[ALIGN=CENTER][TABLETEXT="width:70%;background-image:url('https://4.top4top.net/p_1293ad7m81.png');"][CELL="filter:;"][ALIGN=center]

مرحباً جميعاً
فُت مرّة ع اليوتيوب وشفت كتير أفكار وحبيت أجرّبها بما إنّي فاضية هالكم يوم
وجرّبتها وعجبتني النّتيجة
صوّرت بعض الخطوات وحبّيت أشاركها معكم
هنّ فكرتين
فكرة بالكريستال وفكرة بالسيليكون





فكرته هي عمل اكسسوار بسيط باستخدام كريستالات صغيرة
وحلو كتير لو شاركتوا أولادكم بالشغل بدل ما عم يلتهو بإشيا مو مفيدة متل الموبايلات
والألعاب
خلهم يشغلو عقلهم وإيديهم أفضل







جميلة مو؟!







المتطلبات متل ما بالصّورة
- فرد سيليكون: مهم جدّاً عشان يكون الشّغال سهل لأنّه من دونه رح تكون غلبة كتير.
- أصابع سيليكون.
- مشرط: أفضل من السّكين.
- قالب ميدالية حديدي أو ممكن يكون مطاطي وتتخلّص منه بعد ما تصبّه بالسيليكون
- ورقة بلاستيكيّة: أو ممكن ورقة عاديّة وتلفها بلاصق
- لاصق
- كريسالات: ممكن تشتريها من العطارين "كريستالات ملحيّة خشنة" أفضل من الملح العادي لأنّه ناعم
هلأ أنا شخصيّاً استخدمت ملح الغسالة full automatic أحجامهم كبيرة والهم لمعة
لقيته هو الشّي المتوفّر عندي.
هذه شكلهم عن قرب:



طبعاً هم لونهم أبيض أصلاً بس أنا استخدمت صبغة طعام لتلوينها
وممكن تلونوها بالمناكير سواء قبل الشّغل أو بعد ما تجهز.





- بالبداية ناخد قالب الميدالية ونلصقه على القاعدة البلاستيكيّة باستخدام فرد السيليكون.
- نملاً أرضيته بالسيليكون ونلصق عليه طبقة من الكريستالات،
طبعاً هذه الخطوة بدها سرعة عشان ما يجف السيليكون ، لكن بنفس الوقت انتبهوا لتحرقوا أصابعكم.
ورح تطلع عنّا متل هيك:



شكلها رح يطلع عشوائي بالبداية
لهيك بعدين لازم نملأ الفراغات والإيطار
وبعدها بنقص البلاستيكة اللي تحت
رح تصير هيك:



وبعدها بنضيف أي سلسلة من عنّا
هيك:




وممكن تضيفولها لمعة باستخدام المناكير الشّفاف
أو المناكير اللي بلمعة وممكن تضيفولها خرز أو أي شي حابينه.

ممكن قالب الأرضيّة ينعمل من السيليكون وحده
يعني ترسم الشّكل البدك ياه بالسيليكون (قلب، نجمة،..) وتضيف عليه الكريستالات
بهذه الطريقة عملت شكل القلب.. أنا قصدته قلب لكنّه طلع متل الفراولة


والنّتيجة متل الصّورة أعلى




يتبع..

[/ALIGN][/CELL][/TABLETEXT][/ALIGN]

__________________