روآية : انا بس عندي طيف المحبة يجول بخاطري ولاني بقادر انساه..،،

[رغيدان]

البارت الرابع عشر

دخلت ربى المطبخ ..... شهقت على خفيف
التفت علي متخرّع شافها قدامه وقف وماقدر يتحرك
لفت ربى شيلتها على راسها وظلت تطالع الأرض وهي رايحة بعيد بأفكارها ... رفعت راسها وقالت بثقة: علي ابي اتكلم معاك..ع السريع.
لف علي وعطاها ظهره : مابيننا كلام
ربى : علي انا ابي اشرح لك الموقف ..
علي : اي موقف بالضبط..؟
ربى : يوم اكلمك في المزرعة ... ابي اقول لك ترا ماكانت انا اللي كلمتها..
علي : كيف يعني..؟!
ربى : كانت شذى ... افتكرتك واحد من الشباب اللي يتصلون على البنات وكانت تبي تختبرك عشان كذا قالت لك ... مااشتقت .. الي .
علي ببرود : ومن اللي قال أحبك..؟ انتي لو اهي..؟
ربى : أأأ...أأنـ ..
علي : طيب خلاص انسي الموضوع
ربى : لاماأقدر أنسى...
لف عليها : نعم..؟
ربى انتبهت انها قالت زيادة عن اللزوم لكن تجرأت وقالت: انت سمعتني علي ... ماأقدر أنسى .. لأني قلت الك من قبل ...أحبك
طنشها علي وطلع من المطبخ ومافيه ولاذرة اتحركت تجاه محبة ربى ... كرهها زيادة
ربى نزلت دموعها ... مسحتها باكمام عبايتها وراحت شربت مويه ورجعت المجلس
" في غرفة علي "
علي سارح في داك الطوف الملياان بالصور والذكريات وسرح في صورة كان فيها ورد ورماس وعلي ورضا وغادة و راشد و موسى وهند وربى وهم صغار
" ربى كانت من بيت جارهم بعد كذا انتقلوا لبيت ثاني "
يطالع في ذيك الصورة وتجمعت في قلبه ذكريات من الماضي
كانت ربى مثل صديقة الطفولة كانو يلعبون مع بعض يضربون بعض ويلاحقون بعض علي يعترف انها كانت ايام حلوة لكن .. شاللي صار الحين وخلاه
يطيح مع صديقة الطفولة بحب مستحيل يتحقق وشاللي خلاها تحبه... وده الحين لو تطيح بيده رماس كان يعاتبها ويلومها لزين مايشبع
على هذاك اليوم اللي قالت له يلعبون عليها .... وده لو يروح لربى ويعترف لها انه مايحبها .. ان عمره ماحب بنت في الدنيا .. ان هو واحد مايعترف بالحب حتى
لازم يلاقي طريقة يبعد فيها ربى عنه ... اهي بتسافر تقريباً شهر أكيد بتنساه...ولو ماكان أكيد كان هذا اللي هو يتمناه.
" في المجلس"
رجعت ورد ورماس
حسوا على ربى انها متضايقة وحاولو يستفسرون منها لكن بدون فايدة قالت لهم انها تعبانة وبس
كانت تجاملهم اكثر من كل مرة تجاملهم فيها لأن حبيب القلب ماعطاها وجه ،، لسى مااقتنع بأنها تحبه ، شردت ربى بعييد ،، آه ياحبيبي لو كنت بس تحس باللي أحسه
دخيلك لاتصير عديم احساس .. تلاقي قلبي بين ايدك وتصد عني آه ياعلي .. أنا مستعدة أضحي باللي أضحيه ولا أخسرك .. إنت لي ... وأنا لك .. يوم بعد يوم راح تتغير
معاملتك وياي ... متأكدة .... ولو ماكانت متأكدة هذا اللي كانت اهي تتمناه
رماس تلوح لربى : هيييي وين وصلتي..؟
ربى : موجودة رمييس
رماس : توك موجودة وين كنت سارحة مين ماخذ عقلك ومتهني به..؟
ربى تقول في نفسها : اخوك يارمييس اخوك .
ربى : افكر فيك ياروحي
رماس : ياقلبي انتي ياربيانة
ولفت عنها وهي تدري انها ماكانت تفكر فيها ... أبداً
رن جوال ورد " فنوونة يتصل بك "
ورد : هلا بأفنان الغالية هلا.
أفنان: هلا فيك ورودة كيفك
ورد : تمام نسأل عنك..
أفنان: أنا تمام ... ورودة بتطلعين اليوم..أبي أجيك أقعد معاك شوي
ورد : بس شوي الا تعالي اليوم كله تنورين البيت ربيانة كمان ويانا اليوم.. خلونا نفلها
أفنان : اوكي ورودة . انا الحين بسكر بجيك بعد ساعة .
ورد : اوك
أفنان : باي
ورد : بايات.
" عند أفنان "
فتحت دفتر خواطرها وكتبت |"على هونك ياقلبي لاتسبح بأحزانك .. أنا صحيح حزني بعيوني لكن مو على شانك .. أنا ببكي على اللي سكن روحي .. ووجداني ومتربع بمكانك"|
|"أنا ببكي ليل نهار .. على حسابه دموع أمطار.. وعلى فراقه أنا بقلبي أشعل نار"|
|"ياروحي لاتلوميني .. ياروحي اعذريني .. انا لو ودي ابيع العمر عشان لحظة من عمره فديتك ياحبيب القلب فديتك يالساكن بروحي ياليتك جنبي تسمع آهاتي
تناديك وتخنق العبرة لهاتي .. ماغير كلمة أحبك تنطق بيها شفاتي .. ياليتك جنبي تشوف العين همالة .. دموع أمطار سيالة .. وتتكحل بشوفتك الجفون .. أنا قلبي الك مرهون .. على حبك أبكي عيون .. تلاقيني ودموعي همالة"|
سكرت الدفتر وحطته بالشنطة وتنهدت وعينها فايضة دمع مسحتها وقامت ولاكأن شي صار وصرخت : ابووو محمد توصلني بيت عمي ابو رضا..؟
......
" بيت ابو باسم "
ردينة : روييشد مابتروح لعلووه..؟
راشد : بسم الله ... توي راجع من المستشفى تبيني افز... واصلاً أنا مليت من وجهه اسبوع كامل مقابلنه في المستشفى
ردينة: اي طيب ويديني لغاادة بعد شوي اهي بترجع من السوق وابي اروح الها اشوف اللي اشترته
راشد : لاحوول انتي ماتفهميين ياست الحسن والدلال اقول لك ... وليش اقول لك وحدة مثلك ماتفهم هالكلام.. اقوم غرفتي ابرك لي
ردينة بصوت واطي : موولت عليك من ولد " وصرخت "اوريك لكن.
" بيت ابو رضا "
رماس :اوووف متى بتجي افنان..؟
ورد : قالت بعد ساعة هادي راحت ساعة وثلث وهي ماجات.
رماس : اتصلي عليها شوفي
اخذت ورد جوالها ... " رن الجرس"
فزت رماس : اكيد هذي اهي
شوي الا دخلت افنان : هلااااوي صاحباتي كيفكم ..؟
رماس: هلا فييك ياقمر احنا بخيير يوم شفناك انتي كييفك..؟
افنان : انا بخير دامكم بخير...الا وين ربى..؟ مو كانت معاكم..؟
ورد : الا كانت معانا ،، لكن اتصلت لأخوها يجي الها تقول تعبانة
رماس : ربيانة بتروح ماليزيا
افنان: والله... ماليزيا يقولون حلوة
رماس: ابي اروح في المستقبل انا وزوجي.. <<< بدت تتحلم
ورد : انتي مررة يعني ضامنه روحك مع رويشد
افنان : وش دخل رويشد بالسالفة ..؟
ورد بدلع : تحبه
رماس : وامووت فيه بعد
افنان : والله طلعتي تحبين من ورانا ياشيخة
رماس: الحب دايما متخبي ماتدرين متى بيطلع ومتى بنتسى.
افنان : صح كلامك ياعسل.
رماس لفت لورد : عشان تعرفي اني ماقلت شي غلط
ورد : وأنا ماقلت انك قلتي شي غلط،، المووهم خلونا من هالسالفة وخلونا نهيص شوي
قعدو واستانسو وفي نص الليل رجعت أفنان بيتهم

[رغيدان]

البارت الخامس عشر

مرت أشهر وأشهر
خلونا نلف ع الأحداث بسرعة ،،
غادة تقدم لها شخص اسمه ثنيان في البداية ماواقفت
لكن لما سمعت إن ردينة انخطبت على أمين وافقت ..!
ردينة : أجل وافقتي يالدووبة
غادة : انا ودي الحين اجي لك ابرحك ضرب ،، كيف ماتقولي لي انك انخطبتي
ردينة : هدي يابت الحلال أصلاً أنا من اول ماتقدم لي وانا اقول بخبرك لكن امي زنت علي وتقول أهل العريس يبوننا نرد عليهم بسرعة و الظروف جبرتني مااقول لك الا بعد ماارد عليهم
غادة : طيب طيب خلاص سامحتك بس لاتعيديها
ردينة : يعني كيف بعيدها بنخطب مرة ثانية يعني
غادة وردينة : هههههههههه
غادة : أقول ردون اتفقتوا على الزواج
ردينة : ايه أمين مرررة مستعجل يقول يبي العرس بعد ثلاث شهور
غادة : لامستعجل ولاشي بالعكس توقيت مناسب
ردينة : المهم اني اقتنعت
غادة : ردون شرايك نسوي عرسي وعرسك بليلة وحدة؟
ردينة : واااي غدون هالفكرة جات على بالي لكن قلت يمكن ماتوافقي
غادة : افا ردون ليه مااوافق لكن خلينا نسأل ثنيان بالأول
ردينة : اوك وأنا بسأل أمين
* * * * *
بيت أبو رضا
رن الجرس وراحت ورد تفتح الباب
ورد : مييين
مهند : انا مهند افتحي الباب
راحت ورد لفت شيلة على راسها وفتحت الباب
ورد : هلا مهند تفضل
مهند : علي موجود
ورد: يعني وين بيروح ياولد الخال لسى طالع من المستشفى
مهند : هههه الا وين هو
ورد: بغرفته جالس
مهند : انتي مشغولة دحين..؟
ورد: لا لييش...؟!
مهند : تعالي بكلمك بموضوع
ورد : خير شصاير
مهند : ماصاير الا الخير
راحو وقعدو في الصالة
مهند : اسمعي وروودة انتي بنت عمتي واقرب لي من اختك عشان كذا انا بقولك شي
ورد : خير تفضل
مهند : ابيك تفاتحين صاحبتك بموضوع
ورد : اي صاحبة ؟ وافاتحها باييش؟
مهند : صاحبتك شذى أبيك تقولين لها ... قولي لها اني احبها
ابتسمت ورد : اجل سالفة حب هي وأنا اقول ليش ولد الخال متوتر
مهند : اقول لاتتطنزين علي بتقولي ولا لأ
ورد : خلاص اوكي ولايهمك راح اقول لها
مهند : والكلام ده مايطلع بره
ورد : اوكي
مهند : يلا انا بقوم اروح لعلي
فزت ورد لفوق وعلطول قالت لختها عن اللي قاله مهند ولاكأنه وصاها ماتقول لأحد
رماس: اوووف طلع مهند يحب بعد
ورد : اي بس ماتقولين لأحد هو وصاني
رماس: اوك مابقول،، الا انتي كيف بتقولي لشذى
ورد : اتوقع اقول لها في البر اذا رحنا الاسبوع الجاي
رماس: من قال بنروح البر
ورد : نسيتي ؟ امي قالت لعلي ان احنا بنروح في المستشفى
رماس: اوووووووه اجل بروح اجهز اغراضي
* * * * *
في الاسبوع الثاني طلعت العائلة من الصبح رايحين للبر وأول ماوصلو نزلوا الرجال ونصبوا الخيمة
قعدوا فيها الحريم الكبار لكن البنات طلعوا يمشون
كانت ورد ورماس وشذى مع بعض
ووراهم افنان وردينة وغادة
ووراهم هند وأنوار وجنى
ورد : شدّو ابي اقوولك شي
شذى : ياعيون شدّو انتي شعندك
ورد: موضوع خطييييييير
شذى : لاتخرعيني ورودة شعندك خلصيني
ورد : اوكي اوكي لاتاكليني بسم الله
وأشرت ورد على مهند : شفتي ذاك الولد... تعرفينه؟
شذى : وشمعرفني به كل اللي اعرفه انه صديق اخوك
ضربت ورد شذى على راسها: هذا ولد خالي يالذكية
شذى : اووهو علينا ولد خالك ولد عمك انا شيدخلني
ورد : ماانتي اساس السالفة
شذى : وليييش؟
ورد : الولد ذاك يحبك
شذى : شلووون؟! منو هو؟! وكيف ؟ ومتى قال لك؟
رماس : يالخبلة شفيك انهبلتي تقول لك يحبك مهندوه يحبك
شذى : تسخريني ولا شنو؟
ورد : اووهوو علينا شدّو انتي منتي صاحية
شذى : يالبى قلبه
ورد : لاااا انخبلت البنت
شذى : الا تعالي تعالي هو متى قال لك وكيف؟
وراهم...
غادة : افنان انتي شرايك؟
افنان :بخصوص شنو؟
ردينة: انتي ماشكلك معانا ،، بخصوص الزواج
افنان : واللي يرحم والديكم انا لسى ماعندي علم بذي الأمور
غادة : يووووه ردون احنا أصلاً ليش نسأل وحدة من البزر..؟
أفنان : اي دحين صرنا من البزر ها طييييب ياغدون
وراحت أفنان لورد ورماس وشذى
ووراهم ...
هند : واااي بنات راحت عليكم مسكرة جديدة لسى اسبوع على تنزيلها ابي اروح اشتريها
انوار : ياأختي ياأنوار انتي ماتتوبي من الأسواق صرتي ربى الثانية
جنى : هذا اللي راح يتزوجك يطلقك من أول يوم ،، أكيد راح تقولي له خلينا نروح السوق
أنوار وجنى : هههههههه
هند : اسم الله اسم الله علي فال الله ولا فالك
* * * * *
عند الأولاد :.
علي : أقول يالنسيب وين شارد؟
مهند :بعيييد
راشد : وين بعييد؟
مهند : تقدر تقول ربع ساعة وأوصل القطب الشمالي
علي: اجل ليين رجعت خبرنا ناويين نقول لك شي
مهند : هذا انا وصلت شعندك
راشد : سبحان الله مسرع مارجعت
علي: أقول خلينا نقوم نمشي بره
مهند : والله تعبااان لساتني راجع من...
راشد : صدق حاله الأخ قم بس قم
طلع علي ومهند وبسام وراشد يمشون
* * * * *
أم رضا : ياحلو هالجلسة ياليت كل أسبوع نجتمع كذا
أم موسى : اي وانتي الصادقة ياليت
أم باسم : ليش مانقول لرجالنا يطلعونا كل أسبوع
أم موسى : اي خلونا نقول لهم ان شاء الله يرضون
أم رضا : ان شاء الله
أم جنى : نتونس في الطلعات ذي ويتونسو عيالنا وبناتنا
* * * * *
أفنان : هلا بأحلى صاحبات شوو عم تحكو؟
شذى : وانتي شدخلك
افنان : افا شدّو
رماس : قولي لها شدّو عادي ذي صاحبتك
افنان :ايش صاير وانا مدري؟
ورد: مهند يحب شذى
افنان : مهند ميين مهند ؟!
ورد: مهند ولد خالي
افنان:واااااااي شدّو صار عندك حبيب والله مهند مافي منه
شذى : يووه فنونة انطمي لاتفضحينا
* * * * *
مشوا شويات وتفرقوا عن باقي البنات اللي معاهم
وصادفوهم العيال في نفس الوقت اللي وقفت سيارة عند البنات ونزل منها ولد
الولد كان شكله حلو نزل من السيارة وراح لعند البنات
الولد: هلا
ورد: وجعع
الولد تجاهلها وقال....