عيون العرب - ملتقى العالم العربي

العودة   عيون العرب - ملتقى العالم العربي > عيون الأقسام العامة > حوارات و نقاشات جاده

حوارات و نقاشات جاده القسم يهتم بالمواضيع الحوارية والنقاشات الجادة والمتنوعة

Like Tree13Likes
إضافة رد
 
LinkBack أدوات الموضوع انواع عرض الموضوع
  #16  
قديم 08-18-2019, 12:58 AM
 
ذهبي


[img3] http://www.arabsharing.com/uploads/155758262605662.gif[/img3]

Y a g i m a

السلام عليكم ورحمة الله وبركاته
عدت من جديد بعد ما تأكّدت من المعلومات واستشرت حدا
ياا رب ما أكون رايحة أعيد كلاام شخص آخر
بسم الله الرحمن الرحيم

هلّأ قانون الجذب بيتفق معنا بالدين بشغلة "تفائلوا بالخير تجدوه أو أنا عند حسن ظن عبدي بي"، هلّأ فكرته بالزبط وتحديدًا لقانون الجذب انه انت مثلًا تفكّر بفكرة إيجابية فبتصير هااي الفكرة الإيجابية، يعني مثلًا انت مريض فبتفكّر انه انت مش مريض ورح تنشفي فبتصير فكرة انه انت انشفيت .. هلّأ احنا بالدّين ايش المبدأ انه صح انت فكّر بطريقة إيجابية 'فبتسعى' فبصير هاد الإشي الإيجابي، أما قانون الجذب فمبدأه انه انت بس تفكّر بتصير النتيجة مجرد التفكير، يعني مثلًا اذا كنت مريض وفكّرت انه انت مش مريض رح تنشفى مجرد التفكير الايجابي بإنّك رح تنشفى بدون ما تاخد دواء أو تروح ع الدّكتور فإنت بتنشفى وهاي فكرة قانون الجذب عشاان هيك هو خطأ لانه هو فكرة تدعو انه احنا يبطل يكون عنا سعي للرزق ونبطل انه احنا بدنا نعمّر بالأرض مثل انّه ما في داعي للدكاترة ولا في داعي للمستشفيات ولا في داعي لمهندسين خلص اناا قاعدة بفكّر باللي بدّي إيااه بطريقة إيجابية كتير وبكون متفائلة فهي بتصير فهاي فكرته .. أمّا بالنسبة إلناا في الدّين فهي المبدأ انه انت تفكّر بطريقة إيجابية يعني مثلًا انه انا رح أنجح إن شاء الله بامتحاني، أنا إن شاء الله رح ينجح الحفل اللي بدّي أقدمه، أنا إن شاء الله رح أطيب بس بنفس الوقت باخد بالأسباب لإنه احنا بالدين بناخد بالأسباب، يعني مثلًا بحكي يا رب بإذن الله أنا رح أنجح فبالتالي بتتكوّن عندي، أنا بضلني أتفاءل وأتفاءل إنّي رح أنجح فعقلي وجسمي وفكري وتفكيري وكل مخّي بصير يعمل بالنجاح كيف يعمل بالنجاح!! إنّه هو بضل يفكّر بالنجاح بالتالي بدرس كتير فلمّا بدرس كتير بجيب نتيجة النجاح بهاي الطريقة مبدأ الدّين، "أنا عند حسن ظن عبدي بي" صح انه انت بالزبط زي ما انت بتظن بالله بس بنفس الوقت انه في سعي للظن هاد يعني مثلًا أكيد مش رح أظن بالله إنه ربنا رح يعطيني ألف دينار وأنا قاعدة بالبيت من دون ما أسعى للألف دينار، أنا بظن بالله رح يبعتلي ألف دينار بس أنا رح أشتغل عشان آخد هدول الألف دينار "هي الفرق بين قانون الجذب وبين أنا عند حسن ظن عبدي بي" كمان فكرة إنه هو قانون الجذب بيدعونا إنه إحنا نتعلّق بالكون، ليش لإنه أنا لمّا بدّي أحكي عن فكرة إيجابية فهي بتيجيني فهو بعلّقلك المبدأ بالكون وكمان بلغي فكرة القضاء والقدر وبلغي فكرة السعي للرزق والعمل وبوحّد فكرة الخالق بالمخلوق، لانه احنا فعليًا لمّا بنعمل بنسعى لأجل الله بس لمّا انت بتفكّر بحسب قانون الجذب لأ وقتها كإنّه أنا اللي بخلق الشيء لنفسي يعني كإنه أنا خلقت الشفاء لمرضي أو أنا خلقت النجاح لدراستي بدال ما أحكي إنه ربنا هو اللي نجّحني أو ربنا هو اللي شفااني .. فهمت ؟؟
وبالنسبة للمريض اللي حكيت إنه أوهموه بإنه رح يموت وفعلًا مات أول إشي بدّك تكوني فاهمة إنه فعليًا المرض هو مو إشي أنا بجيبه لحالي هو مقدّر ومكتوب لكن أنا افرضي إنّي قاعدة وبضلني أفكّر بطريقة سلبية ففعليًا طريقة تفكيري السلبي بنزّل هيرمونات عندي في الجسم بفقدني بعض التركيز، بوجعني راسي زيادة التفكير فإشي طبيعي إذا حكيت أنا مريضة أنا مريضة بالنهاية رح أمرض مش لإنّه أنا فكّرت بالمرض فأنا مرضت لأ، لإنّه أنا فعليًا سببته لنفسي بهاي الطريقة، افرضي مرة تانية إنّي قاعدة وبحكي إنّي مريضة سرطان مريضة سرطان، أكيد ما رح يصير معي مرض السرطان وأساسًا هي موجودة في السنّة "لا تمارضوا فتمرضوا فتموتوا" يعني هي تمارض المرض تحديدًا إنّه انت لمّا تصنّع المرض فانت كإنّك بتمرّض نفسك ففعليًا رح تمرض فبالتالي رح تموت فهو مبدأ المرض أصلًا بختلف عن غيره لإنه هو أصلًا مذكور في السنة بس اشي تاني لأ بختلف، باختصار قانون الجذب بفكرته غير صحيح وحرام.

إن شااء الله أكون قدرت أوصّل الفكرة منيح ..
__________________



🔸ابتَسِم ، مادامَ حُزنُكِ لايهُمُ الآخَرينْ 🌟



التعديل الأخير تم بواسطة Y a g i m a ; 08-18-2019 الساعة 03:49 AM
رد مع اقتباس
  #17  
قديم 08-18-2019, 02:49 PM
 

^
اتفق معك في الكثير
لكن،
قانون الجذب ما بيعتمد بس هالتفكير .. السعي شيء اساسي
ﻻ تتمارضوا فتمرضوا فتموتوا ..
الهوس الشديد والتفكير المتعب بالاصابة مثلا بالسرطان < حمانا الله وياكم
حتى وإذا مو عندك المرض عقلك بظل يعمل ويجتهد ليوفر لك كل الاعراض ليخليه مثل ما فكرت .. تساقط شعر .. تعب الخ..
.
للنقطة تبع التحريم ما بجادلك فيها لانه ما لي علم .
لكن فعلا القانون بيعتمد عالانسان والكون وممكن هون في ثغرة وهي انه كل شيء يرجع لربنا
|تيتوس| likes this.
__________________





انسدحوا هون
https://sarahah.top/u/NUteen

رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 01:01 PM.


Powered by vBulletin®
Copyright ©2000 - 2024, vBulletin Solutions, Inc.

شات الشلة
Powered by: vBulletin Copyright ©2000 - 2006, Jelsoft Enterprises Ltd.
جميع الحقوق محفوظة لعيون العرب
2003 - 2011