الموضوع: برائتى عنوانى
عرض مشاركة واحدة
  #8  
قديم 07-17-2018, 10:41 PM
 
ذهبي



السلام عليكم ورحمة الله وبركاته،
شخبارج الكساندرا؟ عساج طيبة؟

انتي اكثر وحدة قريت كتابتاتها، سوى بقسم القصص القصير او بالانمي ،
واقدر اقول بكل فخر ان قاعدة اجوف تطور كبير لج،
ناقصج شي بسيط جدا، حاولي بس تزيدين من معجمج اللغوي،
هالشي بيعطي القارئ انطباع افضل للقصة وببنفس الوقت بيخليه يتخيل اللي قاعد يصير،
الكساندرا خيالج جدا كبير، وعندج وايد افكار ماشاءالله، بس احس العنوان حطيتيه على عجلة؟ أو ماقدرتي تحصلين عنوان ثاني؟
ماتنلامين الصراحة لانه العنوان صعب تختارينه، دايما حاولي تخلينه اخر شي تسوينه،
بعد ماتراجعين قصتج وتتأكدين منها، حطي كتبي اي كلمة تخطر في بالج عن القصة،
لاتكتبين كلمتين او ثلاث، لا كتبي اكبر عدد ممكن من الكلمات، ولاتتعجلين. خذي راحتج.
لما تخلصين، حاولي تركبين جم كلمة مع بعض وجوفي شنو بيطلع لج، او دوري عن الكلمة اللي تحسينها تلخص
فكرة قصتج باختصار.
لاحظت انج ماتستعملين النقطة لما تنتهين من الجمل ، على الاغلب نسيتيها؟
مابعلق على الاخطاء الاملائية لانه معظم ردودي فيها اخطاء املائية ،
انتبهي للألف الفارقة، اللي تلازم واو الجماعة "لو...استمعو ففط" : استمعوا
والهمزات بعد، لانه في القراءة تسوي فرق كبيير، وتساعد القارئ يفرق بين بعض الكلمات، نفس : اجبر، ابت.
في شي لفتني هنا " قد تناسق مع طول ظهرها"، الافضل "قد تناسق مع طولها الفارع"
انك تقارنين طولها بطول شعرها، بشكل غير مباشر. بدل طول ظهرها، لانه الطول مايشمل الظهر بس.


بالنسبة للنهاية، كنت افضل لو ان الامير وصل متأخر وتم اعدامها بما اني اميل للتراجيديا <تجاهليني
يعطيج العافية يالجميلة، وانا واثقة انه في مجال لك اكبر للتطور، وبنفس الوقت فخورة فيج

التعديل الأخير تم بواسطة فاطِمةة الزَهرَاء ; 07-18-2018 الساعة 01:01 AM
رد مع اقتباس