عرض مشاركة واحدة
  #1  
قديم 12-25-2019, 07:53 AM
 
فضي تشيز كيك باللوتس بحجم الكب كيك

[img3] https://b.top4top.net/p_581k6m500.png[/img3][ALIGN=CENTER][TABLETEXT="width:100%;background-image:url('https://d.top4top.net/p_581ffdy93.png');"][CELL="filter:;"] [ALIGN=center]


ابدعت اختاه
زهراء!




بسم الله الرحمن الرحيم
السلام عليكم ورحمة الله وبركاتة

سويت لكم اليوم التشيز كيك باللوتس بحجم الكب كيك




:المقادير


عدد 15 قطعة من بسكوت الدايجزتف

زبده / نص قالب

زبده اللوتس

علبة كريمة خفق

الدريم ويب / كيسين - ظرفين

جيلاتين / كيس - ظرف

جبنة كريمية 200 غرام

علبة كبيره نستله حليب محلى

----------------------------------------

الخطوه الاولى :-


اطحن البسكوت


ثم اضيف عليه نص قالب زبده ثم ملعقتين طعام من زبده اللوتس

ثم ابتدي اخلطهم ( اعجنهم ) الى ان اصل الى هذه النتيجة



بعدين ناخذ قالب الكاب كيك الي بنسوي فيه التشيز كيك
وانا مستعمله في هذا الشرح الصينيه المتحركه للكب كيك
عشان بعد ما يخلص اقدر اطلع التشيز كيك من الصينيه بشكل سهل وبدون لا يخترب شكلة والي مو عارفة هذي الصينيه تشوف الفيديو الي فوق

نرش القالب بشوية زبده




والحين ناخذ شوي من خلطه البسكوت الي سويناه ونحطه كقاعده
( ومن المهم انه نحطه عدل ونرصة بحيث يكون بشكل مستقيم ومتساوي)



والحين ندخله الفرن لمده 5 دقايق



الخطوه الثانية : ( نسوي الخلطه رقم 1 )

نحط علبه واحده من كريمة الخفق + كيسين /ظرفين من الدريم ويب




وابتدي اخلط بالخلاط










الى ان يثقل الخليط الي عندي



اخلي الخليط الأول وابتدي اسوي الخليط الثاني


الخطوه الثالثة : ( الخليط رقم 2 )

انحط أي جبنة كريمية 200 غرام + علبه كبيره حليب نستله المحلى




ابتدي اخلط بالخلاط لين ما يذوب الجبن بحيث انه ما يصير في حبيبات جبن / يذوب بشكل كامل
الخطوه الرابعة : ( نعمل الجلاتين )
انحط ظرف / كيس من الجلاتين في كوب + ربع كوب ماء مقلي ( لانه الجيلاتين صعب يذوب لازم ماء مقلي )
وابتدي اخلطه لين يذوب بودر الجلاتين




الخطوه الخامسة :

نضع الجيلاتين فوق الخليط رقم 2 ( الي اهو الجبن + حليب نسله المحلى )




ثم اخلط

ثم نضيف عليه الخلطه رقم 1 ( الي اهي كريمة الخفق مع الدريم ويب )




ونكمل خلط

وبجذي صارت عندي جاهزه الخلطه الي بنحطها فوق البسكوت

لخطوه السادسة :

في هذه الاثناء نكون طلعنه البسكوت من الفرن

ونحط الخلطه فوق البسكوت




الخطوه السابعة :
انحط ملعقتين طعام من اللوتس في وعاء واذوبه ( اما بحمام مائي او باستخدام المكرويف )


وبعدها نحط ربع كوب من الخليط الي عندنا فوق اللوتس الذايب
وابتدي اخلطهم
بحيث تكون النتيجة مثل الصوره




الخطوه الثامنه

اخذ من خلطه اللوتس جزء صغير واحطها في قوالب الكاب كيك فوق الخلطه البيضاء الي موجوده في القالب عندنا

ممكن باستعمال عود اسنان / او السكين او اداه صغيره للخفق او أي شيء اخر لاذابه خلطه اللوتس مع الخلطه بحيث نعزز نكهه اللوتس في التشيز كيك

وبعدها ندخله الثلاجه لمده 6 ساعات

الخطوه التاسعة : ( التزين )
وعملية التزين تكون اختياريه حسب ذوقك

نذوب كريمه اللوتس ونحطه في كيس التزين



ونبتدي نزين التشز كيك




وعليكم بالعافية





[/ALIGN] [/CELL][/TABLETEXT][/ALIGN][img3] https://c.top4top.net/p_581jjmxl1.png[/img3]

التعديل الأخير تم بواسطة زهراء! ; 12-31-2019 الساعة 03:07 PM
رد مع اقتباس