مرام وعرفت انو جدتهم جاتها نوبة قلبية وجاه الأسعاف واخذها ومافي بالسوق غير خالد (اخو دانا ) عشان يخرجون سارت ملاك تصرخ لمرام وتقلها جدتي مريضة بسرعة بسرعة وهي بتكلم مرام الا ويجي ولد ويطيح فوقها وسار شكلها انواع الحش مرام ماعرفت وش تسوي سارت تبكي وتضحك وطبعاً دانا لقدام عشان تلحق خالد جو اصدقاء الولد وشالوه وطبعاً مرام مسكت اختها وكملت جري واخيراً وصلو لخالد وركبو السيارة وطول الطريق وملاك ساكته ماقالت شيء ولما وصلو نزلو كلهم ماعد ملاك مرام تقلها بسرعة وش فيك انهبلتي وملاك ولا ترد دخلت مرام السيارة وكشفت وجة ملاك وتلقيه مغمى عليها سارت تصرخ تحسبها ماتت ويجي خالد ويشيل ملاك ويوديها الطورى ومرام بس تبكي ودانا راحت لجدتهم تشوف وش سار فيها المهم تطلعت ملاك بخير بس رجلها مكسورة ومفقوشه عشان كده اغمى عليها انشغلت دانا وام ملاك بجدتهم ونسيو البنات ولما قامت جدتهم بالسلامة سألت عن ملاك ومرام وقتها تتذكرت دانا وقالتلهم ام ملاك خبلت وسار تدور بالمستشفى على بنتها ولمحت مرام وسألتها عن اختها واترمت مرام في حضن وسارت بس تبكي ام ملاك انفجعت وسارت بس تقول ايش سار باختك ايش سار بأختك الا ويجي خالدويقول وحدي الله يا أم مصعب ملاك بخير بس رجلها مكسورة قالت ابغى اشوفها قالها تعالي معي ودخلت وشافت بنتها وسألتها عن الي سار وحكتها وقتها سارت بس تضحك (ام ملاك) وجاه عم محمد وشاف بنته هو ولده مصعب وخرجوها من المستشفى اما جدتهم قالولها كمان اسبوع وتخرجين رحت ملاك البيت وغابت عن المدرسة وكان عندها اختبار انجليزي والمدرسة دقت واتفهمو الموضوع وقالولها جيبي ورقة من المستشفى عشان نعيد الأختبار ويوم ماسارت ملاك تقدر تمشي بالعكاز راحت المدرسة واعطت الورقة لأبلة الأنجليزي قالتلها معليش مارح اعيد قالتلها ياأبلة رجلي انكسرت ووو قالتلها مو ذنبي هذي مشكلتك مو مشكلتي انقهرت ملاك من ابلة وكلمت المديرة قالتلها اذا فضيت اتفاهم معاها هنا وصلت مع ملاك ورجعت البيت تبكي قالت لأمهاعن الي سار قالتها اذا ماسار شيء انا اروح المدرسة واتفهم ومعاهم وو....قاطعتها منى تقولها يمه ابغى اروح ابدل هذا من السوق كبير علي واليوم اخر يوم عشان التبديل قالتلها روحي مع السواق وخذي معاكي وحده من اخواتك قالت ملاك مالي خلق لذاك السوق مو كفايه بسببه رح ارسب قالتها امها لاتكبر الموضوع انا ايش قلت قالت بس يمه قالت خلاص انتهى الموضوع سكت ملاك ورجعت منى مرة ثانية وقالتلها يلا قومي نروح السوق قالت ملاك روحي مع مرام انا تعبانه قالتلها مرام عندها اختبار احياء ومي فاضيه قامت ملاك وهي واصلة معاها وراحو السوق ودخلو محل عشان يبدلو وفي نفس المحل في ذاك الولد الي طاح فوقها ملاك عرفته وماهي عارفة ايش تسوي توترت مرة بس الحمد الله كان مشغول مع زباين ثانين والرجال الي معاهم مو فاهم عليهم عشانه مايتكلم غير انجليزي قام نادى الولد وقاله فيصل وتكلم معاه بالأنجليزي وجاء فيصل عند ملاك راحت منى تشوف شيء ثاني وسار مافي غير فيصل وملاك وفيصل سأله تفضلي في ايش اقدر اخدمك سكتت بعدين قالت اببببغى ااااارجع هذي البلوزة قال مايسر ترجيع بس تقدري تبدليها قالت ططططيب شكراً وهي رايحة عند منى عشان تقلها وش سار طاح العكاز وجات تبغى تشيله الى وطاحت طرحتها جاء فيصل واعطها العكاز وشاف وجهها وشك انها هي البنت اللي طاح فوقها ذاك اليوم لانو ماشاف وجهها تمام لا يوم طيحة ولا اليوم قالت ملاك شكراً قال العفو بس.... وجات منى قالت وش رايك ياملاك بهذي مو احلى قالت اية يلا خذيه بسرعة خلنا نروح قالت وش فيكي مستعجلة نسيتي رجلك مكسورة ولاتقدرين تمشين بسرعة ولا ناوية طيحين وطيحي الناس فوقك ههه اللهم لاشماته قالت ملاك اسكتي اسكتي وقتها تاكد فيصل انها هذي هيا البنت الي طاح فوقه كان يبغى يتأسف بس كيف خرجت ملاك ومنى من السوق وقام فيصل لحقها مايدري ليش بس قال لازم اعرف بنت مني ذي نزلو البيت وطبعاً ملاك ماتدري عنه رجع فيصل شغله وهو بس يفكر بملاك ويقول يمكن مو هي بس ... ولا كمان اسمها ملاك مثل هذيك البنت يقولو ايش ابغى اقلها وكيف وبس يفكر وطبعاً ملاك تفكر تقول هو عرفني ولاماعرفني وان عرفني ايش رح يسير بس ..... طبعاً من التفكير ملاك مانمت اله الساعة 4الفجر وبالقوة قامت وراحت المدرسة وعلى حظها السيء اول حصة انجليزي طبعاً اتأخرت ملاك عن الحصة وجات في الربع ساعة الأخيرة وأخذت بهدله من ابلة الأنجليزي وطبعاً ماسار شيء رحت ملاك البيت وقالت لأمها قالتلها خلاص انا بكرة اروح معاكي المدرسة فرحت ملاك وراحت نامت ولما صحيت اشتهت جالكسي وكانت امها تبغى شويت اشياء من البقالة ورسلت السواق وهو في الطريق وقفه فيصل واعطاه ورقة قال هذي اعطيها ملاك بس ماما ولا بابا يدري راح السوق البيت وجاب الأغراض ولما جات الشغالة تأخذ الأغراض قلها نادي ملاك قالت مايسير بعدين ماما زعلان انت ايش يبي قالها اعطي هذا ورقة حق ملاك بس ماما بابا لايدري رحت الشغالة عند ملاك واعطتها الورقة قالتلها ايش هذي قالت هذي من فيصل سكتت ملاك واخذت الورقة وقالت لاتقولي لااحد هذا الكلام قريت ملاك الي في الورق وكان مكتوب بسم الله الرحمن الرحيم اختي ملاك انا جداً اسف على ماحصل ولكن كنت اجري لان عمي كان مريض وحصل ماتعرفين وكان كل التعب عليكي اتمنى ان تسامحيني واتمنى ان لاتفهميني غلط والسلام عليكم ورحمة الله وبركاته قطعت ملاك الورقة وحطت في بالها انو لازم تنسى الي صار عشان مايصير شيء ثاني وثاني يوم راحت ملاك المدرسة وهي نازلة من السيارة لمحت فيصل فقالت اكيد وحد يشبهه موصل ابلة الأنجليزي مستحيل كلمت ام ملاك الأبلة وتفاهمو انو رح اخذ درجة اختبارين في اختبار واحد وفي اخر حصة وكان عندهم انجليزي بعد ماخلص الدرس سمعت ابلة الأنجليزي تكلم الجوال وتقول فيصل ياريت تجيني تعرف عمك تعبان هنا قالت مو معقولة لازم اتأكد ولحقت ابلة الأنجليزي في الصرفة وفعلاً طلع فيصل وقتها انصدمت وما عرفت ايش تسوي رجعت البيت مصدومة ورحت غرفتها وسارت بس تبكي ماتدري ليش كان وقتها نفسها تحكي اي احد الي سار بس للأسف ملاك ماتثق ولا باحد ومرت الأيام وملاك كل يوم تلحق ابلة الأنجليزي بس عشان تشوف فيصل ووقت ماترجع البيت تقول خلاص بكرة مارح اروح بس ماتقدر ويوم اختبار النجليزي ملاك ماحلت ولاشيء واخذت صفر وقتها الأبلة مرررررة عصبت على ملاك وفي الصرفة لحقت ملاك الأبلة زي دايم دخلت ابلة الأنجليزي السيارة وكانت بس تحرك يدنها وفيصل كان مصدوم ماعرفت ملاك ايش السالفة ومرررة انقهرت رجعت البيت وفتحت الشباك وشغلت اغاني الراب وقعدت تفكر في الي حصل وشوي وتجي سيارة مثل سيارة فيصل وفي نفس الوقت الي تجي السيارة يدق باب غرفة ملاك وتدخل ام ملاك وتقلها اجلسي ياملاك ابغى سولف معاكي في موضوع ما عرفت ايش تسوي راحت ملاك عند امها وقعدت تسولف ام ملاك وملاك مو معاها تفكر ايش جاب فيصل هناخلاصت امها وقالت ملاك ان شاء الله خير رح ارجع اتكلم معاكي بالموضوع وراحت ملاك على الشباك لقت فيصل يكلم السواق على طول ملاك لبست عبايتها وقالت لأمها ابغى اروح البقالة دحين مع السواق قالت امها قولي للسايق ايش تبي وهو يجيب قالت لا انا مضايقة وودي اطلع قالت خلاص روحي مع اخوكي مهند وخشت منى عرض قالت يمه ابغى اروح السوق قالت خلاص نروح كلنا مع ابوك قالت ملاك لا يمه ودي.. قالت خلاص رح نروح السوق بعد المغرب روحي فصخي عبايتك بعدين نطلع كلنا المهم راحو السوق وانبسطت ملاك ونسيت موضوع الأختبار وفيصل وكل شيء مع اخواتها وبنات خلاتها ولما رجعت البيت نامت نومه من زمااااااااااان مانمتها لدرجة انو اهلها ماقدرو يصحوها من النوم وغابت ولما صحيت فطرت وامها قالتلها انو المدرسة دقت وانو ابلة الأنجليزي مرة زعلانة منها على درجة الأختبار ورح تعيدو بس المهم تستعد تمام وقتها طارت ملاك من الفرحة وراحت جري على كتاب الأنجليزي وذاكرت تمام وعلى اذان العشاء خلاصت ملاك من المذاكرة قامت صلت وبعد ماخلاصت دق التليفون حق البيت ردت ملاك قالت الو وكان صوت رجل قال الو ملاك قالت ايوة من معايه قال انا فيصل الي بالسوق حق الرسالة ملاك قالت انت واحد قليل ادب ماتستحي على دمك قال فيصل خلين افهمك بس طوطو قفلت ملاك السماعة في وجهه وسارت حالتها بالهم تقول وش الي انا سويته بانفسي وبس تبكي ثاني يوم اختبرت ملاك وجابت الدرجة الكاملة واجابتها الغلابية نموذجية بس كانت مرة تعبانة وكانت بس تقول انو من ما نامت عشان الأختبار وفي الصرفة اترددت تروح عند فيصل ولا وقررت تنساه وتنسى الموضوع وفعلاً ماراحت عنده ومر اسبوع والثاني وملاك ماتروح ومرة فكرت وقالت خلني اروح هو مايعرفني راحت ملاك وكانت المفأجة انو الي بي السيارة مو فيصل مثل دايم رجل ثاني وركبت اابلة النجليزي قدم يعني اكيد عمه رجعت ملاك زعلانه من الي سوتو في نفسها وفي نفس الوقت شكرت ربها انو ماشفته ومن ضيقت صدرها قالت ليش مانروح السوق انا والبنات اقترحت هذا الأقترح على ابوها قال طيب وبعدين نروح نتعشى فقالت منى ابوي خلانا نأخذ اخوي مصعب ومرته قال ان شاء الله وكمان خلنا نأخذ عبد العزيز (خطيب منى) منى جنت قالت منجد ابويه قال اكيد ليش مانخذه قالت اذاً خلني اتجهز رحت منى وقالت مرام ابوي اي سوق رايحين قال وش رايكم قالت سوق الراشد (الي طاحت فيه ملاك) ملاك نطت قالت لالا مابغى اروح ذاك السوق قال ابوها ليش سوق زين وفيه مطاعم زينه قالت يابوي هذا السوق الي طحت فيه ضحك ابوها قال دام كده انا رح اوديكم فيه قالت ملاك لا يابوي ترى انا اتكلم جد قال ابوها وش فيكي ياملاك ماعرف كده وان طحتي فيه يعني يبغى يعرفون انتي الي طحتي ذاك اليوم ؟!!! مو انتي بعبايتك بس الله يهديكي قالت وش فيه سوق النور حلو ومافيه شيء قال ابوها ايه زين بس اخر مرة رحناه قالت طيب الحسن مول او العاليه قال او الراشد خلاص يابنتي المرة الثانيه نروح على كيفك قالت مرام ايوة مو بس انتي تروحي وبعدين الراشد في ماركات اكثر وانا لسه ماشتريت شيء لزواج منى ولا لحفلة جدتي قالت ملاك خلاص طيب بس مانروح ذاك المحل الي طحت فيه قالت مرام خلاص طيب وبعد صلاة العشاء راحو السوق ومرررررة انبسطوا وهم قاعدين يتعشوا في مطعم ستيك هوس اتوسخت عباية دانا فاراحت هيا وملاك للحمام عشان ينظفو العباية وهما بالطريق شافت فيصل وكان بيشتري من البيك راحو الحمام ونظفوا العباية وهم راجعين كان فيصل لسه واقف يستنى الطلب وقفت ملاك وطبعاً دانا كملت وشوي وانتبهت قالت اشبك يلا خلنا نروح وملاك واقفه طل بفيصل قالت دانا ملاك ملاك ملاك واخيراً ردت قالت نعم وش تبي قالت يعني وش ابي يلا ننزل عشان ابغى امر على كارفورد اشتري كم شيء قالت يلا مشينا نزلو واشترت دانا اغرضها ورجعت ملاك البيت ورجعت حالتها الي اول وبدل ماتروح السوق وترتاح زادت مشكلتها طبعاً ملاك حاطه في بالها ان فيصل نسيها وان ولاشيء سار بس كان العكس فيصل مانسيها وكان بس يفكر بيها المهم ملاك كل المشاعر الي كانت حاسه بيها مي عارفة هيا حب او مجرد شعور بالأهتمام ....
هذا الجزء الأول
التعديل الأخير تم بواسطة *GHADA* ; 08-31-2009 الساعة 12:40 AM |
المواضيع المتشابهه 
العرض الشجري
