عرض مشاركة واحدة
  #25  
قديم 07-15-2019, 11:10 PM
 
السلام عليكم ورحمة الله وبركاته
كيفك كلوديا؟!
اولا شكرا على توضيح الشخصيات
ساعدني كتير لأفهم الاحداث افضل


وااااه
ياخ هالسعيد لعب بأعصابنا غضب1
بس مبسوطة انه ما مات
وعجبني قراره بخصوص ليث انه ما ضره بس حكاله يبعد عنه
رغم انه قتل ابوه وطول الوقت كان عم يدور على قاتل ابوه اللي هو ليث! حزنت عليهم الاثنين بهالمشهد

وهاد الملثم اللي كان معهم امره غريب
وانتي بالوصف كتبتي انه مضطر يلعب اكتر من شخصية!!!
المفروض نكون عارفينهم وله جايين لهالشي بالمستقبل؟!
لأني الصراحة ما قدرت اعرف مين هو وهيك!
لكن عجبتني شخصيته

أما جيهان
واخيرا قررت تنتقم وحركتها الأولى خطيييرة جدا
يعني رح تضرب ع الوتر الحساس
وزيد عم يساندها.. جيد جيد
انا شخصيا ادعمها برحلة الانتقام هذه.. 😂
لأنه هاد اللي اسمه جاسر بده كسر راس😈
بده حد يعلمه الأدب
يعني ما بيكفي كل اللي عمله قبل الا كمان انه أقال الشرطي والطبيب
طبعا.. لانهم عم يبحثو عن قضية جيهان وتوأمها اللي فقدته يوم ولادتهم
وازا اجينا نفكر فيها.. شعود كتير صعب تتعب بالحمل وفي النهاية الاولاد يموتو.. وبحالتها هي انفقدوا بطريقة غامضة!

الأحداث كانت رهيبة جدا
وانا متشوقة للقادم

من حيث سرد ووصف كانو عاديين
بالفصل الرابع والخامس حسيت بابداع اكتر
لهيك بحكيلك تمهلي وخدي راحتك بالكتابة.

ولي نفس الملاحظة السابقة بخصوص الفجوة ما بين تصنيف الأكشن.. وما بين الدين والتزام شخصية توليب
يعني يكون عنا اكشن وقتل وخطف وفجأة في النص فيه صلاة!
مش اعتراضا على التزام الشخصية ولا على وجود الدين كعنصر اساسي في الرواية
بل لانهم مش مرتبطين بشكل منطقي
احدى الاشياء اللي ممكن تربطلنا الاحداث مع الدين هي تحديد طبيعة المكان
يعني تختاري مكان او تبتكري مكان تتلاقى فيه هدول العناصر بشكل منطقي!
خصوصا انه لهلأ ما ذكرتي شي عن المكان اللي عم تدور فيه الأحداث
يعني مرات أحس حالي باميركا ومرات بالسعودية!
فاهمة علي كيف؟!

+ فيه شغلة ما فهمتها وما بعرف الصراحة ازا لازم اكون فاهمتها او انه لسا بكير عليها
وهي القبر اللي عليه اسم سعيد!! أي سعيد تقصدي؟
نفسه سعيد اللي مع ليث بس بزمن تاني وله حد اخر
وله انتي خربطتتي بالاسم 😅
مدري الصراحة حسيت فيه حلقة مفقودة عندي

باقي الامور تمام

ممم بس بخصوص اللغة دققيها واتجنبي الأخطاء البارزة

بانوظارك مجددا

في أمان الله

__________________

رد مع اقتباس