ρsүcнσ

حنا هنا رانا يد وحدة واحلى شيء انك تتفقدي الاعضاء وتوقفي على مشاكلهم وتوقفي معاهم اذا كانو مظلومين وتساعديهم حتى ولو كنتو مختلفين في الراي
حنا هنا في عيون العرب رانا يد وحدة واحلى حاجة انك تكوني حرة روحك تكوني طير لانو الاشراف قفص
طير تحلقي فوق اي قسم تحبيه وماتكونيش قفص خاص بقسم
لانك راح تتعرضي لمساءلات ان حدث اي خطا وممكن تتهاني اكثر كي يجردوك من الاشراف بسبب خطا او سوء تفاهم ماالا كوني كيما نت حرة روحك لا ازعاج ولا هم يحزنون وداخصي الاعضاء وافرحي معاهم واضحكي وعيشي لافي

المهم اعضاء ومشفرين ومراقب وحتى ادارة وقفو معايا ورجعولي حقي وتم تجريدها من الاشراف باه تعرفي انو مهما عندنا مشرفين اشرار بالمقابل كاين ادارة تحمينا وتحمي حقوقنا كاعضاء مهما كانت درجتنا

من عندي نقلك كاين مشرفين كانو يتوددو باه يصلو لغرضهم بالتحديد كاين عضو تقربت ليا كانت جديدة حسبتني بلوني الاصفر عندي مكانة مهمة زعمة المهم وهي توددت اكثر حتان ولات مشرفة عارفة واش هي اول حاجة دارتها؟
سبتني واهانتني وكي جيت ندافع على روحي دارتلي ايقاف العضوية باه تنتقم مني للان ماعرفتش علاش دارتلي هك مع اني كنت ناس ملاح معاها

انت مثلا عطيتك درس بلاما تفيقي وحسبتيني نكرهك او قاسية معاك بصح كنت نفطن فيك يا اختي لاني اكبر منك وعارفة امور كثيرة هنا مابغيتيكش تكون مجرد بساط باه يوصل غيرك للي يبغيه على كتافك نت مهما كان بنت بلادي ومانرضالكش المضرة
لو كنت مثلا نكرهك كنت راح نستغلك ونستغل موضوعك باه نحصل على شيء اسمو اشراف ونقول انو من حقي ونت تطلعي صحرا
بصح لا الاسلوب اللي هدرت بيه منعت بيه اي شخص يخمم يستغلك او يدير شوشرة في المنتدى لانك جديدة في المنتدى ماشفتيش واش كان يصرى قبل من اعضاء حاولو يوصلو للاشراف باي طريقة

انا عضو مميز من سنة 2009
تم ترشيحي للاشراف ورفضت
انا مانحبش الاشراف اصلا ونكفر بيه
نحب نكون حرة ونطلق هبالي على الاعضاء
نقوم بدوري كمشرفة مع اني مانيش مشرفة يعني عمل بدون صلاحيات ندور نلقى اخطاء نحاول نصلحها نصائح نقدمها اذا استعصات نحرش المشرفين او الادارة والحمد لله ماشية افضل مليون مرة من حاجة اسمها اشراف
في اغلب الوقت نخدم بالسكات يعني نساعد بلاما نخليهم يتولهو

نت في النهاية اللي عشيتي مش ناس ملاح الكل بعدو يديهم بقيتي غير نت
هذي توصي للجاية حلي عينك

هيا قوليلي برك وينهم اللي كنتي دافعي عليهم وينهم علاش ماتكلموش ؟
كان كل واحد يستنى في فرصة ونت عشيتي في وجه المدفع وديتي كل الانتقادات وحدك

نت مش قصدك بصح كاين اخرين كانو يستغلو في الفرصة من ورا ظهرك باه يوصلو على كتافك نت
مالا حبيبتي رانية خليك كيما نت ازهاي وافرحي وشاركي الناس وخليك من اي امر يخص الادارة لانو ممنوع سقسيني برك نقلك انا عضو مميز من قريب 6 سنين وراضية والحمد لله افضل مليون مرة من اي لون وراني مدايرة الصحبة ومدايرة دور شرطية في المنتدى ونعاون المشرفين بلاما نكون مشرفة وهذا فخر كبير ليا لاني نقدر نفيد بلا صلاحيات وهذا هو اكبر من الاشراف نفسه

اهلا رورو
انا عمري 26 عام
نخدم صيدلية
بالنسبة للموضوع هذاك انسايه نحي من بالك لانو حتى ولو بغيتي مصلحة اخرين كاين عباد راح يركبو الموجة ويوصلو لامور على ظهرك نت فحطينا كلام بصفة عامة يعني اضرب الطاروسة تخاف العروسة
يعني مرة اخرى اي واحد يبغي يدير اي شوشرة راح يلقى انو ممنوع

انا تعب من فهمك الخطا لي

انا بسن امك ع فكره يعني مو طفله وماعرف وايش غرضك من نسخ الرساله والتعليقات بلموضوع