|
البيارات الثاني من رواايه احتاججلك اذا ضضيق الوقت صصدري .. !
$$
قبل لا يطلعو من البيت
سعود: أمي ليش خالتي عازمتنا اليوم
ام سعود: والله انت تعرف خالتك ماتحب نغيب عنها اكثر من اسبوع تحب الجمعه
ريم: يخليها لنا انشاء الله هيا وبنتها نوف
ليان: وولدها ريآن
سعود: بنت .. اتركي الولد لحاله
ريم: هذا الي ناقص حب صغآ
أم سعود: ياقلبي على بنتي تسأل على ولد خالتها
ابو سعود: خلوها آيش فيها لو تسأل عليه عآآدي
سعود بإستهبال: لآلآ عييييب ما يصير
ليآن: ثعود انت تثكت وما تتكلم
سعود: انا صرت مسخرة عند العيلة
الكل يضحك
ولما وصلو لبيت خالتهم رنا
نوف: هلا والله نورتو البيت اصلا جدة كلها منورة
نوف بنت خالة ريم وتصير لريم اكثر من اخت عمرها 19باولى جامعة شخصيه مرحه تحب التجمعات
تحب اهلها وبالأخص ريم
شخصيه نوف شخصيه رايقه وتحب كل شي رايق
كل الي تبغاه الدشرة والفلة .. مررة نعومة وما تحب العفاشة
ملامحها ناعمه ورايقه عيونها عسليه شعرها ناعم وكثيف ولونه بني
ريم: ياعمري انتي النور نورك.. كيفك؟
نوف:انا تمام انتي كيفك ؟وكيفك خالة رانيا؟
الخالة:انا بخير الله يسلمك .. فين رنا ؟
نوف : ماما في المطبخ دحين اناديها انتو تفضلو
الخالة رنا:اهلا اهلا
الخالة رانيا ام ريم: اهلا بيكي
رنا:كيفكم؟
ريم والأم: تمام الحمد لله
الخالةرنا: والله مابغينا نشوفكم اسبوع ولا تسألو
ريم:والله ياخالتي انا ما دخلني عندك ماما
الخالة رانيا ام ريم:إيوآ أرميها عليا
الكل يضحك
نوف: ريم تعالي شوية ابغاكي
الخالةرنا: ماكملتو دقيقة طيب اجلسو شوية
نوف : يوووو ياماما في اشياء كثير ماقلتها لريم وتاخذ وقت
ريم: لالالا مادام الشغلة كذآ بسرعة يلا
الخالة رانيا:عاد انتو ماتصدقو تتقابلو
في غرفة نوف
نوف:وآآي ريم فآآآتك
ريم: خييير آيش صآير؟
نوف وهي ماسكة راسها ورمت حالها على ريم: يجنن ياريم يجنن
ريم: مين ؟؟
نوف:بدر
ريم: بدر مين؟
نوف: اسمعي
ماني على كثر المشاغل
بنساكم؟؟؟
صدقوني ما انسى من تودهم
عيوني ....
اظما لشوفتكم واتسلى بطاريكم....
واروي عروقي من مطر ذكرياتكم....
البآرح كنت في روشان مول مع البنات
وانا مآشية دقني في كتفي بقوة من غير قصد وطآح جوآلي نزلت اجيبة طبعا بعد ما تفشفش
نزل معايا طالع بعيني وطالعت بعينه وآآآآآه يجنن ياريم
}س}سحرني بالعيون السود عيون سود جتاله
ريم: آها وبعدين؟
نوف وهي طايرة من الفرح وتدور بالغرفة:بعد ماخرب جوالي جلس يعتذر ويتأسف
وبعدين اشترالي جوال جديد
ريم: إيوآ قولي كذآ انو الجوال هو الي عاجبك في الموضوع
نوف بدلع: رييييييييم انا كلمك على بدر مو الجوال
ريم: وآيش الي يخليكي متأكدة انو ماكان قاصد روميو الضربة الي ضربك هيا
نوف: لا مو قاصدها اكيد مو قاصدها .. احساسي يقول
ريم بأستهزآء: لا والله ياقلبي عليكي
نوف بجديّة: بس ياريم وربي سكن قلبي مافارق بالي بس اتمنى اشوفة تاني
ريم: وانتي آيش درآك بإسمه بالله
نوف: تخيلي بعد ما انكسر جوالي ومشيت راح جاب جوال ثاني ولحقني
واجبرني اني آخذه وكان مكتوب على كرتون الجوال
آنآ آسف على الي صآر بس صدقيني يآحلوة ماكان قصدي
وعشان اثبت لك هذى لك
بـــدر
نوف: آآآآآآه ولا ادري فين ارضه
ريم: تلقيه وآحد من هذولة الشباب الي يلعبو وبتغزلو بالبنات
نوف: صدقيني لا مو مو كذآ
ريم: وآيش الي يخليكي متأكده؟
نوف: لو كان زي ماقلتي كان على الأقل انه كتب رقم جوالة او ايميله على الكرتون زي ما كتب اسمه
هذا لوكان قصده التعارف
ريم: ممكن
نوف وهي حاضنه كرتون الجوالك آآآآآه لو اشوفك تاني
خلينا من بدر انتي آيش عندك حاسة انه عندك شي صح؟
ريم: هآ.. لالا مافي شي عادي كل شي تمام
نوف: ريم.. مشكلتك انك ماتعرفي تكذبي
ريم اتذكرت الحلم
ريم بحزن وبألم: آآآه يانوف لو تدري عن حالتي
نوف: ريم آيش فيك؟
ريم وهي تندمع قالت لنوف الحلم وانه اتحقق بدايته
نوف وهي تحضن ريم: ريم حبيبتي انتي تتوهمي
ريم بصرآآخ: بس .خلآآص .. كلكم تقولولي تتوهمي كل ما قلت لأحد يقولي تتوهمي
انا ما اتوهم هذي حقيقة
نوف: ريم وطّي صوتك لا يسمعونا
ريم.. لا تخاذي على هذا الحلم
اعتبريه حلم عادي وراح تنسيه
ريم:ياريت اقدر نوف الله يخليكي غيري الموضوع
نوف: من عيوني .. خلاص اوكي
ريم:ماعندك شي تحطينه.. ولا اقول شغلي الجهاز خليني ادخل مسن
نوف: اوكي
دخلت ريم ع الماسنجر ولقت ميرا متصلة
ريم: نوف ميرا موجوده
نوف: ياعمري وحشتني الدووبة كلميها كلميها
،،الدنيا حلوآ وآحلى مافيها ,,أحساس الحب مع فارس آحلامي,,
ميرو حبيبي وحشتيني يادوبة
تفداكـ’’الروحـ’’ياروحـ,,الروحـ,,؟
ميمو ياعمري وانتي اكثر
نوف: دحين عشان اليوم خميس وما شفتو بعض وحشتيني وانتي آكثر
ريم: اقول اسكتي
،،الدنيا حلوآ وآحلى مافيها ,,أحساس الحب مع فارس آحلامي,,
ميراتخيلي انا عند مين
تفداكـ’’الروحـ’’ياروحـ,,الروحـ,,؟
مممممممممممممممممم
اكيد عند خالتك رنا مالك غيرها بجده كلها
،،الدنيا حلوآ وآحلى مافيها ,,أحساس الحب مع فارس آحلامي,,
آها ونوف جمبي كمان
تفداكـ’’الروحـ’’ياروحـ,,الروحـ,,؟
ياعمري مآآآآآآآآآآآآرة وحشتيني
نوف: خليني اكلمها
الدنيا حلوآ وآحلى مافيها ,,أحساس الحب مع فارس آحلامي,,
ميرامعك نوف
تفداكـ’’الروحـ’’ياروحـ,,الروحـ,,؟
هلا نونآ كيفك؟
،،الدنيا حلوآ وآحلى مافيها ,,أحساس الحب مع فارس آحلامي,,
بخير الله يسلمك انتي كيفك؟
تفداكـ’’الروحـ’’ياروحـ,,الروحـ,,؟
انا تمام حياتي
فااتك موقف ياعسل لازم تعرفيه
تفداكـ’’الروحـ’’ياروحـ,,الروحـ,,؟
ايش؟
،،الدنيا حلوآ وآحلى مافيها ,,أحساس الحب مع فارس آحلامي,,
لا لما تجيني اقولك ماينفع هنا ع المسن
في الصآلة
رنا: رانيا احس فيكي شي انتي مو طبيعية
رآنيا: ريم يارنا ريم
رنا:آيش فيهآ ريم
رانيآ: قبل كم يوم طاحت علينا ووديناها المستشفى
رنا: يالله! وخيير آيش طلع
وقالت لها كل الي صار
رنا: طيب ما حاولتي تعرفي ايش الي شاغلها؟
رانيا: لا والله
تدخل ريم ونوف:هاي
الخالات:اعوذ بالله من هاي هذي
ريم ونوف يطالعو في بعض ويضحكو
ريم:انتو الحريم كذا ماتحبو التطورات
رانيا ام سعود تضرب ريم على كتفها:لا والله
رنا:خليناهالجيلكم حبيبتي
نوف:انتو موقدها ماتنفع لكم مره ماتليق
ريم ونوف يضحكو
ريم: تصدقو مشتاقه لمين؟
الكل:مين
ريم:رولآ ياحياتي والله زمان عنها
نوف:من جد لها كم يوم لا حس ولا خبر
الخاله رانيا:كلمتني قبل يومين ونسيت اقولكم تسلم عليكم
الخاله رنا: والله حتى انا كلمتني ونسيت اقولكم
ريم: ماما وخاله صارو عجايز مابقى الا ينسو انهم خلفونا
الكل يضحك
في مجلس الرجال
ابومازن: ها ايش رايك يابو سعود لو نروح الأربعاء الجاية المدينه؟
ابو مازن ابو نوف وزوج رنا 35 سنة رجل اعمال
ابو سعود: والله فكرة حلوة ولي عنها فترة مانروحها
سعود يكلم نفسه: يافكارك يابو مازن دحين انا اعرف كيف اطلع وارجع برآحتي
مآزن يأشر على سعود: هيييي يابو الشبآب فين رحت؟
[[ مازن 23سنه مدير احد شركات ابوه ينتظر بنت الحلال الي تناسبة انسان نظامي
يحب عمله يعشق الصيد ويحب كل شي يكون بوقته انسان جآد ما يحب اللعب
جذاب لأبعد حد نظرته ذباحه ولسانه عسل ]]
سعود:هآ.. لا بس كنت ..
مآزن: تجنن وانت تربط بالكلام ومو عارف ايش تقول اقول تعال بس
سعود:على فين؟
مآزن:انت تعال وبس
سعود:اوكي
في غرفة نوف
ريم: نوف ..؟
نوف:هلا
ريم: نوف تصدقي ان هذا الي شفته بالحلم كان انسان غريب
نوف بإبتسامة: غريب.! غريب من آي نوع
ريم: نووووف انا اتكلم من جد
نوف: وانا كمان اتكلم من جد كيف يعني غريب؟
(طبيعي لو يحسدوني
وعادي لو يعذلوني
تدري ليه غيرتهم
لأنك ماخذ عيوني)
ريم بعد لحظة صمت: مآدري بس احس.. احس فيه شي..يعني
نوف بنظرة جآدة: ريييم آيش بتقولي بالظبط؟
ريم:بصرآحة لو افضل من هاللحظة لأخر لحظة بحياتي بقول ان بحيآتي ماشفت ولا بشوف في حلاته صدقيني مايكفي...نوف..نوف عيونو ذبآآآآآآحة...نوف لما ابتسم حسيت وقتها اني من جد بحلم مو حقيقية
ولما قالي...؟!
وقفت ريم وراحت قدام المرآيآ واسنتشقت ولما قالي احبك
حسيت اني بطير
نوف: انا الي بطير.. انتي بتجننيني
ريم وهي تحضن المخدة وبكل برود: ليش؟
نوف:حسستيني انه فلم هندي
ريم: وجــع
نوف: ههههههه لا من جد كنك تتكلمي على واحد شفتيه حقيقة
ريم: صدقيني لو شفتيه بتنطقي مكانك ولا عاد تتحركي
نوف: لهذي الدرجة
ريم تهز راسها وتبتسم
برآ البيت
مآزن: طلعت في راسي فكرة ولا احلى
سعود: خييير يامقرف افكارك
مآزن: كذآ.. هذآ وانا افكر آخذك معايآ طيب
سعود:ههههههه لا والله ماقصد كنت امزح
مآزن:رحلة صيد .. نطلع لنش
سعود: يأفكارك طالع لأبوك وربي شي جنان
مآزن: خلاص قول لكل الشباب يجهزو نفسهم للرحلة وكل شي عليا
يرن جوال مآزن: مرحبآ
ام مازن: يآولد فينك انت وسعود هذا وقته تطلعو يلا يابابا العشا
مآزن: لا حووول امي طيب خليني اتكلم ماشاء الله عليكي سألتي وعاتبتي
وهزأتي وقلتي يلا كمان وانا ما تكلمت
ام مازن:هههههههه يلا يلا بس
سعود: هذولة الحريم كذا
مازن: إيوآ والله يلا بس خلينا نرجع لا يروحو ينفجرو علينا
على العشآ
الكل جالس على الطاوله
ريم: ماما فين ليان؟
ام سعود: البنت فين؟
نوف: حتى ريآن مو موجود
ام سعود:وفين راحو؟
سعود: هع روميو وجلييت
ريم : سعود ايش تقصد؟
مآزن: معقول مافي احد عارف.. الإثنين مو موجودين والإثنين يستلطفو بعض
ما يحتاج اشرح
ريم: اهآآآآ .. قصدك تقول عايشين جو رومنسي مع بعض
الكل يضحك
ريم ونوف: خلينا نروح نشوفهم فين
سعود يطالع في مازن:تفكر في الي انا افكر فيه؟
مآزن يهز راسه يعني ايوا
وقامو سعود ومازن ورآ ريم ونوف يدورو ليان وريان
ولقوهم بالحوش الخلفي للفيلا جالسين على المرجيحة ويتكلمو
ريم تغني: وعلشان احنا مع بعضينا ولأول مرة لوحدينا
نوف:يانعيش مع بعض حبيبي يا نموت احنا الإتنين
ريم ونوف :هههههههههههه
سعود:عنتر وعبلة
مآزن: توم وجيري
ريم ونوف وسعود ومازن ههههههههههههه
ليآن وقفت وشقهت: ثعوود
ريآن بخوف: والله هيا الي جات انا ماقلت لها
ليآن عشان تبرر نفسهآ مسكت قلبهآ: آه قلبي بموووت
الكل يضحك
سعود: يلا انت وهيا العشا
وبعد ما انتهت الليله وعيلة ابو سعود رجعو لبيتهم
في الصبآح في جامعة ريم
في البريك
ريم:ميرا
ميرا: هلا
ريم: نفسي آحب واتحب
ميرا بإبتسامة: ياعيني
ريم: طول عمري احلم بفارس احلآمي وانه يكون افضل رجل بالعالم
صاحب قلب حنون ويغنيني عن العالم
ويكون رومنسي صاحب جو
يحسسني بإني مالكة الدنيا ومافيها
وأحس وانا معاه كني في السما مو على الأرض
يسكني عالمه
ويذوقني طعم الحب
واحس الوقت معاه يجري
ويسمعني احلى كلام
يعوضني عن كل يوم عشته بدونه
ويصير هوآ كل حياتي وعمري وروحي
ولو غاب عني احس الدنيا ما تسوى اعيشها لحظة
والأهم من كل الي قلته
انه يحبني
واكون اغلى من عيونه
واصير انا دنيتة
لو غبت عنه مايسوى يعيش بدوني
يعشقني .يعشقني عشق جنون
ميرا: رييييييييييم اصحي شكللك لسة نايمة وبتحلمي
ريم:وهوآ الحب صآر حلم
ميرا : انا ما اقصد الحب ..انا اقصد القصيدة الي كتبتيها
ريم بدلع: مييييييييييرا اذا ماقلت لك على الي بخاطري اقول لمين؟
ميرا:ياحياتي انتي.. ومين فينا ما تبغى تحب وتتحب ..آآآآآه من الحب
في بيت أبو مآزن
ابو مآزن: ها رنا فكرتي في الموضوع
رنآ أم مآزن: آي موضوع
ابو مازن: سفرتنا على المدينه الأربعاء
أم مازن: إيوآ خلآص كلمت رانيا وقلت لها
ابو مازن: اجل خلاص جهزو نفسكم الأربعآء
أم مآزن: بس تعآل
ابو مازن: هلا
ام مازن:مآزن مو جآي معانا
ابو مازن: ليش؟ مو عادته؟
ام مازن:عشان سعود كمان مو جآي وبيجلس معاه مازن
ابو مازن: يصير خير
ام مازن: إيوآ ونوف كمآن مو جاية
ابو سعود: يعني انا وانتي لوحدنا بنروح
ام مازن: لا معنا ريآن
ابو مازن يبتسم: وآكيد السنيورة بنتي مو رآيحة عشان السندريلا ريم مو رآيحة
ام مآزن تبتسم: عرفتها وهي طايرة
ابو مآزن : يصير خير
ويطلع ابو مازن لغرفته يرتاح
مآزن يدخل: مسآ الغلا والحلآ ويآهلا
مسآ معطر بالجوري
لأحلى روري
ام مازن تضربه على يده: ولد كم مرة قلت لك انا امك يعني لا تقولي روري
مآزن: امي ادلعك مافيها شي.. اقول امي قلتي بأيويآ على يوم الأربعآء
أم مآزن: إيوآ ومآقآل شي
مآزن يكلم نفسه: آجل خلآص اجهز اللّنش
ام مآزن: نعم نعم آي لنش
مآزن يضرب راسه: أوه سمعتني
أمي لا مو لنش انا اقول نفسي في لنشن
ام مازن: تكذب عليا لنشن هآ
مآزن حابس الضحكه: جوعان أمي
ماعندكم غدآ
ام مآزن: غير الموضوع غيره
مآزن يضحك
في غرفة نوف
يرن تلفون نوف المتصل ريم
نوف:يآعمري انتي فديتك
ريم: كيفك يآدووبة؟
نوف: تمآم يالرشيقة
ريم بضحكة بآردة: غصبآ عنك
اقول عندي لك طلعة يوم الخميس
بس قبل يوم الخميس يوم الأربعاء انا وانتي بنروح لميرا في بيتها
نوف: اقول انتي رتبتي طلعاتك وما شاورتي اهلك اعرفك تقوليلي وتوهميني وبالآخر ما يوافقو
ريم: انتي اسمعي اول .. اكمل طيب
نوف: اتفضلي ياسمو الأميرة آسفة ع المقاطعة
ريم: سمو الأميرة ريم فكرت بانكم انتي وميرا
تتكرمو تجو توصلوها اقصد تجو معاها يعني لردسي مول
نوف: أمرك مولآتي
ريم: احضري العبيد لجلب الشنط
نوف: آي شنط انتي كمان؟
ريم: مدري بس جات على بالي كذآ
نوف: والله انك خرفتي
ريم ونوف :ههههههههههه
يدق بآب غرفة نوف
نوف: ريم لحظة اشوف مين على الباب
ريم: لحظآت ياحلوة
نوف: ميييييييييين؟؟ . ما يحتآج هذي دقة مآزن
مآزن: اكيد بتكلمي ريم ولا ماكان طولتي في فتح الباب
نوف وهي تفتح الباب: إيوآ وإيش عندك؟
مآزن: لا ماعندي شي بس حبيت ازعجك
نوف: من جد مليغ
مآزن يتلفت حوله: نوف آيش يعني مليغ؟
نوف: وكمان ما تعرف عشتو
مآزن : اقول .. انا جاي اقولك أبويآ وافق على جلستنا
نوف بفرح: من جد "وضمته"خليني اقول لريم
نوف: ريم بابا وآفق إني اجلس ومااروح معاهم للمدينه
ريم: طيب شي حلو
مآزن: اقول اختي العزيزة
نوف: اوووف . خييير آيش تبآ؟
مآزن: سلميلي على ريم
نوف: وانت إشلك بيها؟
مآزن يبتسم: بنت خالتي وبسلم عليها
نوف: اها خلاص روح وخذ الباب ورآك
مآزن: اوووف طردة مآشي مآشي
نوف: إيوآ أمشي
ريم: شكله اخوك فاقع مرارتك
نوف:وكبدي وبنكرياسي وكل شي فيني
يوووه ياربي على طول ينرفزني
ريم بضحكة: المهم خبري اهلك على الطلعة وانا بخبرهم وبعدين اعطيني رنه
نوف: خلاص اوكي
ريم: بايو عمري
نوف: بآيآت
في بيت ميرا
ميرا بصرآخ: آآآآآآآآآآآآآآآآآآآآآآآآآآآ
مامي مامي الحقيني
آآآآآآآآآآآآآآآآآآآآآآ
أم ميرا: ميرا آيش فيكي؟
ميرا:مآآآآآمي
أم ميرا: حسيبآ الله على ابليسك أدورك من مكان لمكان انتي فين؟
ميرا: انا هنآ
مروآن: ههههههههههههههه الله يرجك
مروآن توأم ميرا انسان مرجووووج خفيف الدم يحب البنات زي عيونه مغزلجي درجة اولى يدرس هندسة
ام ميرا: شكلها بالمطبخ
مروآن: تعالي أمي
ام ميرا تدور: ولا بالمطبخ
ميرا: الا مامي انا بالمطبخ
ام ميرا ومروآن يتلفتو مالقو احد:بسم الله الرحمن الرحين
ميرا: مامي ميمو انا فوق الثلآجه
مروآن : هههههههههههههههه كنك قرد
ميرا: ميمو انا مو نآقصتك
ام ميرا: آيش الي مطلعك فوق؟
ميرا: مامي فآر يآمامي
مروآن وهو يحاول يشرد: ألحق نفسك
أم مروآن: مروآن فين رآيح؟
مروآن.. هآ لا بس ادور الفآر .. ماكنت اشرد لا
ميرا والدموع بعيونهآ: ميمو اقتله
مروآن بفجعة: آنآ ..طيب ليش انا احبك يآميرا انا اخوك
ميرا: مامي انتي مخلفة وآحد جبآن
أم ميرا: لا عاد انتي يالشجاعة ...ابعرف انا لي 5 سنين بهالبيت ما شفت فار وآحد من فين طلع لنا؟
مروآن: امي لا يكون صرصآر وتحسبة فآر
ميرا: إيوآ إيوآ صرصآر انا لخبطت من الخوف
ام ميرا: حسبيآ الله على ابليسك احسب فيك شي وانا اجري البيت كله ادورك
يامفترية انا فوق بغرفتي سمعت صريخك
ميرا: طيب انا ابغى انزل
مروآن: بالله انتي كيف طلعتي؟
ميرا: والله مدري مع الفجعة نقزت بس كيف مدري
ام ميرا ومروان: هههههههههههههه
وشوية يطلع الصرصآر تحت مروآن
مروآن :ياويلي .. خليني الحق نفسي واشرد"ويطلع"
الأم: لآآآ آنامخلفة توم جبنآ
ميرا: مامي انا مالي شغل اقتليه ولا انا مو نازلة لو هذا ما انقتل
ام ميرا: فآر هآ ... جبآنه وكمان حوله
الساعة4 العصر
يرن تلفون نوف المتصل ميرا
ميرا: مسآ النووور
نوف: مسآ النوور ميرو هلا كيفك؟
ميرا :تمام. اسمعي دقايق وتكوني جاهزة بمر عليكي انتي وريم نروح لستار بكس
نوف: خير ليش؟
ميرا: ياسلآم يعني لما اكون عازمتكم يكون فيه شي
نوف: هههههههه لا ما اقصد كذآ .. خلآص انشآء الله
خلاص الساعة 5 بمر وآخذكم
الساعة5
في بيت ابو سعود
ريم لآبسة وكآشخة راميه الطرحه على راسها بدون ماتلفها
وهي جالسة بالصالة تستنى ميرا
سعود بإستغرآب: خير على فين؟
ريم: ميرآ بتمر تآخذني ..عآزمتني
سعودشق الإبتسامه:على فين؟
ريم: ستآر بكس
سعود: آهآ
سعود اول مادرى ان ميرا بتجي حس قلبه بيوقف
يرن الجرس
رآحت ريم تفتح البآب
سعود: على فين انا الي افتح؟
ريم: بس هذي ميرآ
سعود: وإذا يعني.. انا الي افتح
سعود كان قاصد انه يفتح البآب عشان يشوف ميرآ
سعود بأبتسامه طيحت قلب ميرا: هلا والله
ميرآ اول ماشافت سعود موعارفة آيش تقول حست انها نست كل الحروف
سعود بصوته الساحر: شخبآرك... ميرآ
ميرآ تكلم نفسهآ: اول مرة ادري ان اسمي حلو
سعود: ميرآآ انتي هنآ ولا فين رحتي؟
ميرآ: معآك معاك انا تمآم وانت؟
سعود كان بنفسه يقول: انا بخير من اول ماشفتك
سعود: بخير الله يسلمك
ميرآ: ممكن تقول لريم تجي
سعود قال في نفسه عشان ما تروح بدخلها البيت
سعود: وليش انا ديها ادخلي انتي ناديها
ميرآ تبتسم: اوكي
ميرآ: سعود فين ريم؟
سعود : الو مرة اسمع اسمي بدلع
ميرآ: نعم
سعود بإرتباك: أ أ ريم بالصالة .. تعالي
ميرآ: سلآم ياقمر
ريم: اهلين
ميرآ: يلاجاهزة
ريم: جاهزة
سعود: خلوكم شوية
ريم: سعووود وبعدين
سعود:خلاص برآحتكم
ميرآ: اخوك هذآ مو طبيعي
ريم: اتجنن بعيد عنك.. عسى ما سوآلك شي
ميرآ: هآ لالا آيش بيسوي يعني
ريم: يعني كذآ ولا كذآ .. ويمكن في شي بينكم
ميرآ كآن نفسها تقول لريم:
مو اي شي ياريم حبي لسعود كبير ليته دآري عن حالي
ميرآ: لا ما في شي وغيري الموضوع
وبعد ربع ساعة
في بيت ابومازن وغرفة نوف بالتحديد
يرن تلفون نوف
ريم: نوف يلا حبيبي احنا برآ
خلآص اوكي ثوآني ونآزله
في السيآرة
ريم: بنآت شو رآيكم لو اتصل في رولا واقولها تجي معانا يوم الخميس
نوف: يآعمري عليها تصدقي وحشتني .. بليييز قوليلها
ميرآ: ياحياتي آيش مسوية مع اخوآنها اكيد جننوها زي كل مرة
ريم: ياقلبي عليها البيت كلو فوق راسها
ريم بحزن: خآلتي الله يرحمها وصتها على كل اخوآنها
نوف: طيب ليش تقلبي الموآجع؟
ميرآ: بليييز ريم لا تبكي ترآ مالي خلق اراضي احد
ريم بإبتسامة حزن: سوري نكدت عليكم بس افتكرت خالتي
نوف: الله يرحمها
ميرآ: يلا بسرعة اتصلي عليها وقوليلها
ريم تمسك الجوآل تدق على رولآ
ريم: مسآآآآآك سووووكر يآسوكرآ
رولآ: مسآك شيرآه
[[ رولا 20 سننه 3 جآمعة انسآنة مرجووووجة بمعنى الكلمة .. بيتها كل همها تقدم لها اكثر من مرة وترفض لسبب اخوانها ما تقدر تتركهم
امهآ وأبوها متوفين في حآدث من عمرها 14 سنه ولأنها اعقل اخوآنها وصوها عليهم وصارت تتحمل المسؤولية من صغرها
رولا طبيعه ملامحها رايقه كل شي فيها صغير بشرتها فاتحه ولون عيونها عسلي
شعرها مايل للذهبي ومموج بطبيعته ]]
ريم: قبل كل شي قولي موافقة
رولا: اكيييييد طلعه اعرفك يالدآشرة
ريم تضحك: صح.. بس قولي موافقة
رولآ: طيب فين ومتى عشان اشوف اخوآني وارتب اموري
ريم: على ردسي يوم الخميس انا وانتي وميرآ ونوف.. خلاص اوكي؟؟
رولآ: مادري بس
ريم قاطعت رولا: طيب شي حلو خلاص على موعدنا يوم الخميس يلا باي
رولآ: هيييييييييييييييي انتي ايش فيكي انجنيتي ولا انجنيتي
ريم: انجنيت بس الأولى هههههههههههههه
رولآ بدلع: انا اصلا ما اروح مع...وسكتت وتضحك
ريم: هآآآآآ مع مين قولي قولي .. لولو لا تخليني اجيك دحين واوريك الي ما شفتيه
رولآ بضحك: وليش تجيني ياعمري من سماعة الجوال انا بدخل ايدي وبيجيك ذآك الكف
ريم بدلع: آآآي عورتيني
الكل يضحك
رولآ: خلاص انشآء الله اضبط اموري واقول لماهر واكلمك
ريم: خلاص اوكي باي
رولآ: بايات ياعسلز
هل اهل ريم بيعيشو او بيتحقق حلمها؟؟
وايش بيصير يوم الخميس للبنات؟؟
رآح تكتشفو آشيآء جديده في البارت الثالث ..
|