كل ما راح هم(ن) حل هم(ن) جديد‎.. - عيون العرب

**قمر وربي امر** · #1 06-23-2009, 10:41 AM

الحزن سجل اسمي في طرف دفتره
وكل منهو صدفني يفتكرني سعيد

ذاب صوتي قبل لا ياصل الحنجرة
وذاب كل الحكي مني وذاب القصيد

ان بغيت الحكي صار الحكي ثرثره
ولا بغيت السوالف صرت اردد واعيد

وان كتبت القصايد صارت مكسره
ولا تخاطبت مع فكري لقيته بليد

وان عرفت الطريق...أضيع آخره
ولا مشيت الطريق امشي على ما يريد

وان بغيت الفرح حزني يقول اذكره
صار عمر التعاسه مع خفوقي مديد

احسب حساب فكري واكسره واجبره
وآخر حساب فكري صرت انقص وازيد

هم قلبي كثير...وآآآه يا مكثره
كل ما راح هم (ن) حل هم (ن) جديد

الدروب بعيوني...كلها مسكره
وباقي قدام عيني بس درب (ن) وحيد

درب واحد (ن) يوصلني الى مقبره
ولا تقدمت خطوة صار موتي اكيد

والسبب من زماني شايل (ن) خنجره
كل ما قلت : هون يا زماني يزيد

الزمن ما بدا لي منه غيراقشره
مستبيح الخفوق وطول عمره عنيد

الزمن ذا لعب...بي لعب الكره
واصبح القلب من لعبة زماني شهيد

يا حزن ما كتبته طالبك تستره
لجل منهو عرفني يفتكرني سعيد

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري