|
| |||||||
| روايات و قصص بالعاميه قصص و روايات باللهجه العاميه |
| | LinkBack | أدوات الموضوع | انواع عرض الموضوع |
|
#6
05-05-2014, 08:55 PM
| ||
| | ||
| في البداية حبيت اعرف بالشخصيات الجديدة لأني لحد دحين ما عرفتكم عليها الجد(علي) الجدة(عائشة) أبو عبدالرحمن(صالح) ام عبدالرحمن (بدور) عبدالرحمن 23 سنة ناصر 21 سنه ثالث جامعه خلود 16 سنه اولى ثانوي أبو حمد(محمد) أم حمد(اسماء) حمد 25 سنه لمار 22 سنه رابع جامعه عمر 20 سنه ثاني جامعه سامي 18 سنة ثالث ثانوي ليان 17 سنة ثاني ثانوي فهد 11 سنه خامس ابتدائي أبو فاطمة(عبدالله) أم فاطمة(مريم) فاطمة 15 سنة ثالث متوسط حلا 10 سنوات رابع ابتدائي .... رنا 20 سنة ثاني جامعه طبعا هي عمة مها وبنت علي عشان ما تفهمون غلط انها بنت عبدالله ........................................ نبدأ البارت في المخيم ليان: بنات ما تحسون فطوم تأخرت منيره: الا تأخرت كثير مها: لااا يكوون مو جايه خلود: لا تخافون بتجي منيره: وانتي وش دراك خلود: احساسي الذي لا يخطأ مها رفستها: انقلعي الله ياخذك حسبالي عندك سالفه خلود: اااي وجع موب رجل مطرقه ليان: بس انتي وياها بسكم هواش كل يوم هواش منيره: جانا عبدالله الثاني مها: من جد فاطمة تدخل وترفع نظارتها الشمسيه وترز نفسها: كأني سمعت اسم تحن القلوب شوقاً له وتضيع الكلمات من لسان من ينطقه خلود: اقول انقلعي انتي واسمك ليان: من جد اسم خايس مها: مثل وجهك منيره: تستاهلين جزمة بوجهك (تكرمون) عشان تعرفين قدرك ليان: كلبه مها: حقيره خلود: سافله فاطمة فتحت عيونها على اخرها: يمه يمه شفيكم علي بعدين حرام افخر بإسمي مالت عليكم خلود بهمس: اقول يا عيال البنات قربوا: نعم؟ خلود: مشتهيه اسوي مغامره فاطمه تضحك: مغامرات مع وين وحنا بمخيم الله يهديتس خلود: نهج مثلاً؟ مها شهقت: انهبلبلبلتي منيره: يا عمري اختي ضيعت الحروف بسببك ليان: الله تخيلوا نهج فاطمه سرحت بخيالها: ونقابل شباب بطريقنا ونقول حنا مخطوفات ونسكن معهم خلود ضربتها: الله ياخذك تفكيرك رايح فيها ما كنت اقصد كذا منيره: اجل؟ مها شهقت ثانيه: لاا يكون تبين نضيع للأبد ونموووت خلود: شايفه سبيستون امس؟ مها شهقت مره ثالثه: يمممه منك وش دراك؟ خلود تضرب فخذها بيدها: كننت قايلته اجل لا تنطقين ولا كلمه مها: لييش وش سويت؟ خلود: انطمممي مها سكتت خلود: كنت اقصد يا بنات اننا نهج وبعدين يمسكوننا اهلنا ويرجعونا ويضربونا هاه شرايكم؟ ليان: اموت احسن لي فاطمه: اقابل شباب ابرك لي منيره: ما نهج خير شر احسن مها: من جججد بناات لا نهج والله تصفقني امي طراق ماله اول ولا تالي خلود: اناا ما قلت لك انطمي؟ مها: اقول انطمي انتي سكت لك واجد تسلبه دخلت عليهم حلا وجلست جنب ليان فاطمه: انتي شتبين جايه انقلعي حلا: مالك دخل فاطمه: وترررددين علي بعد حلا لفت على ليان مستحيه: ليان ليان: هلا حلا مستحيه: آآاا اخوك فهد جاي؟ ليان ضحكت: يا حليلك ايه جاي شوفي بجهة الرجال حلا ركضت برى: شكرررا مها: اااخ بس البزران سبقوني ليان: تستاهلين هذي الي ما تتقرب من عيال عماني وهي صغيره خلود: من جد مسويه فيها مستحيه شوفي محد ملقيك وجه الحين فاطمه تضحك: فشلوووك كااااك مها: وجع مزاعلتكم منيره: ولا يهمك اختك بجانبك لن تخذلك مها: اااه ايزابيلا منيره: لييززاا فاطمه: قلبوا فلم بريطاني قديم مها: اقول انقلعي يالسعوديه فاطمه جتها رساله: بنات انا رايحه شوي وجايه خلود: على وين؟ فاطمه: يا شين اللقافه مالك دخل ليان: طسي بسرعه بس فاطمه طلعت اخذت عباتها وطرحتها لبستهم وراحت عند<<مسويه فيها تحمس هههه سامي: هلا بالي ماخذه قلبي وعقلي وكلي فاطمه مستحيه: هلا بك سامي: شلونك؟ فاطمه: تمام وانت؟ سامي: بخير تصدقين اني احبك؟ فاطمه ذابت من الحيا: وانا بعد سامي: اربع سنين بس واخطبك فاطمه: مره بعيده سامي: معليش حبيبتي ابي امسك الوظيفه اول فاطمه: يا ابن الحلال شفيك على الوظيفه نسكن ببيت عمي سامي: لا ما ابي اعتمد على ابوي فاطمه: اوووه بكيفك انا رايحه سامي: تو الناس اجلسي معي شوي فاطمه: مع نفسك بروح عند البنات ينتظروني سامي: اوك بااي حبي فاطمه راحت وماردت عليه وكان فيه احد سمع كل كلمه قالوها بس ما انتبهوا له عند الشباب فهد دخل: السلام عليكم الكل: وعليكم السلام ناصر: الحين انا عندي سؤال وادور اجابه عليه من زماان فهد: وشو؟ ناصر: انت وش قاط وجهك معنا؟ فهد: كل تبن عبدالله: من جد وش قاط وجهك معنا؟ حمد: كلكم وش قاط وجهكم معنا؟ عمر: من جد حمد: تراك معهم عمر: هاااه اجل وش تقصد بكلمة معنا حمد: اقصد انا وعبدالرحمن عبدالرحمن يضحك: فشلك عمر: كل تبن فهد: اقوم عنكم احسن عبدالله: انقلع ناصر: وانقلع انت معه فجأه دخلت حلا وجلست عندهم مستحيه فهد: انتي وش تبين لاحقتني بكل مكان؟ حلا جتها الصيحه: هاه! ناصر يضم ايدينه ببعض: يا عيني على طيور الحب تتهنى والله،ابي احب زيكم حلا ضاعت بينهم من الحيا عبدالرحمن: مو انت تحب مها؟ ناصر: تمزح؟ عبدالرحمن استغرب: لا ليش؟ ناصر: مها اعتبرها خويي عشان كذا طاق الميانه معها لكن ما احبها عبدالله: حددك عااد هذي اختي وش الي خويي وما خويي سلاماات ناصر يصفق: احلاا احلا احلا يالي يدافع عن اخته قصدي عن خويي حمد عطاه كوع على الخفيف: اقول اركد يالخبل عبدالله حاقد: جعله اكثر ناصر: وجعع تدعي علي ترى اعلم مها عبدالله: مرره اختي ميته عليك ناصر: وواقعه في غرامي ايضا عمر يضحك: يا حليلك ماخذ بروحك مقلب انت شفت وجهك بالله؟ ناصر: احسن من وجهك حلا: فهد فهد نفسه بخشمه: نعم حلا: ابي العب بالدبابات تجي معي؟ فهد: حلا روحي عن وجهي دامني اتكلم معك بالطيب حلا طلعت تصيح رنا تدخل: من منكم الكلب الي صيح حبيبتي؟ الكل اشر على فهد الا عبدالله مأشر على ناصر منقهر منه للحين رنا: ناصر ولا فهد؟ عبدالله: نااصر رنا: كننت قايلته هالحيوان ما يجي منه خير ناصر: والله موو انا شفيكم علي-لف على عبدالله- وانت تتبلى علي ياالي ما تستحي عبدالله: انا اقول الحقيقه رنا: حمد حمد: مسويه فيها هيبه بتطلعين اسم المجرم من عيوننا رنا: وجع تراي عمتك حمد تكتف وحط رجل على رجل: وانا اكبر منك رنا: ذليتنا تراك على هالخمس سنين عمر: شايفه عمتو هيك عم بيعاملني هالزباله رنا: يا قلبي عليك انا اوريك به حمد: ايش بتسوين مثلاً؟ رنا: بروح لخيي حبيبي بعد عمري هو يتفاهم معك محمد دخل: كل هالحب فيني يا رنا رنا تناظر حمد: واكثر ياخوي حمد مبتسم: اقول عمه ودك امشيك بسيارتي؟ رنا: لا حبيبي مشكور حمد: متى ما بغيتي عطيني خبر رنا: ابشر ولا يهمك وطلعت محمد شمر كمومه وابتسم: والله ما هقيتك تكلم عمتك كذا يا حمد حمد يرجع على ورى: يبه خلنا نتفاهم مو كل شي حله العنف يبه تعوذ من ابليس محمد: بسم الله حمد تخبى ورى عبدالرحمن عمر يضحك: كفو عمي محمد غمز له: اعجبك وطلع عمر: وه بغيت اموت عبدالرحمن: اقول شباب طفشت سامي دخل: وش نسوي لك ناصر: بسم الله الرحمن الرحيم وانا كل شوي داخل علي واحد فجأه خرعتوني ياخي سامي: سلامتك من الخرعه يا قلبي حمد: اح اح اح الاخ طلع رومانسي من ورانا عبدالرحمن: وانا ليش ساحبين علي عمر: وش فيك؟ عبدالرحمن: اقووول لكم طفشاان عبدالله نط بوجيههم: وش رايكم نلعب كوره هاه هاه هاه؟ سامي: اعصابك اعصابك طيب بنلعبها عبدالرحمن: لحظه يا عيال الحين حنا سته! ناصر: طيب؟ عبدالرحمن: ثلاثه بفريق وثلاثه بفريق ناصر: طيب؟ عبدالرحمن: من يصير الحكم؟ حمد: بسيطه فهد فهد: العبوا بروحكم مالي نفس عبدالرحمن: يلا الحين من الحكم؟ ناصر يطلع جواله: ولا يهمك الحين ادق على خويي اقول له يصير الحكم عبدالله: يا كلللب طووط طووط مها: تبن ناصر: سلمي طيب مها: تخسى اسلم عليك ناصر: المهم مهوي مها: هلا ناصر: طفشانه؟ مها: ايه والله مره طفشانه ناصر: مشتهيه تسوين شي فله؟ مها: ايييه ناصر: مشتهيه تسوين شي وناسه؟ مها: ايييييييه هات الي عندك ناصر: بنلعب انا والشباب كوره تصيرين الحكم؟ مها عصبت: نويييصر ناصر: طيب طيب خلاص ما تبين باي مها: لا لا لا لا لا بصير الحكم بصييير ناصر ابتسم: والله اني كنت حاااس مها: اقول وين بتلعبون عشان اجيكم؟ ناصر: من كبر المخيم مها: اخلص علي ناصر: تعالي جهة الرجال بتلقينا باي مها: تشااو ناصر: يلا شباب مها بالطريق عمر: قل قسم ناصر: قسم حمد: اقول انت وياه يلا تشقلبوا على برى وطلعوا كلهم وجابوا الكوره وبعد شوي جتهم مها جايبه معها البنات كلهم(خلود-ليان-منيرة-فاطمة-لمار-سارا-رنا-حلا) عبدالرحمن: ول ول قلنا وحده جونا عشر مها: وانت وش حارق قلبك عبدالرحمن: ولا شي سلامتك مها: اقول نصور وين اروح له الحين؟ ناصر: انتي روحي هناك اما قروب الابارص الي معك ينقلعون هناك لا يجيهم شي مها تضحك: يلا كلكم ظفو وجيهكم هناك يا ابارص يا ضبان يا خرفان يابعيرات ليان: انتي كولي تبن بعدين تراها ما تنطق بعيرات (طبعاً البنات كلهم متغطين ما عدا رنا تفتش لهم) لمار: اقول حمود حمد: هاه لمار: وراك ما جبت خويك للمخيم؟ حمد: ليش؟ خاقه معه؟ لمار: ابد بس بغيت هالخبله تتغطى زيها زي غيرها رنا: وجع تراي عمتك ولا نسيتي حمد: ابثرتينا تراك لانتي اول ولا اخر وحده تصير عمه رنا: زلاايب يحصل لكم اصير عمتكم خلود سحبتها: اقوول تعالي وراحوا البنات للمكان الي قاله ناصر ومها وقفت بالنص والشباب انقسموا فريقين الفريق الأول (ناصر-عبدالله-سامي) الفريق الثاني (حمد-عبدالرحمن-عمر) وبدت اللعبه بعد خمس دقايق تقريباً مها تصرخ الكل وقف ولف عليها خايف عبدالله: شفيك؟ مها: ابد سلامتكم بس ما معي صفاره قلت اصرخ ناصر: الله يقطع ابليسك خوفتيني عبدالرحمن: ما تعرفين تصفرين بفمك؟ مها: الا اعرف بس خفيف الصوت حمد: صفري اشوف مها صفرت الكل ضحك مها: خيير تضحكون على وش؟ ناصر بالموت يتكلم من الضحك: ما تصفرين انتي تنفخين مها حمر وجهها: وجعع عبدالله: اووخص توي ادري ان اختي تستحي مها: انت كل تبن المهم حمد لكم ضربه ركنيه حمد: ليييش دحوم يالتسلب اكيد انت الي مسويها مها: لا انت الي مطلعها ولا ناسي؟ حمد: لاا موب انا مها: اقول كل تبن يالبزر وعط الكوره سامي حمد لسا منفعل: لييش؟ مها: عشان يلمسها يالخبل حمد: ايه صح ، طيب مووب انا الي طلعتها دحوم هو الي طلعها مها: ورجعنا للسالفه ترى بكسر يدك عطه ولا تطلع برى حمد: اوف طيب لمسها سامي ورجعوا الكوره لحمد وبدوا يلعبون ثانيه لمار: يمه منها مها تعرف انا والله ادربيها يالله عرفت انها تنلعب بالرجل بس ساره تلعب بشعرها: اذا مها قالت ضربة ركنيه يعني انها تعرف كل شي؟ ترى معرفتها قصيره وانا اعرف اكثر منها خلود تبتسم: يلا وشو التسلل يا حلو ساره: هاه؟ خلود: التسلل التسلل وشو هو؟ ساره: هاه ايه يعني انك تتسللين وتاخذين الكورة من لاعب ثاني وهو ما يدري ليان فقعت ضحك خلود تضحك: لا ابد ميه بالميه تعرفين ساره: ليش؟ غلط علي؟ خلود: صح انا ما اعرف معناه بس على الاقل اعرف انه مو كذا ولما مر على بداية المباراة ربع ساعه جا وقت الاستراحه (طبعا هم قصروه عن قصد مالهم خلق يلعبون ساعه ونص) النتيجه 1-2 لفريق ناصر سامي يجلس: وهه تعبت فاطمه جيبي لي مويه فاطمه: طيب وراحت عبدالله: لحظظه هيه انا بعد سامي ضحك عليه حمد: امدا تعبت هذا وانت حارس ما تسوي شي اوص ولا كلمه انا الي تعبت من صراخ هالبزر مها: لووو سمحت احترم نفسك انت الي ما تعرف تلعب حمد: الا اعرف بس انتي الي ماشيه على اساس انها مباراة كأس العالم مها: هالقوانين حتى بالمباريات الودية تستهبل انت حمد: اوووه يا شينك بزر مها انهبلت: ورا ما تعقل ولا قسم لا الفعك حمد: والله شكلي انا الي بلفعك رنا: حدك على بنت اخوي حمد: اووه اسكتي تكفين انتي مالك دخل رنا: انا عمتك يا حمار مها: هي عمتك يا حمار عبدالرحمن: مها مها: هلا عبدالرحمن: تكفين جيبي بدال حمد ناصر والله ابلشنا هالنشبه مها: والله مدري على حسب هاه ناصر شباب شرايكم؟ عبدالله: اقوول بس مستحيل اوافق يدخل هالدلخ معي بالفريق حمد: مغيرك الدلخ مها: والله انا رايي من راي اخوي عبدالله استانس: احمم احم رايها من رايي عبدالرحمن: طيب انا بطلع من الفريق مها: هاه سامي تبدله؟ سامي: ليش انا؟ مها: لأن نصور واخوي ما يبونك سامي: وانتي وش دراك؟ ناصر وعبدالله: ايه ما نبيك مها ضحكت بانتصار سامي: تقهرين بدلوا اللاعبين فصار كذا الفريق الأول (عبدالرحمن-عبدالله-ناصر) الفريق الثاني (حمد-عمر-سامي)<<اشين فريق انتهت المباراة والنتيجة 1-3 لفريق ناصر (ونسيت اقول لكم ان مها وعمر عقب ذيك السالفه ما عاد صاروا يكلمون بعض) عبدالله يضحك: ههههااي فزنا عليكم فزنا عليكم عمر منقهر: جلااب عبدالله: اووص يا خسرانين حمد: مها الهدف تسلل ما علي مها: تجيب لي ايس كريم؟ حمد: ايه وكرتون بعد مها: شباب معليش هدفكم تسلل غلطت شوي عبدالرحمن: حتى لو كان تسلل نبقى حنا الفايزين حمد: ايه والله اووف ناصر يضرب ايده بايد مها ناصر: كفوو يا بنت ابوك مها: عشان تعرف ان مها قدها وقدود ناصر: ايه والله انك قدها وقدود جا عمهم صالح: يا بنات ياعيال الكل جا: سم صالح: بنقعد يوم ثالث بعد عبدالله: والدراسه؟ صالح: تغيبون وش المشكله؟ بعضهم صرخوا وبعضهم سجدوا سجدة شكر وبعضهم قام يدور ليش مدري انا ادور اذا استانست في الليل مها لبست عبايتها وطلعت تتمشى ما درت الا وهي واصله لاخر المخيم تقريبا وفجأه سمعت صوت احد يبكي قربت من الصوت ولقت فهد مها تقرب منه بخوف: فهود حبيبي شفيك تصيح فهد لا رد مها: حبيبي قلي ليش تصيح ممكن اقدر اساعدك فهد بين شهقاته: ما تقدرين مها: طيب شدراك انت قول لي وانا بسوي الي اقدر عليه فهد: دامك مصره بس خليه سر بيني وبينك مها: اوكك من عنوني فهد: اااء انا اكتشفت اليوم ان فاطمه وسامي يحبون بعض مها صرخت: اححلللف اما عاد يا ويل حالي بس الله اكبر الله اكبر فهد حط يده على فمها: اوصص فضحتينا يالخايسه مها تبعد يده: معليش سوري كمل وش المحزن بالموضوع؟ فهد: اااء انا احب فاطمه مها تبتسم: حتى انا احبها فهد: لااا يا غبيه انا غير احبها احبها مها شهقت: لا يكووون تقصد فهد: اييه وطي صوتك مها: يا ويل حالي يا فضيحتي اشهد ان لا اله الا الله لا حول ولا قوة الا بالله فهد: انتي انهبلتي؟ مها: الا انت الي انهبلت مها اكببر منك كيف تحبها فهد: ادري اكبر مني لا تجين انتي بعد تعلميني بس وش اسوي احبها مها: طيب وحلا؟ فهد كشر: شفيها ذي بعد؟ مها: تراها تحبك يعني هي انسب لك فهد: ادري تحبني بس انا ما ابيها مزعجه مها: ياا حياتي يا حلا فهد: طيب لقيتي حل! اكيد لا مها: فهودي انت لااازم لازم تنسى فاطمه فهد: حاولت انساها بس ما قدرت مها: اجل تحتاج وحده تنسيك اياها حالياً وبالمستقبل مع انك توك بزر فهد: ومن راح تكون مثلاً؟ مافيه احد مها: حلااا يالغبي ولا نسيت فهد كشر: لاحوول رجعنا لسيرتها مها: فهد حاول تتقبلها فهد: ماا اقدر مها: لا تقدر فهد: قلت ما اقدر عجزت مها: الا بلا تقدر فهد قام: اروح احسن ما جبتي لي اي حل مفيد مها: وااو مثلث حب على قولتهم بس ذا مربع حلا اخت فاطمه تحبه وهو يحب اختها فاطمه وفاطمه تحب اخوه سامي وسامي يحب فاطمه فجأه احد نغزها مع ورى مها نطت على اقرب نخله وحضنتها وقامت تدعي ناصر يضحك: يا حليلك ما هقيتك خوافه مها تلف: من انت؟ ناصر: نسيتي صوتي انا نصور مها: حماار خوفتني ناصر: اقول شفيك تتكلمين مع روحك مها: اندب حظي ناصر: تصدقين حتى انا مها: وش صار لك؟ ناصر: امي تبي تخطبني لبنت خويتها مها: عن جددد مبروك اخيرا بتعقل ناصر: لا انا رفضت اساساً مها: ليش؟ ناصر: ابي احب اول بعدين اتزوج مها: المفروض تستانس عشانك ما تحب مو تزعل وما تبي تتزوج ناصر: ليش انتي تحبين احد؟ مها: لا ما احب من قال لك اني احب ما احب ناصر: مها قولي مها نزلت راسها: اااء بصراحه انا احب عمر ناصر: اما عاد هالخايس ذا مها: ايه ناصر: طيب وبعدين؟ مها: بس هو ما يحبني ناصر: وانتي شدراك؟ سألتيه؟ مها: لا بس اكتشفت عنه شي ناصر: ايش؟ مها: لا ولا شي ولا شي ناصر: مهاا قوللي اييش؟ مها: لا مابي اقول ناصر: ممهااا مها: يا ربييه طيب بقول هو راعي بنات ونسونجي ناصر وقف معصب:نععم مها: ناصر يكفي هدي اعصابك ناصر: انا رايح مها: ما راح تروح له صح ناصر: لاا لا تخافين وراح ومها مو مقتنعه بكلامه راح للمكان الي كان فيه هو وعمر وشافه يكلم بالجوال واول ما شافه قطع الخط عمر: وش فيك رجعت مو تقول بنام ناصر جلس على الصوفا: هونت عمر: اها ناصر: عمر حبيبي عمر: هلا ناصر: عادي اكلم بجوالك؟ عمر بتوتر: وجوالك وينه؟ ناصر ابتسم: نسيته عند اختي بجهة الحريم ومقدر اروح هناك عمر زاد توتره: خلاص خذه بس اتصل ويا ويلك تفتح شي ناصر اخذ الجوال وسوا روحه يكتب وكان فيه كاس مويه عنده كبيره نوعا ما ورماه فيه عند قصد ناصر: يوووه اسف عمر والله اسف ما دريت انه بيطيح عمر يرفع جواله وشافه خرب مره: يا حمااار هالجوال مللييان ارقام مهمه وش اسوي الحين ناصر ابتسم على جنب: مثل ايش مثلا؟ كلهم قرايبك واخوياك تقدر تدبر ارقامهم عمر توهق: هاه ايه صح اقدر اجيبهم ناصر طلع مستانس مها: كننت قايلته انت مو وجه ضرب ناصر: انطمي زين اني انتقمت لك مها: انتقمت قال وين الانتقام معه تراك كله خربت جواله ناصر: وراحوا كل بناته مها: خلاص يكفي هذره رح نم ناصر: وانتي؟ مها: بروح انام بكرا عندنا شغل ناصر: وشو الشغل تكفين لانتي تطبخين ولا تنظفين مها: بنلعب بالدبابات يا غبي ناصر يضحك: مع وين الشغل بالموضوع كلها تسليه مها: اقول كل تبن وانقلع لسريرك انثبر فيه ناصر: طيب اعصابك وانحاش قبل لا تزيد الهواش مها: يا عمري على فهد وحلا يشبهوني مسحوبن عليهم وراحت تنام قبل ما يطير النوم انتهى البارت هاه شرايكم طويل؟ اعذروني عشانه بمكان واحد بس كل الافكار كانت بهالمكان |
|
#7
05-22-2014, 11:17 PM
| ||
| | ||
| البارت الخامس مها تفتح عيونها تشوف نفسها مربطه وبمكان أشبه بالمستودع: وين انا؟ فجأه دخل واحد ووراه عشرات الرجال: اخيراً قمتي يا انسه مها خايفه: وين انا؟ جلس على الكرسي الي قدامها: بديزني لاند يعني وين بمستودع يالعمياء مها: انت وش تبي مني؟ .........: حلو سؤال معقول اول شي خلينا نتعرف انا اسمي راشد وانتي؟ مها عصبت: تراي بنت ناس ومتربيه ولا تحسبني من بنات هاليومين راشد: طيب طيب بسرعه خلصينا وقولي اسمك ولا برميك من الحفره الي وراك مها لفت شافت الحفره وخافت: م م مها راشد: اسمك خايس مثل وجهك مها: احسن من وجهك راشد: تراك رهينه عندي يعني التزمي حدودك مها: طيب بدال ما تتهاوش معي جب لي طرحه ونقاب اغطي وجهي يالي ما تستحي راشد: من وين اجيب لك شايفتنا بمحل عبايات مها: دامك ما تدري من وين تجيب لي ليش ماخذ مني عباتي وين وديتها؟ راشد ببرائه: وحنا بالطريق لهنا رميتها بزبالة البلدية( اكرمكم الله) مها عصبت: ياا كلب راشد: هدي هدي الحين نشتري لك ثانيه مها: بسرعه ويا ليت تكون الطرحه طويله والعبايه على مقاسي والنقاب طبقه وحده لان ثلاث طبقات تكتمني وجب لي كولا بطريقك ويا ليت تكون قزاز راشد يبتسم: ابشري ما طلبتي شي فيه طلبات ثانيه؟ مها استانست: وعلك اكسترا وسماعات لان سماعاتي خربانه راشد: اقول على تراب كويس بجيب لك عبايه انتي ووجهك وامر واحد من الي معه يجيب عبايه وخلال عشر دقايق وصلت راشد: كان تأخرت اكثر مها: من جد ....: اسف رئيس راشد اخذ العبايه ورماها على مها: البسيها مها: احلف راشد: والله مها: ان شاء الله تبيني البسها وانا مربطه راشد: والله اخاف تنحاشين لو فكيتهم مها: الباب مقفل وتبيني انحاش يعني بالله بكسر الجدار وانحاش مثلاً راشد: ما استغربها منك مها: اقول بس فك الله يستر عليك راشد: فكو الحبال مها تلبس عبايتها بعد ما فكوا الحبل: من جد عجاز طيب فكهم انت راشد: فاضي لك انا بعدين ترى جبهتك طالعه مها تأففت ووازنت النقاب راشد بهمس غير مسموع: وانا ما لقيت غير ذي اخطفها مها تجلس وتحط رجل على رجل: انت خاطفني ليش؟ اذا تبي تتزوجني ترى انا ما ابي اتزوج الحين ابي اكمل دراستي بعدين تعال اخطبني هذا اذا انت ولد عز وعندك قرنقش راشد: من زينك ومن زين وجهك تراك مو سندريلا مها: يا حقير وانا الي ناويه اسامحك حسبالي تحبني راشد: فاهمه غلط ياحلوه انا خاطفك عشان اخوك عبدالرحمن مها استغربت: عبدالرحمن مين؟ ما عندي اخو اسمه عبدالرحمن راشد: العبي على غيري ادري انك تغطين عليه مها: لا جد والله ما عندي اخو اسمه عبدالرحمن راشد قام والصدمه على وجهه: مو انتي من عايلة الـ ...... مها: يممه منك وش دراك راشد: ما تعرفين عبدالرحمن الـ..... مها تفكر وتكرر اسمه: عبدالرحمن عبدالرحمن يا ربي وين سمعته فجأه صرخت واشرت على راشد: عبدالرححححمممن راشد استانس واشر عليها: عرفتييه مها: الله يقطع شرك كان قلت من قبل ان اسمه عبدالرحمن راشد: وانا وش اقول من الصبح خالد؟ مها بغباء منها: ايه اعرفه ولد عمي راشد ارتاح: الله يبشرتس بالخير حسبالي خطفت البقره الغلط مها عصبت: وجع انا بقره اجل بعدين انا مو اخته فتح عيونك راشد: اهم شي انكم تعرفون بعض مها: طيب انت وش تبي منه؟ راشد: هالكلب سارق البضاعه وانحاش مها شهقت: بضااعه يعني مخدرات وقنابل واسلحة ممنوعة راشد: هدي وش فيك كبرتي الموضوع كلها مخدرات ما بعد وصلت مرحلة الاسلحة مها: كلها مخدرات انت تدري وش معنى كلمة مخدراات راشد: بدل ما تنصدمين من الي اتاجره المفروض تنصدمين من ولد عمك هالكلب مها: من جد حقير طيب انت تدري هو ليش سرقها راشد بحقد: اكيد عشان يتاجر فيها مع خويه الفلبيني مها شهقت: مصاادق فلبيني راشد: لا بس وجهه زيهم مها ارتاحت: اشوى حسبالي مصادقهم لان تعرف هالفلبينيين ينخاف منهم يسحرونا ولا شي راشد: الحين اقول لك ولد عمك تاجر مخدرات تقولين مصادق فلبينو متأكده براسك عقل مها تضحك: ههههه اعجبتني فلبينو راشد انهبل: مخطوفه وتضحكين مها: شفيك ياخي وسع صدرك راشد: انتي تدرين لو انتشر خبر انه تاجر وش بيصير مها تلعب بطرف طرحتها: بينتشر خبر انك تاجر بعد فأحسن لك اكتم على الموضوع وانتبه لا ينتشر راشد: يمه منك يا متوحشه مها: الا متى بتطلق سراحي؟ راشد: ما يلبق عليك عربي فصيح مها: وش اسوي ما اعرفها بالعاميه راشد: اذا حس على حاله ولد عمك الاهبل ورجع البضاعه مها بحقد: هالكلب الحقير الحيوان يا عمري عليهم نصور وخلود اذا درو عنه هالسافل راشد: هيه تراه ولد عمك شفيك عليه مها: والزق والله اهم شي انه مو اخوي بسرعه خل عماني يدرون عنه راشد: حرام عليك ولد عمك تسوين فيه كذا مها قامت تبحث بجيوب الي معه راشد: هيه وش تدورين مها لفت عليه: الحين ما معكم جوالات يالفقر وانا اقول ليش حاطيني بمستودع راشد: وش تبين بالجوال مها: برسل لعماني سواته راشد: انتي الحين نامي وبكرا يصير خير الوقت متأخر مها تأشر على المكان: تبيني انام هنا؟ راشد: لا طبعاً الحقيني مها لحقته وطلعوا من المستودع وانصدمت من القصر الي قدامها مها والسعابيل تقوطر من فمها: الحين راجمني بمستودع وانت عندك هالقصر راشد: اخاف تطقين الميانه وتحوسين لي قصري مها تلعب باصابعها: كم قصر عندك؟ راشد نفخ ريشه: لا تعد ولا تحصى مها: من وين لك الفلوس ذي؟ راشد: وارثها من ابوي مها: يعني مو من تجارتك؟ راشد: لا طبعا الفلوس الي تجيني من التجاره ياخذونها عمالي كراتب مها: هل تقبل الزواج بي؟ راشد: انتي فصختي الحيا موليا مها: طيب ما تبي تتزوجني عطني 100 مليون على الأقل عشان ما افضح فيك راشد: وتهددين! مها: اكيد كل شي لعيون الدراهم هذا اذا لها عيون راشد: اقول ادخلي نامي مها ترمش بعيونها: القصر كله لي راشد طفش: كله لك مها: طيب جوعانه راشد: قولي لهم يجهزون لك اكل وطلع مها: انا لازم افلها قبل ما يسترجعها ......................................... بمكان ثاني فوزية تضرب صدر حمد: انا مو قلت انتبهوا لمها شوفو الحين بنتي راحت من يديني حمد لاف بوجهه بجهه ثانيه ومغمض:انا اسف احمد: الحين ست رجال ومن بينكم اخوها وولا واحد منكم قدر ينتبه لها منيره وهي تصيح: يبه الشباب مالهم ذنب هي قالت بتروح للحمام(اكرمكم الله) وتأخرت ما رجعت رحنا دورناها ولا لقيناها ساره: يبه يمه ترى البنت بذمتنا حنا لازم نلقاها احمد انصدم: شتقصدين بكلامك؟ ساره: الي انتم خابرينه فوزية انغمى عليها منيره صرخت: يمممه الكل تجمع عندها بيقومونها ما قدروا واخذها احمد للمستشفى فوزية قامت ودارت بعيونها بالغرفة: وين انا؟ عبدالله بغصة: بالمستشفى فوزية: وين احمد؟ ساره: ابوي راح يدور مها فوزية: حسبي الله ونعم الوكيل في الي اخذها مننا حسبي الله ونعم الوكيل فيه ......................................... في بيت العم صالح صالح: الحين مبلشنا من الصبح صديقي واختي اخرتها تضيعها ناصر ماسك راسه: يبه والي يرحم والديك انا الي فيني مكفيني بدور: وين خلود؟ ناصر: في غرفتها تبكي بدور: لا حول ولا قوة الا بالله ......................................... في الاستراحه حسام: ياخي شفيك من يوم ما انخطفت بنت عمك وانت مو على بعضك عبدالرحمن ياكل اظافره: ياخي خايف فواز: من ايش؟ عبدالرحمن: خايف الي خاطفها يكون راشد والله خايف يصير هو بيوهقني مع اهلي وبيدرون عن كل عمايلي مؤيد يشرب حشيش: ياخي استرخي هو يدري لو فضح فينا بنفضح فيه عبدالرحمن: يعني وش بيسوي؟ بياخذ مها عنده للأبد؟ مؤيد: اسمها مها؟ عبدالرحمن: وانت فاضي تدقق مؤيد: اذا على ايش بيسوي اكيد بيقول رجعوا البضاعه ولا باخذ مها وما راح ارجعها عبدالرحمن: خلاص خلنا نرجع البضاعه قبل ما اهلي يحسو مؤيد: طبعاً ما راح ارجعها خل البنت تخيس هناك انت تدري ايش هي قيمة البضاعه هذي ممكن ترفعنا لفوق عبدالرحمن: وممكن تضيع حياتي بعد مؤيد: ما راح يصير غير الي حنا نبيه بس روق عبدالرحمن قام: انا ما اقدر اصبر بروح ارجع البضاعه مؤيد: انت انهبلت عبدالرحمن: مو قدك وراح لعند مكان البضاعه مؤيد يضرب الجدار برجله: خااين بعد خمس دقائق عبدالرحمن جاي معصب: مؤييييدوه انت وين وديت البضاعه مؤيد مبتسم: هلا والله انا كنت متوقع بتسوي كذا فخزنتها بمكان ثاني عبدالرحمن مسك ياقته: وييين يا ابن الزانيه مؤيد ابتسم زياده: تعرف امي بعد عبدالرحمن: خلصني وقول مؤيد غمز له: ما راح اقول عبدالرحمن عطاه ضربه قويه على فكه وطلع من الاستراحه مؤيد يمسح الدم الي نزل من فمه: بخليك تبوس راسي ورجلي يا عبدالرحمن ......................................... في الصبح عند قصر راشد مها كانت لابسه عبايتها عشان المكان رجال وتفطر راشد دخل عليها وجلس مها: يالله صباح خير على هالوجه المعفوس راشد يهز رجله: انتي اسكتي مها: شفيك احد رج مخك؟ راشد قام وصار يمتر الغرفه مها بصراخ: اكللمك انا راشد لف عليها معصب: هااه وش تبين مها: وش بك متوتر امس ما بك الا العافيه احسن مني بعد راشد: تخيلي مرت 15 ساعه وما رجعوا البضاعه اخاف ما يرجعونها وتضيع مني اكبر بضاعه بتاجر فيه و(سكت فتره خايف) مها خافت: و ايش؟ راشد يناظرها مرتعب: وتقطنين عندي مها ترمي عليه الملعقه بس ما صابته: رجعني الحين يا كلب راشد يشد شعره: حتى انا ابي ارجعك بس ابي البضاعه بعد مها صارت ترمي الكراسي على الجدار: ياا ويلي ويلاااه عبدالرحمن يالغبي رجع البضاعه راشد خاف: يممه عبدالرحمن رجع البضاعه قبل ما اموت مها لفت عليه: عطني جوالي بسرررعه راشد طلعه من جيبه ورماه عندها وطاح وانفكت البطاريه مها تصرخ: ياا رخمه تعال عطني اياه مو ترميه خرببته راشد انتفض من الخوف: طيب وش اسوي خفت اجي تذبحيني مها تركب البطاريه: وش شايفني جون سينا راشد: لا والله يا زين جون سينا عندك حتى الذيب ما يقدر عليك مها: مع نفسك انا لازم اتصل على عبدالرحمن راشد: ايه تكفين من زمان ادور على رقمه ما لقيته مها تتصل على عبدالرحمن ........……………………… عبدالرحمن يدخل الاستراحه خايف: يا عيال الحقوا علي الكل قام: وش فيك؟ عبدالرحمن يرفع جواله: مها تتصل علي فواز: احقرها لا ترد عليها عبدالرحمن جلس معهم وما رد عليها واتصلت ثانيه عبدالرحمن يرمي الجوال على حسام: يممه اتصلت رد عليها حسام يرميه على فواز: اني براء مما تفعلون فواز رماه على عبدالرحمن: انت صاحب الجوال انت رد عليها عبدالرحمن رماه بالارض: ياخي بديت اخاف منها كيف اخذت جوالها انقطع الخط الكل تنهد براحه وفجأة رجعت تتصل ورجعوا يرمون على بعض مؤيد طفش من الموال واخذ منهم الجوال: جد خوافين حسام: يا حبي لك مؤيد: هاااي مها: وين عبدالرحمن يالكلب مؤيد: لا لا لا من اولها كلب مها: انت فلبينو؟ مؤيد استغرب: من فلبينو؟ مها بعدت الجوال وبعصبيه: وش اسم فلبينو؟ راشد بخوف: م م م مؤ مؤ مها: خلصنني راشد جته الصيحه: مؤ ممؤ اسف والله مو طالعه معي وش اسوي مها: ترى قسم بالله راشد: مؤيد مؤيد مها رجعت الجواله: انت مؤيد؟ مؤيد: ياااي تعرفيني طيب تعرفين امي؟ مها: عطني عبدالرحمن ابيه مؤيد: تبين تتعرفين بأمي؟ جد بتتحمسين ترى مها صرخت: خلصصني عطني عبدالرحمن مؤيد بعد الجوال: تبيك عبدالرحمن: ما ابيها مؤيد رجع الجوال: ما يبيك مها: موب بكيفه عطه الجوال بالغصب مؤيد: تقول اعطيك الجوال بالغصب عبدالرحمن: ما فيه مؤيد: يقول ما فيه مها: ترى والله اذا ما اخذ الجوال الحين وكلمني بفضح فيه عند اهله وعماني كلهم مؤيد: تقول اذا ما كلمتها بتفضح فيك عند اهلك وعمانك عبدالرحمن اخذ الجوال بسرعه: هلا والله ببنت العم مها باستخفاف: يا هلا بالتاجر عبدالرحمن بتوتر ملحوظ: تبين شي مني؟ راشد بهمس: حطي سبيكر مها عطته نظره وسكت: رجع البضاعه ابي اطلع عبدالرحمن: والله ودي ارجعها بس مؤيد مخبيها عني راشد بهمس: حاولي تطولين معهم المكالمه بترصد مكانهم مها بهمس: اوك عبدالرحمن بتوتر: الو مها مها: عطني هالفلبيني انا اتفاهم معه عبدالرحمن عطا الجوال مؤيد: تبيك مؤيد: شكلك اشتقتي لي مها: ما قلت لي وش سالفة امك مؤيد: تخيلي انها والدتني وهي ما تزوجت مها: اها يعني بالحرام؟ مؤيد: ايه مها: ومتحمل العيشه لحد الحين؟ مؤيد: طبعاً مها: اها ما شاء الله طيب تصلي؟ مؤيد: لا مها: الله يهديك طيب وعبدالرحمن؟ مؤيد: لحظه،عبدالرحمن انت تصلي؟ عبدالرحمن: وش هالسؤال ايه اصلي مؤيد: ايه يصلي مها: اها الله يثبته طيب شوف مؤيد: هلا مها: ما ودك ترجع البضاعه؟ مؤيد: لا مها: ما رحمتني طيب؟ انا مسكينه مؤيد: يا مسكينه الا رحمتك بس وش اسوي البضاعه مهمه مها: طيب اجيب لك بضاعه احسن منها مؤيد: احسن من هذي؟ اتحدااك مها: عندك خوات ولا اخوان؟ مؤيد: مدري والله يمكن بمكان ما في هذا العالم مها: امك حيه؟ مؤيد: لا ثعلب مها: هااهاها سامج اقصد يعني عايشه مؤيد: غريبه من قال لك؟ اسمها اصلاً اجنبي مو عربي مدري وشو طويل مها: يا شينك لا تتميلح اقصد على قيد الحياة مؤيد: اييه كان قلت من اول كذا ايه حيه مها: هالكلبه وتاركتك تسرق بضاعه وانخطف انا مؤيد: من جد شفتي كيف؟ مها بعدت الجوال: ما لقيته؟ راشد: بس باقي شوي اصبري مها رجعت الجوال: عندك احد غير عبدالرحمن؟ مؤيد: ايه مها: عطني واحد منهم مؤيد عطاها حسام حسام: هلا مها: اخبارك حسام: بخير مها: تعشيتوا؟ حسام: لا لسى مها: بتتعشون مع بعض؟ حسام: ايه مها: يعني مطولين القعده حسام: طبعا سهر لين الصبح هذا نظامنا مها: كفو راشد: لقيتهم مها: طيب باي حسام: باي مها: وين وين؟ راشد متجه لخارج القصر: في استراحة ........ مشينا مها تلحقه: قداام راشد فتح اقفال السياره: اركبي مها: نعم نعم راشد: وشو؟ مها: ان شاء الله تبيني اجي معك راشد: اجل؟ مها: لا انا ابي اتكشخ دامي عندي كل هذا بروح مع سواق راشد: قطعتي حلالي اركبي اي سياره وبيلحقك صاحبها مها ركبت السياره الي اعجبتها ومشوا على الاستراحه المتواجدين فيها الشباب انتهى البارت الأسئلة: رايكم بالبارت؟ .. ايش بيصير بمها، هل بترجع او لا؟ .. ايش بتكون ردة فعل عبدالرحمن ومؤيد لما يشوفوا مها وراشد جايين عندهم بالاستراحه؟ .. راشد بيسترجع البضاعه او لا؟ .. هل بيعرفون اهل عبدالرحمن عن تجارته؟ |
|
#8
05-27-2014, 04:05 PM
| ||
| | ||
|
السلام عليككم ورحمهه الله وبركاتـههّ كيفك يا قمممر   ؟!! ان شاء الله بخير وبصحهه وسلامهه  وش ذءء الجمـال وش ذءء الزيـن  يختي وش هالابـداآآع  رواية جمييلههّ جـداً وممييزة  تسلسل الأحـداث على الاسسلوببّ جداً جميييل وخـارق من وين جبتِ هالإبدآآآعع اعجبتني جداً شخصية مهاآ خقيييت عليها  ونويصصر ذءء شكله بيحب مهاآإ :فيس يشوف بخبث: وهذذا التببن عبدالرحمن ليه يتاجر بالمخدرات وايشش ذنب جمون ، رحمتهااا الصـراحه  ورويششد ذءء ههههههههههههههههههههههه نكتهه كل شوي اضحك ههههههههههههههههههههههه ومهاإآ بانت شخصيتها القويه كح كح متحمسسه شو راااح يصييير لا تتأخري في تنزييل الفصصل الجاإآي فرحانننه انك قرئيت ابداعك هاداا لا تنسيين اعلامي عند نزول الفصل القادم وشسمه ذءء تم اللايك والتقييم وردي القمييل آمل بإن ردي قد ناإآل على إعجاإآبك في امان الله ورعايتـه ملاك الوفاء and كلي احساس .. like this.
__________________ - - يَ ربْ جَنةة تُلملمْ شِتآتنآ !سبحآن الله وبحمده , سبحآن الله العظيم . . - تمْتعوْآ بَآلآستغْفآر / .. حتىِ يَتعْلىِ حزنكَم ! . . وْتنزلَ رحمْآت آلإله عليكَمِ ♥♥’ [ آسَتغفْرِ آلله وْآتوْبَ آليههْ :/ْ 2013 - 2015 . |
|
#9
05-31-2014, 09:43 PM
| ||
| | ||
|
ينقل للارشيف ملاك الوفاء likes this.
__________________  وما من كاتب إلا سيفنى ويبقى الدهر ماكتبت يداهـ فلا تكتب بخطك غير سطراً يسرك في القيامة أن تراهـ  سبحان الله وبحمده سبحان الله العظيم .gif "flowr")   كن هادءاً كالماء، قوياً كالدب، شرس كالمستذئب  |
|
#10
06-02-2014, 01:16 PM
| ||
| | ||
| اقتباس:
بصيح ياخي اول رد يجيني  مره اعجبني واتمنى تستمرين بقرائة روايتي للنهاية ملاك الوفاء likes this. |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رواية عن نارتو مدرسة الثانوية وبعنوان (احبها ولاكن) اول رواية لي | صغيرة لاكني خطيرة | قصص الانمي المُستَوحاة و المصوَّرة | 93 | 08-04-2017 12:39 PM |
| روايتنا الاولى : رواية شياطيـن المدرسه (رواية سعوديه) ، الكـاتبه \ نكبهـ | نكبهـ | أرشيف المواضيع الغير مكتمله او المكرره او المنقوله و المخالفه | 51 | 03-02-2015 04:19 AM |
| رواية جديدة للدكتورة ناعمة الهاشمي 2012 تعالوا يا بنات رواية شما وهزاع احلى رواية | florance | أرشيف المواضيع الغير مكتمله او المكرره او المنقوله و المخالفه | 2 | 02-26-2014 02:28 PM |
| رواية نور الكون رواية جديدة من روايات سعوديه رواية نور الكون | الحب الساكن | أرشيف المواضيع الغير مكتمله او المكرره او المنقوله و المخالفه | 13 | 07-03-2011 03:30 PM |
| رواية الزمن قاسي ولايمكن يلين ..اول رواية لي في الذمة تقرونها ......بليز | بنت عز ومن شافني فز | أرشيف المواضيع الغير مكتمله او المكرره او المنقوله و المخالفه | 10 | 07-01-2011 07:45 AM |
69Likes
العرض العادي
