 قسوة المدرسين في المدارس
[align=center][tabletext="width:900px;background-image:url( http://www.arabsharing.com/uploads/156512656216712.png);"][cell="filter:;"][align=center]
[img3] http://www.arabsharing.com/uploads/155758262605662.gif[/img3]
موضوع مميز ، أنرت القسم 
Y a g i m a
السلام عليكم ورحمة الله وبركاته
مساكم الله بالخير
-اخذ نفس عميق-
شلونكم ؟وش مسويين؟
اكيد كلكم تعبانيين من الشغل والمسابقة صح؟ عادي حاس بكم 
ادري وش تفكرون ليش هالنفسيه منزل موضوع بهالوقت؟ ما عنده دوام الاحد الجاي؟
حبيت اقول لكم انه دايما قبل لا تبدا الدراسة بأسبوع نومي يخرب
معليكم بأخر لحظه بعدل نومي حتى لو اضطريت اني اقعد وافجر مخي
المهم بأقلب مزاجكم اليوم بسؤال حلو
مستعدين للدراسة؟ 
ادري انه بعضكم ما شاء الله تخرجو وصارو دكتور/محامي/مدرس
بس بعضهم لحينهم يتعبون 
الزبده انا لما قبل كم يوم سمعت مدرسه جاء على بالي موضوع معين
فحبيت اشاركه معكم.
***************
من الاشياء اللي لعبت بنفسيتي لما كنت صغير هي قسوة المدرسين في المدارس
اقسم بالله شفت مدرسين بحياتي خلوني ألعن الساعه اللي صرت طالب
نفسيييييات...قلت لنفسي خلاص ما يهمني المستقبل بس اهم شي انقلع عني وخلني لحالي
طبعا انا اتكلم عن المدرسين المتعصبيين والقاسيين يدخلون الصف ومزاجهم متقلب ويطلعون حرتهم علينا
دايما يضربون الطالب ويستخدمون طرق قاسية لمعاقبة الطالب اذا ما حل الواجب
تخيلو عندنا مدرس اذا الطالب نسا لا يحل الواجب يطلب منه انه يوقف ورا ويمد يدينه فوق ورجله
واحيانا يطلب منه يرفع الكرسي وهو واقف الى ان يدينه يتكسرن ويقعد يستقوى على الطالب ويضربه لأتفه الاسباب
فهالمدرسيين ما قصرو وضع بقلوبنا خوف ويمشون الواحد غصبا عنه
يعني فيكم تقولون انه جيد لانه يجبر الطالب الكسلان على الجهد واحيانا فعلا فيه طالب ما ينعطي وجه يخلي المدرس يعصب بس هذا مو سبب انهم يضربو الطالب لانه الضرب بيأثر عليهم جسديا ونفسيا
طرقهم بتضل قاسيه وغير ضروريه
وهم على فكرة احيانا بيضربو الطالب العاقل والمؤدب على أتفه الاسباب رغم انه مجتهد يعني عل الاقل يجلدون يدينه .
وهذي المشكلة موجوده بجميع مدارس السعودية(مدري عن مدارسكم انتم)دايما كم مره اشوف مقطع بالواتساب مدرس يعاقب طالب بشكل قاسي جدا ,يا انه يضربه كم كف على الوجه الى ان ينصرع او يضربه بالعصا على ظهره
فيلم رعب صارت المدرسة بسببهم.
حتى نفس الشي بالجامعه فيه دكتور عندنا متشدد اذا تأخرت عن المحاضرة بخمس دقايق يحط عندك غياب وتغيب ثلاث مرات حتى لو كان عندك عذر بيعطيك حرمان.
فهل تشوفون انه الاسلوب القاسي يفيد؟(هل تؤيد ام تعارض)
هل عمرك شفت مدرس قاسي بمدرستك او مررت بالتجربه؟(يعني اكلت كم كف منه  )
واسف على اني طولت بالكلام
بس هذي تجربه مريت به فحبيت اني اشاركه معكم
والسلام عليكم ورحمة الله وبركاته
§§
[/align][/cell][/tabletext][/align]
التعديل الأخير تم بواسطة Y a g i m a ; 08-31-2019 الساعة 02:41 AM |