عيون العرب - ملتقى العالم العربي - عرض مشاركة واحدة - أسطوري ~ °° بـقايا ذكرياتـ , ورقة و الوانـ °°

**|تيتوس|** · #3 08-23-2019, 12:36 AM

[img3] http://www.arabsharing.com/uploads/155758262570011.gif[/img3] [img3] http://www.arabsharing.com/uploads/153160050606769.png[/img3]
Y a g i m a

السلام عليكم ورحمة الله وبركاته
كيفك ياا زهراااااء؟!!!
إن شااء الله بخيييير 🌸

إيش هالإبداااع والرقي في الرسم، إيش الفن اللي بتتمتّعي فيه يااا الله لو شفتِ ابتساامتي لوين وصلتْ وأناا بشوف برسوومااتك الرائعة

العنواان، العنووان لحااله فخم كنت بشوف المشاركاات الجديدة ولمحت عنواانك من بين كل العناوين، شفت من أي قسم "لوحات فنّية وخط عربي" دخلت ع طول من دون ما أتأكد ولاا إشي، شفت بعدين هالابدااع اللي اخترقني بنور أفرحني
"بقايا ذكرياات، ورقة وألوان" ما أجمله وأروعه من عنوان صراحة

يلاا بسم الله الرحمن الرحيم

[cc=روعة][/cc]
أكتر إشي لفتني بهااي الصّورة الخط والكلاام اللي جنبهاا، معبّرة للغااية، وإنّه كيف عاملة الرّجلين وكأنّهم في مياه لونهاا بني مش عاارفة هيك تخيّلتهاا، متل كإنك حاطيتهم بإشي أو مخبييتهم، والرجلين مربّطات بشبرة زي التقييد الحلو الحزين
بس لو إنّة زبّطتِ أظاافر رجلهاا اليمين بسيطة بس، ما خرّبت إشي .. مرّاات بس إنّه لو كان إشي بسيط مخرّب الصّورة بكون جزء من جماالهاا

[cc=فخمة][/cc]
هااي، هااي الفخامة بذااتها، عيوون الرّسّمة وحدهم بتحدّثوا عن الجماال الحقيقي البااهر، هااي الرّسّة إشي أسطوري بشدّة، تنااسق الألوان ع رسمة الشَّعر، كلهاا وحتّى كيفية عنل الظّل .. يعني شو ما أحكي أو شو ما أعبّر عن جمالهاا ما رح أقدر أعطيكِ الزّبدة بصدق حبّيتهاا بكلّ تفاصيلهاا وخااصة العيون، بالمختصر "مخيفة من جماالهاا"

[cc=جميلة][/cc]
هااي الرّسّمة ضحكت عليهاا شوي بس كماان حبّيتهاا ذكّرتني بفيديو عن إذا اشتغلت أنا وصديقي التّافه بنفس المكاان بقلبوا الشّغل ضحك وتفااهة، متلهم هااي الصّورة تقريبًا

[cc=خرافيّة][/cc]
أُسرتُ من جماال هااي الصّورة، سحبتني ألوانهاا لعالم الرّسّم وجماله بألوانه، أناا كنت زماان لمّا أرسم ما ألوّن أي رسمة لإنّي كنت بفكّر إنّهم رح يخربوا إذا لوّنت، غيّرتْ رأيي شوي وصرتْ ألوّن رسمااتي الجديداات، بس هلّأ غيّرتُ رأيي بالكامل بسبب هااي الصّورة بالذّات .. شعرهاا الملوّن خراافي جدًّا

[cc=إبداع][/cc]
أناا دائمًا العيون بتلفت نظري، سواء ع الواقع أو بالرّسّم "الخياال"، هااي طريقة رسم العينين رهيبة بمعنى الكلمة ، وحتى الفم لإنّه أنا أندر من النّادر بزبطوا معي ، الشّعر هون حبّيته أكتر من اللي قبلهاا، يمكن عشاان هون الوجه مدوّر

[cc=رائعة][/cc]
الألوان اللي استعملتيهاا هون لفتت نظري، كتيييير متنااسقاات، لون النّجوم تقريبًا نفس لون العيون، توفّقتِ في اختياار الألواان وتلبيقهم مع بعض، حبّيت إنّك ما لوّنتِ الشّعر أعطيتِ هيك للرّسّمة لمسة خاصة ورائعة من الإبداع

[cc=كيوت][/cc]
كوناااااااان، أناا حب حيااتي كوناان أصلًا وهو طفل كماان كتييير كيووت الرّسّمة كنتْ ببحث عن هااي الصّورة من زماان بجودة منيحة بس ماا لقيتهاا وأجيتِ انتِ برسمتك، قمت حكيت خلص هي لقيتهاا بجودة عاالية

جد ماا شااء الله عليكِ، هااد أوّل موضوع بشوفك إلك موضوع مبهر بحق ورااقي جدًا بتمنّى ما تتوقّفي عن الرّسّم لإنّي حااسة من كتر الإبدااع اللي شفته إنّه الرسوماات والرّم بعشقوكِ عشق، فما تتوقّفي أبدًا
وأخيرًا، تقبّلي مروري المتواضع، موضوعك بيستااهل رد فخم أكتر من هيك ..
في أمان الله ورعايته