عيون العرب - ملتقى العالم العربي - عرض مشاركة واحدة

**Mārionēttē** · #7 07-09-2019, 12:42 PM

السّلام عليكم ورحمةُ الله وبركاته
كيفك غلا؟

صراحة..
هذه الرّواية كتلة من الغرابة!!
غرابة حلوة
مش مبتذلة!

بغض النّظر عن اللي اعتبرتيها مقدِّمة
فبالنّسبة لي حتّى l1 و l2 كانوا مقدّمات
وكأنهم تعريف بسيط لطبيعة الشّخصيّات

فكرة جعل الشّخصيّات بلا أسماء واعتبارها على أنها يمين ويسار موفّقة
سبق وأن قام أحد الأعضاء بتسمية الشّخصيّات بالموجب والسّالب
وهاد بدل على إنّه المهم أكتر هو تفاعلات ومشاعر الشّخصيات وأفكارها متل ما ذكرتِ بالمقدّمة
وأنا لا أمانع ذلك أبداً

العنوان غريب
كأنّه البحر أو الشّاطء هو السّر أو هو البوّابة اللي إجو منها
لهيك السّؤال هو "متى أرى الشّاطئ"
رغم إنّه واضح إنه فيه أفكار كتيرة وسلسلة أحداث طويلة من الممكن إنها تغير هاد المفهوم

السّرد والوصف واللغة ممتازات أبدعتِ

تبقى حفنة الألغاز!!
أي مستقبل هاد اللي عم يحكو عنّه.. واللي واضح انه حاضر هاد المكان هو مستقبل الشّخصيتين الرئيسيات!!
والسّر الأكبر هو إنهم كل ما ماتوا عم يرجعو من جديد! أنا هيك فهمت
سواءاً حدن قتلهم أو هم انتحروا عم يرجعوا من جديد!!
ما بعرف إزا الشّخصيتين الرئيسيات رح يلتقوا بأحداث القصّة!!
ما عندي تخيُّل إيش ممكن يعملو لو التقوا مع بعض!!

وهاد اللي انضم للدائرة.. ليه قتل نفسه؟!
معقول عم يفكر يضل ينضم الهم ويقتل نفسه لتسقط الأقراص المعلّقة!!!!

أخخخخ يا بنت!!

حاسّة حالي غبيّة ومو فاهمة شي!

رح تابعك لأعرف ايش رح يصير بعدين

سعدت بوجودك بالقسم وبتميُّز أسلوبك

في أمان الله