عيون العرب - ملتقى العالم العربي - عرض مشاركة واحدة

**ســـراب** · #12 07-20-2019, 03:43 AM

اقتباس:

المشاركة الأصلية كتبت بواسطة ميّوم

[img3] http://www.arabsharing.com/uploads/155758262605662.gif[/img3]
y a g i m a

بسم الله الرحمن الرحيم
وعليكم السلام ورحمة الله وبركاتو
كيف حالكِ سراب؟ أتمنى تكوني بخير دايمًا ..

ايوا لاحظت وجود دي الحالة عند الكتير من الناس!..
وإدا سألتهم ليش قالو " أغار ع أهلي"، وإدا قدامهم
قلت اسم البنت قالو كلمة مُخلة بمعنى " يبيع أهلو" واعتذر
عن الكلمات دي.. بس هذا حسب تبريرهم للفكرة
المُنغمسة في عقولهم إللي تقريبًا ما تِبا تتغير من أيام الجاهلية.

أزيدك من الشعر بيت؟..
وحدة من زميلاتي بالصف زمان قالت لي عندهم
الأخ ما يحضر زواج اختو لأنو يُعتبر عيب و فضيحة
إنو يزوّج أختو!.. مدري إدا الكلام دا صح ولا من كيسها
لكنو حرفيًا صدمني!، إيش العيب بالضبط؟ فين العيب
إنو تتزوج ع سنة الله ورسولو؟.

وأظن يسير زي كِدا لأنو عقل الشخص مُعلّق ع بيئتو
القديمة، مهما أتطورنا و أتثقفنا ما زالت دي الفكرة الجاهلة راسخة
في أدمغتهم من ايام الجاهلية " البنت عيب"..
وممكن نفسيًا الشخص خوّاف، يخاف من فكرة انو
ينادي البنت بأحسن الأسماء فتجيه العقول الجاهلة
وتقول " إنتَ ما تغار ع أهلك"، وعشان يتجنب دي
المواجهة يمشي مع العقول القطيع خوفًا من المجتمع
والبيئة إللي كبر فيها وأتعلم فيها الصح من الخطأ حسب
رأي البيئة والمجتمع و ليس حسب التفكير الصحيح والدين.

النقاش بنفسو يطرح تساؤلات كتيرة، ليش يعتبرو
البنت عيب؟ إيش العيب في أحد مخلوقات اللّٰه عزّ وجل؟
بالنسبة لي أشوف العيب إنو يستحي من أختو أو أمو
أو زوجتو، إدا تستحي من البداية لا تسوي علاقات، إدا
قعدت تعيش في الخوف دا و الخجل من المجتمع
باسم " الغيرة المُزيفة" اقطع علاقتك لأن دا الزمن
البنت قادرة و سهل عليها تعيش بدون الشخص
إللي يعتبرها " عيب"، أعرف إنو فكرة " اقطع علاقتك"
مو كويسة ومخالفة لوصية الدين لكنها مجرد
فكرة من تفكيري العدواني..

إدا مو راضي يقتنع بإنو " البنت مو عيب البنت نعمة
من نِعم الله "، بالله روح و جدّد إيمانك و أقرأ سيَر القدماء
إللي كانو ينادو زوجاتهم و بناتهم بأحسن الأسماء و اجملها
عشان تعرف إنو عقلك ضايع بين الزمن دا.

أظن نحتاج نجدد سيَر القُدماء لأنو مع الوقت الإنسان
ينسى القديم و يركز مع العصر الجديد، و أساسًا حتى
لو نادى البنت باسمها قدام الملايين َمحد حيلتفِت لو،
لكن فكرة إنو الناس يراقبوك أربع و عشرين ساعة مُننشرة
والكل يظن إنو لو يسوي غلطة بنظر المجتمع الكل حيلومو.

المهم عندي أفكار كتيرة لدا الطرح لكني ما اعرف
أرتّب أفكاري، أعتقد لي رجعة فيمَ بعد

#ميّوم

-

السلام عليكم ورحمة الله وبركاته
ميوم صدمتيني بكلامك
انتي لخصتي كل حاجه
الموضوع والحلول والاسباب
لازم ترجعي تاني وتشاركي افكارك معانا
شكراً لمرورك